#Туйғу

Ёрдан кечдим шу от деб,
Элга бўлдим эрмаклар.
Қайдан билсин от қадрин,
От минмаган эркаклар...

✍️ Муҳаммад Юсуф

📸 Фото: Саҳобиддин Рустамов
🖼 Образ: Зайниддин Шерзод

Yoshlar kundaligi

#Спорт #parij2024

👍 Бугундан Париж-2024 ёзги Олимпия ўйинлари доирасида енгил атлетикачиларимиз баҳсларга киришишади. Кун давомида 4 спорт турида 9 нафар атлетимиз иштирок этишади.

Yoshlar kundaligi

#Раҳбар_ва_ёшлар

📌 ДХХ Тошкент вилояти бошқармаси бошлиғи Абдугапур Аҳмедовнинг ҳудудлардаги учрашуви давом этмоқда. "Раҳбар ва ёшлар учрашуви"нинг навбатдаги манзили эса Чиноз тумани бўлди.

⏳ Маълумот ўрнида: полковник Абдугапур Аҳмедов вилоятдаги барча шаҳар-туман ёшлари билан юзма-юз кўришиб, суҳбатлашишни ният қилган. Кутинг, яқин орада бундай суҳбат сизнинг ҳудудингиздаям ўтказилади.

📹 Жараён билан юқоридаги ролик орқали танишинг❗️

Yoshlar kundaligi

#биласизми

💰 КИТОБ ЁЗИБ МИЛЛИАРДЕР БЎЛГАНЛАР

💸 Нафақат китоб ўқиб, балки китоб ёзиб ҳам бойиб кетиш мумкин экан. Қандай дейсизми, ҳозир сизларга дунёнинг энг бой ёзувчи ва публицистлар бешлигини тақдим этамиз.

➖ Жоан Роулинг

🪄 Барчамизга таниш бўлган “Гарри Поттер” сериали муаллифи Роулининг биринчи китоби 1997 йилда 32 ёшида нашр этилган ва китоблар 600 миллион нусхада сотилган. Бугунги кунда Роулингнинг умумий бойлиги – 1 млрд. доллар.

➖ Жеймс Паттерсон

📚 Ўзининг "Ўргимчак келди", "Шовқин”, "Қамоқхона адвокати" номли юридик триллер романлари билан машҳур Жеймснинг умумий бойлиги 750 млн. долларни ташкил қилади. Айнан унинг асарлари асосида ҳар йили 10 га яқин кино суратга олинади.

➖ Кэнди Спеллинг

💸 2009 йил март ойида Кэнди Спеллинг ўзининг "Кэндиланд ҳикоялари" номли автобиографиясини нашр этди. Китоб тезда миллий бестселлерга айланди ва йирик китоб дўконлари томонидан энг яхши китоб деб топилди. Кэндининг умумий бойлиги – 600 млн. доллар.

➖ Даниэлла Стил

🏠 Унинг "Уйга қайтиш" романи 1973 йилда нашр қилинган ва кичик муваффақиятга эришади. Бироқ "Ваъда" романи катта шуҳрат қозониб, унинг келажагини гуллатиб юборган. Бугунги кунда Даниэлланинг бойлиги 600 млн. долларни ташкил қилади.

➖ Пауло Коэльо

🔬 Коэльони китобхонлар орасида танимайдиган одамни топиш қийин. Энг машҳур романи ҳисобланмиш "Алкимёгар" дастлаб португал тилида ёзилган, кейинчалик инглиз ва бошқа кўплаб тилларга таржима қилинган. Унинг асарлари дунё бўйлаб 210 миллион нусхада сотилган. Ҳозирда бойлиги – 500 млн. АҚШ доллари.

P/S: Бу гаплардан кейин ҳамма китоб ёзишга ўтиб кетмаса бўлди😁

Зилола Ҳакимжонова тайёрлади.

Yoshlar kundaligi

#Дунё_ёшлари

ЯПОН ЁШЛАРИНИНГ МУВАФФАҚИЯТИ СИРИ НИМАДА?

🫂 Японияда 15 ёшдан 29 ёшгача бўлган фуқаролар18, 46 миллион кишини (жами аҳолининг 14,6 фоизини) ташкил этади. Япония ёшларни ҳимоя қилиш ассоциацияси – бу болалар ва ёшларнинг ҳуқуқларини ҳимоя қилиш, шу жумладан қийин вазиятларда ёрдам бериш масалалари бўйича шуғулланувчи ташкилот ҳисобланади. Мамлакатда ёшлар билан ишлашни ташкил этишни тартибга солувчи асосий ҳужжат 2010 йилда қабул қилинган "Болалар ва ёшларнинг ривожланишини қўллаб-қувватлаш тўғрисида" ги қонундир. Келинг, бу гал кун чиқар ўлка ёшларининг ҳаётига назар соламиз.

