☑️ Шу йилнинг 14 декабрь куни Олий Мажлис Қонунчилик палатасида навбатдаги “Ҳукумат соати” бўлиб ўтди.

Унда депутатлар “Қиш мавсумида аҳолини асосий турдаги қишлоқ хўжалиги маҳсулотлари билан кафолатли таъминлаш ва соҳада қулай агробизнес муҳитини яратиш борасида амалга оширилаётган ишлар ҳақида”ги  ҳамда “Рақамли Ўзбекистон – 2030” Стратегиясини билан белгиланган вазифаларнинг ижросини таъминлаш борасида олиб борилаётган ишлар тўғрисида”ги масалани муҳокама қилдилар.

Кун тартибидаги масалалар юзасидан депутатларнинг саволларига Қишлоқ хўжалиги вазири А.Воитов ҳамда Ахборот технологиялари ва коммуникацияларини ривожлантириш вазири Ш.Шерматов жавоб берди.

Ҳукумат соатида халқ вакиллари томонидан кўтарилган масалалар бўйича вазирлар кенг ва атрофлича жавоб берди.

Муҳокамаларга бой бўлган “Ҳукумат соати”да депутатлар мавжуд муаммоларни бартараф этиш, соҳа истиқболига қаратилган бир қатор таклиф ва тавсиялар берди.

@a_xaitov

Кучлилар куч синашган ҳақиқий финал! Зўр томоша бўлди!
Командавий руҳ ва албатта омад кулиб боққан Месси жамоаси чемпион! Мбаппега ҳам тасанно!

Ўзбекистон фермер, деҳқон хўжаликлари ва томорқа ер эгалари кенгаши масъуллари жойларда бўлиб, озиқ-овқат маҳсулотларини етиштириш борасида муаммоларни тизимли ўрганиб боришмоқда. Томорқа ер эгалари ва деҳқонлар билан мулоқот қилишаяпти, амалий ёрдам кўрсатилаяпти.

Шундай ўрганишлар Қашқадарё вилоятининг Миришкор туманида бўлди.

Туманнинг “Миробод” маҳалласида “Баҳор” кўчасида яшовчи “Намунали томорқачи” кўкрак нишони соҳиблари Худойбердиев Ражабқул, Пирнафасов Очил ва Худойбердиева Гулҳаёлар маҳалладошлари билан “Бир маҳалла - бир маҳсулот” тамойили асосида йилига томорқа ва иссиқхонадан икки ва уч марта марта ҳосил олишаяпти.

Маҳалла раислари, ҳоким ёрдамчилари иштирокида амалий семинар бўлди.

Унда тўқсонбости экинларни парваришлаш, Кенгаш ҳузуридаги Жамғармадан ажратиладиган субсидиялар асосида томорқаларни суғориш учун артезиан қудуқлари қазиш, имтиёзли кредитлар ажратиш борасида тушунтиришлар берилди, талабгор фуқаролар тингланди.

Мулоқот якуни бўйича зарур чоралар белгиланди.

@a_xaitov

#Ялпи_мажлис

☝️ Ўзбекистон Республикаси Олий Мажлиси Қонунчилик палатасининг навбатдаги мажлиси бошланди. Мажлис Қонунчилик палатасининг youtubeдаги канали орқали жонли эфирга узатилмоқда.
_______________________

☝️ Началось очередное заседание Законодательной палаты Олий Мажлиса Республики Узбекистан. Заседание транслируется в прямом эфире на YouTube-канале Законодательной палаты.


Facebook | Telegram | YouTube| Instagram| Veb-sayt| ParlamentTV

⚡️⚡️Эртага, 20 декабрь куни Ўзбекистон Президенти Шавкат Мирзиёевнинг Олий Мажлисга Мурожаатномаси МТРК телерадиоканаллари, шунингдек, нодавлат телеканаллар ҳамда Президентнинг ижтимоий тармоқлардаги саҳифалари орқали тўғридан-тўғри жонли эфирда намойиш этилади.

