#Спорт

89–дақиқа аламлари.
Ўзбекистон Миср билан орани очиқ қилоладими?

🏆 Бугун дунё нигоҳи Парижга қадалган. Муҳаббат шаҳри ўз тарихида 3-бор Олимпия ўйинларига мезбонлик қилмоқда. Бундан роппа-роса 100 йил олдин ҳам Олимпия машъаласи айнан Парижни ёритган эди.

🌐 Олимпиада ҳар 4 йилда ўтказилса ҳам, бу йилги мавсумни биз учун тарихий дейиш мумкин. Негаки, футбол бўйича Ўзбекистон олимпия терма жамоаси илк бор бу нуфузли мусобақада қатнашмоқда. Илк ўйинда ғалаба қозонилмаган бўлса-да, жамоамиз испанларга қарши мардонавор ўйин олиб борди. Буни муносиб дебют дейиш адолатли бўлади.

⏰ Бугун эса Тошкент вақти билан соат 20:00 да вакилларимиз Миср олимпия терма жамоасига қарши майдонга тушади. Мисрликлар ҳам ўз ўрнида Африка қитъаси тарихида Олимпия ўйинларидаги иштирок жиҳатдан пешқадамлардан ҳисобланади. Қолаверса, Ўзбекистон U-23 таркибининг мисрликлар билан боғлиқ аччиқ тажрибаси ҳам бор. Ўтган йили ўртоқлик учрашувида ўз майдонимизда 1:2 ҳисобда ўйинни бой берган эдик. 2-бўлимнинг 89-дақиқасидаги рақиб голини футболчиларимиз ҳанузгача унутмаган бўлишса керак.

✅ Бугун Олимпия терма жамоамиз орани очиқ қилишига ишонамиз. Бу ғалаба бизга керак, жуда ҳам керак.

🇺🇿🇺🇿Олға, Ўзбекистон! Олға, йигитлар!

Yoshlar kundaligi

#Спорт

ПАРИЖ-2024: ЧИНОЗ ФАРЗАНДИ ФИЛИППИНЛИК БОКСЧИГА ҚАРШИ

🌐Парижда ўтаётган Олимпиадада Тошкент вилояти фарзандлари ҳам иштирок этишмоқда. Хусусан, Ўзбекистон делегацияси таркибида чинозлик чарм қўлқоп устаси Тўрабек Ҳабибуллаевнинг борлиги барчамизни қувонтиради.

⌛Тўрабек ҳақида қисқача маълумот: Ҳабибуллаев Тўрабек Шукрилло ўғли 2004 йил 9 апрель куни Чиноз туманида таваллуд топган. 2022 йил Испанияда ўтган ёшлар ўртасидаги жаҳон чемпионатида ғалаба қозонгач, Ўзбекистон миллий терма жамоасига жалб этилган. Ёш истеъдодли боксчи Ханчжоу-2022 Осиё ўйинларида -80 кг вазн тоифасида бронза медалини қўлга киритган. 2023 йил катталар ўртасидаги мамлакат чемпионатида ушбу вазн тоифасида тенги йўқ эканини яна бир карра кўрсатди.

🕓Жорий йилнинг 3-11 март кунлари Италияда ўтган жаҳон лицензион турниридаги муваффақиятли иштироки орқали -80 кг вазн тоифасида Париж-2024 ёзги Олимпия ўйинлари йўлланмасига сазовор бўлган.

🌐Тўрабек бугун филиппинлик Эумир Марсьялга қарши рингга тушади. Спортчимизга бу жангда омад тилаймиз ва вилоятимиз, юртимиз шаънини янада юқорига кўтаришига ишонамиз.

Олға, Тўрабек! Олға, Ўзбекистон!✊✊

Yoshlar kundaligi

#Спорт #parij2024

👍 Бугундан Париж-2024 ёзги Олимпия ўйинлари доирасида енгил атлетикачиларимиз баҳсларга киришишади. Кун давомида 4 спорт турида 9 нафар атлетимиз иштирок этишади.

