#ijod_maktabi
#qabul_2024
#1_iyundan_20_iyungacha

📣📣📣📣📣

❗️IJOD MAKTABLARI 2024/2025-OʻQUV YILI UCHUN QABUL EʼLON QILADI!

⚡️ Ixtisoslashtirilgan taʼlim muassasalari agentligi tizimidagi Ijod maktablariga 2024/2025-o‘quv yili uchun hujjatlar qabuli 1-iyundan – 20-iyunga qadar ONLAYN shaklda ariza.piima.uz sayti orqali amalga oshiriladi.

❓Ijod maktablariga qanday hujjatlar talab etiladi?
🗂Talabgorning:
➖Oʻquvchilarning tegishli oʻquv yili natijasiga koʻra baholar tabelining nusxasi;
➖ tugʻilganlik toʻgʻrisidagi guvohnomasi;
➖ fotosurati (oxirgi 2 oyda olingan);
➖ ota-onasi yoki uning o‘rnini bosuvchi shaxsning pasport ma’lumotlari va telefon raqamlari (doimiy ishlab turgan telefon raqamlari) aniq va bexato kiritilishi lozim.

❓Ijod maktablariga nechanchi sinflarga qabul qilinadi?
➖ Ijod maktablariga 6-sinfni tugatgan oʻquvchilar 7-sinfga qabul qilinadi.

📍IJOD MAKTABLARI:
🕊 Abdulla Qodiriy nomidagi ijod maktabi
🕊 Abdulla Oripov nomidagi ijod maktabi
🕊 Is’hoqxon Ibrat nomidagi ijod maktabi
🕊 Ibroyim Yusupov nomidagi ijod maktabi
🕊 Muhammad Yusuf nomidagi ijod maktabi
🕊 Ogahiy nomidagi ijod maktabi
🕊 Erkin Vohidov nomidagi ijod maktabi
🕊 Hamid Olimjon va Zulfiya nomidagi ijod maktabi
🕊 Halima Xudoyberdiyeva nomidagi ijod maktabi

📺 Maktablarga onlayn ariza topshirish bo‘yicha video-qoʻllanma.

☎️ Call-markaz: 1206

Telegram | Facebook | Instagram | YouTube | Portal

#Kun_hikmati

📚Bilim bilan saodat yo‘li ochiladi, shunga ko‘ra, ilmli bo‘l, baxt yo‘lini izla.

✍️AHMAD YUGNAKIY

📍Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram

❗️SHOSHILING!

2024-2025 o‘quv yilida _Abdulla Oripov   nomidagi ijod maktabiga 7 va 10- sinflariga ijodiy imtihonlar hamda  test sinovlari asosida  o'quvchilar  qabuli uchun hujjatlar qabul qilinmoqda!

✅Ijod maktabida o‘qish istagini bildirgan o‘quvchilar quyidagi hujjatlarni joriy yilning 1-iyundan 20-iyungacha ariza.piima.uz sayti orqali topshirishlari shart:

- o‘quvchilarning oxirgi 2 oy davomida tushgan fotosurati;
- o‘quvchilarning tug‘ilganlik haqida guvohnomasi va ularning ota-onasi (qonuniy vakili) pasporti ma’lumotlari, bog‘lanish uchun telefon raqamlari.
- hujjat topshirish jarayonida o‘quvchilarning ota-onasi (qonuniy vakili) imtihon shartlari to‘g‘risida onlayn ofertani tasdiqlashlari lozim bo‘ladi.

✅Kirish imtihonlari quyidagi tartibda uch bosqichda o‘tkaziladi:
-  birinchi bosqich — ijodiy matn yaratish;
-  ikkinchi bosqich — ijodiy suhbat;
-  uchinchi bosqich — ona-tili va adabiyoti (20 ta test), ingliz tili (15 ta test) fanlaridan hamda intellektual qobiliyat darajasi bo‘yicha (15 ta test) jami 50 ta topshiriqdan iborat test sinovlari shaklida o‘tkaziladi.

