Uzbekistan Airways 30% чегирма эълон қилди

✈️Баҳорий тенг кунлик - Наврўз муносабати билан компания чегирма эълон қилди. Чегирмалар 21-24 март кунлари амалга ошириладиган маҳаллий парвозларга амал қилади.

Yoshlar kundaligi

​#Биласизми

БАҲОРНИ КИМ ҚАНДАЙ ҚАРШИЛАЙДИ?

Бугун уйғониш фаслини қаршиладик. Совуқнинг заҳри тўлиқ босилмаган бўлсада баҳорга етганимизнинг ўзи кўнгилларга ажиб илиқлик бағишлайди. Ҳадемай кунлар илиб, дарахтлар гулга бурканади. қир-адирларга яшил гилам тўшалиб, кўкда варраклар парвоз қилади.

Баҳор дунё мамлакатларида турлича қаршиланади. Келинг, бугун шу мавзудаги қизиқарли фактларга назар соламиз.

➖🇮🇳Ҳиндистон

Ҳиндистонда бу фасл қишнинг тугаши ва баҳор келишининг рамзи бўлган байрам Холи билан қаршиланади. Байрам 5 кун давом этади, улар бир-бирига ёрқин рангдаги кукунларни сепишади. Ушбу байрамда шаҳарлар ранг-баранг гуллар билан безатилади.

➖🇨🇳Хитой

Хитойликлар учун бу ой тақвимига кўра янги йилнинг бошланишидир. Хитой аҳолиси бу кунга шу қадар масъулият билан тайёргарлик кўришадики, байрамнинг руҳияти сизни ҳайратда қолдиради. Байрамона стол, балиқли таомларнинг кўплиги билан ажралиб туради. Анъанага кўра, Хитой оиласининг барча аъзолари шу куни чучвара тайёрлайдилар.

➖🇹🇯Тожикистон

Гуллар тожиклар учун баҳор хабарчисидир. Болалар гулдаста тайёрлаб уйма-уй юриб, қўшиқ айтишади. Кейин гуллар аёлларга берилади. Улар кўзларига суриб, баҳоргача омон қолганлари учун Худога шукрона айтадилар. Бунинг эвазига болалар мазали ширинликлар, таомлар ва мевалар билан меҳмон қилинади. Бу анъана “Гулдардони” деб аталади.

➖🇲🇩Молдова

Молдовада баҳорнинг илк куни одамлар бир-бирларига қизил ва оқ гуллардан ясалган кичик туморлар совға қилишади. Одамлар бу туморларни 31 мартгача тақиб юришади, кейин эса уларни ечиб, гуллаган дарахтларга осиб қўйишади. Бу анъана йил давомида одамга омад келтиради, деб ишонилади.

➖🇰🇬Қирғизистон

Баҳор бошланган куни бу ерда эски гиналарни унутиб, кечирим сўраш одат тусига кирган. Кўклам кириб келиши олдидан тунда барча идишларга сут, айрон, дон, булоқ суви солинади. Шунда бу йили яхши ҳосил бўлади, деб ишонишади. Бу кунда аёллар оқ, қизил ёки кўк рангли либослар кийишади.

Анора Абдурашидова тайёрлади.

Yoshlar kundaligi

#Бир_рақам_шарҳи

🚶Тошкент вилоятида 5547 нафар ўқувчида қомат бузилиши аниқланган. Бу меъёридан ортиқ юк кўтариш оқибатида келиб чиқади.

❓Хўш, фарзандларимиз мактабга кўтариб бораётган ўқув қуролларининг вазни ўзи қанча бўлиши керак?

🤝Ҳамкорларимиз: Тошкент вилояти Соғлиқни сақлаш бошқармаси, Санитария-эпидемиология осойишталик ва жамоат саломатлиги бошқармаси.

Yoshlar kundaligi

#Тезкор

Сенат қарздорлиги туфайли электрдан узилди

💡Электрдан 1,8 млн. доллар қарздорлик сабабли парламент биносида свет ўчди. Бу эса муҳокама жараёнини тўхтатиб қўйди.

☝️Айтганча, бу Ўзбекистонда эмас, Ганада юз берган.

Yoshlar kundaligi

#Мулоҳаза

Хитойча тарбия

Хитой. Болаларни ҳаётга мана шундай машғулотлар билан тайёрлашар экан. Билим олмасанг оғир меҳнатнинг тагида қоласан деган маънода ғишт ушлатиб қўйишган. Мақсад ёш авлоднинг кўзини очиш, тўғри танлов қилишда ёрдамлашиш экан.

P/S. Сизнингча, ёш авлодни шу йўл билан тарбиялаш тўғрими?

Yoshlar kundaligi