Каналга уланиш:
➖@uzauz

☑️ Кейинги йил учун бюджет лойиҳаси депутатлар муҳокамасидан ўтмоқда

Шу йилнинг 19 декабрь куни Олий Мажлис Қонунчилик палатасидаги O'zLiDeP фракциясининг навбатдаги йиғилиши бўлиб ўтди.

Йиғилишда депутатлар томонидан «2023 йил учун Ўзбекистон Республикасининг Давлат бюджети тўғрисидаги»ги қонун лойиҳасини биринчи ўқишда атрофлича кўриб чиқилди.

Шунингдек мазкур масала Қонунчилик палатасининг ялпи мажлисида ҳам кўриб чиқилди.

Қонун лойиҳаси ва Бюджетномада ялпи ички маҳсулотнинг ўсиш сурати 5,3 фоиз миқдорда бўлиши назарда тутилмоқда. Хусусан, саноат ишлаб чиқариш ҳажми 5,1 фоиз, қурилиш 6,0 фоиз, қишлоқ хўжалиги 3,5 фоиз, хизматлар соҳаси 6,7 фоизга ортиши кутилмоқда.

📌 2023 йилда мамлакатнинг:

👉 ялпи ички маҳсулоти 1068,0 триллион сўмни;

👉давлат бюджети даромадлари 232,1 триллион сўм ёки ЯИМга нисбатан 21,7 фоиз даражасида бўлиши кутилмоқда.

Қонун лойиҳаси билан 2023 йилдан бошлаб консолидациялашган бюджет тақчиллигининг чекланган микдори ялпи ички маҳсулотга нисбатан 3 фоиздан ошмаслиги белгиланмоқда.

Давлат бюджетининг харажатлари (давлат мақсадли жамғармаларига ажратиладиган трансфертлар билан бирга):

➖ 257,7 триллион сўмни, ялпи ички маҳсулотга нисбатан 24,1 фоизни ёки 2022 йил кутилаётган ижрога нисбатан 18,9 трлн. сўмга ортиши прогноз қилинмоқда.

Жаҳон бозорида озиқ-овқат ва ёнилғи нархларида кузатилаётган тебранишлар натижасида Ўзбекистонда:

👉 2022 йилда инфляция даражаси 12-12,3 фоиз атрофида бўлиши;
👉 2023 йилда 9,5 фоизгача пасайиши кутилмоқда.

Шу билан бирга, тадбиркорлар манфаатига хизмат қиладиган солиқ бўйича қатор янгиликлар ҳам киритилмоқда. 2023 йил 1 январдан қўшилган қиймат солиғи ставкасини 15 фоиздан 12 фоизга пасайтириш кўзда тутилмоқда.

Қонун лойиҳасида кичик ва ўрта бизнес ривожланишини рағбатлантириш мақсадида товар айланмаси 1 млрд. сўмдан ошган кичик бизнес тоифасига кирувчи тадбиркорлар учун 1 йил давомида фойда солиғи ставкасини 2 бараварга пасайтириш назарда тутилмоқда.

Депутатлар ўз электорати манфаатларидан келиб чиққан ҳолда тадбиркорлик субъектлари, корхоналар, хусусий тадбиркорларни қўллаб-қувватлаш борасида берилаётган солиқ имтиёзлари, ажратиладиган маблағлар муҳим аҳамият касб этишини алоҳида эътироф этишди.

@a_xaitov

☑️ Бугун 20 декабрь куни давлатимиз раҳбарининг Олий Мажлисга ва Ўзбекистон халқига Мурожаатномаси эълон қилинди.
Мазкур анжуманда мен ҳам қатнашдим.