❇️Ijod maktabining kirish imtihonlaridan o‘tgan o‘quvchilar to‘liq bepul ta’lim olishadi.
O‘quvchilar uchun maktabda quyidagi sharoitlar yaratilgan:

- zamonaviy yotoqxona bilan ta’minlanadi;
- ijod maktablari yotoqxonasida qoladigan o‘quvchilar 1 kunda 5 mahal bepul ovqatlanishadi;
- darsdan so‘ng bepul to‘garak mashg‘ulotlariga jalb qilinadi;
- turli xil sport turlari bilan shug‘ullanishadi;
- o‘quvchilarga sun’iy intellekt, robototexnika, IELTS, TOEFL , shuningdek, milliy sertifikatlarni qo'lga kiritish bo‘yicha qo‘shimcha kurslar tashkil etiladi.

❗️Imtihon sanasi, vaqti va joyi haqida hujjat topshirganda kiritilgan telefon raqamiga sms tarzida xabar yuboriladi.
❗️O‘quvchilar imtihonga o‘z shaxsini tasdiqlovchi hujjatning (guvohnoma) asli va imtihon ruxsatnomasi bilan kelishi lozim.

❗️Imtihon ruxsatnomasi imtihon boshlanishidan kamida 3 kun oldin o‘quvchining shaxsiy kabinetiga yuboriladi.

📍Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram

#Ижодий_тўгарак_фаолиятидан

🔰Abdulla Oripov nomidagi ijod maktabida asosiy dars mashg'ulotlaridan so'ng o'quvchilarni zamonaviy kasblarga yo'naltiradigan, ularning iste'dodlarini yanada rivojlantirishga xizmat qiladigan to'garaklar faoliyat yuritadi.

📚Temirpo'lat Tillayev rahbarligidagi "Ijodiy to'garak" ham ana shunday to'garaklardan biri. O'quvchi-yoshlar to'garak faoliyati davomida she'riy mashqlar yozish bilan birga adabiyotda "og'ir karvon" deya ta'riflanadigan nasrda ham ilk qadamlarini dadil tashlashmoqda.

✔️E'tiboringizga, ushbu to'garak a'zosi, ijod maktabining 8-sinf o'quvchisi Guljahon Sadinovaning kichik hajmdagi hikoyasini taqdim etamiz⤵️
2023-2024-o'quv yilidagi ushbu to'garakning eng yaxshi sara namunalarini taqdim etib boramiz!

RO‘MOLCHA

Yana o‘g‘rilarning ishi o‘ngidan keldi. O‘g‘riboshi Ro‘zimurod otasi o‘tib qolgandan buyon shu yo‘l bilan tirikchilik qiladi.

Yaqinda ijaradan chiqib yangi uy olishadi. Sharofat xola o‘glining bu hunarini haligacha bilmaydi. O‘g‘lim halol ishlab pul topyapti, deb sevinchi ichiga sig‘may yuradi boyaqish. Ro‘zimurodning xayolida barcha yumushlarimni bitirib olsam, uylangach, shu qilig‘imni tashlayman, degan o‘y yuradi.

Shu safar rosa omadlari kelib, o‘ziga yetar boynikiga o‘g‘rilikka tushishdi. O‘g‘irlangan pulni to‘rtovlon bo‘lib olishdi. Ro‘zimurodning og‘zi qulog‘ida… Qaytishda onasiga sovg‘a-salomlarga qo‘shib ro‘molcha oldi. Ro‘molchaning bir chetiga qiyaroq qilib “o‘g‘lingizdan” deb yozilgan yozuvi ham bor.

Darvoza taqillashi bilan Sharofat xola o‘g‘lining kelganini sezib, darvozani ochdi. Ro‘zimurod qo‘lidagi ro‘molchani onasiga uzatdi. Ona o‘g‘li keltirgan ro‘molchani ko‘zlariga surtdi. Eri rahmatli juda qattiqqo‘l bo‘lganligi bois uning ko‘ngli bilan aslo hisoblashmasdi. Shu xonadonga kelin bo‘lib kelibdiki, umrida ilk bor tuhfa olayotgani uchunmi, beixtiyor ko‘zidan tirqirab yosh chiqib ketdi.

