​☑️ Яна бир неча кундан сўнг – 15-16 сентябрь кунлари Самарқандда Шанхай ҳамкорлик ташкилотининг навбати саммити ўтказилади.

Самарқанд саммити ШҲТга аъзо мамлакатлар раҳбарларининг сўнгги уч йилда биринчи марта бир жойга тўпланаётгани ва тарихда илк бор 15 мамлакат раҳбари иштирок этиши кўзда тутилгани билан аҳамиятли.

Нуфузли анжуманга саноқли кунлар қолган паллада Самарқанд саммитни ўтказиш учун тайёр ҳолатда. Шаҳар кўчаларига ШҲТ ва унга аъзо мамлакатлар байроқлари, саммитга бағишланган афишалар ўрнатилган.

Қайд этиш керакки, саммит арафасида Самарқандда кенг кўламли бунёдкорлик ишлари олиб борилди. Янги муҳташам ва замонавий аэропорт, Халқаро туризм маркази қурилди. Марказ ҳудудида жами 10 та объект бунёд этилди – 8 та (2 та 5 юлдузли ва 6 та 4 юлдузли) меҳмонхона, Конгресс холл ҳамда Карвонсарой комплекси қурилди.

Анжуман арафасида қуриб битказилган “Боқий шаҳар” мажмуаси ҳам ташриф буюрувчи меҳмонлар эътиборидан четда қолмайди. Мажмуада миллий ҳунармандчилик устахоналари, миллий услубдаги чойхоналар, Чорсу шарқ бозори, барча вилоятлардан келган уста-ҳунармандларнинг ижод намуналаридан баҳраманд бўлиш мумкин.

Бир сўз билан айтганда,  Самарқанд сўнгги йиллардаги энг йирик сиёсий анжуманни ўтказишга ҳар томонлама тайёр. Анжуманга аллақачон хорижий меҳмонлар ташриф буюришни бошлади. Самарқанд саммити минтақадаги хавфсизлик ва иқтисодий ҳамкорлик масалалари муҳокама этиладиган майдон бўлиши учун барча шароит муҳайё.

Ўзбекистон шу пайтга қадар уч марта ШҲТга раислик қилган. Шу даврларда Ўзбекистон 54 та ташаббусни илгари сурди ва уларнинг асосий қисми амалиётга жорий этилди. Масалан, ШҲТ доирасида Минтақавий аксилтеррор тузилмасини ташкил этиш мамлакатимизнинг таклифи ва бу тузилма Тошкент шаҳрида фаолият олиб бормоқда.

Яна бир муҳим ташаббус – ШҲТга янги аъзоларни қабул қилиш механизмини ишлаб чиқиш бўлган. Шундан сўнг Ҳиндистон ва Покистон ташкилотга аъзо бўлди, Эрон ҳам ШҲТнинг тўлақонли аъзосига айланиш арафасида.

@a_xaitov

Сирдарё вилояти фермер, деҳқон хўжаликлари ва томорқа ер эгалари кенгаши ва вилоят Ўрмон хўжалиги бошқармаси билан ҳамкорлигида «Бир маҳалла – бир маҳсулот» тамойили асосида Гулистон туманидаги "Ибрат" маҳалласида яшовчи Қўлдошев Фарход ака хонадонида маҳаллий аҳоли ва ҳоким ёрдамчилари учун - аҳоли хонодонларида доривор ўсимликларни етиштириш ва оммалаштиришга қаратилган кўргазмали семинар ташкил этилди.

