✏️✏️✏️

Шу ойдан бутун Ўзбекистон бўйлаб 5G интернет жорий этилади(ми?)

🗓 Ўзбекистонда март ойидан бошлаб мобил Интернет тезлиги оширилади ва бутун мамлакат бўйлаб 5G технологияси жорий этилади.

🌐 Бу ҳақда «UzbekTelecom» матбуот хизмати хабар берди.

✉Telegram 📱Instagram 📱Facebook 🌐YouTube

📣📣📣 Диққат!

Тошкент вилояти Ёшлар ишлари агентлиги вилоят бошқармаси бошлиғи Миразиз Мирсултонов билан аудио суҳбат бошланди. Ўзингизни қизиқтирган саволларни йўллашингиз мумкин.

Суҳбатга уланиш учун: https://t.iss.one/Yoshlar_Kundaligi_Rasmiy?livestream

✉Telegram 📱Instagram 📱Facebook 🌐YouTube

#эшитдингизми

⭕️ Умумхалқ хайрия ҳашари 18 мартга кўчирилди

Вазирлар Маҳкамасининг тегишли фармойиши бўйича ушбу умумхалқ хайрия ҳашари Наврўз умумхалқ байрами, муборак Рамазон ойи арафасида ва тадбирга пухта тайёргарлик кўриш ва уюшқоқлик билан ўтказиш мақсадида 2023 йил 11 мартдан 18 мартга кўчирилди.

✉Telegram 📱Instagram 📱Facebook 🌐YouTube

​🔠🔠🔠🔠🔠

ЎЗБЕКИСТОН ТАРИХИДАГИ КАТТА ҲАШАРЛАР

Ҳукумат фармойишига асосан 18 март куни “Обод ва файзли маҳалла – юрт кўрки” шиори остида умумхалқ хайрия ҳашари ўтказилади. Яқин тарихимизда ҳашар йўли билан улкан лойиҳалар амалга оширилган. Улардан баъзиларини эслаб ўтмоқчимиз.

1. Катта Фарғона канали

Фарғона водийсида қурилган энг йирик гидротехника иншоотларидан бири. Ўзбекистон ҳудудидан каналнинг 283, Тожикистондан 62 ва Қирғизистондан 13 километри ўтади. Асосий ўзанининг узунлиги 350 км.

1939 йил августида халқ ҳашари билан 45 кунда қуриб битказилди. Канал қурилишида 160 минг киши қатнашди. 270 километрли трассадан 17,8 миллион куб метр тупроқ қазиб чиқарилди. Шунинг фақат ўндан бири механизмлар ёрдамида қазилган.

2. Фарход гидроэлектрстанцияси

Сирдарёнинг ўрта оқимида жойлашган гидроэлектрстанция. ГЭС қурилиши ҳақидаги қарор 1942 йил 18 майда қабул қилинган. ГЭС қурилиши 1943 йил 10 февралда умумхалқ қурилиши сифатида ‒ ҳашар йўли билан бошланган.

1948 йилда 1 та гидроагрегат ишга туширилган. 1951 йилда саноат фойдаланишига қабул қилинди. Сирдарё вилояти шаҳар ва туманларини, шунингдек, “Бекободцемент”, “Ўзбекистон металлургия комбинати” каби йирик корхоналарни электр энергияси билан таъминлайди.

3. Тошкентни қайта тиклаш

1966 йил 26 апрелда юз берган зилзила оқибатида Тошкент вайронага айланди. 2 миллион метр квадратдан зиёд турар-жой майдони, 236 та маъмурий бино, 700 га яқин савдо ва овқатланиш шохобчалари, 26 та коммунал хўжалик корхонаси, 180 га яқин ўқув юрти, 8 минг ўринли мактаблар, 36 та маданий-маиший муассасалар, 185 та тиббиёт ва 245 та саноат корхона бинолари жиддий талофат кўрди. 300 минг одам (ўшанда Тошкентда ярим миллион аҳоли истиқомат қилган) бошпанасиз қолди.

