#Туйғу

Карвон кўрдим, туялари бўзлаб борар,
Нортуяда менинг ёрим музлаб борар.
Менга берган ваъдалари эсдан чиқиб,
Остонаси тилло юртни излаб борар.

Шеър: Усмон Азим
Фото: Илҳомжон Иминжонов

Каналга уланиш:
https://t.iss.one/+tcc8Accr_k80OGNi

#Гастрономик_туризм

ТОШКЕНТ ВИЛОЯТИНИНГ ЭНГ МАШҲУР ТАОМЛАРИ – ТОП-10

1. Сўқоқ шашлиги. Паркент туманида тайёрланади. Кабобпазлар гўштни тайёрлаш (мариновать) усулини ҳеч кимга айтишмайди. Бунақа шашликлар бошқа жойда нет. Муҳими, чиройли манзара ва тоғ ҳавоси билан бирга бу шашликлар зўр кетади. ☺️

2. Мадор сомса. Буниси энди фантастика. Қорнинг тагида унадиган гиёҳдан тайёрланадиган таом. Май ойларида табиий мадор етилади. Унгача эса айрим уддабуронлар алдаб "Мадор" сотишади.

3. Бўка палови. Шедевр. Чойхона усулида пиширилади, ош бир ён, косага сузиб бериладиган муздек помидор шарбати бир ён. Ундан ҳўплаб-ҳўплаб ош есангиз, доод деворасиз, бу аниқ. 😍

4. Пискент мантиси. О, йилнинг тўрт фаслида ҳамиша тайёр турадиган, оппоқ тақсимчадаги узунчоқ мантиларни еганмисиз? Устига озроқ қатиқ суртилган, ҳовури чиқиб турган Пискент мантисидан лазизроқ манти йўқ бу оламда. 🙃

5. Янгийўл табакаси. (Узр Янгийўл товуқлари деб таржима қилолмадим, Отабек Жарроҳ кейин ответь қайтаради, қўрқдим☺️). Қовурилган товуқ гўштининг энг зўри қаерда? Амир Темур хиёбонидаги ўша "Уголок"ми? Асло. Янгийўлда бу санъат даражасига кўтарилган. Ҳар куни минглаб пойтахтликлар Янгийўлга шу таомни егани келишган. Шаҳарда ўнлаб машҳур табакахоналар бор. Асосийси, товуқлар дори емаган, табиий шароитда етилган. Шунинг учун гўшти мазали. 😇

6. Серго қорин-ичак, ўпка шўрваси. Бунақаси бошқа йўқ. Бу Оҳангарон туманининг чекка қишлоғи – олтинга бой Кўчбулоқ қишлоғи томонда. Сут тўлдириб пиширилган ўпка, қорамолнинг бош, қорин, ичаклари ташлаб қайнатилган шўрвани татиб кўришни тавсия қиламан. Супер таом. Фақат битта ошхонада тайёрланади. Лекин Қурама этакларидаги хонадонларда шу таомни оилавий жам бўлган кунларда, азиз меҳмонлар келганда пишириш урфи бор. Романтикаси ҳам бор. 😍 Масалан, ўпкага сут қуйиб, шиширишда қатнашишингиз мумкин. Аммо, маҳаллий аҳоли огоҳлантиради. Қалб пок бўлмаса, ҳайвон ўпкаси тешилиб кетади, ўйлаб кўринг. Рост гап. Сири номаълум. Лекин, қора ниятли одамлар ўпкани шишира олмайди, ёрилиб кетади. Таом эса супер. Деликатес. 🤙

7. Чиноз балиғи. Изоҳ шартми? Карсиллаб пишган карас балиғини еганмисиз? Бунақаси бошқа жойда йўқ. Вассалом. 😎

8. Бочка маставаси. Тоғдан тушганингда, шундоқ йўл устида қарши оладиган ўнлаб маставахоналар бор. Саҳарлаб билқиллаб пишган, гуручи эзилмаган маставага қалайсиз? Бу маставага қўшиб тортиладиган қатиқ эса алоҳида бир олам, унақаси бошқа жойда йўқ. Беданалар сайраб, тоғ шабадаси елиб, кўнгилни хушлаб турган шароитда хуштаъм гиёҳлар солинган бу мастава жуда кетади-да! 😘

9. Қибрай ҳалими. Ҳалим меҳр ва сабот билан тайёрланадиган таом. Гўштнинг юраги зада бўлган ҳолатини кўрганмисиз? Ўшани ҳалим дейиш мумкин. Асосан, қиш ва баҳор ойларида тайёрланади. Хонадон шароитида, қариндошлар жам бўлиб тайёрлашади. Алоҳида ҳалимхона йўқ. Лекин, қидирсангиз, бир амаллаб топса бўлади. ☺️

