☑️ Туркий давлатлар ташкилоти доирасида “Янги иқтисодий имкониятлар ҳудудини”ни барпо этиш ташаббуси илгари сурилди

Шу йилнинг 11 ноябрь куни Самарқанд шаҳрида Ўзбекистон Республикаси Президенти Шавкат Мирзиёев раислигида Туркий давлатлар ташкилоти давлат раҳбарларининг “Туркий цивилизациянинг янги даври: умумий тараққиёт ва фаровонлик сари” мавзусидаги йиғилиши бўлиб ўтди.

Йиғилиш кун тартибига мувофиқ, давлат раҳбарлари сиёсий, иқтисодий ва маданий-гуманитар соҳалардаги ҳамкорликнинг бугунги ҳолати ва истиқболларини муҳокама қилдилар.

Ўзаро боғлиқликни кучайтириш, туризм, энергетика ва қишлоқ хўжалиги соҳаларидаги ҳамкорликни кенгайтириш масалалари кўриб чиқилди.

Ҳудудлар ўртасида фан ва таълим, технологиялар ва инновациялар борасидаги ҳамкорликнинг самарали механизмларини ишлаб чиқишга алоҳида эътибор қаратилди.

Ўзбекистон Республикаси Президенти Шавкат Мирзиёев ўз нутқида тинчлик ва дўстлик рамзи, фан ва маърифат маркази бўлмиш Самарқанд шаҳрини “Туркий цивилизация пойтахти” деб эълон қилиш ташаббуси қўллаб-қувватлангани учун саммит иштирокчиларига миннатдорлик билдирди.

Геосиёсий зиддиятлар, глобал иқтисодий инқироз ва иқлим ўзгаришининг салбий оқибатлари ортиб бораётган шароитда энг долзарб муаммолар ечими бўйича давлатларимиз умумий ёндашувларни белгилаб олиши, саъй-ҳаракатларни уйғунлаштириши ниҳоятда муҳимдир.

Шу муносабат билан Ўзбекистон ўз раислиги даврида “Туркий дунё нигоҳи – 2040” концепцияси ҳамда бугун қабул қилинаётган Туркий давлатлар ташкилотининг беш йиллик стратегиясини самарали амалга ошириш, 170 миллиондан ортиқ аҳоли яшайдиган улкан минтақани ўз ичига олган Ташкилот нуфузини янада мустаҳкамлаш, ва энг асосийси – тарихи, тили ва маданияти муштарак бўлган қардош халқларимиз ва давлатларимиз ўртасидаги ҳамкорликни юксак поғонага олиб чиқиш ниятида.

Давлатимиз раҳбари Ташкилот фаолиятининг чуқур таҳлили асосида туркий мамлакатларнинг улкан салоҳияти ва имкониятларини ишга солишга қаратилган қатор ташаббусларни илгари сурди.

Савдо-иқтисодий ҳамкорлик асосларини мустаҳкамлаш мақсадга мувофиқ экани қайд этилди.

– Мамлакатларимизнинг ўзаро товар айланмаси умумий ташқи савдомизнинг атиги 4 фоизини ташкил этади. Унинг қолгани эса учинчи давлатлар улушига тўғри келмоқда. Албатта, бундай ҳолат ҳеч биримизни қониқтирмайди, - дея таъкидлади Президентимиз.

Бу стратегик йўналишда вазиятни тубдан ўзгартириш, савдо, инвестиция ва хизматларнинг эркин ҳаракатини таъминлаш учун Ташкилот доирасида “Янги иқтисодий имкониятлар ҳудудини”ни барпо этиш ташаббуси илгари сурилди.