Пойтахтни қайта қуриш учун қўшни давлатлардан минглаб одамлар жалб қилинди. 1966 йилнинг декабрида қурилиш ишларининг биринчи босқичи тугади. 300 мингдан зиёд фуқаролар бошпанали бўлди. Қисқа, уч ярим йил ичида зилзила оқибатлари тўлиқ бартараф этилди.

4. Орол тубига саксовул экиш

2019 йилдан буён Орол денгизининг суви қуриган тубида яшил қопламалар ва ҳимоя ўрмонзорлари барпо этиш бўйича бир қатор самарали ишлар амалга оширилмоқда. Ҳозирда Орол денгизининг қуриган тубида 1,7 млн гектар майдонда саксовул, черкез, қандим каби шўрга ва қурғоқчиликка чидамли ўсимликлардан иборат яшил қопламалар барпо этилган.

2023 йилда эса 100 минг гектар майдонда “яшил қопламалар” барпо этиш режалаштирилган. Режалар бажарилишида республикамизнинг барча ҳудудларидан йиғилган кўнгиллилар ҳашар йўли билан ўз ҳиссасини қўшмоқда.

5. Сардоба фожиасидан жабр кўрганларга ёрдам бериш

2020 йилда Бухородаги табиий офат, кейин Сардоба воқеаларида салбий таъсирни юмшатиш, аҳолига ёрдам кўрсатиш истаги одамларимизда шу даражада юксак бўлдики, буни таърифлаш қийин. Мухтасар айтганда, бу воқеалар Ўзбекистонимизда давлат ва халқнинг бирлиги, бирдамлигини яққол намоён этди.

Халқ ҳашар йўли билан Сардоба фожиасидан зарар кўрган ҳудудларни тартибга келтириш, янги бинолар қуриш, кўчириш ва етказиш ишларини амалга оширди.

Р.S: Азиз ёшлар! Умумхалқ хайрия ҳашарида фаол иштирок этинг. Юртимиз ободлигига ўз ҳиссангизни қўшинг. “Халқ денгиздир, халқ тўлқиндир, халқ кучдир”, деганда Чўлпон ҳақ эди. Ёшлар ‒ куч! Ёшлик – куч! Олға!✊

Отабек Бакиров,
"Ёшлар кундалиги" мухбири

💬 Telegram 📱Instagram 📱Facebook 🌐YouTube

#Қутлов

🗓 Зойир Мирзаев бугун 55 ёшни қарши олди. У Тошкент вилоятида иш бошлагач, энг аввало, ҳудуд фаолларини бирлаштирди, ҳамма соҳада ёшларга имкон берди, ёшларга таянди.

📆 Тошкент вилояти ҳокими Зойир Мирзаевнинг ўтган 478 кунлик фаолияти билан «Ёшлар кундалиги»нинг видео хроникасида танишинг. Яқин тарихни эслаймиз, ёдга оламиз.

🤔Ёшларга савол: Зойир Мирзаевга битта сўз билан қандай таъриф берар эдингиз?

✉️ Telegram 📱Instagram 📱Facebook 🌐YouTube

#Туйғу

Гул тутгил, азизим, қўлларим интиқ,
Ҳис этай уларнинг нафосатини.
Олам гулларини айлагил тортиқ,
Гул очар қизларнинг назокатини...

Қўшиқдан.

Фото: Абдул Азиз
Образда: Зилола Ҳакимжонова

💬Telegram 📱Instagram 📱Facebook 🌐YouTube

⚡️⚡️⚡️

Xитой ва Япония мактабларида мисол ечишда қўлланиладиган ўзгача усуллар.

✉Telegram 📱Instagram 📱Facebook 🌐YouTube

🔠🔠🔠🔠🔠🔡🔠🔠🔠🔠

БЎКАДАН САЛАВКИЙЛАР САРКАРДАСИНИНГ НОЁБ КЎЗАСИ ТОПИЛДИ

🇺🇿 Ўзбекистон Фанлар академиясининг маълумотига кўра, Бўка туманидан тухумсимон 2 та хум ва 2 та Тошкент воҳасининг ўрта асрларга оид археологик ёдгорликларига тегишли ашёлар топилган.