Давлатимиз раҳбари мамлакатимиз миллий ривожланишнинг янги даврига дадил қадам қўяётгани, ҳаётимизнинг барча жабҳаларида улкан ўзгаришлар юз бераётганини таъкидлади. Жумладан:

👉 ялпи ички маҳсулот ҳажми илк бор 80 миллиард доллардан ошди (2018 йилда 52 миллиард доллар бўлган);

👉 иқтисодиётимизга шу йилнинг ўзида 8 миллиард доллар тўғридан-тўғри хорижий инвестициялар кириб келди, экспортимиз эса 19 миллиард долларга етди (2018 йилда 14 миллиард доллар бўлган);

👉 бу йил тарихимизда илк бор пенсия ва ижтимоий нафақалар миқдори минимал истеъмол харажатларидан кам бўлмаган даражага олиб чиқилди.

👉 охирги олти йилда мамлакатимиз бўйича қарийб 300 мингта ёки аввалги йилларга нисбатан 10 баробар кўп уй-жойлар қурилди;

👉 бу даврда қўшимча 500 минг ўқувчи ўрни яратилиб, уларнинг жами сони 5 миллион 300 мингга етди. Ҳозирги вақтда яна 1 миллион 200 минг ўқувчи ўрни яратиш бўйича ишлар жадал давом эттирилмоқда;

👉 бу йил 381 нафар спортчимиз Жаҳон ва Осиё мусобақаларида, 43 нафар иқтидорли ва билимдон ёшларимиз нуфузли халқаро фан олимпиадалари ҳамда танловларида совринли ўринларни қўлга киритди.

Президент Шавкат Мирзиёев бугунги кунда Ўзбекистон жаҳон сиёсати марказларидан бирига айланаётгани, халқаро ҳамжамият буни кенг эътироф этаётганини таъкидлади.

Шанхай Ҳамкорлик Ташкилоти ва Туркий давлатлар ташкилоти саммитлари ҳамда ўнлаб юқори даражадаги халқаро анжуманларга мезбонлик қилинди ва муҳим ташаббуслар илгари сурилди.

Ушбу ютуқлар, инсон қадри улуғ бўлган диёр – Янги Ўзбекистонни барпо этиш йўлидаги дастлабки натижалар экани таъкидланди.

"Биз бунёдкор халқимиз билан бирга бундай эзгу ишларни давом эттирамиз ва олдимизга қўйган катта-катта марраларга албатта эришамиз", деди Президент.

@a_xaitov

Мурожаатномада белгиланган вазифалар зиммамизга улкан масъулият юклайди

👉 https://uzlidep.uz/news-of-party/13691

➖Давлатимиз раҳбари 2023 йилга юртимизда “Инсонга эътибор ва сифатли таълим йили” деб ном беришни таклиф қилдилар. Буни бутун юртдошларимиз тўлиқ қўллаб-қувватлади деб баралла айта оламиз.

➖Келгуси йилга бундай ном берилишида ҳам катта маъно ва мазмунлик мужассамлигини таъкидлаш ўринлидир.

➖Хусусий ташаббусларни янада кенгайтириш, уларга янги истиқболларни очиш мақсадида энди “қўл бошқаруви”дан аниқ натижага ишлайдиган тизимли бошқарувга ўтиш вақти келгани таъкидланди.

➖Мурожаатномада партиямизнинг энг муҳим йўналишларидан бири саналган иқтисодий ислоҳотлар қатъий давом эттирилиб, хусусий сектор янада қўллаб-қувватланиши айтиб ўтилди. Эндиликда, ҳудудлар ўртасидаги иқтисодий тенгсизликни қисқартириш, барча туман ва шаҳарларни бир маромда ривожлантириш бўйича янгича ёндашувлар жорий этилади.

➖Умуман олганда, Президентимизнинг Мурожаатномасида келтирилган вазифаларнинг ижросини таъминлашда, уни амалга оширишда бор куч ва имкониятларимизни тўлиқ сафарбар этамиз.