Ro‘zimurod uyga kirib, ko‘rpachalar qatlami orasiga berkitib qo‘ygan quticha ichiga, bugun “ishlab” topgan 70 so‘mni uy sotib olish uchun yig‘ilayotgan pullari ichiga solib, joyiga yashirib qo‘ydi.

Ertasi kuni tong sahardan apil-tapil choyini ichib bo‘lib, hovliqib “ish”ga otlanmoqchi bo‘lib turgan paytda onasi o‘g‘liga uy ko‘rgani bormoqchiligini aytdi.

- Nasib etsa, chiroyli uy olamiz, bolam, - deya onasi uning izidan duo qilib qoldi.
Ro‘zimurod uydan chiqarkan, nihoyat o‘z uylari bo‘lishligini eslab faxrlanib qo‘ydi. Yo‘l-yo‘lakay ishlarini bitirib bo‘ldi hamki, sheriklaridan darak bo‘lmadi. Anchadan so‘ng bugun tunashlari kerak bo‘lgan uy burilishida “qulfbuzar” do‘sti Qalqonga duch keldi. Qolgan sheriklari ham birpasda paydo bo‘lib qolishdi. Qalqon quvonchidan qichqirib yubordi:

- Omadimiz chopdi, Ro‘zi! Bugun sizlarga o‘zim bayram qilib beraman, og‘aynilar, - deb shodon qichqirdi u.

- Tinchlikni, do‘stim, bu deyman tilla topib oldingmi?!

- Toshloq yo‘ldan kelayotgandim, bir hamyonga ko‘zim tushdi. Ichini ochib qarasam, naqd 600 ming so‘m! Omadni qara, oshna!

Qalqon ularni bog‘ yonboshidagi choyxonada mehmon qildi. Gap orasida: Qalqon, og‘ayni, qani pullaringni chiqar-chi, deya g‘udrandi Ro‘zimurod shirakayf holatda. Qalqon cho‘ntagidagi pullarni olib stol ustiga qo‘ydi. Ro‘zimurodning ko‘zi pullar orasida taxtlog‘liq turgan ro‘molchaga tushdi. U ro‘molchaning bir chetida yozilgan “o‘g‘lingizdan”, degan yozuvni qiynalib o‘qidi…

🔵Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram

#Said_Ahmad_tavalludining_104_yilligi

📚Bugun yozuvchi Said Ahmad tavallud topgan kun.

✍️ Said Ahmad (Hasanxoʻjayev Saidahmad) 1920-yil 10-iyunda Toshkent shahrida tugʻilgan. Oʻzbekiston xalq yozuvchisi (1980). Oʻzbekiston Qahramoni (1999).

▶️ Birinchi hikoyalar toʻplami — «Tortiq» (1940). «Er yurak» (1942), «Fargʻona hikoyalari» (1948), «Choʻl burguti» (1960), «Choʻl oqshomlari», «Odam va boʻron", «Yoʻqotganlarim va topganlarim» (1998), «Qorakoʻz majnun» (2001), «Kiprikda qolgan tong» (2003) kabi asarlar muallifi. «Ufq» trilogiyasi (1964-74), «Jimjitlik» romani (1988), «Xandon pista» (1994), «Bir oʻpichning bahosi» (1995) hajviy toʻplamlari, 3 jildli «Tanlangan asarlar»i (2000) nashr etilgan.

«Kelinlar qoʻzgʻoloni» dunyoning koʻplab mamlakatlarida sahnalashtirilgan.

Said Ahmad 2007-yil 5-dekabrda Toshkent shahrida vafot etgan.

🔵Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram

Said Ahmad va Saida Zunnunova

Atoqli shoira Saida Zunnunova Said Ahmadning rafiqasi bo‘lib, ular birgalikda qisqa bo‘lsada, ammo sermazmun, baxtli hayot kechirishadi. Buni adibning xotiralarida, shoiraning esa she’rlarida payqash qiyin emas. Adibning rafiqasi haqida yozgan “Shoiraning feruza olami” xotiralari “Yo‘qotganlarim va topganlarim” kitobida bor.
2013 yil 10-iyun kuni Toshkent shahridagi O‘zbekiston Milliy bog‘ida Said Ahmad hamda Saida Zunnunovalarga haykallar o‘rnatilgan.