«Народное слово» газетасининг 2022 йил 1 апрель кунги 65-сонидан

Из 65-номера газеты «Народное слово» от 1 апреля 2022 года

@a_xaitov

☑️ Жисмоний тарбия билан шуғулланиш учун кенг шароитлар яратилади

Жорий йилнинг 1 апрель куни Давлатимиз раҳбари томонидан ёшлар ўртасида оммавий спортни ривожлантириш чора-тадбирлари бўйича йиғилиш ўтказилди.

Сўнгги уч йилда 118 та спорт мажмуаси, маҳаллаларда 7 мингта спорт майдончаси фойдаланишга топширилди. Бугунги кунда 3 минг 500 та мини-футбол, 6 мингта баскетбол, волейбол, 663 та бадминтон майдонлари, мингдан ортиқ фитнес заллари мавжуд.

Ҳар бир туман ва шаҳар марказларида “Саломатлик йўлаклари” ва велосипед йўллари ташкил этилди.

Тараққиёт стратегиямизда жисмоний тарбия ва спорт билан мунтазам шуғулланадиган аҳоли сонини кейинги беш йилда 33 фоизга етказиш мақсади белгиланган.

Ўзбекистон Республикаси Президентининг 2022 йил 18 февралдаги фармон ва қарорига биноан, Спортни ривожлантириш вазирлиги ташкил этилди. Унинг энг муҳим вазифаларидан бири болалар ва ёшлар ўртасида спортни оммалаштиришдир.

Йиғилишда шу йўналишдаги режалар тақдимот қилинди.

❗️Спортни ривожлантириш вазирлигига маҳаллалардаги ёшлар етакчилари билан бирга йил давомида 6 миллион нафар ўғил-қизларни оммавий спорт тадбирларига қамраб олиш вазифаси қўйилди.

Бунинг учун 10 апрелдан бошлаб, маҳалла, туман, вилоят ва республика босқичларидан иборат оммавий спорт тадбирлари ўтказилади. Уларни ташкил этиш учун “Ёшлар дафтари” жамғармасидан ҳар бир вилоятга 100 миллион сўмгача, ғолиб ва совриндорларни тақдирлаш учун 1 миллиард сўмгача маблағ ажратилади.

📌 Энг яхши натижа кўрсатган ёшлар туман ва шаҳар, вилоят ҳамда миллий терма жамоалар таркибига саралаб олинади.

Маҳаллаларда спорт инфратузилмасини яхшилаш, лойиҳалар қийматини мақбуллаштириб, майдончалар ташкил этиш бўйича кўрсатмалар берилди.

Оммавий спорт тадбирларида ёшларнинг иштироки бўйича маҳаллалар рейтингини ишлаб чиқиш, “қониқарсиз” деб топилган жойларга таниқли мураббий ва спортчиларни бириктириб, спортни ривожлантириш зарурлиги таъкидланди.

Олимпия ва паралимпия ўйинлари, халқаро мусобақалар ғолиблари билан маҳалла ёшлари ўртасида мотивацион учрашувлар ўтказиш муҳимлиги айтилди.

Шуларни инобатга олган ҳолда, оммавий спортни янада ривожлантириш, жорий йил Ханчжоуда ўтадиган Осиё ўйинларига пухта тайёргарлик кўриш, спорт мураббийлари тайёрлаш тизимини такомиллаштириш бўйича қарорлар ишлаб чиқиш вазифаси қўйилди.

@a_xaitov

Репортаж 24 | Томорқа - даромад манбаи

#30mar #uzbekiston24

Ўзбекистон фермер, деҳқон хўжаликлари ва томорқа ер эгалари кенгаши вакиллари Сирдарёда аҳоли томорқаларидан самарали фойдаланиш ҳолатларини ўрганди,

Янгиликлар 24 | Томорқа ер эгалари қўллаб-қувватланмоқда
#30mar #uzbekiston24

mtrk.uz | Youtube | Facebook | Telegram | uztv.tv

Янгиликлар 24 | Томорқа - даромад манбаи
#31mar #uzbekiston24

mtrk.uz | Youtube | Facebook | Telegram | uztv.tv

Янгиликлар 24 | Фахрийлар кенгаши йиғилиши
#1apr #uzbekiston24

mtrk.uz | Youtube | Facebook | Telegram | uztv.tv

Ахборот 24 | Аҳоли томорқаларидан самарали фойдаланиш бўйича тизимли ишлар амалга оширилмоқда
#2apr #uzbekiston24

mtrk.uz | Youtube | Facebook | Telegram | uztv.tv

Чуст тумани Толмас МФЙ да иссиқхоналарни ривожлантириб даромад олаётган Шамсиддин Жанобиддиновдан - томорқадан самарали фойдаланиш сирлари

