#Томоша

ЁШЛАР БИР БАЙРАМ ҚИЛСА, МАЙЛИМИ?

Танқидми, фикрми, ҳавога учиб кетадиган гапларми, билмадим. Аммо, кўпчилик ёшларни норози қилаётган ҳолатни айтиш керак экан барибир. Бунақа ҳарфхўрлик қачондир тўхташи керак-ку!

Сен бир шаҳарнинг, дейлик, Чирчиқнинг Ёшлар ишлари агентлиги раҳбарисан. Маънавият кўчаси, ижод кўчаси 24 соат ишласин, деган топшириқ ва даъватдан руҳланиб, ёшлар иштирокида маданий-маърифий тадбир, мусиқий кеча ўтказишни режа қиласан.

Кейин минг бир андиша ва киройи одоб билан шаҳар Ички ишлар бўлими, Миллий гвардияга хат юборасан: «Кичикроқ оммавий тадбиримиз бор, рухсат беринг, ўтказиб олайин...»

Миллий гвардия хатни олиб қолади. Аммо, ички ишлар бўлими ўша куни бизда вақт йўқ деганча, хатингни қабул қилмайди, шунчаки, "игнор" қилади.

Тадбир куни. Ёш-яланг катта қизиқиш билан майдонга йиғила бошлайди. Миллий гвардия ходимлари шу ерда, жамоат хавфсизлиги уларнинг назоратида, ҳамма хурсанд, кўтаринки кайфият.

Кейин эса тадбирни ўтказишга «бизардан зачем добро олмадинг, братишка», деб ички ишлар бўлими ходимлари келади ва электр симларини қўли билан тортиб, узиб ташлайди. Мулзам бўлиб лабингни тишлайсан.

Шарманда бўлиб, ёшларнинг ҳафсаласи пир бўлганидан эзилиб уйга қайтасан. Ётиб ўйлайсан кейин.

Хўш, тадбиримиз жудаям назоратсиз эмасдику! Миллий гвардия тартиб-интизомга кўз-қулоқ эди. Вилоятдан учта бошқарманинг бошлиғи келишганди. Байрамни, тўйни заҳар қилиб, «дегоним-дегон, айтгоним-айтгон» номли томоша кўрсатиш шартмиди? Болаларнинг кўз ўнгида симни узиб ташлаш нимаси энди?

Бу тадбирга ютоқиб қаршилик қилган Чирчиқ Ички ишлар бўлими «Ижод кўчалари» ҳақида, «Ёшлар фестиваллари» ўтказилиши ҳақида берилган топшириқлардан хабардорми ўзи?

Нафрат қандай туғилади, биласизми? Мен биламан. Масъулиятдан қочиш, ҳарфхўрлик, кибр ёшларнинг ҳафсаласини пир қилади.

Энди Ёшлар ишлари агентлиги бирон тадбирга чақирса, боргим йўқ.

P.S. Воқеа кеча Чирчиқ шаҳрида содир бўлган.

Yoshlar kundaligi

#Кайфият

Ўзбекнинг ўзи қизиқ — ўзидан сўзи қизиқ.😅

Yoshlar kundaligi