10. Кукси. Тошкент вилоятининг Юқори ва Ўрта Чирчиқ туманида куксининг зўри бор. Муздек, корейс одатларига кўра тайёрланган, сувини ичганда ҳузурдан бошқа ҳеч нимани ўйлаб бўлмайдиган таом – кукси. 👏

Каналга уланиш:
https://t.iss.one/+tcc8Accr_k80OGNi

#ретросурат

Зангиота мажмуаси (масжид, мадраса ва қабристон). 1913 йил

Каналга уланиш:
https://t.iss.one/+tcc8Accr_k80OGNi

#Реклама_вақти

ФОЙДАЛИ ХИЗМАТ ТУРЛАРИ

Блокнотларни қўлга олиб, керакли маълумотларни ёзиб олинг. Фойдали ва керакли маҳсулотлар рекламаларни улашишни бошлаймиз. Бу айнан Сиз учун.

👨‍🏫Ангрен. "Билим зиё" ўқув маркази. 10 йиллик тажрибага эга. Бу йил битирувчиларининг барчаси нуфузли олийгоҳлар ва Президент ихтисослаштирилган мактабларига қабул қилинди.
📍Локация
📞: 90-347-37-73
📩 @bilim_ziyo_admin

🍽Оҳангарон шаҳри. "Мажнунтол" миллий таомлар ошхонаси. Куз учун алоҳида таомнома ҳозирланган. 30 дан зиёд мазали миллий ва Европа таомлари бор. Гап-гаштак, оилавий маросимлар учун махсус хоналар, банкет зал, ёшлар учун диско клуб. Аввалдан буюртма бериш хизмати мавжуд.
📍Локация
📞 88-879-00-12

⛰Ангрен. "Тоғ жаннати" санаторийси. Нархлар қиммат эмас. Юрак-қон томир касалликлари билан оғриганбеморлар учун қулай. Тиббий хизматлар юқори сифатда.
📍Локация
📞 99-860-45-35

🏫 Олмалиқ. "Бухоро мактаби". Тошкент вилоятидаги энг кучли таълим муассасаси. Ўқув маркази қошида ўтган йилдан бошлаб мактаб ташкил этилди. "Бухоро мактаби" хусусий таълим муассасаси 1-11 синф ўқувчиларини қабул қилади. Бундан ташқари, тил ўрганувчилар учун қисқа курслар мавжуд. Ётоқхона, 3 маҳал иссиқ овқат берилади.
📍Локация
📞 93-779-42-4

📌Ўрта Чирчиқ. "Жаннат Файз" мебеллар уйи. Барча услублардаги тўпламлар бор. Нархлар ҳамёнбоп, маҳсулотлар кредит асосида ҳам сотилади. Етказиш ва йиғиб бериш хизмати бепул.
📍Локация
📞99-903-55-56

🫖Пискент. "Bagebauz" онлайн дўкони (келинлар орзусидаги "вау" дўкон). Юқори сифатли чинни буюм маҳсулотларига онлайн буюртма беринг. Рўзғорбоп идишлар ҳам бор. Ўзбекистон бўйлаб етказиб бериш бепул.
📞 97-249-89-18
📩@Kamalovaxonim94

👨🏻‍🎓Янгийўл шаҳри. "BIS" хусусий мактаби. Тошкент вилоятидаги илк халқаро мактаб. Дарслар замонавий хоналарда, кучли мутахассислар томонидан олиб борилади. Ўқитиш тизими халқ томонидан эътироф қилинган мактаб.
📍Локация
📞 70-204-01-44
📩 @boss_admin_dasaf

P.S. "Ёшлар кундалиги" маркетинг бўлими: 99-370-66-07; Алоқа

#Маърифат_дарси

Шукруллоҳ домла: "Бировнинг ноғорасига ўйнаб қўймайлик..."

Каналга уланиш:
https://t.iss.one/+tcc8Accr_k80OGNi

#Ҳуқуқ #Янгилик

Зўр хабар бор. Конституциямизнинг 26-моддасига бундай қисм қўшилиши кўриб чиқилмоқда экан:

Шахснинг ўз айбини тан олиши унга қарши ягона далил бўлса, у айбдор деб топилиши ёки жазога тортилиши мумкин эмас.

