#Туйғу

Ҳоҳ ишонманг, ҳоҳ ишонинг,
Бир севдимки, нарёғи йўқ.

✍️ Ғайрат Шералиев

📸 Фото: Отабек Турсунқулов
🖼 Образда: Анора Абдурашидова

〰️〰️〰️〰️〰️〰️〰️〰️
🎉 Бугун Тошкент вилояти фарзанди, шоир ва журналист Ғайрат Шералиев (1984) туғилган кун.

Yoshlar kundaligi

Сўнгги соатларда

➖🇺🇿 Чин юртига чорлов: Шавкат Мирзиёев Хитой Халқ Республикаси Раисининг таклифига биноан 23-25 январь кунлари давлат ташрифи билан ушбу мамлакатда бўлади — Prezident.uz.

➖🇷🇺Парвоз тиклансин: Россиянинг Жанубий Кореядаги элчиси мамлакатлар ўртасида ҳаво қатновини тиклашга чақирди — Риа Новости.

➖⚽️Ўйлаб кўр: "ПСЖ" Мбаппега 4 йиллик шартнома ва фантастик маош таклиф қилди — Football News.

➖🇵🇰Тайёргарлик авжида: Покистон армиясини юқори жанговар шайлик ҳолатига келтирди — Al Jazeera.

➖🏴󠁧󠁢󠁳󠁣󠁴󠁿Аномал совуқ: Шотландияда 15 градусгача бўлган совуқ туфайли юзлаб мактаблар ёпилди — The Guardian.

➖⚽️ Сотувга қўйилган улуш тақдири: Жамоатчилик томонидан билдирилган танқидий фикрлар таъсирида "Пахтакор" футбол клубини хусусийлаштириш жараёни вақтинча тўхтатилди — Давактив Агентлиги.

Yoshlar kundaligi

#Шоу_бизнес

ШАРОФ МУҚИМОВ ЭСИНГИЗДАМИ?

Бир пайтлар ялтироқ қоғозга чиқарилган суратлари ёшларнинг хонаси, дафтар-у кундаликларидан ўрин олган бу хонанда орадан 5 йил ўтиб эстрада саҳнасида яна кўриниш берди.

Орадаги вақтнинг таъсири катта. Қолаверса, Севинч Мўминова билан ажрашиши ҳам хонанданинг санъатдаги карьерасига яхшигина зарба берган.

Бир неча кун олдин эълон қилинган "Эсингда турсин" номли таронага олинган клип 11 миллион аудиторияли RizaNova тармоғида 20 минг марта кўрилган холос. Бу умумий канал аудиториясининг ярим фоизини ҳам ташкил этмайди.

Хўш, энди Шароф яна олдинги даражасига қайта оладими? Қайтса бўлади, чунки озми-кўпми бу майдонда олдин эгалланган ўрни бор. Фақат бу осон бўлмайди.

Шу ўринда айрим фикрларимизни айтиб ўтамиз. Шунча танаффусдан кейинги илк чиқиш бошқачароқ бўлиши керак эди. Биринчи навбатда яъши шеър танлаш, тажрибали продюсер ва маркетологлар билан маслаҳатлашиб, клипга имкон қадар блогосфера машҳурларини жалб этиш, клип тизерини камида бир ой олдин уларнинг саҳифаси орқали яхшилаб айлантириш мумкин эди.

Ўзи маслаҳат беришдан осони йўқ деймиз-у, аммо бир пайтлар гуриллаган хонанданинг шундай шафқатсиз майдонда йўқ бўлиб кетаётганини кўриб индамай туролмадик.

Хулоса қилишни ўзингизга қолдирамиз. Хўш, Шароф Муқимов деган қўшиқчи эсингиздами?

Yoshlar kundaligi

​#Кайфият_учун

Талабалар нега сессиядан ўта олишмайди?
(Дангаса талабаларга ҳазил мотивация)

➡️Келинг, юқоридаги саволга жавобни математик ёндашиб қидирамиз. Бир йилда 365 кун бор. Улардан 52 куни якшанба. 313 кун илм олиш учун қолади.

😳Ёзги таътил ўртача 85 кун. Бизда 228 кун дарс тайёрлашга қолди. Ҳар кунлик 8 соатлик уйқу 122 кун дегани. Бизда 106 кун қолди.

