Күни кеше, 25-октябрь күни Елликқала районында "Жаслар дәптери"ндеги 16 жасқа 71 млн сўмлық оқыў шәртнама пулларының 50 %и муғдары "Жаслар фонды" есабынан төлеп берилди.

✍ @abatdaniyarov

⚡️Шавкат Мирзиёев халық ҳәм исбилерменлер ушын газ баҳасының кескин артыўына жол қоймайтуғын қарар қабыл етти

Өзбекстанда халық ушын газ баҳасының кескин артыўына жол қоймаў бойынша бир қатар илажлар тастыйықланды.

Қарарға бола, 2021-жыл 1-октябрьден баслап юридикалық шахслар тәрепинен Өзбекстанға импорт етилетуғын тәбийғый газди реализациялаў ушын акциз салығының ставкасы ноль процентти қурайды.

Буннан тысқары, 2022-жыл 1-январьдан баслап өндирис кәрханалары тәрепинен сатылатуғын суйылтылған газ акциз салығына тартылмайды ҳәм исбилерменлерге тәбийғый ҳәм суйылтылған газди Өзбекстанға алып кириўде қосымша қун салығын төлеўди кешиктириў (бөлип-бөлип) ҳуқықы бериледи.

Және бир әҳмийетли тәрепи – ҳүжжетте халыққа тәбийғый ҳәм суйылтылған газди сатыў тәртипке салынатуғын тарифлер (баҳалар) бойынша әмелге асырылатуғыны тиккелей белгилеп қойылған. Егер олар халыққа сатып алыў баҳасынан (биринши өзине түсер баҳасы) төмен баҳада сатылса, салықлар усы баҳадан келип шығып есаплап шығылады.

✍️ @abatdaniyarov

⚡️Президент өз белгиси ҳәм байрағына ийе болды

Өзбекстан Республикасы Президенти Өзбекстан Республикасы Президентиниң белгиси ҳәм штандартына (байрағына) ийе болды. «Өзбекстан Республикасы Президенти жумысларының кепилликлери ҳаққында»ғы Нызамына тийисли қосымша киргизилди.

Нызамда Президент белгиси ҳәм штандарты (байрағы) көриниси, олардан рәсмий түрде пайдаланыў тәртиби Президент тәрепинен белгиленди.

Бул Нызам рәсмий түрде жәрияланған күннен баслап күшке киреди.

✍️ @abatdaniyarov

#Мағлыўмат_ушын

Штандарт – арнаўлы түрдеги байрақ. Басқа мәмлекетлерде ол президентлик белгиси есапланады. Штандарт (байрақ) Президент қатнасатуғын барлық әҳмийетли илажларда, инаугурация ўақтында соның менен бирге, Президент имаратларында ҳәм ханаларында көтериледи.

Президент белгиси – президенттиң парқлаўшы рәсмий белгиси. Бул белги Президентлик лаўазымына сайланған шахсты өз лаўазымына жүкленген ўазыйпаларды нәтийжели әмелге асырыўында халық ҳәм жәмийет тәрепинен билдирилген исеним белгиси сыпатында хызмет етеди. Президент белгиси бул лаўазымға сайланған шахсқа лаўазымға кирисиў ўақтында ол ант ишкенин соң тапсырылады ҳәм конституциялық ўәкиллик мүддети тамамланғанға шекем Президентте сақланады.

✍️ @abatdaniyarov

⚡️Пакистанда «Шавкат Мирзиёев – узақты көре билетуғын мәмлекет ғайраткери» атамасындағы китап баспадан шықты

Пакистанда «Шавкат Мирзиёев – узақты көре билетуғын мәмлекет ғайраткери» («H.E. Shavkat Mirziyoyev a visionary statesman») атамасындағы китап баспадан шықты.

Бул ҳаққында Өзбекстан журналистлери дөретиўшилик аўқамының баслығы Олимжон Усаров өзиниң жеке телеграм каналында жазбақта.

Мәлим болыўынша, Исламабадтағы Глобал ҳәм стратегиялық изертлеўлер орайы тәрепинен баспадан шыққан китапқа Пакистанның белгили экспертлери, алымлары ҳәм изертлеўшилери тәрепинен жазылған 14 аналитикалық мақала киргизилген.

