#Қилмиш_қидирмиш

⚖️ Жиноятчи опа-укага ҳукм ўқилди

❌ Тожикистондан Тошкент вилояти ҳудудига гиёҳвандлик воситаларини ноқонуний олиб кириш ва тарқатиш билан шуғулланган жиноий гуруҳ фаолиятига ҳуқуқни муҳофаза қилувчи ташкилотлар томонидан чек қўйилди.

⛔️ Тезкор тадбирлар давомида Янгийўл туманида яшовчи, 1986 йилда Фарғона вилоятида туғилган фуқаро Д.Й ва унинг 1993 йилда Самарқанд вилоятида туғилган укаси Б.Р 275 грамм “гашиш” ва 1 грамм “опий” гиёҳванд моддасини қўшни республика ҳудудидан олиб келиш вақтида қўлга олиниб, жавобгарликка тортилди.

📌 Суд ҳукмига кўра Б.Р га (ука) 10 йил ва Д.И га (опа) эса 5 йил муддатга озодликдан маҳрум қилиш жазоси тайинланди.

Yoshlar kundaligi

#Машҳур_аёллар

🚀 "ОЁҒИ ЕРДАН УЗИЛГАН" ДЕҲҚОН ҚИЗИ

➖ Тўқувчи қиз ҳақида

✨ Валентина Терешкова 1937 йил оддийгина деҳқон оиласида туғилди. Онаси тўқимачилик комбинати ишчиси эди. Содда қишлоқ қизи самони севар, юлдузларга термилиб, космосга учиш ҳақда хаёл сурарди. 22 ёшидан парашют спорти билан шуғуллана бошлади. Онасига эргашиб текстилда ишлаётган қиз Юрий Гагариннинг биринчи муваффақиятли космик парвозидан сўнг Сергей Королев томонидан тузилган аёллар жамоасига қўшилади. Ўшанда у 26 ёшда эди.

➖ Буни омад дейдилар...

✅ 400 га яқин номзоддан 5 нафар кўнгилли сараланди. Парвоз ва бўлажак зўриқишларга тайёргарлик мақсадида қизлар 70 даража ҳарорат, 30 фоизлик намликдаги термокамерада синовдан ўтди. Аммо Валентина имтиҳонларда қийналарди. Шунга қарамай, омади келди: сиёсий элита биринчи космонавт аёл оддий халқдан чиқиши шартлигини таъкидлади. Ниҳоят, тўрт нафар маълумотли номзод қолиб, тўқувчи Валентина 1963 йилнинг 16 июнида отнинг калласидек юрак билан ёлғиз ўзи космосга учди.

➖ Қўрқинч бир жасорат

🚀 У "Восток-6" космик кемаси бортида 2 кун 22 соат 41 дақиқа давомида Ерни 48 марта айланди. Унинг исми биринчи аёл космонавт сифатида тарихга муҳрланди. Аммо парвоз осон кечмади, деярли уч кун ҳаракатсиз қолди. Ердан келган сигналларга жавоб бермади, топшириқларни тўлиқ бажара олмади. Қўниш маҳали техник носозлик сабаб Ердан узоқлашиб кетди. Ахири Қозоғистон заминига парашют ёрдамида оёқ қўйди, аҳволи эса ниҳоятда оғир эди.

🚀 У парвоз мобайнида космонавт рационидаги биронта озиқ-овқатни емади. Барча йўриқномаларга терс бориб “ер” таомини, қозоқлар берган қимизни ичиб қўйди. Махфий ҳисобланган космик таомларни эса одамларга тарқатиб юборди. Бу тартиббузарлик кескин норозиликларга сабаб бўлди. Бироқ, "биринчи космонавт аёл", "Россияда генерал-майор унвони берилган ягона аёл" рутбалари барчасини ювиб кетди.

➖ Ерда порлаган юлдуз

❗️У ҳанузгача космосга ёлғиз парвоз қилган биринчи аёл бўлиб қолмоқда. Валентина Ердан оддий деҳқон қизи сифатида учиб кетди, аммо қайтганида ҳақиқий юлдузга айланган эди. Бу юлдуз ёғдуси ҳамон миллионлаб қалбларни нурлантириб турибди. Орзу, мақсад ва ҳаракатда гап кўп экан, дугоналар. Омадда ҳам...

Нилуфар Убайдуллаева

Yoshlar kundaligi