​#Дунё_ёшлари

ҚОЗОҚ ЁШЛАРИ: ТАЪЛИМ, ЮТУҚ ВА МУАММОЛАР. МАВЗУГА НАЗАР

Меҳмондўстлик қонида бор...

🔥Ҳозирги кунда Қозоғистонда 6 миллионга яқин ёш бор, бу дегани мамлакат аҳолисининг 27 фоизи ёшлардан иборат. 2023 йилдаги социологик тадқиқот натижаларига кўра, 14 ёшдан 30 ёшгача бўлган респондентларнинг 75,8 фоизи бошқа миллат ва дин вакиллари билан дўстлашишга тайёр эканини билдирган. Кўриб турганингиздек, ёшларнинг катта қисми қозоқ меҳмондўстлик анъаналарини сақлаб қолган.

Таълим тизими ёшларни қониқтиряпти (ми?)

🏢Қозоғистонда таълим тизими уч босқичдан иборат: бошланғич, ўрта ва юқори. Ўқувчилар 12 йил давомида мажбурий равишда бепул ўқитилади. Дарс ҳафтасига 5 кун. Шанба-якшанба кунлари анъанавий дам. Мактабни тамомлагандан кейин битирувчилар асосий фанлардан имтиҳон топширадилар. Ўқувчининг тўплаган бали олий ўқув юртига кириш ёки кирмаслигини белгилаб беради.

✅ОТМ йўналишлари ҳам учга бўлинган. Бакалавриат (ўқиш муддати - 4 йил), магистратура (олий ўқув юртидан кейинги таълим, ўқиш муддати 1-1,5 йил, илмий-педагогик йўналишда 2 йил), докторантура (ўқиш муддати 3 йил).

‼️Бугунги кунда мамлакатда олий ўқув юртлари сони 117 та, халқаро университетлар 2 та, хусусий университетлар 47 тани ташкил қилади.

📌Қозоғистон таълим бериш методикаси бўйича Марказий Осиёдаги энг кучли давлат ҳисобланади. Шунинг учун ҳам мамлакат ёшлари таълим сифатидан шу пайтгача умуман норози бўлмаган.

Ишсизликка ечим қидирилмоқда

⚡️Шаҳардаги ёшлари сони қишлоқ ёшларига нисбатан 12,8 фоизга кўп. Шу кунларда Қозоғистондаги энг долзарб ва муаммоли масалалардан бири бу - бандлик. Ишсиз ёшлар сони ҳозирги кунда 32 фоизга етган. Мамлакатда ишсизларни камайтириш мақсадида "Еңбек" дастури жорий этилган. Бандлиги таъминланмаганлар қисқа фурсат ичида бирон-бир касбга ўқитилиб, ишга жойлаштирилади.

😉Қозоқ ёшларининг катта қисми асосан миллий спорт билан шуғулланади. Бу ерда спортчи ёшлар 2 миллион нафарни ташкил қилади. Ёшларнинг асосий ҳаёт режалари – таълим олиш, оила қуриш ва касб-ҳунарли бўлишдир. Мамлакатда йигитлар сони қизларга қараганда кўпроқ бўлса-да, қизлар ОТМларга кириш бўйича йигитлардан устунлик қилмоқда.

☝️Мамлакат ёшлари орасида энг машҳур соҳалар бу – IT, ўқитувчилик ва бухгалтерия саналади.

Ёшлар ташкилоти – йигит-қизларнинг таянчи

🔹"Қозоғистон ёшлар парламенти", "Қозоғистон ёшлар иттифоқи - Республикадаги энг йирик бўлган ёшлар ташкилотлари ҳисобланади. Ушбу ташкилотлар ёшларнинг сиёсий ҳаётдаги фаоллигини ошириш, уларнинг фикрлари ва таклифларини ҳукуматга етказиш, шунингдек, ҳуқуқ ва манфаатларини ҳимоя қилиш билан шуғулланади.

Yoshlar kundaligi

#Томорқа

👀 Чиноздан янги бой чиқмоқда

🫑 Қодирмурод Абдуқаҳҳаров 22 ёшда. У 30 сотих ерга 25 минг туп булғор қалампири эккан.

📹 Қолгани видеолавҳада.

Yoshlar kundaligi

​#Хотира

ДАДАМНИНГ ДАФТАРИ

Оилада 7 фарзандмиз. Катта укам орамиздан энг тўполончиси эди, унинг шўхликлари чегара билмас, ерга урса кўкка сапчирди. Бир қарасанг розеткага сим тиқиб кўрар, бир қарасанг ишлаб турган радиони кавларди. Укамнинг бузғунчиликларини кўтаролмай радио ва телевизоримиз тез-тез устахонани "зиёрат қилиб келарди".