Ушбу мақсадга эришиш учун давлатимиз раҳбари ҳар йили Халқаро туркий иқтисодий форумни ўтказишни таклиф этди.  Форум доирасида “давлат ва бизнес” форматида қўшма тадбирлар, тадбиркорлар учрашувлари ва давра суҳбатлари, инновацион лойиҳалар тақдимотлари ва кўргазмаларни ўтказиш катта амалий натижа беради.  Ушбу тадбирлар якунлари бўйича қўшма дастур ва лойиҳаларни биргаликда амалга оширишга қаратилган йиллик “Йўл хариталари” қабул қилиниши муҳим аҳамиятга эга бўлади.

Бу чоралар, энг аввало, ўзаро савдони кескин ошириш ва учинчи мамлакатлар бозорларига биргаликда чиқиш, қўшилган қиймат узлуксиз занжирларини яратиш, юқори технологик кластерлар ва венчур ширкатларни ташкил этишга қаратилади.

@a_xaitov

☑️ Ўзбекистон ва Венгрия етакчилари ўзаро манфаатли ҳамкорликнинг устувор лойиҳаларини муҳокама қилдилар

Шу йилнинг 10 ноябрь куни давлатимиз раҳбари Самарқанддаги Туркий давлатлар ташкилоти саммити доирасида Венгрия Бош вазири Виктор Орбан билан музокара ўтказди.

Учрашувда олий даражада эришилган келишувларга мувофиқ амалий ҳамкорликни кенгайтириш ва икки томонлама стратегик шериклик муносабатларини мустаҳкамлаш масалалари атрофлича кўриб чиқилди.

Фаол ишбилармонлик алоқалари, жумладан, шу кунларда икки мамлакатнинг етакчи компания ва корхоналари иштирокида ўтказилаётган қўшма бизнес форум самарали натижалар бераётгани мамнуният билан қайд этилди.

Саноат, кимё тармоғи, фармацевтика, банк-молия, транспорт ва логистика соҳаларида, бошқа устувор йўналишларда қўшма инвестиция лойиҳаларини илгари суришга алоҳида эътибор қаратилди.

Бизнес ташаббусларини молиявий қўллаб-қувватлаш бўйича механизмлар яратиш ишларини тезлаштиришга келишиб олинди.

Гуманитар алмашинув дастурларини, энг аввало, таълим, маданият ва кинематография соҳаларида фаол давом эттириш муҳимлиги таъкидланди.

Давлат раҳбарлари учрашувидан аввал Туркий давлатлар ташкилотининг биринчи саммити арафасида Ўзбекистон-Венгрия бизнес-форуми бўлиб ўтган эди.

Мазкур форумда икки томонлама қўшма инвестиция лойиҳаларини амалга ошириш  белгилаб олинди

Бизнес-форумда 8 та ҳужжат, жумладан, автомобилсозлик, транспорт-логистика хизматлари, енгил саноат, паррандачилик соҳаларида ҳамкорлик тўғрисида келишув ва шартномалар ҳамда тиббиёт ва фармацевтика маҳсулотлари ишлаб чиқариш, илмий-техника ва балиқчилик соҳасида ўзаро англашув меморандумлари имзоланди.

@a_xaitov

​Қадрли шифокорлар, тиббиёт ходимлари!

Сизларни – саломатлигимиз посбонларини мамлакатимизда кенг нишонланаётган Тиббиёт ходимлари куни муносабати билан самимий муборакбод этамиз!

Соғлиқ – улуғ неъмат. Шу боис шифокорлик касблар ичра энг шарафлиси дея эътироф этилади. Инсон ҳаётига дахлдор ўта масъулиятли касбни зиммасига олган, бу йўлда фидокорона меҳнат қилаётган ҳар бир тиббиёт ходими эъзозга муносиб.

Президентимиз, халқимиз сизларнинг машаққатли, шу билан бирга шарафли хизматларингиз, меҳнатингизни қадрлаб, соҳа вакилларига алоҳида эътибор ва ғамхўрлик кўрсатмоқда. Кейинги йилларда шифокор ва ҳамшираларнинг маоши бир неча марта оширилди, тиббиёт муассасаларининг моддий-техника базаси яхшиланди. Шунинг баробарида тиббиёт ходимларининг жамиятимиздаги мавқеини ошириш борасида кўплаб хайрли ишлар амалга оширилди. 

