Нафақат кўчат ўтқазиш, балки кейинчалик парваришлашга ҳам эътибор қаратиляпти

👉 https://uzlidep.uz/news-of-party/11617

Маълумки, кўчатни экиш нисбатан осон, ўстириш, парваришлаш қийин. Шу боис ўсимликларнинг ўз вақтида суғорилиши ҳамда парваришини доимий назорат қилиш партия туман ташкилоти зиммасига юклатилди.

#uzlidep #kochatekish

Сайт | Facebook | Instagram | TikTok | Twitter | YouTube

☑️ Озиқ-овқат хавфсизлиги ва бозорларда нарх-наво барқарорлигини таъминлаш устувор вазифа.

Тараққиёт стратегиясининг жорий йилга белгиланган муҳим вазифаларидан бири - бу барқарор иқтисодий ўсиш суръатлари таъминлашдир.

Жорий йилнинг 14 март куни давлатимиз раҳбари раислигида ўтказилган видеоселектор йиғилишида иқтисодиётни барқарор ривожлантириш, давлат корхоналарини трансформация қилиш масалалари муҳокама этилди.

Йиғилишда давлат корхоналари трансформация қилиш ишларини жадаллаштириш ва давлат активларини хусусийлаштириш масалалари муҳокама қилинди.

25 та давлат корхонасида операцион самарадорликни оширишда сусткашликка йўл қўйилгани кўрсатиб ўтилди. Ҳозирги замон талабига жавоб бермайдиган, зарар билан ишлаётган корхоналарни давлат томонидан қўллаб-қувватлаш амалиётидан бутунлай воз кечиш кераклиги айтилди.

Транспорт соҳасидаги ишлар ҳолати ҳам кўриб чиқилди. Транзит йўловчилар оқимини ошириш, чартер парвозларга рухсат бериш тизимини соддалаштириш, маҳаллий аэропортларни минтақавий транзит хабига айлантириш чоралари белгиланди.

“Ўзбекистон ҳаво йўллари” миллий авиакомпанияси эркин рақобат шароитида ишлаш учун замонавий ёндашувларни жорий қилиши, авиачипталар нархининг ошишига йўл қўймаслик зарурлиги таъкидланди.

Йиғилишда янги корхоналарни фойдаланишга топшириб, иш ўринлари ташкил этиш, аҳоли даромадларини ошириш ва ижтимоий қўллаб-қувватлаш масалаларига алоҳида эътибор қаратилди.

Ҳокимлар ва тармоқ раҳбарларига иқтисодий асосланмаган лойиҳаларнинг илгари сурилишига йўл қўймаслик бўйича кўрсатма берилди.

Мутасадди идораларга ижтимоий-иқтисодий дастурлар ижроси устидан назоратни кучайтириш, инвестиция лойиҳаларининг бозор иқтисодиёти талабига жавоб беришини ўрганиш вазифаси қўйилди.

Ташқи бозордаги бугунги вазиятдан келиб чиқиб, транспорт ва логистика масалаларини ҳал этиш, экспорт географиясини кенгайтириш, маҳсулотларни янги бозорларга чиқариш бўйича топшириқлар берилди.

Вилоят ҳокимлари озиқ-овқат хавфсизлигини ва бозорларда нарх-наво барқарорлигини таъминлаш бўйича вазифалар ижроси тўғрисида ахборот берди.

Жумладан, Фарғона ва Сурхондарё вилоятларини ижтимоий-иқтисодий ривожлантириш масалалари муҳокама қилинди. Мазкур ҳудудларда саноат маҳсулотлари ишлаб чиқаришни кенгайтириш, янги экспорт йўналишларини очиш ва аҳоли бандлигини таъминлаш чора-тадбирлари юзасидан вилоят ҳокимларининг ҳисоботи эшитилди.

@a_xaitov

Қорақалпоғистонлик томорқачилар учун зарур шарт-шароит яратишни изчиллик билан давом эттирамиз

👉 https://uzlidep.uz/news-of-party/11658

241 та хонадоннинг томорқаси шудгорланди. 351 та хонадонга иссиқхоналар қуриб берилди. Бундан ташқари, томорқалар соҳибларига салкам 2 тонна пиёз, саримсоқпиёз, картошка, редиска ва кўкат уруғлари етказилди. Ҳовлиларга 950 туп мевали дарахт, 350 туп узум кўчати экилди.