Yoshlar kundaligi

#Спорт

ТОШКЕНТ ВИЛОЯТИНИНГ СУМОЧИ ҚИЗИ

🔥Оҳангаронлик Дурдона Абдужабборова сумо бўйича жаҳон чемпионатида бронза медалини қўлга киритди. Бу Ўзбекистоннинг ушбу спорт тури бўйича халқаро майдондаги илк ютуғи бўлди.

🔖Эсингизда бўлса, Олимпиада ўйинларида қирғизистонлик боксчига ўзбекистонлик мураббий секундантлик қилган эди. Орадан ҳеч қанча вақт ўтмасдан Қирғизистон тренери сумо мусобақасида Дурдонага секундантлик қилди. Ажойиб-а?😊👍

Yoshlar kundaligi

#Спорт

📣 Бугун футзал бўйича Ўзбекистон терма жамоаси жаҳон чемпионатидаги иккинчи тур учрашувини ўтказади.

📌 Ҳамюртларимиз мазкур турда Парагвай билан баҳс олиб боришади. Соат 20:00 да старт оладиган беллашувда йигитларимизга омад тилаймиз!

🏆 Футзал бўйича жаҳон чемпионати

🇺🇿 Ўзбекистон – Парагвай 🇵🇾
🗓 17-сентябр | 20:00
🏟 "Ҳумо aрена" мажмуаси
📺 Спорт ТВ

🇺🇿 Олға, Ўзбекистон! Олға, йигитлар!

Yoshlar kundaligi

#Спорт

🌐 Бутунжаҳон шахмат олимпиадасида бронза медалини қўлга киритган йигитларимизга BYD Chazor автомобиллари совға қилинади.

👥 Айни дақиқаларда Тошкент халқаро аэропортида кутиб олиш маросими бўлиб ўтмоқда.

📌 Маълумот ўрнида: Бутунжаҳон шахмат олимпиадаси 1924 йилдан буён ўтказиб келинади. Расмий мақомга эга биринчи мусобақа 1927 йил Лондонда бўлиб ўтган. Мусобақа 1950 йилдан бошлаб мунтазам тарзда ҳар 2 йилда бир маротаба ўтказиб келинмоқда.

❗️ Ўзбекистонлик шахматчилар илк бора 1992 йил Филиппиннинг Манила шаҳрида ташкил этилган 30-Бутунжаҳон шахмат олимпиадасида мустақил жамоа сифатида иштирок этиб, якунда фахрли 2-ўринни эгаллашган.

Yoshlar kundaligi

#Спорт

БАА терма жамоаси ўйинчиси Ўзбекистонга келcа, қамалиши мумкин

🌐 Бугун соат 19:00 да Ўзбекистон жаҳон чемпионатига саралаш босқичи доирасида БАА терма жамоасига қарши майдонга тушади. БАА футболчиси Фабио Де Лима эса сохта паспорт туфайли ушбу ўйинни ўтказиб юборади.

#️⃣ Агар у Ўзбекистонга қадам босса, қамалиши мумкин.

❗️ "Ал-Васл" клуби футболчиси 2013 йилда БАА чемпионатида Осиё легионери сифатида рўйхатдан ўтиш учун Ўзбекистон паспортини сохталаштирган. Ўзбекистонда ўтказилган текширув натижаларига кўра, ушбу паспорт бошқа шахсга тегишли эканлиги маълум бўлди.

✅ Маълумот учун: Фабио Виржиньо де Лима 1993 йилда Бразилияда туғилган, 2020 йилда БАА фуқаролигини олган.

Yoshlar kundaligi

#Спорт

Бугунги Араб Амирликлари билан кечган ўйин жуда ажойиб ва кутилмаган ҳодисаларга бой ўтди.

Отабек Шукуров 76-дақиқада ҳисобни очди! У Бобур Абдухолиқов ишлаган пеналтини голга айлантирди!

🏆 ЖЧ-2026 саралаши. А гуруҳи. 4-тур ўйинларида
🇺🇿 Ўзбекистон – 🇦🇪 БАА - 1:0 🟢

🇺🇿 Ғалаба муборак, йигитлар!!!

Yoshlar kundaligi