📚 Таълим тизими

Бу ерда 6+3+3+4 тизими мавжуд бўлиб, бунда 6 йил бошланғич мактабда, 3 йил ўрта мактабда, яна 3 йил юқори мактабда ва 4 йил университетда (бакалавр даражасида). Таълим 6 ёшдан бошланади, бу ёшга қадар, 3 ёшдан бошлаб болалар боғчага боришлари мумкин.

Японияда юқори синфга ўқувчилар имтиҳон орақали қабул қилинади. Ўта олмаганлар иккинчи йилга қолдирилади. кириш учун танлов жуда кучли бўлади. Бу ердаги олийгоҳларга эса фақатгина мактабдаги якуний имтиҳонларни муваффақиятли топширганлар киради.

🍽 Аввал биз, хавфсиз бўлса, сизлар...

Мактаб раҳбарлари ўқувчилардан ярим соат олдин овқатланишади. Бу билан овқат болаларга зарар берадими йўқми, шуни аниқлаб беришади. Улар ўқувчиларни Япония келажаги деб билишади.

✅ Ёшлар учун имтиёзлар

➖ Япон ёшлари жамоат транспортларидан фойдаланишда чегирмаларга эга.

➖ Талабалар бепул тиббий ёрдам олишлари мумкин.

➖ Талаба йигит-қизлар ўқиш ва уй-жой харажатларини қоплашга ёрдам берадиган турли хил грантлар ва стипендиялардан фойдаланишлари мумкин.

➖ Ёшлар учун бир қатор дўкон ва ресторанларда чегирмалар ҳамда махсус таклифлар мавжуд.

➖ Чет давлатларга чипта сотиб олишда ёшларга катта чегирмалар тақдим этилади.

💼+💍 Касб ва турмуш

Мамлакатда IT ҳамда тиббиёт соҳасида ишловчи малакали ҳодимларга талаб жуда юқори. Ёшлар турмуш қуришга шошилишмайди. Бу ерда қизлар 29 ёшда, йигитлар эса 31 ёшда оила қуришни маъқул кўришади. Йигит-қизлар токи молиявий барқарорликка эришмагунга қадар никоҳ масаласини ўйлашмайди.

Японлар кимнингдир ҳисобига яшашни ёқтиришмайди. Улар ёшлигидан шахсий бизнесини йўлга қўйишга ҳаракат қилишади. Ёшлар орасида бир гап жуда машҳур, "ҳеч ким ва ҳеч нарса абадий эмас". Бу дегани, бировнинг ҳисобига ҳаёт кечириб бўлмайди. Ҳеч кимни сенга боғлаб бериб қўймаган. Бировга эмас, фақат ўзингга ишон!

✍️ Анора Абдурашидова тайёрлади.

Yoshlar kundaligi

#тавсия

БИР КУНДА ЎҚИЛАДИГАН КИТОБЛАР

❕Ёзнинг сўнгги ойи ҳам бошланди. Фурсатдан фойдаланиб, дам олиш кунларини мароқли ўтказишингиз учун шу фасл билан боғлиқ бир нечта ҳикоя ва қиссаларни тавсия этмоқчимиз.

1️⃣ "Жазирама" — Габриэлъ Гарсиа Маркес;

2️⃣ "Таътил" — Робиндранат Тагор;

3️⃣ "Ёз ёмғири" — Ўлмас Умарбеков;

4️⃣ "Ёз кунида" — Ориф Толиб;

5️⃣ "Ёз билан хайрлашув" — Константин Паустовский;

6️⃣ "Қуёш ҳали ботмаган" — Луқмон Бўрихон;

7️⃣"Қайтиш" — Назар Эшонқул;

8️⃣ "Арслонхон ҳикояси" — Ғулом Каримий.

❓ Сиз бу китоблардан қайси бирини ўқигансиз?

Yoshlar kundaligi

#Туйғу

Уйдан кетганимга кўп йил бўлибди,
Кўп йил қишлоғимдан юрибман узоқ.
Мен юрган йўлларда ўтлар унибди,
Кўмилиб бўлибди мен кезган сўқмоқ.

✍️ Шеър: Абдулла Орипов

📺 Образларда: Нигора Ўролова, Моҳларойим Мирзанеъматова

📹 Оператор: Шерзод Қорабоев

✍️ Монтаж устаси: Фаррух Авелов

Yoshlar kundaligi