P.S. Бу норма кучга кирса, Ўзбекистон тарихида мисли кўрилмаган инқилобий ўзгариш бўлади. Исталган инсонни, шунчаки, айбини тан олди деб "ичкари"га олиб киришга шанс қолмайди.

Каналга уланиш:
https://t.iss.one/+tcc8Accr_k80OGNi

#Тезкор

😮ДАҲШАТ! Ўрта чирчиқлик Жасурбек Араповнинг хонадонида 200 га яқин бўри, бургут ва шер болалари аниқланди. 🦁😂

🙉Ҳокимият нима қиляпти? Маҳалла қаерга қараяпти? Ёшлар етакчиси-чи?🤷‍♂️

‼️Масалани зудлик билан ўрганиш керак. Яхшиси, видеода ўзингиз кўра қолинг👆👆👆

Каналга уланиш:
https://t.iss.one/+tcc8Accr_k80OGNi

​#Очиқ_дарс #Бекобод_тумани

Ўқитувчи ва мураббийлар куни олдидан "Очиқ дарс" лойиҳасини бошладик. Биз бу саҳифа орқали оддий мактабнинг оддий ўқитувчилари – камтарин устозлар ҳақида ҳикоя қиламиз. Мазкур рукндаги мақолалар Тошкент вилояти Халқ таълими бошқармаси билан ҳамкорликда тайёрланган. Нега очиқ дарс? Чунки чинакам устоз ўз ҳаёти ва фаолияти, қарашлари, фикрлари билан ҳам атрофидагиларга ҳар куни, ҳар соатда очиқ дарс ўтади. Ўқитувчининг умр фалсафаси – очиқ дарс аслида...

УСТОЗЛАРНИНГ УСТОЗИ

У

Танишинг, Расул Бадалов. У 25 йилки, Бекобод туманидаги 46-сонли мактабда география ва биология фанидан дарс беради. Низомий номидаги Тошкент давлат педагогика институтида ўқиган.

Дарс бериш услуби

– Назарияга кўп ҳам берилмай, амалиётга кўпроқ эътибор қаратаман. Экскурсия, лаборатория машғулотлари. Ўқувчи ўз кўзи билан кўрган нарсасига ишонади, хотирасида яхши сақлаб қолади. Сиримни айтайми, энг намунали ўқувчиларимни дам олиш кунлари саёҳатга, истироҳат боғларига олиб бораман.

Ота-оналар учун дангал маслаҳат

– Мактабда 5 баҳога ўқиган ўқувчини келажакда ўз йўлини топиб кетишига ёки 3 баҳога ўқиганлар ҳаётда ҳеч қандай ютуққа эришмаслигига кафолат бериб бўлмайди. Муҳими, ҳаётда беш баҳога ўқиш. Ўқитувчининг вазифаси болани йўналтириш, руҳлантириш. Ўқиш ва уқиш – ёлғизликда кечадиган жараён. Бола ўзи ёлғиз қолганда китоб ўқигиси келса, бу – ота-она ва устознинг ҳақиқий ғалабаси. Ҳурматли ота-оналар мана шу ҳақиқатни юракларига маҳкам жойлаб олишса, дейман.

Ўқитувчи, эсингда тут!

– Азиз ҳамкасбим, ёдингда тут, мактабга шунчаки келиб, хўжакўрсинга дарс ўтма. Ўқувчига игнанинг учидек бўлса ҳам нимадир бериб кетишга тириш. Психологияни ўрган. Ҳар сафар дарсдан олдин ўқувчиларингга қандайдир яхши кайфият улаш, бу ишга 5 дақиқа бўлса ҳам вақт ажрат. Кайфиятсиз ўқувчининг қулоғига дарс кирмайди.

Шогирдларим – фахрим

Мен фахрланадиган шогирдларим кўп. Улардан тўққиз нафарини алоҳида санайман. Чунки улар менинг издошларим - элнинг боласига дарс беришади. Булар: Шоҳиста Муродова, Хуррам Шойбеков,, Темур Қурбонбоев, Ҳусния Эгамбердиева, Насиба Билбаева,, Фахриддин Эргашев, Жонибек Аширов, Дилдора Норқулова, Нафиса Дониёрова.

P.S. Маълумот ўрнида: Бекободдаги мазкур мактабни тамомлаб, бугунги кунда масъул вазифаларда ишлаётган фахрли ўқувчилар: Ҳикматилла Парманов (Ташқи иқтисодий алоқалар вазирлиги масъул ходими), Абдужаббор Саидқулов (ҳуқуқ-тартибот), Хуршид Қодиров (ҳуқуқ-тартибот соҳаси), Зокир Абдумаликов (ҳарбий қисм командири), Дилшод Турдибоев (Гулистон давлат университети амалий математика ва информатика факультети декани).