📌Ҳар бир киши 1 кунда камида 1 соат дам олиши керак ва бу 15 кунни англатади. 91 кун қолди. 2 соат овқатланиш учун ажратишга мажбурсиз ва бу бир йилнинг 30 кунини эгаллайди. Бизда 61 кун қолди.

🗣Суҳбатлашиш инсонга хос тушунча ва бу бир кунда бир кишидан камида 1 соатни талаб қилса, 1 йилда 15 кун дегани. Атиги 46 кун илм учун.

🔥Байрамлар, кутилмаган хурсандчиликлар ва кўнгилсизликлар 40 кунни ҳар бир кишидан банд қилар экан. 6 кун қолди. Иссиқ жоннинг иситмаси бор дейишганидек, ҳаммамиз бир йилда камида 3 кун касал бўлармиз, ё бу нотўғрими?😊

🌐Кинога тушиш, инстаграмда ўтириш, учрашувларга бир йилда 2 кун ажратмасак, қанақа одаммиз? Адашмадингиз, атиги 1 кун қолди. Ўша бир кун ҳам оддий кун эмас, туғилган кунимиз-ку. Туғилган кунда дарс қилиб ўтирсак меҳмонларга ким қарайди?! 😁😁

☝️Мана нега сессиядан ўтолмаяпсиз?! Сиз мутлақо беайбсиз😉

Yoshlar kundaligi

​#фикр

"СЛОВО ПАЦАНА": СЕРИАЛ ҲАҚИДА ИККИ ОҒИЗ СЎЗ

80-йилларга тегишли бўлган "Слово Пацана" сериали бугун деярли барчанинг эътиборига тушишга улгурди. Сериал ижтимоий тармоқларда муҳокама қилинмоқда, мактаб ўқувчилари тақдиридан хавотирда бўлганлар ҳатто фильмни тақиқлашни талаб қилишмоқда.

Машҳур сериал Роберт Гараевнинг 2020 йилда чоп этилган жиноий Татаристон ҳақидаги китоби асосида олинган. Муаллиф "қозон феномени" ҳақида ҳикоя қилади.

Фильмда 1980 йилларнинг охирида пайдо бўлган ўсмирлар гуруҳи бутун шаҳарни даҳшатга солади, улар ўз ҳудудларини назорат қилади, жанжаллар уюштиради ва талончилик билан шуғулланади.

Кутилган ва кутилмаган муваффақият

Сериал ижтимоий тармоқларда катта муваффақиятга эришди: у ҳар куни муҳокамада. ТикТок ва Инстаграмда #slovoboy хештеги 3,4 миллиард, #slovoboyedit 44,3 миллион, #slovoboyserial 67,7 миллион ва #slovoboy2023 73,3 миллион кўришга эга. Фойдаланувчилар сериал ҳақидаги таассуротлари билан ўртоқлашишмоқда. Баъзилар "илҳомланиб" сериал қаҳрамонларининг қилмишларини ўзларида синаб кўришяпти. Фойдаланувчилар орасида "Пьяла" қўшиғига олинган видеолар жуда оммалашмоқда.

Сериал ҳақидаги фикрлар иккига бўлинган: ижобий ва салбий. Сериал учун муҳокама чатлари ҳам очилган. Уларнинг сони 3034 та.

"Пъяла"

Аигел ижросидаги "Пъяла" қўшиғи ўтган йили клип тарзида ютубга жойланганди. Лекин ўшанда нима сабабдир "учмаганди". Сериал намойишидан сўнг эса клип 30 миллион марта кўрилди.

Хулоса

Сериал ёшлар ўртасида жиноятчилик ва зўравонлик муаммосини яққол очиб бера олган. Афсуски, мана шундай ёшлар ҳам жамиятимизда йўқ эмас. Сериал томошасидан сўнг унга тақлид эмас, балки мулоҳаза қилиб кўриш керак. Агар ота-она фарзандининг тарбияси билан вақтида шуғулланмаса, уни эътиборсиз қолдирса, вазият шундай тус олиши аниқ.

P/s: Сериални кўрдингизми, у ҳақида фикрингиз қанақа?

Анора Абдурашидова тайёрлади.

Yoshlar kundaligi

#мулоҳаза_учун

Заҳарли Тошкент...

Табиатни асрайлик, йўқса бу бизга фақат ва фақат қимматга тушиши мумкин.

Yoshlar kundaligi