Сўнгги соатларда

🇺🇿 Тайёр туринг, бошланди: бугундан "Ташаббусли бюджет"нинг янги мавсумига старт берилди — Молия вазирлиги.

🇮🇷 Раисийнинг ўрнига ким сайланди: Эрондаги президентлик сайловида Масъуд Пезешкиан ғалаба қозонди — Tasnim.

🇨🇳🇹🇯 Ҳамкорликка бир қадам: Хитой етакчиси Си Цзиньпин Эмомали Раҳмонни “Дўстлик” ордени билан тақдирлади — Tengrinews.

🇹🇷 Туркия осмонида учар юлдуз: Mетеорит (метеор) парвози Истанбул аҳолисининг эътиборини тортди — Haberturk.

Yoshlar kundaligi

​​ДАҲОНИНГ БОЛАЛИГИ – ЎЗБЕКИСТОНДАГИ №1 КАРДИОЛОГ

«Касбимиздаги энг қийин иш беморлар нажот умиди билан келганда, ҳеч ким ёрдам бера олмайди каби ўй-хаёллардан уларни қутқариш».

🗓 1947 йил, 5 декабрь. Зоти зурриёти Хива аслзодаларига тақалувчи Давлатбек ўғилли бўлди. Урушдан кейинги пайт, оғир замонлар эди. Қаҳрамонимиз қачондир Ичон Қалъада яшаган, хонликнинг бообрў кишилари ҳисобланган ва тақдир тақозоси билан Сталин пайтида “қулоқ” бўлишдан чўчиб, ҳар томонга тариқдек сочилиб кетган катта бир уруғнинг давомчиси эди.

🇷🇺 Орадан йиллар ўтди. Давлатбекнинг ўғли шифокор бўлишни ният қилиб, Масковга ўқишга кетди. Ўша даврнинг энг зўр кардиожарроҳи – академик Чазовга шогирд тушди. (Чазов ҳақида кўп афсоналар юради: ўлган одамнинг юрагига найча улаб тирик олиб юрган; 70-йилларга келиб чоллардан иборат бўлиб қолган КПСС марказқўми аъзоларини умрини узайтириш шахсан Чазовнинг иши; генсек Андропов аллақачон ўлган, Чазов уни тирик олиб юрибди ва ҳоказо).

🔸Пешона, иқтидор ва хоразмлик бўлиш –айнан мана шу омиллар қаҳрамонимизни Чазовга тўқнаштирди. Уни довруқли академик шогирдликка қабул қилди. Хоразм деган сўзга алоҳида урғу қаратдикки, боиси, Чазовдек донишманд одам тиб илмида жаҳон миқёсида тан олинган Хоразм маданияти ва тарихини, Беруний, Хоразмийларни билмаслиги мумкин эмасди.

💭 Айниқса, Хоразм Маъмун академиясининг энг ёрқин вакили Ибн Сино даҳоси олдида қарздорлик туйғуси бўлмаган врач, табиб, олим йўқ. Шу маънода, кекса академик Чазов Ибн Сино юртига яна бир етук олим етиштиришни кўнглига туккан, дегим келади.

📃 Қаҳрамонимиз эса ўқиди, ўқийверди, назария ва амалиётни бақамти олиб борди. Самарқанд тиббиёт бирлашмасининг раҳбари, асли Хивадан (ўша – Ичон Қалъадаги аслзода оилалардан) бўлган Исмоил Ибрагимовнинг райҳони – қизига кўнгил қўйди, уйланди.

📜 Тарих ўз хатосини тузатди: Ичон Қалъада девор-дармиён яшаган аслзода оилалар икки ёшнинг бир-бирига кўнгил қўйиши ортидан қайта топишди. Ёшлар Тошкентда учрашди, Масковда бирга таҳсил олди, аспирантурада ўқиди ва илмнинг ойдин йўли бошланди...

📌 Дарвоқе, унинг вилоятимизга ҳам алоқаси бор. Қуйи Чирчиқ туманидан 1999-2003 йилларда Олий Масжлис депутати бўлган. Бугунги кунда эса Қибрай туманида истиқомат қилади.

☝️ Қийинчилик? Оила ва болалар Тошкентда, ўзи Масковда, буюк устози ҳузурида кардиохирургия соҳасини қунт билан ўрганиш илинжида яшади, токи 35 ёшигача ором-ҳузур надир – билмади.

Ва у бугун Ўзбекистон қаҳрамони, сенатор, ўзбек кардиология илмий мактабининг таянчи, устуни.

Бугунги кунда замонамизнинг энг таниқли қардиожарроҳларидан бири бўлган, 17 ёшидан 35 ёшигача фақат ўқиш ва ўрганишга вақт сарфлаган бу йигитнинг исми...

Равшанбек эди, Равшанбек Қурбонов эди...

Yoshlar kundaligi

​​#Воқеа

ЁҚТИРМАГАН КАСБДА ИШЛАШ СУЙМАГАН ХОТИН БИЛАН ЯШАШДАЙ ОҒИР

Онам тўйдан келди. Нафас ростлаш баҳонасида уёқдан-буёқдан гаплашиб ўтирдик.

– Ўғлим, танишларимиз роса сени гапирди. "Ёлғиз ўғлингиз бўлса, қоғоз-қалам кўтариб юрадими? Ундан кўра АГМКгами, конгами кириб, жарақ-жарақ ойлик олсин", дейди. Ўзи шу касбинг жуда қийин-да. Асабларингни тамом қилади.

– Эътибор берманг, Она. Ишим ўзимга ёқади. Тўсиқларига рози бўлиб танлаганман. Маош ҳам ёмон эмас. Кондагилар ҳам супуриб олмайди-ку пулни.

– Шунақа деса керак, деб ўйлаб тургандим. Ишинг ҳам ғалати-да, эрталабдан-кечгача компьютерда, телефонда ўтирасан.

– Вазифам шунақа-да, онажон.

– Дугонам ҳам ўғлидан нолиб қолди. Бухгалтерликка ўқиб, ишла, ана сен тенгилар биттадан машина миниб, уй соляпти дебди. Ўғли пайвандчиликни яхши кўрар экан. "Истамаган касбингда ишлаш кўнглинг бўлмаган хотин билан яшашдай оғир" дермиш.

– Тўғри айтибди-да. Ўзи ўша хола менга умуман ёқмайди. Болаларини ҳамманинг олдида уришиб, айбини айтиб ташлайверади. Камситиб маза қиладими-ей.

Нега баъзи одамлар шунақа: болаларини бошқа болалар билан таққослайверади? Етмаганига буни фарзандларига ҳам очиқ айтади. Ёш кўнгил синиб қолади, психологиясига таъсир қилади, деб ўйламайди. Шунақа ота-оналарни кўрсам вақтида ўша болаларнинг ота-онасига ўхшаб тарбия бериш керак эди-да, дегим келади.

Балки, болалар ҳам бошқаларнинг ота-оналарига ҳавас қилар.

– Сенга бир гап айтиб бўлмайди, болам. Омон бўлгур, дарров бир дунё муаммони тахлаб ташладинг-а. Майли, тур энди, тушлик қиламиз.

🎨 Рассом: Фаррух Авелов

Yoshlar kundaligi