#Биласизми

Кокардага беркитилган сир

🇺🇿 Қуролли кучлар хизматчилари бош кийимининг ўртасига қадаладиган нишон кокарда дейилади. Ўзбекистон армиясининг кокардаси гербимиз шаклида.

❔ Байрам-тантаналарда кийиладиган ҳарбий либосларга сариқ металлдан ишланган кокарда, хизмат формасига эса пластмассадан қилинган қора кокардалар қадалади. Хўш, нима учун хизмат ҳолатида пластмасса тақилади? Ёки металл қимматми, дейишингиз мумкин.

❗️ Гап шундаки, жанговар ҳолатда металл кокардалар кўп панд берган. Яъни сариқ ялтироқ металл тунда озгина нурда ҳам шуълаланади. Бу эса жангчиларни спутникда ёки учувчисиз қурилмаларда кузатаётган душман томонга аскарлар жойлашувини аниқлашга имкон беради.

📌 Амалиётда ҳам бу ўз исботини топган. Уруш даврида душман снайперлари ўзидан акс нур қайтарган металл борки, ўшандан ярим қарич пастини мўлжаллаб ўқ узаверган. Натижада шу кичкина нишон сабаб кўпчилик қурбон бўлган.

Yoshlar kundaligi

​#Эътироф

УЛАР ВАТАН УЧУН ЖАНГ ҚИЛДИЛАР

✅Суратда мустақиллик йилларида Тошкент вилоятига раҳбарлик қилган инсонлар ва айни пайтда вилоят ҳокими вазифасида меҳнат қилаётган Зойир Мирзаевни кўришингиз мумкин.

🔎Вилоят ташкил топган санада барча раҳбарларни эсга олишга қарор қилдик. Архивларни титкиладик, суратларни қидирдик ва бир амаллаб топдик ҳам.

🔶Буюк ёзувчи Михаил Шолоховнинг "Улар ватан учун жанг қилдилар", деб номланган машҳур романи бор. Негадир юқоридаги инсонларнинг раҳбарлик йўли ҳақида ўйлаганда шу жумла хаёлга келаверди.

🔺Бу инсонлар қандай фаолият олиб боргани бошқа масала, эътиборли нуқта шуки, яхши ният ва мақсадлар билан, вилоятимиз фаровонлигини таъминлаш, уни янада юксалтиришни кўзлаб иш олиб боришга интилишган. Хатоларми? Тушуниб олиш керакки, вилоят ҳокими вазифасида ишлаётган инсоннинг хатоси ёлғиз ўзиники ҳисобланмайди. Бу вазиятни вилоят умумий ижтимоий тафаккурининг маҳсули, барчанинг биргаликдаги ҳаракати ёки ҳаракатсизлиги оқибати, деб баҳолаш керак, бизнингча. 

⚠️ Ҳақиқат шуки, бу инсонлар Ватан учун меҳнат фронтида қўлларидан келганича, имкониятлари етгунча туну кун "жанг" қилдилар ва бу давом этмоқда. Ватанимизда шундай салоҳиятли кадрлар кўп эканлигидан ғурурланамиз.

✉️Yoshlar kundaligi

​​​​#Мулоҳаза

💰ЎН МИНГ ДОЛЛАРЛИК МАСЛАҲАТ СИЗ УЧУН БЕПУЛ

🇳🇱 Машҳур голланд врачи Герман Бурхавенинг "Тиббиёт санъатининг ягона ва теран сирлари" номли китоби муаллиф ўлимидан сўнг 1738 йили 10 минг доллар олтинга аукционда сотилган.

📖Бежирим безалган ва ғилофланган китоб очилганида унинг барча саҳифалари бўш эди. Фақатгина илк саҳифасида шундай ёзилган эди:

✅ "Бошингни совуқда қолдирсанг ҳам оёғингни иссиқ тут. Шундагина сен энг зўр врачларни ҳам камбағал қиласан".

⛔Бизнинг ҳолатда бошни ҳам асраш керак. Соч турмаги учун иссиқ бош кийимлардан воз кечманг. Бу совуқда олифталик кетмайди.

👉Дўстларга ҳам улашинг

Yoshlar kundaligi

🔴 Сўнгги соатларда

➖🇺🇿 Абитуриентлар диққатига: энди миллий сертификати бор абитуриентларга ОТМга киришда 65 балл берилади — Lex.uz

➖🇲🇺 Тўфон олдидан сукут: Маврикий ҳукумати “Белал” тўфони сабабли комендантлик соати эълон қилди — Al Jazeera.

➖🇰🇿 Казинонинг сўнгги кунлари: Қозоғистонда энг йирик онлайн казинолар тармоғи тугатилди — BAQ.

➖🇫🇮 Рус тилига чеклов: Финляндияда таълим рус тилида олиб бориладиган мактаблар ёпилмоқда — The Guardian.

➖🤔 Шамол қаердан эсмоқда: “Толибон” Шимолий Кореядан яширин тарзда ядровий қурол олмоқчи экани айтилмоқда — CNN.

✈️Yoshlar kundaligi