#Туйғу

БОЛАЛАР ЎЛМАСИН!

Ҳаёт йўлларида кўп синовга учрадим, дунёдаги барча қайғуни бошимдан ўтказдим. Шулардан хулоса қилиб, неъматлар ичидан фақат бир нарсани сўрайман – БОЛАЛАР ЎЛМАСИН!

Тушунаман, бундай бўлиши мумкин эмас. Ўлим ўз тузоғини қўяверади. Лекин мен ҳам "БОЛАЛАР ҲЕЧ ҚАЧОН ЎЛМАСИН!" деб ҳайқиришдан чарчамайман.

Қиш чоғи баҳорга етишни орзу қилмаган дарахт қайта гулламайди. Имконсиз нарсаларни орзу қилмаган одам имкони бор нарсаларни ҳам қила олмайди.

Шундай экан, қайта-қайта айтаман-ки: "БОЛАЛАР ҲЕЧ ҚАЧОН ЎЛМАСИН!"

✍️ Қайсин Қулиев,
Болқор халқ шоири.

Маълумот учун, 30 кун ичида Ғазода 4237 нафар бола вафот этган.

Yoshlar kundaligi

​​#Бу_қизиқ

ОТ, ИТ ВА ҲОКИМИЯТ

Қадимдан ҳукмдорлар ва таниқли шахслар, халқ достони қаҳрамонлари исми билан номдор отлар лақаби ҳам тилга олинади. Гўрўғлининг Ғирот, Алпомишнинг Бойчибор, Амир Темурнинг Кунўғлон, Александр Македонскийнинг Бутсефал лақабли отлари шулар жумласидан. Техника қанчалик ривожланмасин, отларга бўлган қизиқиш ҳамон сусайгани йўқ. Хусусан, тулпор ўтмишда ҳам, ҳозир ҳам шоҳона туҳфа ҳисобланади.

➖ Марказий Осиё раҳбарлари ва от

2013 йил. Тожикистон Президенти Эмомали Раҳмон Туркманистон Президенти Гурбангули Бердимуҳамедовдан туғилган кунига Ахалтекин отини олган.

2017 йил. Бердимуҳамедов Шавкат Мирзиёевга "Дўстхон" лақабли зотдор от совға қилди. У от ҳозирда Ўрта Чирчиқ туманидаги "Ўзбегим отлари" заводида боқилади.

2019 йил. Қирғизистон Президенти Сооранбай Жээнбеков Россия Президенти Владимир Путинга Орлов отини туҳфа қилди.

2022 йил. Чеченистон раҳбари Рамзан Қодиров Шавкат Мирзиёевнинг туғилган кунига иккита зотдор от тақдим қилди.

➖ Итларга меҳр қўйган давлат раҳбарлари

Отлар билан бир қаторда итлар ҳам ҳукмдорлар эркатойи ҳисобланади. Хусусан, Владимир Путин (Конни ва Баффи), Жо Байден (Чемп), Эммануэл Макрон (Немо), Александр Лукашенко (Умка) каби президентларнинг севимли итлари бўлиб, улар алоҳида парвариш қилинади.

Туркманистоннинг собиқ Президенти Гурбангули Бердимуҳамедов алабай наслли итга алоҳида меҳр қўйган. Туркманистонда алабай миллий бойлик ҳисобланиб, расмий рухсатсиз хорижга экспорт қилиш тақиқланади. Алабай шарафига ҳайкал-ёдгорлик ўрнатилган, медал таъсис этилган, байрам жорий белгиланган. Гурбангули Бердимуҳамедов “Туркман алабайи” номли китоб ёзган. Сердар Бердимуҳамедов эса “Туркманистонда хизмат кўрсатган ит боқувчи” унвони билан тақдирланган.

 итлар турли рамз, келишув, огоҳлантириш сифатида сиёсатда ҳам фойдаланилган. Хусусан, минтақамизда яқин тарихдаги ит совға қилиш жараёнига назар соламиз.

2019 йил. Қирғизистон Президенти Сооранбай Жээнбеков ҳамкасби Владимир Путинга қирғиз този тайган кучугини;.

2021 йил. Туркманистон Президенти Қозоғистон Президенти Қосим-Жўмарт Тўқаевга “Бовсер” лақабли този итни;

2022 йил. Туркманистон Президенти Шавкат Мирзиёевга алабай кучугини;

2023 йил. Туркманистон Президенти Сердар Бердимуҳамедов Туркия Президенти Режеп Таййип Эрдоғанга "Гардаш" лақабли туркман алабай кучукчасини совға қилди. Бунга жавобан Эрдоған ҳам иккита турк кангал кучукчасини туҳфа қилди.