Makan.uz

#Нызамшылықтағы_жаңалықлар

Жетим балалар ҳәм ата-ана қарамағынан айырылған балаларды үй-жай менен тәмийинлеў тәртиби белгиленди

Ҳүкимет қарары (656-сан, 25.10.2021-ж.) менен Жетим балалар ҳәм ата-ана қарамағынан айырылған балаларды үй-жай менен тәмийинлеў тәртиби ҳаққындағы реже тастыйықланды

🔰 Режеге көре, жетим балалар ҳәм ата-ана қарамағынан айырылған балаларға үй-жайлар ўәлаят ҳәкимликлери тәрепинен базардағы көп квартиралы үйлерден ажыратылады.

➡️ Бунда оқыў-тәрбия мәкемелери ҳәм район (қала) ҳәкимликлери балаларды мәкемеде болыў мүддети тамамланыўынан бир жыл алдын үй-жайға мүтәж ретинде “онлайн-нәўбет”ке киргизип береди.

❗️Балаларға 18 жасқа толған жылда:

➖ көп квартиралы үй-жайлардан улыўма майданы 25 квадрат метрден кем болмаған
1 ханалы;
➖ ер жеткен жетим балалар ҳәм ата-ана қарамағынан айырылған балалар ортасында неке дүзилген ҳалларда, 50 квадрат метрден кем болмаған 2 ханалы квартиралар ажыратылады.

📌 Үй-жайлар мүлкке ийелик етиў ҳуқықы тийкарында, бирақ 30 жасқа толғанға шекем оны сатыў ҳуқықысыз бериледи.

✅ Режеге көре, үй-жайлар район ҳәкимлиги тәрепинен ажыратылып, жасаў ушын барлық зәрүр шараятларға ийе ҳалда тапсырылады.

🖥 Үй-жай менен тәмийинлениў ҳалаты ҳаққындағы мағлыўматлар ҳәр айда жаңаланады ҳәм Халық билимлендириў министрлиги рәсмий веб-сайтында жайластырып барылады.

☑️ Үй-жай бериў ҳаққындағы қарар тийкарында район (қала) ҳәкимлиги ордер береди ҳәм усы ордер берилген үй-жайға көшип кириў ушын тийкар есапланады.

📋 Ордерлер “онлайн-навбат” мәлимлеме системасындағы қатаң избе-излик тийкарында бериледи.

⚖️ Үй-жай ордер берилген күннен 10 күннен кешикпей нотариал рәсмийлестириледи.

🔘 Қарарға көре сондай-ақ, 2022-жыл
1-январьдан:

● жетим балалар ҳәм ата-ана қарамағынан айырылған балалардың үй-жайға мүтәжлиги “Социаллық қорғаў бирден-бир реестри” мәлимлеме системасы арқалы анықланады;

● жетим балалар ҳәм ата-ана қарамағынан айырылған балаларды перзентликке, қәўендерликке (әменгерликке, патронатқа) алыў “Қәўендерлик ҳәм әменгерлик” електрон платформасы арқалы онлайн мүрәжатқа тийкар әмелге асырылады.

2022/2023-оқыў жылынан “Социаллық ис” бакалавриат тәлим бағдарында “Қәўендерлик” ҳәм “Әменгерлик” тараўы бойынша жоқары мағлыўматлы кадрлар таярлаў жолға қойылады.

Дерек: @huqiqiymalimleme

✍️ @abatdaniyarov

Agentlikka ishga joylashish bo'yicha ochiq tanlovimizga juda ko'plab yoshlar qiziqish bildirishdi. Ochiqlikning yana bir isboti — hozir nomzodlar bilan onlayn suhbat jonli efirda ko'rsatilmoqda. Marhamat, ushbu havola orqali kuzatib borishingiz mumkin.

