#Ангрен

ТИНЧЛИК – УЛУҒ НЕЪМАТ

Куни кеча Зойир Мирзаев Ангрен шаҳридаги 17-мактабда бўлиб ўтган "Оталар йиғилиши"да Меҳр операцияси орқали Суриядан юртимизга олиб келинган вилоятимизнинг бир аёли ҳақида эслади.

Биз эса мана шундай воқеа ва видеолар қанчалик кўп тарқалса, шунчалик шукроналик туйғуси ортишига сабаб бўлади, деб ўйладик.

Yoshlar kundaligi

#Тарих

🌏 МАРКАЗИЙ ОСИЁДАГИ ЭНГ ДАҲШАТЛИ ЗИЛЗИЛАЛАР

📅 Бугун "Тошкент зилзиласи"га 58 йил тўлди. Шу муносабат билан ХХ асрда Марказий Осиёда юз берган ҳалокатли ер силкинишлари ҳақида ёзамиз.

➖ Ашхобод зилзиласи

1948 йил 5 октябрдан 6 октябрга ўтар кечаси Туркманистон пойтахтида Рихтер шкаласи бўйича 7.3 магнитудали зилзила содир бўлган. Ўн минглаб одам нима бўлаётганини тушунишга улгурмай, вайроналари остида қолган.

➖ Ҳоит зилзиласи

1949 йил 10 июлда Тожикистоннинг Ҳоит даҳаси яқинида 7.5 магнитудали зилзила қайд этилди. Зилзила ва кучли ёмғир натижаси кўчки ҳам содир бўлган. Табиий офат 30 мингга яқин одамни тириклайин кўмиб юборди.

➖ Тошкент зилзиласи

Тошкент зилзиласи 1966 йил 26 апрель куни соат 5:23 да содир бўлган. Магнитудаси унча катта бўлишига қарамай (тахминан 5.2 балл), ўчоғи ер сатҳига яқин бўлгани туфайли 7-8 балли силкинишлар рўй берди. Шаҳар 3.5 йил ичида бутунлай тикланди.

➖ Газли зилзиласи

Бухоро вилояти Газли шаҳрида қисқа вақтда учта кучли зилзила қайд этилган. Улар: 1976 йил 8 апрелда 7 балли (эпицентрда 8-9 балл), 17 майда 7.3 балл (эпицентрда 9-10 балл), 1984 йил 20 мартда 7.2 балл бўлган.

➖ Қайроққум зилзиласи

1985 йил 13 октябрда маҳаллий вақт билан тахминан 22:00 да Тожикистоннинг Қайроққум шаҳрида 8 балли зилзила бўлди. Расмий хабарларда 29 киши ҳалок бўлгани айтилган. 100 га яқин одам яраланган.

Yoshlar kundaligi

#Таълим

🚨 ИМТИҲОНГА ТАЙЁРМИСИЗ, БИТИРУВЧИЛАР?

‼️ 9-11 синфлар учун якуний давлат аттестацияси (оғзаки ва ёзма) топшириқлари ишлаб чиқилди.

➖ 9-синф ўқувчилари учун фанлар:

⚜️ Она тили ва адабиёти — ёзма;
⚜️ Математика — ёзма;
⚜️ Ўзбекистон тарихи — ёзма/оғзаки;
⚜️ Жисмоний тарбия — амалий.

➖ 11-синф ўқувчилари учун фанлар:

⚜️ Она тили ва адабиёти — ёзма (иншо);
⚜️ Математика — ёзма;
⚜️ Чет тили — ёзма/оғзаки;
⚜️ Ўзбекистон тарихи — ёзма/оғзаки.

📌 Ўқувчилар хоҳишига қараб танланган фанлар: кимё, физика, давлат ҳуқуқ асослари, география фанларидан — ёзма шаклда ўтказилади.

Yoshlar kundaligi

#Даҳонинг_болалиги

🎙 ЎЗБЕК БУЛБУЛИ

😢 "У кетиб гўё Тошкент ҳам, Ўзбекистон ҳам ҳувуллаб қолганга ўхшайди", – деб ёзади Тамара хоним. Ким эди у зот?

🎤 У 1936 йил 26 апрелда туғилган. Оилада 6 фарзанднинг каттаси ва мукаммал иқтидор эгаси эди. Параллель равишда ҳам мусиқа тилини тушунарди, ҳам чизарди, ҳам шеър ва ҳикоя ёзарди. Италия операсининг барча ариялари, барча опера юлдузларининг таржимаи ҳолини ёддан биларди.