Yoshlar kundaligi

#Мулоҳаза

☎️ Телефонлар сим билан боғланган пайтлар — одамлар озод эди...

🤔 Қандай тушундингиз?

Yoshlar kundaligi

#футбол

"ОКМК" "Насаф"га қарши майдонга тушади!

Олмалиқ шаҳридан Қашқадарё сари автобус йўлга чиққан. "ОКМК" жамоасини яқиндан қўллаб-қувватлаш мақсадида бугун эрта тонгдан футбол мухлислари ҳам йўлга отланган.

Хўш, сизнингча, бугунги ўйинда қайси жамоа ғалаба қозонади?

Yoshlar kundaligi

#биласизми?

Нобель тарихидаги энг кекса лауреат

Джон Баннистер Гуденоф асли олмониялик. У Англиядаги Оксфорд университетида ишлар эди. 65 ёшга тўлгач университет қонунларига кўра уни нафақага чиқаришди.

Аммо у таслим бўлмади. Техас университетига ишга жойлашди. Чунки мазкур университетда устозларни нафақага чиқаришмас эди.

Бу ерда у қайта зарядланувчи литий-ион аккумулятори ҳақидаги илмий баҳсларини давом эттириб, 2019 йилда 97 ёшида кимё бўйича Нобель мукофотини олди. Гуденоф бугунги кунда Нобель тарихидаги энг кекса лауреат ҳисобланади.

P. S: Ёшингиз нечада бўлмасин, муваффақиятингизга қарши чиқишларига, умидингизни сўндиришларига йўл қўйманг. Демак, ҳали ҳам вақт бор! Олға!✊

Yoshlar kundaligi

#билиб_олинг

❗️100 га яқин касаллик айнан шу одат туфайли юзага келади. Видеони кўринг.

Yoshlar kundaligi

#кайфият

😱 Чамандагул ярим соат интернетга кирмаган экан. Мана, аҳвол.

😃 Сизда ҳам шундай танишлар бўлса, видеони юбориб қўйинг. Телефонини эҳтиёт қилсин.

Yoshlar kundaligi

#Кун_иқтибоси

Эркаклар ҳеч қачон икки нарсада чарчамаслиги керак: яхшилик қилиш ва камтарликда. Қўрқувингизни ўзингизда сақланг, лекин жасоратингизни бошқалар билан баҳам кўринг.

✍️ Роберт Стивенсон

〰️〰️〰️〰️
Бугун "Хазиналар ороли", "Катриона", "Меросхўр" каби саргузашт романлар муаллифи, жаҳонга машҳур шотланд ёзувчиси Роберт Луис Стивенсон (1850-1894) туғилган кун.

Yoshlar kundaligi

Сўнгги соатларда

➖🇮🇷 Экология ўзи нимага керак: Эронда ҳаво ифлосланиши оқибатида 2500 киши касалхонага ётқизилди — Tehran Times.

➖🇷🇺 Кенжалар қадри учун: Россияда туғилиш кўрсаткичларини яхшилаш мақсадида учинчи туғилган фарзандга квартира бериш таклиф қилинмоқда — РИА Новости.

➖🇺🇸 Сўнгги парвоз: Ўртаер денгизига АҚШ ҳарбий вертолёти қулаб тушди, қурбонлар бор — BBC News.

➖🇱🇹🇺🇦 Зеленский унутилгани йўқ: Литва Украинага "Nasams" ракета учириш тизимини юборди — The Baltic Times.

📲Инстаграмда кўриш учун

Yoshlar kundaligi

⚡️⚡️⚡️

Ўзбек қизи миллий либосда Шанхай кўчаларини сайр қилмоқда.

Хитойликларнинг ҳайратдалигини қаранг. Нима десангиз ҳам барибир ўзимизнинг либослар бошқача😊👍

Yoshlar kundaligi

#Даҳонинг_болалиги

📚 ШАРҚДАГИ ПУШКИН ҚИСМАТИ

🔥 Атиги 32 йил яшаган, унинг 7 йилини ҳам қамоқда ўтказган инсон ҳаётда нимага улгуриши мумкин?

➖ Уни чақалоқлигида оқ от ўғирлаб кетди;

➖ 18 ёшида бутун Ўзбекистонга, 25 ёшида дунёга машҳур бўлди;

➖ Россияда уни "Шарқда Пушкин пайдо бўлибди", "Шарқдаги Лермонтов" деб, олқишлашарди;

🤔 Ёш боши билан мисли кўрилмаган бахтга ва бахтсизликка учраган бу даҳо ким эди?