Сайт | Facebook | Instagram | YouTube

Ўзбекистон Республикаси Президенти Шавкат Мирзиёевнинг "Шанхай ҳамкорлик ташкилотининг Самарқанд саммити: ўзаро боғлиқликдаги дунёда мулоқот ва ҳамкорлик" сарлавҳали мақоласи
—
Статья Президента Республики Узбекистан Шавката Мирзиёева "Самаркандский саммит ШОС: диалог и сотрудничество во взаимосвязанном мире"
—
Article by the President of the Republic of Uzbekistan Shavkat Mirziyoyev "The SCO Samarkand Summit: Dialogue and Cooperation in an Interconnected World"

Prezident.uz|Facebook|Instagram|YouTube|Twitter

☑️ Самарқанд руҳи: ўзаро манфаатли хамкорлик учун мулоқот майдони.

Шу йил 12 сентябрь куни O'zLiDeP фракцияси йиғилишида дастлаб депутатлар томонидан Ўзбекистон Республикаси Президенти Шавкат Мирзиёевнинг "Шанхай ҳамкорлик ташкилотининг Самарқанд саммити: ўзаро боғлиқликдаги дунёда мулоқот ва ҳамкорлик" сарлавҳали мақоласи юзасидан мулоқот ўтказилди. Депутатлар мақола юзасидан фикр ва мулоҳазаларини билдирдилар.

Давлатимиз раҳбарининг мазкур мақоласи дунё тамаддунининг бугунги воқелигига берилган ҳақиқий баҳодир.

Президентимиз инсониятни таҳликага солиб турган энг долзарб муаммолар ҳақида фикр юритар экан, қуролли можаролар оқибатида издан чиқаётган савдо ва инвестиция оқимлари давлатлар иқтисодиётига жиддий таъсир этганлигини алоҳида таъкидлаганлар. 

Бунинг оқибатида озиқ-овқат ва энергетика хавфсизлигини таъминлаш қийинлашмоқда.

Шундоғам глобал иқлим ўзгариши, табиий бойликлар ва сув ресурслари танқислигининг ортиши, биохилма-хилликка путур етаётганлиги, юқумли касалликларнинг кўпайганлиги одамларни қийин аҳволга солиб қўйган бир пайтда халқаро ҳамкорликкина дунёда барқарор, ишончли ва фаровон тараққиётни таъминлай олиши эътироф этилган.

Мақолани биргаликда ўқиб, муваффаққиятли минтақавий ҳамкорлик модели сифатида Шанхай ҳамкорлик ташкилотнинг ўрни ва аҳамиятга алоҳида эътибор қаратилди.

Муаллиф барчанинг ва ҳар бир томоннинг манфаатларига жавоб берадиган халқаро ҳамкорликни кўп томонлама институтларсиз амалга ошириб бўлмаслигини қайд этган.

Кўп томонлама фаолиятга асосланган Шанхай ҳамкорлик ташкилотига маданий-цивилизацион қарашлари турлича, ўз ташқи сиёсий йўналишлари ва миллий тараққиёт моделларига эга мамлакатларни бирлаштира олган ўзига хос давлатлараро тузилма сифатида баҳо берилган.

Бугунги кунга келиб ШҲТ ҳамжамияти – улкан географик маконни қамраб олган ва сайёрамиз аҳолисининг қарийб ярмини бирлаштирган, дунёдаги энг йирик минтақавий ташкилотдир.

Шанхай ҳамкорлик ташкилотининг муваффақият гарови – минтақавий хавфсизликни таъминлаш орқали кўп томонли ҳамкорликни илгари суришдадир дея таъкидланган мақолада.

Мақолада давлатимиз раҳбари "бизнинг асосий шиоримиз – “Ҳар биримиз кучли бўлсаккина ШҲТ кучли бўлади”. Уни амалда рўёбга чиқариш йўлида Ташкилотни янада кучли ва халқаро ҳамкорларимиз учун янада жозибадор бўлишига эришиш учун жиддий ҳаракат қилдик."