Оқдарё тумани, Пичоқчи маҳалласида - аҳоли хонадонларида эртанги экинларни ўз вақтида экилиши, иссиқхона, паррандачилик ва қуёнчиликни ривожлантиришга қаратилган Ўзбекистон фермер, деҳқон хўжалиги ва томорқа ер эгалари кенгаши раисининг ўринбосари Т.Саттаров томонидан амалий семинар ўтказилди

|https://www.youtube.com/c/OzbekistonFermerlarKengashiuzbfermer/videos

☑️ Кўчмас мулкка бўлган ҳуқуқлар янада мустаҳкамланади

Бугунги кунда барча давлатларда фуқароларнинг кўчмас мулкка бўлган ҳуқуқининг таъминланиши мавжуд тузумнинг моҳиятини белгилайди, десак муболаға бўлмайди. Мамлакатимизда сўнгги йилларда бу соҳада, яъни юртдошларимизнинг мулкини ҳимоя қилишга йўналтирилган бир қанча қонун ҳужжатлари ишлаб чиқилди ва қабул қилинди.

Олий Мажлис Қонунчилик палатаси депутатлари муҳокамасидан ўтаётган “Кўчмас мулкка бўлган ҳуқуқларни давлат рўйхатидан ўтказиш тўғрисида”ги Ўзбекистон Республикасининг Қонуни ҳам юртдошларимизнинг ўз мулкига бўлган ҳуқуқини мустаҳкамлаши билан аҳамиятлидир.

Ушбу қонун билан кўчмас мулкка бўлган ҳуқуқларни давлат рўйхатидан ўтказиш соҳасидаги мавжуд тартиботлар, ҳуқуқни белгиловчи ҳужжатлар, жараёнларнинг хусусиятлари умумлаштирилиб, ягона тўғридан тўғри амал қилувчи қонун шаклига келтирилди.

Мазкур қонун лойиҳасида қуйидагилар:

👉 кўчмас мулкка бўлган ҳуқуқлар давлат реестри, рўйхатдан ўтказиш ишини ва бизнес жараёнларни электрон шаклда ахборот тизимлари орқали юритиш;

👉 давлат рўйхатидан ўтказиш жараёнлари, авторизация қилинган воситачилар билан ахборот коммуникация тизимлари орқали маълумот алмашиш ҳамда ушбу маълумотлар асосида ҳуқуқни давлат рўйхатидан ўтказиш;

👉 кўчмас мулкка бўлган ҳуқуқни белгиловчи ҳужжатлар, шу жумладан, хусусийлаштирилган ер участкасига бўлган мулк ҳуқуқининг бошқа шахсга ўтишини белгиловчи ҳужжатлар ва унинг ўзига хос хусусиятлари;

👉 кўчмас мулкка бўлган ҳуқуқларни давлат рўйхатидан ўтказиш ҳаракатларини амалга оширишни рад этиш асосларининг аниқ рўйхати;

👉 мулкдорнинг қарори ёки мулкдорларнинг битими асосида кўчмас мулкларни бўлиш ва қўшиш механизмларини жорий этиш;

👉 ваколатли органлар қарори асосида кўчмас мулкка тақиқ қўйилганда, бу ҳақда ҳуқуқ эгаларини хабардор этиш белгилаб қўйилмоқда.

Мазкур қонун билан ер ҳисобини юритишда ҳуқуқларни давлат рўйхатидан ўтказиш кетма-кетлиги ҳам белгилаб берилмоқда. Бунда, Ер кодексига мувофиқ авваламбор ерга бўлган ҳуқуқ давлат рўйхатидан ўтказилиши, кўчмас мулк билан битим тузилишига қадар унга бўлган ҳуқуқ давлат рўйхатидан ўтказилиши таъминланади.

Кўчмас мулкка бўлган ҳуқуқларни давлат рўйхатидан ўтказишда юзага келадиган низоларни комиссия томонидан, комиссия қароридан норози бўлганда Апелляция комиссияси томонидан кўриб чиқиш бўйича судгача ҳал қилиш механизми ҳам белгиланмоқда.

