Спикер ўринбосари Нукус туманига ташриф буюрди

Олий Мажлис Қонунчилик палатаси Спикери ўринбосари, Ўзбекистон фермер, деҳқон хўжаликлари ва томорқа ер эгалари Кенгаши раиси, O’zLiDeP фракцияси раҳбари Aктам Хаитов Нукус туманига ташриф буюрди.

Ташриф доирасида “Саманбай” ОФЙ ҳудудида жойлашган «Торемурат бест томорқа хизмати кластери” МЧЖ фаолияти ўрганилиб, олиб борилаётган қурилиш ишлари билан танишилди.

Айни пайтда томорқа хизмати кластерининг 36 гектари боғдорчилик, 80 гектари сабзавот маҳсулотлари ва ва 3 гектари иссиқхонага ихтисослаштирилган. Бугунги кунда иссиқхонада асосан помидор, бодринг, редиска, исмолоқ каби маҳсулотлар етиштирилмоқда.

Айтиб ўтиш жоиз, томорқа эгалари ва миришкор деҳқонлар фаолиятига яқиндан ёрдам беришда “Томорқа хизмати” кластерларининг тутган ўрни катта бўлиб, бунда аҳолига 12 йўналишда хизмат кўрсатиши белгиланган.

«Торемурат бест томорқа хизмати кластери” фаолиятини кенгайтириш учун Ўзбекистон фермер, деҳқон хўжаликлари ва томорка ер эгалари Кенгаши ҳузуридаги жамғарма ҳисобидан биринчи босқич қурилиш ишлари учун 1 млрд 50 миллион сўм маблағ ажратилган бўлса, иккинчи босқич учун 1 млрд 970 миллион сўм ажратилиши белгиланган.

Бундан ташқари Қорақалпоғистон ҳудудида “Томорқа хизмати кластерлари” фаолиятини кенгайтириш мақсадида Амударё томорқа хизмати кластерига Жамғарма томонидан 5 млрд 27 миллион сўм, Бўзотов томорқа кластерига 800 млн сўм маблағ ажратилган.

Ташриф доирасида туманда экин майдонларидан самарали фойдаланиш, “Томорқа даромад манбаи” тамоили асосида томорқачиликни кенг ривожлантириш бўйича фикир алмашинилиб, томорқа ер эгаларининг мавжуд муаммолари ва ўларнинг даромадини оширишга қаратилган амалий ишлар бўйича вазифалар белгилаб олинди.

Бундан сўнг спикер ўринбосари Нукус тумани ҳокимлиги биносида туман ҳокими ва мутасадди ташкилот раҳбарлари билан тумандаги миришкор деҳқонлар ва ўларнинг муаммоларини ўрганиш бўича фикир алмашди.

👉👉👉 https://t.iss.one/qr_fermerlerkenesi

Фото 👇👇👇

​​Спикер ўринбосари билан аҳолини уй-жой билан таъминлаш масалалари муҳокама қилинди

Олий Мажлис Қонунчилик палатаси Спикери ўринбосари, Ўзбекистон Республикаси Фермер, деҳқон хўжаликлари ва томорқа ер эгалари кенгаши раиси, O’zLiDeP фракцияси раҳбари Актам Хаитов Қорақалпоғистон Республикасига ташрифи чоғида Нукус шаҳар Кенгаши депутатлари ва тегишли мутасадди ташкилот вакиллари билан учрашди.

Учрашувда давлатимиз раҳбарининг 2021 йил 11 мартдаги “Бозор тамойилларига асосланган ипотека кредитларини ажратиш орқали аҳолини уй-жой билан таъминлашга оид қўшимча чора-тадбирлар тўғрисида”ги Фармонининг мазмун-моҳиятини кенг жамоатчиликга тушинтириш, фармон ижроси юзасидан жорий йилда Қорақалпоғистон Республикасида аҳолини уй-жой билан таъминлашнинг янги тартиб-тамойиллари тадбиқ этиш, бу борада “Халқпарвар комиссия”сининг жамоатчилик назоратини ўрнатишда партиядан сайланган депутатларнинг жонбозлигини куча йтириш бўйича масалалар муҳокама қилинди.

Маълумот учун, мазкур йилда янги тартиб доирасида республика бўйича жами 33 114 та квартиралар ва якка тартибдаги уй-жойлар, қишлоқ жойларда 8 336 та квартирадан иборат кўп қаватли уй-жойларнинг қурилиши, жисмоний шахсларга якка тартибдаги уй-жойларни қуриш ва реконструкция қилиш учун кредитларни ажратиш тартиби барча ҳудудларда жорий этилди. Бунда кредитлар ипотека кредитининг энг кўп миқдорларидан ошмайдиган ва дастлабки бадали якка тартибдаги уй-жойни қуриш ишлари қийматининг 15 фоизидан кам бўлмаган миқдорда 6 ойлик имтиёзли давр билан 20 йил муддатга ажратилиши, даромади юқори бўлмаган ва уй-жой шароитини яхшилашга муҳтож фуқароларга якка тартибдаги уй-жойларга ажратилган ипотека кредитлари бўйича дастлабки 5 йил мобайнида фоиз ставкасининг 10 фоизлик пунктидан ошган қисмини қоплаш учун Давлат бюджетидан субсидиялар ажратилади.

Учрашув ўз-аро савол-жавоблар билан давом этди.

👉👉👉 https://t.iss.one/qr_fermerlerkenesi