O‘zLiDeP давлатимизнинг мазкур йўналишдаги сиёсатига ҳамоҳанг иш олиб боряпти. Сафдошларимиз ичида шифокорларнинг кўплиги эса бу борадаги фаолиятимиз самарадорлигини таъминлаяпти. Хусусан, партиямиз  хусусий тиббиётни ривожлантиришга баҳоли қудрат ҳисса қўшмоқда. Зеро, хусусий тиббиёт қатор афзалликлар қаторида ҳаётини шу касб билан боғлаган инсонлар истеъдоди, салоҳияти рўёбга чиқишига кенг имкониятлар яратади. 

Сизлар касбингизга меҳр ва садоқатингиз билан халқимиз ишончини янада чуқурроқ қозонишингизга ишонамиз.

Сиз, азизларни касб байрамингиз билан яна бир бор қутлаб, барчангизга сиҳат-саломатлик, улкан зафарлар,  хонадонларингизга файзу барака ёр бўлишини тилаймиз.

Актам Хаитов,
O‘zLiDeP Сиёсий Кенгаши Ижроия қўмитаси раиси,
Олий Мажлис Қонунчилик палатаси Спикери ўринбосари

☑️ Видение тюркского мира

Самарканде состоялось исторически важное мероприятие — первый саммит Организации тюркских государств, членами которого являются Азербайджан, Казахстан, Кыргызстан, Турция и Узбекистан. Со статусом наблюдателей в нем также участвуют Венгрия и Туркменистан.

Саммит ОТГ в Самарканде стал наглядным свидетельством того, что при оценке развития и прогнозирования ситуации на обширных пространствах Центральной Азии, Южного Кавказа и Малой Азии важно учитывать фактор сотрудничества тюркских стран. Успешный характер данного мероприятия является результатом проактивной политики Узбекистана, определившего взаимодействие с тюркскими государствами в качестве приоритетов своего внешнеполитического курса.

Из 242 номера газеты «Народное слово» от 12 ноября 2022 года.

@a_xaitov

Вазирлар Маҳкамаси биносида қуввати 630 кВт бўлган қуёш фотоэлектр станцияси ишга туширилди. Мазкур қуёш фотоэлектр станцияси йилига 1,1 млн кВт-соатдан зиёд электр энергияси ишлаб чиқаради.

❗️ Шуни алоҳида қайд этиш керакки, станция Вазирлар Маҳкамаси биносини кундуз куни тўлиқ электр энергияси билан таъминлайди. Шу билан бирга, эҳтиёжидан ортган қисмини ҳудудий электр тармоқларига узатиш имконияти ҳам яратилди.

Станция президентимиз топшириғи ижроси юзасидан амалга оширилди. Энергетика вазирлиги ушбу ташаббусга барча вазирлик ва идоралар ҳам қўшилишларини сўрамоқда.

Мазкур ташаббусни қўллаб-қувватлаймиз.

@a_xaitov

☑️ Бугун 14 ноябр куни O'zLiDeP Сиёсий Кенгаши мажлиси бўлиб ўтади.

Мажлисда йилнинг ўтган давридаги фаолият якунлари, партиянинг Янги Ўзбекистон тараққиет стратегиясини амалга ошириш борасидаги, хусусан жорий "Инсон қадрини улуғлаш ва фаол маҳалла йили" давлат дастурини амалга оширишда ҳудудий кенгашлар, қуйи бўғинлар фаолияти сарҳисоб қилинади.

Партия ташкил этилганининг ўн тўққиз йиллиги муносабати билан муборакбод этилиб, мамлакат сиёсий саҳнасида партиянинг ўрнини янада мустаҳкамлаш вазифалари белгилаб олинади.

@a_xaitov