#Дунё_ёшлари

МАЖБУРИЙ МЕҲНАТ ВА ДУНЁ ЁШЛАРИ

🌐 Ўзбекистонда йиллар давомида болаларнинг мажбурий меҳнатга, хусусан пахта йиғим-теримига жалб этилиши шу йўналишдаги халқаро рейтингларда ўрнимизни пастлатиб юборганди ўз вақтида.

🟢 Бугун эса бу ҳолатлар ортда қолди. Ҳатто болалар ҳуқуқлари, уларни мажбурий меҳнатга жалб этмаслик давлат сиёсати даражасига кўтарилди. Ўзгаришлар натижасида 13 йиллик ўзбек пахтасига қўйилган бойкот бекор қилинди.

❗️ Бугун болалар меҳнатига қарши курашиш куни!
Шу муносабат билан мавзуга оид қуйидаги маълумотларни тўпладик:

🇨🇳 Хитой

16 ёшгача бўлган болаларни ишга олиш тақиқланади. Шунингдек, бу ерда мажбурий таълимни татбиқ этувчи қонунлар ҳам ишлаб чиқилган, бу эса меҳнат қиладиган болалар сонининг кескин камайишини таъминлайди.

🇸🇴 Сомали

Бу давлатда болалар меҳнати энг оғир шаклга эга дейиш мумкин. Болалар меҳнат билан чекланиб қолмай, қуролли тўқнашувларни ҳам бошдан ўтказади.

🇬🇧 Буюк Британия

Болалар 14 ёшдан бошлаб, ҳафтасига кўпи билан 12 соат ишлаши мумкин, яъни бу боланинг соғлиғига ва таълим олишига таъсир кўрсатмайдиган шаклда бўлади.

🇺🇸 АҚШ

Флорида штатида ишлаш учун бола энг камида 14 ёшга тўлиши керак. Хавфсиз ишларини (газета етказиш) бажарадиган болаларга истисно тариқасида 10 ёш нормаси белгиланган.

🇰🇵 Шимолий Корея

Ҳукумат талабаларга турли топшириқлар беради, масалан, 10 кг темир парчаларини йиғиш. Бу топшириқ анча мураккаб, сабаби, мамлакатда темир парчаларини топишнинг деярли имкони йўқ.

❓ Хўш, сизнингча бола неча ёшдан меҳнатга жалб қилингани маъқул?

🎨 Рассом: Фаррух Авелов
✍️ Зайниддин Шерзод тайёрлади.

Yoshlar kundaligi

#Бахши_Бола_дайжести

Дўмбирамди бир чертсам,
"Ёшлар", деб жар солади.
Кундалигимди очай,
Бахши терма чолади.

🔸 Бахши Бола "Ёшлар кундалиги"га бир овиз терма ойтиб турган жойи.

🔘 Чиноз тумани — Туман прокурори ёшлар билан бир даврада гурунглашди. Уларнинг чиннидай фикрларига чиройли чизгилар қўшилса, мақсадлари янаям кўркам бўлиб, манзил-маёқлари ёрқинроқ бўлиши айтилди.

🔘 Пискент тумани — Футбол шавқини расмлардан биилгайсиз, Ёшлар сайлига бориб, боғлардан райҳон тергайсиз.

🔘 Паркент тумани — Узумни шинни қилиб еган жигитларди майдонда чопганини кўринг.

🔘 Зангиота тумани — Ёшлар бўйича зам ҳоким Сирожиддин оға тўрт фаслда бир кайфиятда юради, ёшлари бир даврага йиғилса, тарбиясига доир кино кўради.

Ҳамма отлар чопқир бўлар,
Минги бўлмай, тойлигида.
Ўғил-қизлар лукка фаол,
Ҳар йил ёшлар ойлигида.

Ёш деганни шаҳди яхши,
Ҳар ишни ҳам вақти яхши.
Кесак қириб, озор кўрмай,
Кўза ясанг лойлигида.

Ҳай-яра!

Yoshlar kundaligi

#Таълим

⚡️ Абитуриентлар, уйғонинг — тест кунлари аниқ бўлди

🔹 Олий таълим вазири Конгратбай Шарипов тест синовлари 14-28 июль, ижодий имтиҳонлар 1-25 июль кунлари бўлиб ўтишини маълум қилди.

🔺 Маълумот ўрнида, ОТМларга қабул жараёни 25 июнга қадар давом этади.

Yoshlar kundaligi

#Спорт

Месси фаолиятини якунламоқчи

⚽️ Месси мухлислари диққатига: Футбол юлдузи 2025 йил охирида яшил майдонларни тарк этади. “Интер Маями” ҳужумчи тўп сурган сўнгги клуб бўлади. Бу ҳақда у охирги интервьюсида айтиб ўтди.

🔹 Маълумот учун, Месси 36 ёшда ва у саккиз карра “Олтин тўп” соҳиби ҳисобланади. Аргентиналик футболчи 2023 йилнинг ёзидан буён “Интер Маями”да ўйнамоқда.

П.с. Хайрият, Месси ёки Роналдо зўрлиги ҳақидаги баҳслар тугайдиганга ўхшайди. Сизнингча, аслида ким зўр?

Yoshlar kundaligi

Инновацион усулда оғу етиштириш қимматга тушди

⚠️ Одатда томорқага мева-сабзавотлар экилади. Бироқ ҳуқуқни муҳофаза қилувчи идоралар томонидан ўтказилган тезкор тадбир жараёнида аниқланишича, 1964 йилда туғилган янгийўллик уддабурон деҳқонлардан бири ўз томорқасида гидропоника (тупроқсиз шароитда) усулида 1 870 туп "наша" ўсимлиги ўстиришни йўлга қўйган.

👮‍♂️ Олинган ашёвий далиллар тегишли тартибда экспертизага юборилиб, ҳозирда айбланувчига нисбатан жиноий иш қўзғатилган.

P.S... Томорқага наша экиб "10 йил" олгандан, 10 йил картошка экиб, меҳнат қилган яхши.😉

Yoshlar kundaligi

Сўнгги соатларда

🚨 Ҳайдовчилар диққатига: 16-17-18 июнда Бўстонлиқ ва Паркент туманларига олиб борувчи йўлларда автомобиллар ҳаракатини ташкил этишда айрим ўзгартиришлар киритилади (Батафсил видеода) — Тошкент вилояти ҳокимлиги.

🇰🇬🇺🇿 Қирғизистон Президентининг ташрифи кутилмоқда: Садир Жапаров Ўзбекистонга келиши ҳақида Бишкекдаги бизнес-форумда айтиб ўтилган — ҚТИВ.

⚠️ Яқин қариндошлар ўртасидаги никоҳ расман таъқиқланади: Озарбайжонда қабул қилинган ушбу қонун доирасида умумий биологик бобо ва бувининг неваралари ўртасида никоҳ тузилиши ҳам тақиқланмоқда — ОАВ.

💰 Жаҳон банки Ўзбекистонга 7.5 млн доллар миқдорида маблағ ажратди: Грант iCRAFT лойиҳаси доирасида Ўзбекистон Президентининг 2023 йил 8 августдаги қарорига асосан амалга оширилмоқда.

Yoshlar kundaligi