Бир ёқда тинчгина юрган итнинг қулоғи кесилган, гулхан кўриш илинжида олов ёқилган, хуллас қилмаган безорилиги қолмасди.

Дадам укамни тартибга чақириб кўп тергар, аммо урмасди. Ҳар гал "Билиб қўй, бола, мен индамай-индамай қўйяпман. Аммо ҳамма ишларинг дафтаримга ёзиляпти. Анча йиғилиб қолди. Бир куни очиб таъзирингни бераман", дерди.

Укам дадамнинг шу гапидан дарров ҳушёр тортар, бир неча кунга бўлса-да тартибли болага айланарди. Бу дафтар биз учун катта хавф эди. Негаки барчамизнинг исмимиз унга бир неча бор тиркалишга улгурганди. Кун келиб дафтар очилса, ҳаммаси учун бизни қақшатқич жазо кутарди назаримизда. Шу дафтар очилмаслигини, уни топиб йиртиб ташлашни жудаям истардик. Бир неча марта сездирмасдан излаб ҳам кўрдик, аммо дадам уни қаерда сақлаши, унга қачон ёзиб улгуришини ҳеч ҳам билолмадик...

Йиллар ўтди. Дафтар ҳеч қачон очилмади. Энди билсам, у умуман бўлмаган, бу дадам раҳматлининг фарзанд тарбиясидаги ўзига хос усули экан...

Yoshlar kundaligi

#Туйғу

Керак бўлса қилич учида
Яша, севгин сен Мажнун бўлиб!
Сариқ рангли гуллар ичида
Очил кейин қизил гул бўлиб.

✍️Хуршид Даврон
🎤Эркин Бозор

Yoshlar kundaligi

#Тезкор

Ўқишни кўчириш бўйича ўтиш баллари тасдиқланди

🏢2024/2025 ўқув йили учун хорижий ва нодавлат олий таълим муассасаларидан талабалар ўқишини республика давлат олий таълим муассасаларига кўчириш бўйича ўтказиладиган махсус синовлар бўйича ўтиш баллари тасдиқланди.

📲ЭСЛАТМА: ўқишни кўчириш бўйича аризалар 15 июлдан онлайн қабул қилинади.

Yoshlar kundaligi

​#Тарих

🖐 АМИРЛИК ДАВРИДА МАҲАЛЛА БЕШЛИГИ

Бугунги кунда “маҳалла еттилиги” ҳақида кўп эшитяпмиз, ўқияпмиз. Аслида бу тажриба тарихда ҳам бўлган экан.

Маҳалла тарихи қадим замонларга бориб тақалади. Наршахий ўзининг “Бухоро тарихи” асарида бундан 1100 йил илгари ҳам Бухорода бир қанча маҳаллалар бўлганини қайд этган. Алишер Навоий “Ҳайрат ул-аброр” достонида маҳаллани “шаҳар ичидаги шаҳарча” деб таърифлайди.

Маҳаллалар, айниқса, Амир Темур даврида равнақ топган. Бу даврда улар аҳолининг касб-корига қараб бўлинган ва номланган. Масалан, заргарлар маҳалласи, гиламчилар маҳалласи, кулоллар маҳалласи ва ҳоказо.

Маҳалла ҳам қадимдан ҳокимиятнинг ўзига хос бир бўлаги сифатида фаолият кўрсатган. У жамоатчилик асосида бошқарилган, ёзилмаган ички тартиб-қоидаларига бўлиб, унга ҳамма бирдек амал қилган.

Бухоро амирлигида бир нечта катта-кичик қишлоқлар бириктирилиб энг қуйи маъмурий бирлик ташкил этилган ва у амлок деб аталган. Амлокдор ўзининг ҳудудини мирзо (котиб), қишлоқ оқсоқоли, амин ва миробларга таяниб бошқарган.

Амлокдор (“мулк эгаси”) етиштирилган ҳосилнинг ҳисобини юритган, солиқларнинг белгиланган муддатда йиғилишини назорат қилган.

Амин (“ишончли, ҳалол одам”) солиқ ва бошқа йиғимларни йиғиш, аҳоли устидан назорат олиб бориш ҳамда ариқлардаги сувни экин майдонларига тақсимлаган.

Қишлоқ мироби эса сув иншоотларининг ўз вақтида таъмирланишини, қишлоқлар учун ажратилган сувнинг ариқлар бўйича тўғри тақсимланишини таъминлаган.

✍️ Тўхтамурод Асқаров

Yoshlar kundaligi

#Чилла_кайфияти

Қуйи Чирчиқлик шеплар дам олишни билишади. 😂😂

Yoshlar kundaligi