P.S. Tizim Prezident huzuridagi Davlat xizmatini rivojlantirish agentligi bilan hamkorlikda amalga oshirilmoqda.

https://www.youtube.com/watch?v=ugZol2nd98w

@alisher_sadullaev

Dıqqat!📣📣📣

⚡️Bozataw, Qanlıkól hám Ellikqala rayonlarındaǵı bos jumıs orınları ushın ashıq tańlaw ótkerilmekte.
Procesti janlı efirde baqlap barsańız boladı



▶️ Aymaq: Qaraqalpaqstan Respublikası

▶️ Shólkem: Ózbekstan Respublikası Jaslar isleri agentligi Qaraqalpaqstan Respublikası basqarması

▶️ Tańlaw basqıshı: Test sınawı

▶️ Sánesi: 27.10.2021, 16.00

▶️ Processti baqlaw: https://youtu.be/OSotAt5ffh0

⭕️ Kanalǵa qosılıw — @vacancyonline

✨«Ózbekstan ushın 100 ideya» joybarınıń final basqıshına Qaraqalpaqstan Respublikasınan jollama alǵan jaslardıń biri Sipatdinova Nuriya. Ol Ellikqala rayonında ótkerilgen yarım final basqıshında óziniń ilim-pán jónelisindegi «Kórkem kitaplar» atlı joybarı menen 16.9 ball toplap 10-noyabr kúni Tashkent qalasında ótkeriletuǵın final basqıshqa jollama aldı.

«Ózbekstan ushın 100 ideya» joybarınıń yarım final basqıshı nátiyjelerine kóre, respublika boyınsha jámi 245 jastıń ideya hám joybarları respublika (final) basqıshında qatnasıw ushın usınıs etildi. Qaraqalpaqstan Respublikasınan 489 jastıń arasınan 18 jas final basqıshqa jollama aldı. Final basqıshında 100 jas saylap alınadı.

Maǵlıwmat ushın: Bahalaw sistemasına kóre, maksimal balldıń 50 procentten joqarı ball toplaǵan ideya hám joybarlar qosımshadaǵı maǵlıwmatqa muwapıq respublika basqıshına usınıs etilgen.

👉👉👉 @jaslar_isleri_agentligi

#Tayınlaw

⚡️Ózbekstan jaslar awqamı Moynaq rayonı Keńesi baslıǵı tayınlandı

Ózbekstan jaslar awqamı Moynaq rayonı Keńesi baslıǵı lawazımına Jiyemuratova Aysánem Tilewbaevna tayınlandı.

Ol óziniń miynet jolın 2019-jılı Moynaq rayonı hákimliginiń hayal-qızlar komitetiniń jetekshi qánigesi bolıp jumıs islewden baslaǵan. Soń, Moynaq rayonı hákimliginiń investiciya hám sırtqı sawda máseleleri boyınsha jetekshi qánigesi bolıp jumıs alıp barg'an.


Bizdi sociallıq tarmaqlarda baqlap barıń:
Telegram | Instagram | YouTube | Facebook

👋Hey doslar!

Arańızda isbilermenlikke qızıǵıwshı jaslar bar ma?
Biraq, qalay isbilermen bolıw ushın dáslepki túsiniklerge iye emes pe?
Onda, «Isbilermenlikke dáslepki qádem»di biz benen taslań✊

Búgin, saat 12: 00 de Jaslar isleri agentligi Qaraqalpaqstan Respublikası basqarması hám «Jaslar keleshegimiz» fondı Qaraqalpaqstan Respublikası filialı tárepinen dawıslı chat ótkeriledi.

Sáwbet siltemesi 👉 https: //t.iss.one/joinchat/QQd2WaP_KPExZmVi

Sáwbetti isbilermenlik boyınsha tájiriybeli qánige, «Jaslar keleshegimiz» fondı Qaraqalpaqstan Respublikası filialınıń juwaplı qánigesi Gawxar Redjepova alıp baradı.

Bizdi sociallıq tarmaqlarda baqlap barıń:
Telegram | Instagram | YouTube | Facebook

⚡️Мектеп оқыўшылары ушын гүзги дем алыс 4-ноябрьден басланады


Мектеп оқыўшылары ушын I шеректиң соңғы күни 3-ноябрьге туўры келип, 4-ноябрь күни гүзги дем алыстың дәслепки күни саналады.

Дем алыс 6 календарь күни, яғный 9-ноябрьге шекем даўам етеди.

II шерек 10 ноябрьден басланады.

Дерек: Халық билимлендириў министрлиги


✍️ @abatdaniyarov