💭 Айниқса, улар орасида сиртига аёл қиёфаси бўрттириб гавдалантирилган тошбақасимон кўза ноёбдир. Бундай идиш Тошкент вилоятида илк бор топилди. У қадимги юнон анъанасига мос равишда ишланган. Бу қадимги Чоч-Тошкент ҳудудига салавкийлар саркардаси Демодамнинг (милоддан аввалги III аср) келиши билан боғлиқ бўлиши мумкин. Идишда юнон маъбудасининг тасвири ўз аксини топган.

🇹🇷 Худди шундай қиёфа Туркияда милоддан аввалги II асрда қурилган Аполлон ибодатхонасида ҳам бор.

✉Telegram 📱Instagram 📱Facebook 🌐YouTube

#Кундаликдан_юмор

Жим туринг, шовқинланманг,
Кома ҳолатинда ул арча.
Сабр қилинг сиз ҳам бироз
Буни ташлаб қайтгунимча.

😂😂😂😂

Рассом: Фаррух Авелов ("Ёшлар кундалиги")

✉Telegram 📱Instagram 📱Facebook 🌐YouTube

#мудофаа

🔘Чирчиқ шаҳридаги умумтаълим мактабларида таълим олаётган 800 нафардан ортиқ «Ватан таянчи» отряди аъзолари Чирчиқ полигонида амалий отиш машғулотларида қатнашди.

⚡️Машғулот аввалида "Соғлом ҳаёт учун 5000 қадам" марафони ўтказилди.

✉Telegram 📱Instagram 📱Facebook 🌐YouTube

#шоубизнес

"Артист" лойиҳасида кастингда қатнашаётган йигит Озода Нурсаидовани жонли ижрода беллашувга таклиф қилди.

Нима дейсиз, ким ютаркин?😉

✉Telegram 📱Instagram 📱Facebook 🌐YouTube

#яшил_макон

Тошкент вилояти ёшлари 10 минг тупдан ортиқ кўчат экди

🌸 Баҳорнинг илк кунларидан бошлаб, Тошкент вилояти ҳудудларини кўкаламзорлаштириш, мевали ва манзарали дарахт кўчатларини экиш мақсадида “Ҳар бир ёшга бир ниҳол” акциясига старт берилган эди.

🇺🇿 Ёшлар ишлари агентлиги Тошкент вилояти бошқармаси ташаббуси билан бошланган мазкур саъй-ҳаракатларда кенг жамоатчилик вакиллари, маҳаллалардаги ёшлар етакчилари, фаол ёшлар қатнашмоқда. Шу кунгача туман-шаҳарлар ёшлари иштирокида 10 минг тупдан ортиқ янги ниҳоллар экилди.

✅ Бу каби саъй-ҳаракатлар изчил давом этмоқда.

✉Telegram 📱Instagram 📱Facebook 🌐YouTube

#таҳлил

УЧ ДАЪВОГАР. АМЕРИКА КИМНИКИ?

Американинг кашф этилиши деганда, албатта, кўз олдимизга буюк сайёҳ Христофор Колумб келади. Лекин Беруний уни аввал кашф қилган деган масала ўртага ташланади. Аммо Американинг номи италиялик Америго номи билан аталади. Сизнингча, Американи ким кашф қилди?

Абу Райҳон Беруний назарияси ёхуд Колумб қадами

Беруний умрида океан кўрмаган. Аммо ақл шарофати билан дунёнинг бу четидан туриб, нариги бир тарафи ҳақида башорат қилди. "Осиё, Африка ва Европа қитъалари дунёнинг унча катта бўлмаган бўлаги - 2/5 қисмини англатади. Хўш, унда қолган 3/5 қисми нимадан иборат? Демак, денгиз ортида яна бир қитъа бор, йўқса ер ўз орбитасидан чиқиб кетган бўлар эди" деган фикрни илгари сурди ва буюк кашфиётнинг илк поғонасини босди.