#uzlidep #tomorqa

Сайт | Facebook | Instagram | TikTok | Twitter | YouTube

Шу куннинг ўзидаёқ қишлоқ хўжалиги техникаси жалб қилиниб, бўш ётган ва ишлов берилмаган ерлар ағдарилди.

👉 https://uzlidep.uz/news-of-party/11659

#uzlidep #Xaitov #tomorqa

Сайт | Facebook | Instagram | TikTok | Twitter | YouTube

☑️ Кексалар ва нуронийлар ҳолидан доимий хабар олиш тизими йўлга қўйилади

Ўзбекистон Республикаси Президентининг “Нуронийларни ҳар томонлама қўллаб- қувватлаш, уларнинг турмуш даражасини оширишга доир қўшимча чора-тадбирлар тўғрисида”ги қарори қабул қилинди.

“Бир нуроний ўн ёшга масъул” тамойили асосида маҳаллаларда ҳаётий ва катта амалий тажрибага эга бўлган обрў-эътиборли нуронийлар ва зиёлиларни ишсиз, тарбияси оғир ва муаммоли ёшларга бириктириш орқали уларни жамият учун фойдали инсонлар бўлиб етишишларига кўмаклашиш дастурлари ишлаб чиқилади.

Фуқаролар йиғинлари томонидан нуронийлар ташаббуси ва тажрибасидан кенг фойдаланган ҳолда “Яшил макон” умуммиллий лойиҳаси доирасида ободонлаштириш ва кўкаламзорлаштириш ишларини амалга ошириш бўйича маҳаллаларнинг дастурлари қабул қилинади.

❗️Эндиликда ходимнинг пенсия ёшига тўлганлиги муносабати билан у билан тузилган меҳнат шартномасини иш берувчининг ташаббуси билан бекор қилиш тартиби тақиқланади.

2022 йил 1 апрелдан бошлаб:

🔸 “Нуроний” жамғармаси маблағлари ҳисобидан ўзгалар парваришига муҳтож бўлган ёлғиз кексалар ва ёлғиз яшайдиган кексалар ҳар йили бир маротаба санаторийларда бепул соғломлаштирилади;

🔹 Жамғарма маблағлари ҳисобидан шароити оғир ва кам таъминланган кексаларга шифокорларнинг рецептларига асосан 3 ойлик эҳтиёждан келиб чиқиб дори воситалари, тиббий ва махсус протез-ортопедия мосламалари олиб берилади ҳамда жарроҳлик амалиётларининг харажатлари қопланади;

🔸 Жамғарма маблағлари ҳисобидан оғир ташхисли касалликлари ҳамда ногиронлиги бўлган кексаларга шифокорларнинг рецептларига мувофиқ, 3 ойлик эҳтиёждан келиб чиқиб дори воситаларининг 50 фоизигача бўлган суммаси компенсация қилинади.

🔹 Жамғарма маблағлари ҳисобидан кексаларнинг жисмоний тарбия ва спорт йўналишидаги муассасаларда жисмоний тарбия ва спорт билан шуғулланишлари учун абонемент харажатлари қопланади.

🔸 Жамғарма маблағлари ҳисобидан давлат театрлари ва музейларига кексалар учун чипта нархлари тўлиқ қоплаб берилади.

📌 2022 йилда Жамғарма маблағларининг амалда ўзлаштирилишига қараб Давлат бюджетидан 50 миллиард сўм ажратилади.

2022 йил 1 сентябрга қадар бюджетдан ташқари Пенсия жамғармаси билан ҳамкорликда кексаларга оид маълумот ва янгиликларни уларнинг мобиль телефон рақамларига SMS-хабарнома юбориш орқали маълум қилиб боришни ташкил қилинади.