#uzlidep #murojaatnoma #munosabat

Сайт | Facebook | Instagram | TikTok | Twitter | YouTube

☑️ Хусусийлаштириш кўлами кенгаяди, бу рақобатни ривожлантиради

Давлатимиз раҳбари Мурожаатномада келаси йили “катта хусусийлаштириш” бошланиши, 1 мингга яқин корхона савдога чиқарилишини таъкидлади.

"Менинг катта ниятим – юртдошларимиз орасида юз минглаб мулкдорлар, акциядорлар пайдо бўлсин. Одамларимиз ўз омонатларини инвестиция қилиб, юқори даромадларга эга бўлсин.

Шунинг учун, топшириқ бердим. Кейинги йилда энг йирик 10 та компаниялар ва тижорат банкларимизни акциялари ўз аҳолимиз учун очиқ ва шаффоф савдога чиқарилади.

Бу чинакам халқ IPOси бўлишига ишонаман", - деди Президент. 

Жаҳон савдо ташкилотига аъзо бўлиш бўйича асосий музокараларни якунлаб, ички қонунчиликни мослаштириш, янги стандартларни жорий этиш ишлари жадаллаштирилади.

Умуман, 2023 йилда экспорт ҳажми тарихимизда илк бор 23 миллиард доллардан ортади.

Президент Мурожаатномага якун ясар экан, унда айтилган вазифаларни дунёдаги ҳозирги мураккаб шароитда амалга ошириш осон бўлмаслигини қайд этди.

"Лекин биз ўтган даврда катта билим ва тажриба тўпладик. Энг муҳими, ўз куч ва имкониятларимизга бўлган ишончимиз тобора ортиб бормоқда.

Шу боис, қанчалик қийин бўлмасин, танлаган йўлимиздан ҳеч қачон ортга қайтмаймиз. Кўзлаган марраларимизга албатта етамиз.
 
Бу йўлда нияти улуғ, қалби пок, меҳнаткаш халқимизга таянамиз. Бир тану бир жон бўлиб ҳаракат қилсак, мен ишонаман, эл-юртимиз интилаётган Янги Ўзбекистонни албатта барчамиз биргаликда бунёд этамиз", - деди давлатимиз раҳбари.

Президент сўзининг якунида йиғилганларни, бутун халқимизни кириб келаётган Янги йил байрами билан чин қалбдан самимий табриклаб, сиҳат-саломатлик, файзу барака, оилавий бахт тилади.

@a_xaitov

O‘zLiDeP Сиёсий Кенгаши Ижроия қўмитаси ҳамда партиянинг Олий Мажлис Қонунчилик палатасидаги фракциясининг қўшма йиғилиши бўлиб ўтди

Унда Президентимиз Шавкат Мирзиёевнинг Олий Мажлис ва Ўзбекистон халқига Мурожаатномасидан келиб чиқувчи партия ва фракция олдидаги устувор вазифалар атрофлича муҳокама қилинди.

#uzlidep #murojaatnoma #ijroqom

Сайт | Facebook | Instagram | TikTok | Twitter | YouTube

☑️ Бюджет маблағларининг мақсадли ишлатилиши юзасидан вазирликларнинг масъулияти оширилади.

Шу йилнинг 22 декабрь куни Ўзбекистон Республикаси Олий Мажлиси Қонунчилик палатасининг навбатдаги мажлиси бўлиб ўтди.

Мажлисда депутатлар томонидан “2023 йил учун Ўзбекистон Республикасининг Давлат бюджети тўғрисида”ги қонун лойиҳаси иккинчи ва учинчи ўқишда  кўриб чиқилди.

Мажлисда қайд этилганидек, ушбу қонун лойиҳасини биринчи ўқишда кўриб чиқиш жараёнида барча сиёсий партиялар фракциялари ўз позициясини билдириб, қатор таклифларни илгари сурган эди.

Қонун лойиҳасини иккинчи ўқишга тайёрлаш чоғида ўтказилган ишчи гуруҳ йиғилишларида лойиҳани янада такомиллаштириш, пишиқ-пухта ҳолатга келтириш бўйича депутатлар томонидан кўплаб таклифлар берилди ва уларнинг аксарияти ҳужжатни маромига етказишда эътиборга олинди.