Каналга уланиш:
https://t.iss.one/+tcc8Accr_k80OGNi

​#Кун_якунлари #Беш_ташаббус

Тошкент вилоятида "Беш ташаббус" олимпиадасининг иккинчи босқичи қандай ўтмоқда?

📌Олмалиқ шаҳри: барча маҳаллаларда воркаут саралаш босқичи бўлиб ўтди. Ғолиблар мусобақанинг сектор босқичига йўлланма олишди.

📘Қибрай тумани: олимпиада доирасида 4-умумтаълим мактабида "Ёш китобхон" танловининг маҳалла босқичи ўтказилди. Анваржон Носиров 10-14 ёш тоифасида 25 нафар китобхонни ортда қолдириб, ғолиб бўлди.

♟Янгийўл шаҳри: Беш ташаббус олимпиадаси доирасида "Сеҳрли шахмат клуби" ҳамда Ёшлар кутубхонаси фойдаланишга топширилди.

🥇Ўрта Чирчиқ тумани: стрит воркаут саралаш мусобақаларининг "Файзобод" маҳалласи босқичида Миржалол Эргашев 1, Сайдуллоҳ Юсупов 2, Даврон Анорбоев 3-ўринни қўлга киритди.

🔘Пискент тумани: "Оқтепа" маҳалласида миллий кураш спорт тури бўйича "Прокурор кубоги" учун беллашувлар қизғин кечди. Унда 90 нафардан ортиқ ўғил-қиз иштирок этди.

🔺Бекобод тумани: Ёшлар ишлари агентлиги ва ХТБ ҳамкорлигида барча мактаб ўқувчилари орасида "Заковат" интеллектуал ўйинларининг туман босқичи ташкил этилди. Жумладан, 2-мактабдаги беллашувларда 350 га яқин зукко ёшлар қатнашди.

📙Оққўрғон тумани: бугун ҳудуддаги 29 та маҳаллада "Ёш китобхон" танловининг маҳалла босқичига старт берилди.

📚Оҳангарон шаҳри: "Ёшлик" маҳалласи етакчиси томонидан Технопарк биносида "Ёш китобхон" мусобақаси ташкиллаштирилди. Китобсеварлар ўз билимларини синовдан ўтказди.

📕Оҳангарон тумани: Нуробод” МФЙ ҳудудида жойлашган "Street workout" майдончасида 16-21, 22-26, 27-30 ёш тоифасидагилар ўртасида мусобақалар ташкиллаштирилди.

Каналга уланиш:
https://t.iss.one/+tcc8Accr_k80OGNi

#Туйғу

Ҳар лаҳза замонлар умридек узун,
Асрлар тақдири лаҳзаларда ҳал,
Умрдан ўтажак ҳар лаҳза учун
Қудратли қўл билан қўяйлик ҳайкал.

Шеър: Ғафур Ғулом

Фото: Суҳроб Боймирзаев

Каналга уланиш:
https://t.iss.one/+tcc8Accr_k80OGNi

⚡️⚡️⚡️

Савдо бўлими бошлиғи 461.5 миллионни ўзлаштирди

Бош прокуратура ҳузуридаги Департаментнинг Янгийўл шаҳар бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда, “Q.G.” оилавий корхонаси савдо бўлими бошлиғи Н.Я. корхонада ишлаб чиқарилган 461,5 млн сўмлик озиқ-овқат маҳсулотларини нақд пулга сотиб, ўзлаштириш йўли билан талон-торож қилганлиги аниқланган.

Мазкур ҳолатлар юзасидан жиноят иши қўзғатилиб, тергов ҳаракатлари ўтказилмоқда.

Каналга уланиш:
https://t.iss.one/+tcc8Accr_k80OGNi

Давлат энди хусусий ташкилот ходимларига ҳам «декрет пули» тўлаб беради

Ҳукуматнинг [515-сон] қарори билан бюджет ташкилотларидан бошқа барча юридик шахслар қўл остида 6 ой узлуксиз ишлаётган аёлларга ҳомиладорлик ва туғиш нафақасини тўлаш тартиби белгиланди.

Нафақа Ижтимоий суғурта жамғармаси ҳисобидан фарзанд туғилгунигача минимал истеъмол харажатларининг 4 баравари (1 млн 992 минг сўм) миқдорда берилади.