2022 йил 1 апрелдан бошлаб доимий равишда:

➖ олий таълим, ўрта махсус, профессионал таълим муассасалари ва мактабларда ёшларни миллий ва умуминсоний қадриятларни ҳурмат қилиш руҳида тарбиялаш мақсадида ҳаётий тажрибага эга бўлган нуронийлар билан очиқ давра суҳбатлари, шу жумладан, видеоконференция тарзида ташкил этилади;

➖ ўзгаларнинг парваришига муҳтож бўлган ёлғиз кексалар ва ёлғиз яшовчи кексаларни маънавий-руҳий ҳамда психологик қўллаб-қувватлаш мақсадида жойлардаги давлат органлари ва муассасаларининг малакали психологлари, фаол ёшлардан иборат бўлган волонтёрлик гуруҳлари ташкил қилинади.

☑️ Солиқ юкини камайтириш муҳим вазифа.

Тараққиёт стратегиясида солиқ тизимини ислоҳ қилиш бўйича, хусусан бу борада солиқ маъмуриятчилигини соддалаштириш вазифалари белгиланган.

Давлатимиз раҳбари раислигида шу йил 16 март куни Давлат солиқ қўмитасида бўлиб ўтган мажлисда соҳани такомиллаштириш билан боғлиқ масалалар муҳокама этилди.

Мажлисда таъкидланганидек, сўнгги йилларда мамлакатимиз солиқ маъмуриятчилиги тубдан ислоҳ қилинмоқда:

👉 2019 йил декабрда янги таҳрирдаги Солиқ кодекси қабул қилиниб, тўғридан-тўғри қўлланувчи нормалар жорий этилди;

👉Солиқлар сони 13 тадан 9 тага камайтирилди. Мулк солиғи ставкаси 5 фоиздан 1,5 фоизга, қўшилган қиймат солиғи 20 фоиздан 15 фоизга туширилди. Иш ҳақига нисбатан солиқ юки қарийб 2 баравар камайтирилди.

❗️Буларнинг натижасида тадбиркорларнинг ислоҳотларга ишончи ортиб, солиқ тушумлари 4 баравар кўпайди. Қўшилган қиймат солиғи тўловчилар сони 6 мингдан 152 мингтага етди.

👍 Давлатимиз раҳбари “Биз инсон қадрини улуғлашни эълон қилдик, халқимизни рози қилишга ҳаракат қилаяпмиз. Халқимиз қачон рози бўлади? Солиқ кам бўлиб, даромади ошса” деб ҳақ гапни айтдилар.

❗️Айниқса, 2026 йил бориб иқтисодиётга солиқ юкини 25 фоизгача камайтириш мақсад қилинган.

Шунингдек, 2023 йилдан қўшилган қиймат солиғини ҳозирги 15 фоиздан 12 фоизгача тушириш, кейинчалик ер ва мулк солиқларини бирлаштириш каби тадбиркорлик фаолиятига ижобий таъсир этадиган муҳим, инқилобий тадбирларни амалга ошириш мўлжалланган.

Яна бир муҳим вазифага, яъни солиқ идоралари фаолиятини яхшилаш учун ахборот технологияларини кенг жорий этиш эканига алоҳида урғу берилди.

Бунинг натижасида жараёнлар тўлиқ автоматлаштирилади, «яширин иқтисодиёт» ҳажмини камайтириш учун солиқ тўсиқлари бартараф этилади, кадрлар салоҳияти мустаҳкамланади.

Солиқ тизими давлат корхоналарини трансформация қилиш жараёнида фаол бўлиши, таннархни пасайтириш ва молиявий барқарорлик бўйича йўл-йўриқ кўрсатиши кераклиги айтилди.

Солиқ идораларини коррупциядан холи тизимга айлантириш ҳам муҳим вазифа, рақамлаштириш, замонавий кадрлар тайёрлаш ва уларнинг самарали ротациясини йўлга қўйиш бунга хизмат қилади.

@a_xaitov

Эндиликда зарар билан ишлаётган корхоналарни давлат томонидан қўллаб-қувватлаш амалиётидан воз кечилади

👉 https://uzlidep.uz/news-of-party/11671

Сайт | Facebook | Instagram | TikTok | Twitter | YouTube