#Адлия_хабари

⚠️ Адлия органлари тизимида коррупцияга қарши муросасиз кураш эълон қилинган.

📲 Бунда Адлия вазирлиги тизимидаги, жумладан:

▫️адлия бошқармалари ва бўлимлари;
▫️юридик хизмат кўрсатиш марказлари;
▫️ФҲДЁ органлари;
▫️давлат хизматлари марказлари;
▫️“Ўзархив” агентлиги ва унинг ҳудудий тузилмалари;
▫️Х. Сулаймонова номидаги Республика суд-экспертиза маркази ва унинг ҳудудий бўлинмалари;
▫️“Адолат” миллий ҳуқуқий ахборот маркази;
▫️Персоналлаштириш агентлиги;
▫️Адлия органлари ва муассасаларида ахборот-коммуникация технологияларини ривожлантириш маркази;
▫️Давлат хизматларини ривожлантириш маркази;
▫️Интеллектуал мулк маркази;
▫️давлат нотариал идоралари ва архивлари;
▫️Юристлар малакасини ошириш маркази;
▫️Тошкент давлат юридик университети;
▫️Юридик техникумлар;
▫️ТДЮУ қошидаги академик лицейдаги коррупция ҳолатлари ҳақида маълумотларни телеграмдаги @antikorbot ботига, (71) 207-04-64 (1321 ёки 1322) телефон рақамига ёки вазирлик расмий веб-сайтидаги махсус платформага юбориш мумкин.

❗️Юборилган хабарлар белгиланган тартибда кўриб чиқилади ҳамда мурожаат қилувчининг шахси сир сақланиши кафолатланади.

📲 zomin.jizzax.uz rasmiy sahifalariga a’zo bo‘ling:👇

Telegram Live | Facebook| Instagram| Youtube

#Адлия_хабари

‼️Юридик техникумларга қабул тугашига 3 кун қолди

🗓 Адлия вазирлиги юридик техникумларига ҳужжат топшириш давом этмоқда. Ҳужжатларни қабул қилишнинг охирги муддати – 20 август (шу куни ҳам).

⚠️ Маълумот учун: Юридик техникумларга 2023/2024 ўқув йили учун абитуриентларнинг ҳужжатлари Ягона интерактив давлат хизматлари портали (my.gov.uz) ёки Билим ва малакаларни баҳолаш агентлиги веб-сайти (my.uzbmb.uz) орқали қабул қилинади.

📲 zomin.jizzax.uz rasmiy sahifalariga a’zo bo‘ling:👇

Telegram Live | Facebook| Instagram| Youtube

#Адлия_хабари

Ёнғин хавфсизлиги ходими сифатида ноқонуний пул ундираётган фирибгарлардан огоҳ бўлинг

⚠️ Сўнгги йилларда, асосан куз-қиш мавсуми бошланишида аҳоли орасида, айниқса туманларда махсус-формали кийим-бош кийиб юрган ёки шу кийимга жуда ўхшаш кийимдаги шахслар ўзларини “давлат ёнғин назорати органи ходими” сифатида таништириб фуқаролардан йиллик 20 000-40 000 сўм атрофида мажбурий тарзда солиқ ёки коммунал тўлов сифатида ноқонуний йиғиш ҳолатлари кузатилмоқда.

☑️ Юқоридаги масалалар бўйича келиб тушган мурожаатлар ўрганилганда, ушбу ҳаракатлар турли хил шаклда ташкил этилган, асосан номида “ёнғин”, “олов”, “қарши кураш”, “хавфсизлик”, “ҳимоя” каби сўзлардан иборат бўлган ва ёнғиннинг олдини олиш акс этган турли хил рамзлар туширилган муҳр-штамплардан фойдаланиб келаётган тадбиркорлик субъектлари томонидан амалга ошириб келинаётганлиги маълум бўлди.

Мазкур ҳолат бўйича Адлия вазирлиги айрим шахслар томонидан ўзларини “давлат ёнғин назорати органлари ходими” сифатида таништирган ҳолда ёлғон маълумотлар асосида фуқаролардан мажбурий тўлов тўланишини талаб этиши ноқонунийлигини маълум қилади.

🔰 Эслатиб ўтиш жоизки, фуқаролар мажбурий тарзда қуйидаги коммунал хизматлар учун тўловларни белгиланган тартибда тўлаб бориши лозим:

👉 Совуқ сув таъминоти;
👉 Иситиш ва иссиқ сув таъминоти (кўп қаватли уйларда);
👉 Электр таъминоти;
👉 Газ таъминоти;
👉 Канализация (истеъмолчи уланган бўлса);

❗️Шу ўринда такроран маълум қилинадики, ёнғин ва унинг олдини олиш билан боғлиқ бирон бир тўлаб борилиши шарт бўлган коммунал тўлов ёки солиқ қонунчиликда мавжуд эмас.

📋 Маъмурий жавобгарлик тўғрисидаги кодекснинг 209¹-моддасига кўра формали кийим-бош кийиб юриши назарда тутилган вазирликлар, идоралар ва ташкилотлар ҳарбий хизматчилари ҳамда ходимларининг тасдиқланган намунадаги ҳарбий, идоравий ва махсус формали кийим-бошини бундай ҳуқуққа эга бўлмаган шахслар томонидан кийиб юриш учун жавобгарлик белгиланганлигини эслатамиз.