Каналга уланиш:
https://t.iss.one/+tcc8Accr_k80OGNi

#Тезкор #Халқаро_ҳаёт

🇷🇺 Россия. В.В.Путин мамлакатда сафарбарлик эълон қилди. Уруш кенг кўламли тус олмоқда. Россияда айни пайтда захирада бўлган ва биринчи навбатда Қуролли Кучлар сафида хизмат қилган, маълум ҳарбий мутахассислик ва тегишли тажрибага эга бўлган фуқаролар ҳарбий хизматга чақирилади.

🇰🇬 Қирғизистон. Президент Садир Жапаров БМТ Бош ассамблеясида нутқ сўзлади. Жапаровнинг нутқи Тожикистон билан юзага келган ихтилоф мазмуни ва оқибатларига бағишланди. "Биз бошқалардан ер даъво қилмаймиз, аммо бошқаларга бир қарич ҳам еримизни бермаймиз", деди у.

Каналга уланиш:
https://t.iss.one/+tcc8Accr_k80OGNi

ТОШКЕНТ ВИЛОЯТИНИНГ ҚАЙСИ ҲУДУДЛАРИДА ШИФОКОРЛАРГА ҚЎШИМЧА УСТАМА ТЎЛАНАДИ?

📌Ҳукуматнинг [510-сон] қарори билан олис ва чекка ҳудудлардаги оилавий шифокор пунктлари ва оилавий поликлиникаларда фаолият юритаётган барча шифокорларнинг ойлик иш ҳақига қўшимча 2 миллион сўм миқдорида ҳар ойлик устама берилади.

Шифокорларнинг иш ҳақига қўшимча ҳар ойлик устама тўланадиган Тошкент вилояти маҳаллалари рўйхати:

💸Бекобод тумани: "Уяс", "Найман", "Деҳқонобод", "Ачамайли";

💸Паркент тумани: "Янги Санганак";

💸Юқори Чирчиқ тумани: "Курсой";

💸Бўка тумани: "Кўкорол", "Истиқлол", "Самарқанд", "Янгиқўрғон";

💸Оҳангарон тумани: "Янги ҳаёт", "Овжазсой", "Гулобод", "Кўксарой", "Чинор", "Четсув", "Сусам";

💸Бўстонлиқ тумани: "Қорамозор", "Новобод", "Бурчимулло", "Нанай", "Алғабас", "Боғистон", "Дадабоев", "Якка тут", "Узун", "Боладала", "Пском", "Чимган";

💸Пискент тумани: "Зоминовул", "Оқтом";

💸Ангрен шаҳри: "Нишбош", "Лашкерак", "Жигаристон".

✅Маълумот учун: олис ва чекка ҳудудда фаолият юритаётган шифокорларга ипотека асосида уй-жой сотиб олишда уй-жой қийматининг 50 фоизигача қисми, бироқ БҲМнинг 500 баробаридан (150 млн сўмдан) ошмаган миқдор қоплаб берилади.

🔘Олис ва чекка ҳудудларда узлуксиз 3 йил ишлаган шифокорлар клиник ординатурага тест синовларисиз қабул қилинади.

Каналга уланиш:
https://t.iss.one/+tcc8Accr_k80OGNi

Янги халқаро хусусий мактаб "BIS" нафақат МИТ, қолаверса бошқа топ университетларга ҳам тайёрлайди🔥

Сизни Янгийўл шаҳрининг тажрибали устозлари ва сифатли таълим кутмоқда. "BIS" билан орзуингиздаги олийгоҳга киринг😊

❗️Рўйхатдан ҳозироқ ўтишингиз мумкин🏃🏽

📞(70)2040144
📩@Boss_Admin_dasaf
👉@bis_school_uz

#Таълим_рекламаси

Каналга уланиш:
https://t.iss.one/+tcc8Accr_k80OGNi

#тайинлов

⚡️⚡️⚡️

Камола Умаралиева ОКМК Ижтимоий объектлар бошқармаси бошлиғи лавозимига тайинланди.

Камола Умаралиева мутахассислиги бўйича журналист, "Олмалиқ ҳақиқати" газетаси таҳририятида ҳам 5 йилдан ортиқ бош муҳаррир лавозимида фаолият юритган, бир неча шогирдларнинг устози. К.Умаралиева таҳририятга раҳбарлик фаолияти давомида ҳам кўплаб ютуқ ва натижаларга эришган.

Лавозимга тайинлангунга қадар Олмалиқ шаҳри ҳокими ўринбосари - Оила ва хотин-қизлар бўлими бошлиғи вазифасида ишлаб келаётган эди.

Каналга уланиш:
https://t.iss.one/+tcc8Accr_k80OGNi