#Кун_тарихи

🌹 "Мен умр бўйи сен билан синалишимни ўша куни тушунгандим, чунки инсон доимо энг севгани билан синалади".

📚 Бугун таниқли турк ёзувчиси Рашод Нури Гунтекин туғилган кун. Уни дунёга танитган "Чолиқуши" романи китоб ҳолида чиққанига 100 йилдан ошди. Аввал қоғозга, кейин экранга кўчган дилбар асар қаҳрамони Фарида ўзбек аудиторияси учун ҳам қадрдон. Айниқса, сериалдаги куй эсингиздами?

💌 Яхши кўраман сизни,
Фарида,
Табассуми ғунча,
Нигоҳи кумуш.
Кундузлар чаҳ-чаҳлаб юриб,
Кечалар
Хатларига кўзёш нуқта бўлган қуш.
Кафтларим лавҳида кафт очар китоб,
Ҳовучида боғлар, йўллар ва денгиз.
Мавжларни варақлаб югурар шўхтоб,
Рўмоли сочини эплолмаган қиз — Сиз...

✍️ Ирода Умарова.

⁉️ Сиз-чи, Фаридани яхши кўрасизми? "Чолиқуши" романини ўқиганмисиз? Сериалини кўрганмисиз? Сизга қайси бири маъқул бўлган?

📌 Постни Фарида ва Камрон каби соф муҳаббат эгаларига юбориб қўйинг. Уларни ҳам ширин хотираларга ошно қилинг.

Yoshlar kundaligi