Ушбу қонуннинг қабул қилиниши кўчмас мулкка бўлган ҳуқуқларнинг давлат рўйхатидан ўтказилиши натижасида давлат томонидан кафолатланиши, мулкдорлар ҳуқуқларининг ҳимояланиши, кўчмас мулкка бўлган ҳуқуқларни давлат рўйхатидан ўтказишнинг қонун билан кафолатланган тартиби ўрнатилиши га имкон беради.

Шунингдек, низоларни судгача ҳал этиш орқали кафолатлаш натижасида кўчмас мулк бозорининг ривожланиши, иқтисодиётга инвестициялар жалб қилиниши ва булар натижасида иқтисодиёт ривожига ижобий омиллар таъминланади.

@a_xaitov

☑️ Таълимда янги умуммиллий лойиҳа бошланади.

Жорий йилнинг 5 апрель куни давлатимиз раҳбари раислигида халқ таълими соҳасида амалга оширилаётган ислоҳотлар натижадорлигининг таҳлили юзасидан видеоселектор йиғилиши ўтказилд inи.
Унда мен ҳам иштирок этдим.

Мамлакатимиздаги 852 та мактабда таълим сифати, муаллимлар салоҳияти ва ўқувчиларнинг олийгоҳларга кириш даражаси анча паст.

Президент мактаблари, ихтисослашган ва хусусий мактабларда илғор методикалар йўлга қўйилган. Лекин қолган мактабларнинг энг катта муаммоси бу – ўқитиш методикасининг эскирганлиги. Замонавий таълим услубларини уларда ҳам жорий қилиш бўйича ташаббуслар йўқ.

Мактабларни компьютер билан таъминлаш бўйича маблағлар ажратилган бўлса-да, Қорақалпоғистон Республикаси, Андижон, Жиззах, Қашқадарё, Наманган ва Тошкент вилоятларида ишлар суст кетаяпти. Олис ва чекка ҳудудлардаги мактабларда таълим сифати қониқарсиз аҳволда.

Давлатимиз раҳбари мактаб ўқитувчиларини янги методика асосида қайта тайёрлаш бўйича умуммиллий лойиҳа бошланишини эълон қилди.

Ушбу янги тизим доирасида келгуси 3-4 йилда мактаблардаги барча синф ўқитувчилари янги методика асосида ўқитилади. Бунинг учун ҳар бир ҳудуддаги Малака ошириш марказлари негизида педагогларни янги методикаларга ўргатувчи Миллий таълим марказлари ташкил этилади. Уларга аниқ ва табиий фанлар бўйича хориждан энг малакали мутахассислар жалб қилинади.

Ҳар бир вилоят кесимида “тренерлар гуруҳи” шакллантирилиб, улар жойларда мактаб ўқитувчиларининг малакасини ошириб боради. Уларнинг ойлик иш ҳақига 100 фоизгача устамалар тўланади.

Ҳокимликлар Халқ таълими вазирлиги билан бирга, ҳар бир туман ва шаҳарда камида 20 фоиз мактабда, йил якунига қадар илғор методикаларни жорий этишни бошлайди. Бу янги тизимни жорий қилиш учун 100 миллион доллар қўшимча маблағ йўналтирилади.

Шунингдек, Абдулла Авлоний номидаги институт Республика миллий таълим маркази сифатида қайта ташкил этилади ва Тошкент давлат педагогика университети билан ягона тизимга бирлаштирилади.

Умуман, янги методикаларга ўқитиш тизими Миллий таълим маркази ва Тошкент давлат педагогика университетидан бошланади. Университет Халқ таълими вазирлиги таркибига ўтказилади, мактаб ўқитувчиларини тайёрлаш ва қайта тайёрлаш бўйича республикадаги таянч муассасага айлантирилади.

Ҳудудларда фаолият юритаётган педагогика институтлари босқичма-босқич университетлар таркибидан алоҳида ажратилиб, мустақил таълим даргоҳига айлантирилади.

@a_xaitov

Депутат: Давлат қарзи тўғрисидаги барча маълумотлар ҳамма учун очиқ ва шаффоф бўлади

#uzlidep #deputat #munosabat

Сайт | Facebook | Instagram | TikTok | Twitter | YouTube