Кўплаб принципиал аҳамиятга молик таклифларга ҳукумат вакилларининг масъулият билан ёндошуви қонун лойиҳасининг мукаммал бўлишига ва такомиллашувига хизмат қилди.

Шунингдек, тегишли қўмиталар ва сиёсий партиялар фракциялари йиғилишларида қонун лойиҳасида вазирлик ва идораларга ажратилиши кўзда тутилган бюджет маблағлари, улардан фойдаланиш ва натижадорликни ошириш юзасидан таклиф ва тавсиялар муҳокама қилинди.

Мажлисда бош молиявий ҳужжат лойиҳаси қизғин муҳокама қилиниб, парламент вакилларининг берган саволларига Молия вазири Т.Ишметов, тегишли вазирлик ва идораларнинг масъуллари атрофлича жавоб қайтарди.

2023 йил давлат бюджети лойиҳаси давлатимиз раҳбарининг шу йил 20 декабрдаги Парламент ва халқимизга Мурожаатномасида белгиланган аксарият вазифалар ва ташаббусларни амалга оширишга молиявий манба бўлиб хизмат қилади.

Қизғин давом этган муҳокамалар, савол-жавоблардан сўнг қонун лойиҳаси депутатлар томонидан қабул қилинди ва Сенатга юбориладиган бўлди.

Бюджет маблағларининг мақсадли ишлатилиши юзасидан вазирликлар ваколати кенгайиши билан бирга, уларнинг масъулияти оширилади.

Парламентда муҳокамалар депутатлар ва сенаторлар олдида ҳар чоракда бўлади, вазирлик, идоралар раҳбарларининг ҳисоботлари эшитилади.

Жойларга чиқиб депутатлар ва мутасадди вазирликлар иштирокида ўрганишлар ва муҳокамалар ўтказиб борилади.

@a_xaitov

☑️ 22 декабрь - Халқаро энергетика ходимлари куни

Энергетика комплекси ҳақли равишда иқтисодиётнинг асосий, стратегик тармоғи ҳисобланиб, ишлаб чиқариш ва ижтимоий соҳанинг ўсиб бораётган эҳтиёжларини қондирадиган, давлатнинг энергетик хавфсизлигини мустаҳкамлашга салмоқли ҳисса қўшиб келаётган тармоқ ҳисобланади.

Охирги олти йилда давлатимиз раҳбари бошчилигида соҳада катта ўзгаришлар амалга оширилди. Хусусан, 5 минг мегаваттдан ортиқ янги электр қувватлари яратилди, 45 минг километр электр тармоқлари ва 13 мингдан ортиқ трансформатор пунктлари янгиланди, суюлтирилган газ ва кўмир ишлаб чиқариш ҳажмлари 1,5 бараварга оширилди.

Албатта мазкур ўзгаришларни амалга оширишда энергетика соҳасида хизмат қилаётган ходимларнинг ўрни беқиёсдир. Уларнинг иши бир қатор хавф-хатарлар билан боғлиқ бўлиб, у юқори профессионаллик ва интизомни талаб қилади. Йилнинг қайси фасли, об-ҳаво шароити қандай бўлишидан қатъи назар, энергетиклар фуқаролар қулайлигини таъминлаш учун мувофиқлаштирилган ва самарали ҳаракат қилишлари керак. Мана шундай астойдил меҳнатингизни ғоят қадрлаймиз!

Бугун – 22 декабрь куни Халқаро энергетика ходимлари куни нишонланмоқда. Шу кун муносабати билан соҳада хизмат қилаётган барча ходимларни табриклаб, мамлакатимизнинг замонавий энергетика мажмуасини шакллантириш ва ривожлантиришдаги машаққатли меҳнати учун миннатдорчилик билдирамиз.

Байрамингиз муборак бўлсин!

@a_xaitov