#Эшитдингизми

❎🚌1 январдан бошлаб автобусларда нақд пул олинмайди. Батафсил видеода.

Yoshlar kundaligi

#Расман

🏗️“Ангрен сити” қурилади. Бу ҳақида Тошкент вилояти ҳокимлиги ахборот хизмати маълум қилди.

📹Видео: "Ангрен сити" лойиҳаси.

Yoshlar kundaligi

#Тақриз

🤩ОЗОДАНИНГ ЯНГИ КЛИПИ НАМОЙИШ ҚИЛИНДИ

📱Интернетда Озода Нурсаидованинг янги клипи "Дилбарим" премьераси бўлди. Клип дастлабки 24 соатда ютубда икки миллион марта кўрилган.

➖Минуслар

Клип ғояси ва қўшиқ матни бир-бирига зид. Клип сюжетида воқеалар динамикаси ишонарсиз, бош қаҳрамон бўлган қизнинг йигитга ёпишиб олишию, севгининг туғилиши, бунчалар ўтли муҳаббат куртаги қачон пайдо бўлгани тушунарсиз. Энг ёмони, бой, ўзига тўқ оилалар дунёни фақат пул билан ўлчайди, улар яхши одам эмас, деган стереотип клипда устувор. Бу – советча ва ҳақиқатдан йироқ ғояни ўзбек санъатидан қувиб чиқариш керак. Аслида, бойлик ва маданият, бойлик ва инсонпарварлик, бойлик ва истеъдод, бойлик ва меҳнат ҳар доим бирга юради.

➖Плюслар

Оҳ, бу ўн саккиз ёшлилар. Уларнинг сутбулоққа чайилгандек оқ-оппоқ ҳис-туйғулари, мантиқан изоҳлаб бўлмайдиган дунёси бор. Клипда ҳали ўсмирлик нуқси кетмаган хаёлчан бир қиз ва мўйлаби энди сабза урган йигитнинг кечинмалари очиб берилган. Актёрлар ансамбли тўғри танланган. Озода яна янги юзларни кашф этишда давом этмоқда. Бош ролга танланган қизнинг нигоҳлари сўзлайди, қарашлари ўсмирликнинг покиза, ҳуркак, уятчан кунларини ёдга солади.

Yoshlar kundaligi

#Туйғу

Сендадир кўзларим, сендадир кўнглим,
Узоқларга соғинч билан боқаман...

✍ Зарифа Саидносирова шеъри, Саодат Қобулова қўшиғи
🖼Образда: Анора Абдурашидова, Лазиз Абдурашидов

🎵Қўшиқни тўлиқ тинглаш учун

Р.S: Бугун ўзбек опера санъатининг устуни, Ўзбекистон халқ артисти Саодат Қобулова туғилган кун.

Yoshlar kundaligi

​#Назар

ФРАНЦУЗ ПАРФЮМЕРИЯСИ ВА ИБН СИНО: МЎЪЖИЗАВИЙ ИФОР ИЗИДАН

📝 Парфюмерия саноатининг шонли тарихи

Франция атир ишлаб чиқариш саноати билан дунёга машҳур бўлиб, биргина шу соҳанинг ўзи мамлакатга йилига 50 миллиард евродан ортиқ даромад келтиради. XIV асрда французлар парфюмерия саноатини ривожлантира бошлаган бўлса, XVIII-XIX асрларда Грасс шаҳри дунё парфюмерия пойтахтига айланди. Бу шаҳарда жасмин, лаванда ва садбарг каби гуллар етиштириш йўлга қўйилиб, улардан юқори сифатли экстрактлар олинди.

Грасснинг мўъжизавий иқлими парфюмериянинг санъат даражасига олиб чиқилишида асосий роль ўйнаган, десак муболаға бўлмайди.

🌹"Инқилобий кашфиёт": Ибн Сино ва дистилляция

Ғарбда Авиценна номи билан танилган Ибн Сино парфюмерия саноатида туб бурилиш ясаган кашфиёт – дистилляция усулини жорий қилди. У гуллардан мой олиш жараёнини илмий асосда ишлаб чиққан бўлиб, бу усул тиббиёт, парфюмерия ва косметология тарихида инқилобий янгилик бўлди.

Французлар бу кашфиётдан унумли фойдаланиб, гул экстрактлари ва ўсимлик мойлари асосида ноёб атирлар ишлаб чиқишга эришди. "Rose de Mai" (май садбарги мойи) каби экстрактлар айнан Ибн Сино йўли билан тайёрланади.

🎗Олим қадри: "Бронза ифори"

Французлар Ибн Синонинг илмий меросини юксак қадрлайди. Жумладан:

➖ Париж Тиббиёт академиясида Ибн Синонинг бронза бюсти ўрнатилган бўлиб, бу буюк олимга бўлган ҳурмат рамзидир.

➖ Ҳар йили "AVICENNIA INTERNATIONAL PRIZE" мукофоти Ибн Сино меросини ўрганиш ва ривожлантиришга ҳисса қўшган олимларга топширилади.

➖ Парижнинг марказий кўчаларидан бирига Авиценна номи берилган бўлиб, бу французларнинг бобомизнинг илмий ва маданий меросига чуқур ҳурматидан далолат беради.

➖ Университетлар ва тадқиқот марказларида Ибн Синонинг тиббиёт, мантиқий фикрлаш ва фармакология соҳасидаги ютуқлари кенг ўрганилади.

🧨 "Шанел"да бор аламим маним...

Франция Ибн Синонинг илмий асосдаги кашфиётларини қадрлаган ҳолда уларни амалиётга татбиқ этиб келмоқда. Париждаги халқаро анжуманлар ва тадқиқот марказлари бу меросни чуқур ўрганишда етакчи ўрин тутади.

Бизда эса...  Ибн Сино меросини ўрганиш ва ривожлантириш учун катта имкониятлар мавжуд. Унинг илмий ишларини қайта тадқиқ қилиш, халқаро конференциялар ташкил қилиш ва парфюмерия саноатида Ибн Сино номини бренд сифатида жаҳонга танитиш вақти келмадимикан?

Ё "қўй ёғидан суркаб қўйсак", ҳаммаси яхши бўлиб кетармикан-а, нима дедингиз?

Yoshlar kundaligi