​#Халқароҳаёт

ТУРКИЯ ХАВФЛИ ЗОНАМИ? ЗИЛЗИЛА ҚАНДАЙ ОФАТЛАРНИ "СОВҒА" ҚИЛДИ?

6 февраль. Туркиянинг жануби-шарқий вилоятларида ва Суриянинг бир қанча вилоятида 7,9 магнитудали кучли зилзила содир бўлди. Орадан тахминан 12 соатча ўтиб иккинчи маротаба 7.5 магнитудали зилзила рўй берди. Мамлакат бўйлаб минглаб бинолар қулаган ва уларнинг ичида 2000 йиллик тарихий обида Газиантеп қалъаси ҳам бор эди.

7 февраль. Санага ўтар кечаси шаҳарда электр энергияси умуман бўлмади. Туркиянинг Малатья шаҳридан 43 км узоқликда 5,4 магнитудали янги зилзила қайд этилди. Ер силкиниши Туркиянинг энергетика инфратузилмасига жиддий зарар етказган. Маълумотларга кўра, офат натижасида Туркия 3 метрга силжиган.

Жабрланганлар. Айни дамда мамлакатда ҳалок бўлганлар сони 3419 нафарга етди. Жароҳатланганлар 20534 нафар, вайрона остидан қутқариб олинганлар эса 8 минг нафарни ташкил қилади. Жаҳон Соғлиқни Сақлаш вазирлиги вафот этган қурбонлар сони икки баробарга ошиши мумкинлигини таҳмин қилмоқда. Чунки бинолар остида ҳалок бўлганлар сони ҳали аниқ эмас.

Айни дамдаги вазият. Бошпанасиз қолган одамлар қаҳратон совуқда кўчаларда тунашмоқда. Баъзилари чодир қуриб, баъзилари олов ёқиб жон сақлашяпти. Туркиянинг фавқулотда ҳолатлар агентлининг айтишича, Туркиянинг вайрон бўлган ҳудудларига 65 та мамлакатдан инсонпарварлик ёрдами келган.

Мозийга назар. Туркия аслида ердаги энг ҳавфли зизила зонасида жойлашган мамлакатдир. Сўнгги бор бундай зилзила 1939 йилда содир бўлган ва унда 33 000 киши ҳалок бўлган эди. Сўнгги 25 йил ичида 7 ва ундан юқори магнитудали зилзила 7 маротаба содир бўлган, аммо бу сафаргиси барчасидан кучли эди.

💬Telegram 📱Instagram 📱Facebook 🌐YouTube