📲 zomin.jizzax.uz rasmiy sahifalariga a’zo bo‘ling:👇

Telegram Live | Facebook| Instagram| Youtube

#Адлия_хабари

✅ Давлат ҳисобидан юридик ёрдам кўрсатиш истагини билдирган адвокатлар билан шартномалар тузиш бошланди.

➡️ Бунинг учун адвокатлар e-advokat.uz платформасидаги шахсий кабинети орқали исталган ҳудудий адлия бошқармасига мурожаат қилиши мумкин.

🗓 Адлия бошқармаси томонидан мурожаат 3 иш кунида кўриб чиқилиб шартномани имзолаш бўйича таклиф юборилади.

📲 zomin.jizzax.uz rasmiy sahifalariga a’zo bo‘ling:👇

Telegram Live | Facebook| Instagram| Youtube

#Адлия_хабари

❗️Ҳуқуқий услубий қўлланмалар билан lex.uz сайтида танишиб боринг

✍️ Адлия вазирлиги томонидан ягона ҳуқуқни қўллаш амалиётини шакллантириш мақсадида турли соҳаларда услубий қўлланмалар ишлаб чиқиш ҳамда уларни lex.uz сайтига жойлаштириб бориш йўлга қўйилди.

➡️ Услубий қўлланмалар тегишли соҳаларда фаолият юритаётган давлат органлари, фуқаро ва тадбиркорлар фойдаланиши учун мўлжалланган бўлиб, уларда соҳани тартибга солувчи норматив-ҳуқуқий ҳужжатларга хаволалар ҳамда зарур ҳужжатларнинг намуналари ҳам келтирилган.

🔰Бугунги кунда lex.uz сайтига қуйидаги услубий қўлланмалар жойлаштирилган:

1️⃣ “Фермер хўжалиги бошлиғини ўзгартириш ва расмийлаштириш тартиби”;

2️⃣ “Қишлоқ хўжалигига мўлжалланган ер участкаcига бўлган ҳуқуқни бекор қилиш ва ер участкаcини ҳокимлик номига давлат мулки сифатида рўйхатидан ўтказиш;

3️⃣ “Кичик қувватдаги қайта тикланадиган энергия манбалари қурилмаларидан фойдаланиш”;

4️⃣ Маҳаллий кенгашлар депутатлари учун амалий қўлланма;

5️⃣ “Медиасаводхонлик ва Fake News: ҳуқуқ ва масъулият чегараси”;

6️⃣ “Ислоҳотлар даврида оммавий ахборот воситалари: ахборот трансформацияси ва касб этикаси муаммолари”.

7️⃣ "Якка тартибда уй-жой қуриш учун ер участкасини ажратиш ва қуриш жараёни билан боғлиқ давлат хизматларини кўрсатиш бўйича услубий қўлланма".

⚠️ Мазкур услубий қўлланмаларнинг тўлиқ матни билан ушбу ҳавола орқали танишишингиз мумкин: https://lex.uz/qollanma

📲 zomin.jizzax.uz rasmiy sahifalariga a’zo bo‘ling:👇

Telegram Live | Facebook| Instagram| Youtube

#Адлия_хабари

❗️ШИНАЛАР УЧУН УТИЛИЗАЦИЯ ТЎЛОВИНИ СОТИБ ОЛУВЧИЛАР ТЎЛАМАЙДИ

📝 Ижтимоий тармоқларда автомобиль шиналари билан боғлиқ утилизация йиғими бўйича нотўғри талқиндаги маълумотлар тарқалмоқда.

🗓 2024-2026 йиллар учун мўлжалланган Бюджетномада 2024 йил 1 июлдан автомобиль шиналарининг ҳар бир килограми учун БҲМнинг 0,3 фоизи миқдорида утилизация йиғимини ундириш таклиф қилинмоқда.

Масалан, 4 та шина (балон) енгил автомобиллар учун ўртача 6 кг дан 17 кг гача бўлса, улар учун 6 200 сўмдан 16 200 сўмгача йиғим ундирилади.

‼️Мазкур йиғим ХАРИДОРЛАРДАН УНДИРИЛМАЙДИ, ушбу йиғимни шина ишлаб чиқарувчилар ёки четдан импорт қилаётганлар тўлайди.

⚠️ Шунингдек, йиғим битта янги ишлаб чиқарилган шина учун бир марта тўланади, яъни ҳар йили ундирилмайди,

➡️ Фуқаролар автомобиль сотиб олиб унинг балонларини исталган ўлчамдаги бошқа балонга алмаштирмоқчи бўлганида ҳам утилизация йиғими тўламайди.

🌱 Утилизация йиғимидан тушган пуллар “Яшил макон” дастурларини амалга ошириш учун сарфланади.

📲 zomin.jizzax.uz rasmiy sahifalariga a’zo bo‘ling:👇

Telegram Live | Facebook| Instagram| Youtube

#Адлия_хабари

🌐 Қонунчилик маълумотлари миллий базаси (Lex.uz) – ишончли, тезкор ва ҳамма учун!

📲 zomin.jizzax.uz rasmiy sahifalariga a’zo bo‘ling:👇

Telegram Live | Facebook| Instagram| Youtube