#муҳаббат_бекати

ФАҚАТ БИЗ БИРГАМИЗ

Бир куни дарахтни тарк этар япроқ,
Яланғоч новдалар титрар асабий.
Висол оқибати ҳижрондир, бироқ
Фақат биз биргамиз, жоним, абадий!

Бир куни ўзанин ташлайди дарё,
Саҳролар гул бўлар, водийлар саҳро.
Елкамдан кетмайди хуш бўйинг асло,
Фақат биз биргамиз, жоним, абадий!

Бир куни юлдузлар учар пойма-пой,
Сайёралар топар ўзга жойдан жой.
Бир куни Заминни ташлаб кетар Ой,
Фақат биз биргамиз, жоним, абадий!

Бир куни ўзидан тонар Кун, аён,
Лаҳзада руҳ билан видолашар жон.
Фақат сен кетмайсан мендан ҳеч қачон!
Фақат биз биргамиз, жоним, абадий!

© Иқбол МИРЗО

@yoshlar_kundaligi_rasmiy

#муҳаббат_бекати

Келгил, эй оромижон, олди қарорим интизор,
Йўлин узра туфроқ этди, жисму зорим интизор...

🎤Баҳром Назаров

@yoshlar_kundaligi_rasmiy

#муҳаббат_бекати

Эсимдан чиқибди ҳатто кўзларинг,
Қўлларинг...
Мен ўзга қўлни тутганман.
Кечир, оғир ботса енгил сўзларим,
Сени унутганман. Унутганман.

Муҳаббат...
Кимнингдир ошиғи олчи,
Ошиқ бўлиб, холос, заққум ютганман.
Қайлардадир қолиб кетди рўмолчанг.
Сени унутганман. Унутганман.

Гоҳо дилни эзса тириклик юки,
Гоҳо тўйганимда бу лазиз жондан.
Гоҳида... Бир нафас... Фақат... Ҳолбуки,
Сени унутганман. Унутганман...

© Иқбол МИРЗО

@yoshlar_kundaligi_rasmiy

#Муҳаббат_бекати

Талабларга биноан Шерали Жўраев ижросида "Биринчи муҳаббатим"!..

Абдулла Орипов сўзи

Ярим асрдан буён элимиз ардоғида бўлиб келаётган гўзал мусиқа, ижро билан яхши дам олинг!..

Каналга аъзо бўлиш:
https://t.iss.one/joinchat/vzU2-94ALUFkYzIy

#муҳаббат_бекати

Бахтнинг саройига бирга борамиз,
Йиғлама, ўзимнинг фариштагинам!

🎤 Шоҳжаҳон Жўраев


📲Ёшларга оид тезкор хабарлар:👇

https://t.iss.one/joinchat/vzU2-94ALUFkYzIy

#муҳаббат_бекати

Эсимдан чиқибди ҳатто кўзларинг,
Қўлларинг...
Мен ўзга қўлни тутганман.
Кечир, оғир ботса енгил сўзларим,
Сени унутганман. Унутганман.

📲Ёшларга оид тезкор хабарлар:👇
https://t.iss.one/joinchat/vzU2-94ALUFkYzIy

#муҳаббат_бекати

🎤 Ҳамдам Собиров

Менга сенсиз яшаш қийин,
Юрагимни олиб кетай,
кўзларингни олиб кетай...

📲Ёшларга оид тезкор хабарлар:👇

https://t.iss.one/joinchat/vzU2-94ALUFkYzIy

#Муҳаббат_бекати

Кимнидир ўйладинг,
Кўзлари сим-сим.
Ўша мен эдим-ку,
Ўша мен эдим...

Сизга ёзган номаларим етиб бормаса нима бўлади? Юрагимнинг энг нозик сирларидан ким воқиф бўлади?..

😍❤️🥰

©Yoshlar kundaligi

#муҳаббат_бекати

Усмон Азим
"Сизни соғиниб"

Мени соғингунча сиз шундай яшанг,
Мен шундай яшайман сизни соғиниб...

©Yoshlar kundaligi
Каналга уланиш:
https://t.iss.one/joinchat/lDBXh7-Fgo83MTEy

#муҳаббат_бекати

Гулбаргни битталаб юламан:
Севади...
Севмайди...
Севади...
Севмайди...
Тугайди гулбарглар,
Негадир йиғлагим келади.

Кўнмайман бу ўйин шартига,
Алдамчи гулбарглар алдайди.
У мени қанчалик севишин,
Ўзи ҳам менчалик билмайди!

Бу қадар «бемаъни» ўйиннинг
Шартларин ўзимга олмай тан,
Сочилган умидлар парчасин
Бошқатдан,
Бошқача санайман!

Севади...
Севади...
Севади!!!
Барибир йиғлагим келади...

Роҳатой Исмоилова.

Yoshlar kundaligi
Каналга уланиш:
https://t.iss.one/joinchat/lDBXh7-Fgo83MTEy

#муҳаббат_бекати

РАШК

Сени ўзимдан ҳам қизғониб, аммо
Гулларга берибман қучоқларингни.
Ўзим тишламайин бир бора ҳатто,
Зиракка берибман қулоқларингни.

Қизғониб, қизғониб нурли юзингни,
Қуёш нурларига силатиб қўйдим.
Сочингни ўйнаган шамолни бугун,
Қалбимга қамаб сўнг, ухлатиб қўйдим.

Ҳеч қачон қўлингдан тутмадим, бироқ,
Қаро мунчоқларга ушлатиб қўйдим.
Изҳорга атаган журъатимни мен,
Сенга бир қарашга ишлатиб қўйдим.

Кўзларингга боқиб бахтни ҳис қилдим,
Аммо, рашким келди икки кўзимга.
Аллоҳ насиб этса бир кун висолинг
Қандай раво кўрай сени ўзимга?!

© Дилмурод Дўст

Yoshlar kundaligi
Каналга уланиш
https://t.iss.one/joinchat/5qQWgXXuYMs1YjIy

#муҳаббат_бекати

КЎЗЛАРИНГГА ТЕРМУЛСАЙДИМ...

Дараларга қамаб қўйиб бўронларни,
Тинчлантирсам юракдаги суронларни.
Бир эркалаб, бўйин тўксам райҳонларнинг,
Ҳузурингга мен ўзимни келтирсайдим,
Кўзларингга термулсайдим, термулсайдим.

Умр тушдек изсиз, шитоб ўтаётир,
Умидимни янчиб, мутаб ўтаётир.
Ой иқида шошқин офтоб ўтаётир,
Шул ҳажрни мен васлга еткурсайдим,
Кўзларингга термулсайдим, термулсайдим.

Эҳромлар ҳам бир кун туроб бўлар экан,
Коинот ҳам тўзғиб, хароб бўлар экан.
Фақат севги мангу ва соф бўлар экан,
Билганимни мен ўзингга билдирсайдим,
Кўзларингга термулсайдим, термулсайдим.

Кўз ёшларим, шошилмангиз, кетманг тошиб,
Қон юракка малҳам бўлар шўр кўз ёши.
Қувончлардан қочиб, қайғулардан қочиб,
Шеърлар айтиб, йиғлатсайдим, кулдирсайдим,
Кўзларингга термулсайдим, термулсайдим.

Айтгил, ҳамон борми ширин аразларинг?
Саломатми орзуларинг, ҳавасларинг.
Қулоғимдан кетгани йўқ нафасларинг...
Сени яна бир кўришга улгурсайдим,
Кўзларингга термулсайдим, термулсайдим...

© Иқбол МИРЗО

Yoshlar kundaligi