Ўзбекистон Республикаси Шанхай ҳамкорлик ташкилотига раислиги даврида асосий эътиборни ҳамкорликнинг янги уфқларини очиш ва ҳар бир иштирокчи мамлакатнинг фойдаланилмаган резервларини ишга солиш орқали Ташкилотни жадал ривожлантириш эътибор қаратди

Маълумки, 15-16 сентябрь кунлари Самарқандда Президент Шавкат Мирзиёев раислигида ШҲТ Давлат раҳбарлари кенгашининг 22-мажлиси тадбирлари бўлиб ўтади.

Мақолада «Самарқанд руҳи» – ҳамкорлик, ўзаро англашув ва дўстлик ифодаси сифатида баён этилган.

“Самарқанд руҳи” деган ноёб феноменнинг мазмуни ҳам асли шунда мужассам бўлиб, у халқаро ҳамкорликнинг, жумладан, ШҲТ доирасидаги шерикликнинг принципиал жиҳатдан янги форматини шакллантириш борасида мустаҳкам пойдевор бўлиши мумкин.

Шанхай ҳамкорлик ташкилотининг бўлажак саммитида қабул қилинадиган қарорлар минтақавий даражада ҳам, глобал миқёсда ҳам мулоқот, ўзаро англашув ва ҳамкорликни мустаҳкамлашга салмоқли ҳисса қўшади.

@a_xaitov

Президентимиз инсониятни таҳликага солиб турган энг долзарб муаммолар ҳақида фикр юритар экан, қуролли можаролар оқибатида издан чиқаётган савдо ва инвестиция оқимлари давлатлар иқтисодиётига жиддий таъсир этганлигини алоҳида таъкидлаганлар.
Бунинг оқибатида озиқ-овқат ва энергетика хавфсизлигини таъминлаш қийинлашмоқда.

Мақолада «Самарқанд руҳи» – ҳамкорлик, ўзаро англашув ва дўстлик ифодаси сифатида баён этилган.

“Самарқанд руҳи” деган ноёб феноменнинг мазмуни ҳам асли шунда мужассам бўлиб, у халқаро ҳамкорликнинг, жумладан, ШҲТ доирасидаги шерикликнинг принципиал жиҳатдан янги форматини шакллантириш борасида мустаҳкам пойдевор бўлиши мумкин.

Шанхай ҳамкорлик ташкилотининг бўлажак саммитида қабул қилинадиган қарорлар минтақавий даражада ҳам, глобал миқёсда ҳам мулоқот, ўзаро англашув ва ҳамкорликни мустаҳкамлашга салмоқли ҳисса қўшади.

#uzlidep #Xaitov

Сайт | Facebook | Instagram | TikTok | Twitter | YouTube

ЭКСПЕРТ МУНОСАБАТИ: Бизнес юриб кетиши учун етарли шарт-шароит яратиш

Эксперт: КАЛОНОВ МУХИДДИН БАҲРИТДИНОВИЧ - Тошкент давлат иқтисодиёт университети проректори, “Ўзбекистон иқтисодиётини ривожлантиришнинг илмий асослари ва муаммолари” илмий-тадқиқот маркази директори, иқтисодиёт фанлари доктори, профессор.

Тўлиқ видео: https://youtu.be/9h_zLL9DCb4

#uzlidep #eskpert

Сайт | Facebook | Instagram | TikTok | Twitter | YouTube

Давлатимиз раҳбарининг мақоласида билдирилган фикрлар саммит иштирокчиларини ҳам бефарқ қолдирмайди

👉 https://uzlidep.uz/news-of-party/13010

Саммит учун Самарқанд шаҳри бежиз танлаб олинган эмас. Чунки давлатимиз раҳбари мақоласида таъкидланганидек, ушбу афсонавий, айни пайтда тобора замонавийлашиб бораётган бу шаҳар асрлар мобайнида Европа қитъасидан Хитой давлатигача бўлган мамлакатларни, Шимол ва Жанубни, Шарқ ва Ғарбни бир-бири билан туташтириб келган.