1492 йилда саёҳатга чиққан Колумб орол соҳилига лангар ташлайди ва Америкага илк қадамни Колумб қўяди. Аммо маҳаллий ҳиндуларни кўриб, бу ерни Ҳиндистон деб атайди ва катта хатоликка йўл қўяди. Бу хатоси унга бирмунча қимматга тушди ва ва кашфиётчи эмас, шунчаки оролга биринчи борган инсон сифатида тарихга муҳрланди.

Америкага айланган Америго

Орол қайтадан кашф қилинди. Колумбдан сўнг Америкага испаниялик сиёсатчи ва саёҳатчи Америго Веспуччи қадам қўйди. У Оролни ўлчаб чиқди, синчиклаб ўрганди. У ҳақида ўзининг кундаликларида сўзлади. Америго оролни "Янги дунё" деб атади. Сайёҳнинг битиклари Флоренцияда илк бор китоб бўлиб нашр этилди. Шу тариқа, китоб савдоси билан шуғулланувчи Иоганн Оттмар савдода мўмай даромад келтираётган нав­батдаги “Учинчи саёҳат” китобини чоп этишга қизиқиб қолади. Ва оммани ўз нашрига янада жалб этиш учун “Янги дунё”ни А.Веспуччи номи билан “Америго ери” деб атайди. Шу-шу бўлдики, орол кашфиётчиси Америго бўлиб қолди.

Нилуфар Убайдуллаева,
"Ёшлар кундалиги" мухбири.

✉Telegram 📱Instagram 📱Facebook 🌐YouTube

#расмий_муносабат

Бўка туманида тез тиббий ёрдам автомашинасида хўжалик ишлари қилинаётгани кўрсатилган сурат юзасидан Тошкент вилояти Соғлиқни сақлаш бошқармаси расмий муносабат билдирди.

"Бўка тумани аҳолиси сонидан келиб чиқиб 8 та умумий профилдаги тез тиббий ёрдам бригадалари, 1 нафар реанимацион тез тиббий ёрдам бригадаси, жами 9 нафар бригада аҳолига туну-кун тез тиббий ёрдам хизматини кўрсатиб келмоқда.

Тарқалган хабарлардаги 10 235 ZAA давлат рақам белгили 2013 йилда ишлаб чиқарилган Дамас русумли махсус автомашина, Тез тиббий ёрдам автомашинаси эмас, балки Бўка тумани Марказий оилавий поликлиника учун ажратилган “Тиббий хизмат” автомашинаси ҳисобланади.

Ушбу автомашина аҳолига тез тиббий ёрдам хизматини кўрсатмайди.

Соғлиқни сақлаш вазирининг 2022 йил 19 декабрдаги “Соғлиқни сақлаш тизимидаги тиббиёт муассаларининг автотранспорт воситалари билан таьминлаш меьёрлари ва улардан фойдаланиш тартиби тўғрисида”ги 330-сонли буйруғи 2-иловаси 3-бандида;

“Тиббий хизмат махсус автомашиналаридан тиббиёт муассаларида, поликлиникаларда, туғруқхоналарда, қон хизмати, вазирлик тизимидаги тиббиёт олий ўқув юртларида, илмий-амалий тиббиёт марказлари ва уларнинг клиникаларида, суд-тиббиёт экспертиза бюроларида, санаторияларда, СЭОЖСХ ларда ва тизимдаги бошқа муассаларида тиббий хизмат ишларида фойдаланилиши” белгиланган.

Ушбу ҳолатни ўрганиш учун, Тошкент вилояти Соғлиқни сақлаш бошқармаси томонидан ишчи гуруҳ ташкил этилди ҳамда қонун бузилишига йўл қўйган мутасадди раҳбарлар ва уларнинг ходимларига интизомий жазо чоралари кўрилишини маьлум қиламиз" дейилади расмий муносабатда.

✉Telegram 📱Instagram 📱Facebook 🌐YouTube