🏛 Вақт ўтгач консерваторияга кириш учун имтиҳон топширди ва ҳаммаси ажойиб, ҳаммаси аъло эди... Бу "вундеркид" йигитча имтиҳондаги ҳакамларни лол-у ҳайрон қилиб қўйди. Тез оғизга тушди...

🎶 Кейин кўз тегдими, туберкулёзга чалинди. Консерватория билан бир муддат хайрлашишга мажбур бўлди. Аммо куйламасдан туролмади. Олдида икки йўл турарди: "Ё туберкулёзга ва ё мусиқага қарам бўлиш"...Иккинчисини танлади.

📺 20 ёшлар чамаси. Москвада ўтказилган "Бутунжаҳон ёшлар ва талабалар" фестивалида илк бор у томонидан "Араб тангоси" янгради. Танго иккинчи бор ҳаётга келди: бу овозни барча радиолар ёзиб олди. Телевизорлар тинмай ўша овоз ва ўша йигит ҳақида гапирарди.

🌏 Энди аҳли дунё концертлар, намойишлар қилиш учун уни таклиф эта бошлаганди. Кейин касаллиги зўрайиб, шифокорлар томонидан 2 йил умуман куйламаслик талаби қўйилди. Шунда ҳам тушкунликка тушмади.

📘 Худди овозим билан бўлмаса, қалбим билан қалбларни ёритаман, дея аҳд қилгандек таржимонга айланди: ўша машҳур "Кичкина шаҳзода" эртагини ўзбек тилига ўгирди.

20 ёшидаёқ бутун дунё учун "мукаммал овоз" соҳибига айланган ва "Ўзбек булбули" номини олган бу болакайнинг исми...

Ботир эди. Ботир Зокиров эди.

Yoshlar kundaligi

#Суратлар_гапирганда

🔥 "МЕНГА НИМА... СИЗГА-ЧИ?", деган сурат. Сиз уларни танийсизми? Кўзингизга иссиқ кўринмаяптими, мабодо?

🖇 Маъқул кўрсангиз, бошқаларга ҳам улашиб қўйинг

🎨 Фаррух Авелов

Yoshlar kundaligi

🔴Live

⁉️ ТАЛАБА: СЕН ГРАНТДА ЎҚИГАНСАН, ҚАЕРГА ЮБОРСАК ИШЛАБ БЕРАСАН, ДЕЙИШДИ. АММО...

🔰 Тошкент вилояти ҳокими Зойир Мирзаевнинг тиббиёт йўналишидаги ОТМ битирувчи ёшлари билан мулоқоти икки соатдан буён қизғин руҳда давом этмоқда. Унда долзарб саволларга конкрет жавоблар бериляпти.

✅ Учрашув доирасида битирувчилар ҳудудий тиббиёт бирлашмалари билан меҳнат шартномалари ҳам тузишмоқда.

Yoshlar kundaligi

#Туйғу

Ҳар тирик жон бориб онасин кўрсин,
Кечикиб қолмасин, илдамроқ юрсин,
Қабригамас, бориб қўлига берсин,
Гул беринг онасин соғинганларга.

Йўл беринг онасин соғинганларга...

✍ Шеър: Гулжамол Асқарова

📸 Фото: Саҳобиддин Рустамов
🖼 Образ: Малоҳат Йўлчиева

Yoshlar kundaligi

Қўшниларда нима гап?

➖🇰🇬 Ишлаш мумкин, тўйлаш мумкин эмас: Қирғизистонда ҳукумат вакилларининг тўйларга бориши тақиқланди — Kg.24.

➖🇹🇯 Эшиклар ёпилади: Россия томонидан Тожикистон фуқароларининг мамлакатга кириши учун оммавий рад жавоби берилмоқда — Xovar.

➖🇰🇿 Нон нархи кўтарилади: Қозоғистонда нон нархини 500 тенгегача (14 290 сўм) кўтариш таклиф қилинди — Baq.kz.

➖🇹🇲 Қочқинлар учун қароргоҳ: Туркманистон эронлик қочқинлар учун лагерлар яратиш масаласини муҳокама қилди — Хроника Туркменистана.

Yoshlar kundaligi

#Суратлар_гапирганда

Яхшидир аччиқ хақиқат,
Лек ширин ёлғон ёмон...

✍️ Эркин Воҳидов

🖇 Маъқул кўрсангиз, бошқаларга ҳам улашиб қўйинг

🎨 Фаррух Авелов

Yoshlar kundaligi