#uzlidep #munosabat

Сайт | Facebook | Instagram | TikTok | Twitter | YouTube

Деҳқон хўжаликлари ташкил этишни қўллаб-қувватлаш орқали аҳоли даромадларини ошириш бўйича қўшимча чора-тадбирлар тўғрисида

Ўзбекистон Республикаси Президентининг қарори

📍 https://uza.uz/posts/406568

🔻Ўзбекистоннинг ягона расмий ахборот агентлиги

Тelegram | Facebook | Instagram | You Tube‌‌

☑️ “Бир ҳудуд – бир маҳсулот” тамойили асосида қишлоқ хўжалиги маҳсулотлари етиштиришни кенгайтириш ҳамда экспорт салоҳиятини ошириш мақсадида Ўзбекистон Республикаси Президентининг “Деҳқон хўжаликлари ташкил этишни қўллаб-қувватлаш орқали аҳоли даромадларини ошириш бўйича қўшимча чора-тадбирлар тўғрисида”ги қарори қабул қилинди.

Қарорга кўра, фермерлар ва кластерлар фойдаланишидаги пахта ва ғалладан қисқартирилган ҳамда аҳоли пунктларига яқин ва сув таъминоти яхши бўлган ерлардан 2022 йил якунигача қўшимча 20 минг гектар – умумий 100 минг гектар экин майдонлари, 2023 йилда 95 169 гектар экин майдонлари аҳолига очиқ электрон танлов орқали ижарага берилади.

📌 Бунда экин майдонлари фуқароларга 30 йил муддатга:

👉 сув таъминоти яхши бўлган ерлардан – Андижон, Наманган ва Фарғона вилоятларида 0,15 гектардан 1 гектаргача, бошқа вилоятларда 0,30 гектардан 1 гектаргача ҳамда Қорақалпоғистон Республикасида 0,30 гектардан 2 гектаргача бўлган ўлчамларда;

👉 кам сувли ерлардан – вилоятларда 0,50 гектардан 1 гектаргача ҳамда Қорақалпоғистон Республикасида 0,50 гектардан 2 гектаргача бўлган ўлчамларда ижарага берилади.

2022-2023 йилларда деҳқон хўжалиги юритиш мақсадида экин майдонларини аҳолига бериш учун ташкил этиладиган очиқ электрон танловда 1 нафар талабгор иштирок этган тақдирда, истисно тариқасида, танлов ўтказилган ҳисобланади

Қарор билан иссиқхона тармоғи кенг ривожланган туманларда деҳқон хўжаликларига ажратиб берилган экин майдонларида иситиш тизимларини ўрнатмаган ҳолда енгил конструкцияли иссиқхоналар қурилишига рухсат берилмоқда.

“Темир дафтар”, “Аёллар дафтари” ва “Ёшлар дафтари”га киритилган аҳолига деҳқон хўжалигини юритиш учун ер участкалари очиқ электрон танлов орқали ижарага берилганда, ушбу шахслар юқоридаги дафтарлардан чиқарилмайди ва улар учун қонунчиликда белгиланган барча имтиёз ва преференциялар бир йил муддатга сақлаб қолинади.

Имтиёз ва преференцияларнинг бир йиллик амал қилиш муддати деҳқон хўжалигини юритиш учун ер участкасига бўлган ижара ҳуқуқи давлат рўйхатидан ўтказилган кундан бошлаб ҳисобланади.

@a_xaitov

Президент матбуот котиби хабарига кўра, ШҲТ Самарқанд саммитининг бугун - 14 сентябрь кунига режалаштирилган тадбирлар:

- Президент Шавкат Мирзиёев мамлакатимизга келган Мўғулистон Президенти Ухнаагийн Хурэлсух билан учрашув ўтказади;

- давлатимиз раҳбари БМТ Бош котиби ўринбосари Розмари Ди Карлони қабул қилади;

- Эрон Президенти Иброҳим Раисийнинг мамлакатимизга расмий ташрифи бошланади. Олий даражадаги Ўзбекистон-Эрон музокаралари бўлиб ўтади;

- Хитой Халқ Республикаси Раиси Си Цзиньпин давлат ташрифи билан Ўзбекистонга келади;

- Саммит тадбирларида иштирок этиш учун Қирғиз Республикаси Президенти С.Жапаров мамлакатимизга келаркан.

☑️ Қариндош бўлмаган шахсларни «прописка»дан чиқаришда улар розилигини олиш бекор қилинди

Давлатимиз раҳбари томонидан жорий йилнинг август ойида мулк ҳуқуқи бўйича янги фармон имзоланди.

Фармонга кўра, 2022 йил 1 сентябрдан бошлаб бир қатор тартиб ва талаблар бекор қилиняпти:

👉 мулкдор билан қариндошлик алоқаларига эга бўлмаган шахсларни (танишлар, узоқ қариндошлар) ушбу турар жойдан доимий рўйхатдан – “прописка”дан чиқариш учун уларнинг розилигини олиш талаб этилмайди.

Тегишли органлар маълумотларига кўра, охирги 2,5 йилда фуқаролик судларига шахсни турар жойдан рўйхатдан чиқариш бўйича 8 954 та даъво аризалари киритилган, шундан 7 311 таси (82 фоизи) қаноатлантирилган.

👉 суд томонидан турар жойни сотиб олган шахс инсофли эгалловчи деб топилганда, жисмоний шахсдан ушбу турар жойни давлат рўйхатидан ўтказилган пайтдан бошлаб уч йил ўтгач нотурар шаклида талаб қилиб олиш таъқиқланади.

Яъни, агар турар жой UZKAD тизимидаги нотўғри маълумотларга ишониб харид қилинган бўлса, 3 йилдан кейин сотиб олувчидан (инсофли эгалловчи) ушбу уйни талаб қилиб олиш мумкин эмас. Дастлабки мулкдорга етказилган зарар давлат томонидан қопланиб, кейинчалик айбдордан ундирилади.

Яна бир ўзгартиришлардан бири – бу “снос” жамғармалари, улар Жисмоний ва юридик шахсларга етказилган мулкий зарарларни компенсация қилиш бўйича республика ва ҳудудий мақсадли жамғармаларга айлантирилди.

📌 2023 йил 1 январдан бошлаб, жисмоний ва юридик шахсларга етказилган қуйидаги зарарлар шу жамғармалардан тўлаб берилади:

▪️ кўчмас мулк объектларига бўлган ҳуқуқларнинг давлат реестрига ноқонуний ёки ҳақиқатга тўғри келмайдиган маълумотларнинг киритилиши натижасида унга ишониб ҳаракат қилган шахсларга етказилган зарар;

▪️давлат органи, мансабдор шахс, хусусан, суриштирувчи, терговчи, прокурор ва суднинг қонунга хилоф ҳаракатлари натижасида мулкдорга етказилган, суд қарори билан аниқланган зарар;

▪️турар жой инсофли эгалловчидан талаб қилиб олинмаслиги натижасида унинг ҳақиқий эгасига етказилган зарар.

“Кадастр ва кўчмас мулкларни рўйхатдан ўтказиш интеграцион ахборот тизими” (UZKAD) 2023 йил 1 январдан кўчмас мулкка оид ягона ахборот базаси ҳисобланиб, UZKAD тизимига Гаров реестри, “Нотариус” автоматлаштирилган ахборот тизими, Кўчмас мулк объектлари манзиллари ягона реестри ва бошқа тегишли барча давлат ахборот тизимлари интеграция қилинади ҳамда реал вақт режимида онлайн маълумот алмашинуви йўлга қўйилади. Мазкур тизим келгусида турар жойни сотиш билан боғлиқ, «таъқиқ» муаммоларини ва шу соҳадаги фирибгарликларни олдини олади.

@a_xaitov