🔰 КИРИЛЛ ЁЗУВИДА ЎҚИШ

🔰 LOTIN YOZUVIDA O'QISH

📲 ИНСТАГРАМДА ВИДЕОНИ КЎРИШ

Yoshlar kundaligi

#Таҳлил

🔔 ДУНЁ ЎҚУВЧИЛАРИ ТАНАФФУСНИ ҚАНДАЙ ЎТКАЗАДИ?

🌏 Барча мактабларда танаффус бор. Аммо ҳамма уни ҳар хил ўтказади. Кўрайлик-чи, қайси давлат тажрибаси фойдали экан. Балки, биз ҳам синаб кўрармиз.

➖🇯🇵 Япония

Дарслар орасидаги танаффус 10 дақиқадан. Тушлик учун 1 соат ажратилган. Ўқувчилар танаффусни асосан кутубхонада ўтказишни маъқул кўради. Сўровномаларга кўра, япон ўқувчилари учун китоблар ичида бўлиш энг ёқимли ҳордиқ чиқариш экан.

➖🇫🇮 Финляндия

Ҳукумат мактаб ҳовлисидаги асфальт ўқувчи руҳиятига салбий таъсир кўрсатади деб ҳисоблайди. Шунинг учун мактаб атрофи яшил майдонлар билан ўралган. Ўқувчилар ҳар бир дарсдан кейин 15 дақиқалик танаффусни шу майсазорларда ўтказади.

➖🇨🇳 Хитой

Дарслар 1,5 соатдан, танаффус эса 10 дақиқа. Учинчи соатдан сўнг тинчлантирувчи мусиқа остида кўз машқлари бажарилади. Куннинг иккинчи ярмида умумий бадантарбия ўтказилади. Шунингдек, тушликдан кейин қисқа уйқу ҳам жорий қилинган.

➖🇫🇷 Франция

Дарслар давомийлиги мавзуга қараб 55 дақиқадан 2 соатгача давом этади. Танаффуслар эса 15 дақиқагача. Куннинг ўртасида икки соатлик тушлик танаффуси ҳам бор.

🤔 Сиз ўқувчиларга танаффусда нима билан шуғулланишни тавсия қиласиз?

Yoshlar kundaligi

#Танқиддан_сўнг

Хушхабар бор, ниҳоят қидирилаётган "У" топилди. Бироз рангини олдириб қўйганини инобатга олмаса ҳаммаси жойида, ҳаммаси зўр! 😉Беэътибор бўлмаган масъулларга раҳмат!🤝

Yoshlar kundaligi

#туғилган_кун

Бугун жамоамизнинг ажойиб, тиниб-тинчимас аъзоси Нигора Ўролова таваллуд топган кун. Нигора опа жамоа йигит-қизларига куйинчак она, меҳрибон опа, жонкуяр устоздир.

Фурсатдан фойдаланиб Нигора опани шукрона куни билан чин дилдан қутлаймиз. Юзингиздаги, қалбингиздаги самимият ҳеч қачон йўқолмасин. Оилавий бахт, касбий муваффақият доим ёр бўлсин.

Умрингиз узоқ бўлсин, сизни яхши кўрамиз, Нигора опа!

Yoshlar kundaligi

ДИҚҚАТ, СЎРОВНОМА НАТИЖАЛАРИ БИЛАН ТАНИШИНГ!

‼️ Йил якуни бўйича Тошкент вилоятидаги энг фаол Ёшлар ишлари агентлиги ҳудудий бўлим раҳбарлари ўртасида ўтказилган cўровнома ўз якунига етди.

🔰 Соат 17:00 даги натижаларга кўра, энг кўп овоз тўплаган номзодлар қуйидагилар:

🥇Шахбоз Абдуғаниев – 1 711 та овоз;
🥈Сабит Дуйсенов – 1 427 та овоз;
🥉Ойбек Абдулхаев – 884 та овоз.

⚡️ Энг кам овоз тўплаган тўртлик эса Шахзод Худойназаров, Шавкатжон Раҳимбердиев, Бекзод Бегназов, Дилмурод Қодировлардир.

🎁 Эслатиб ўтамиз, сўровномалар ғолиблари йил якунида тақдирланади.

Сўровномаларимиз эса давом этади.

Yoshlar kundaligi

Диққат, сўровнома!

ЙИЛНИНГ ЭНГ ЗЎР ИХТИСОСЛАШТИРИЛГАН МАКТАБ ДИРЕКТОРИГА ОВОЗ БЕРИНГ!

⚠️Хабарингиз бор, “Президент таълим муассасалари агентлиги тизимидаги ихтисослаштирилган мактаблар тармоғини кенгайтириш тўғрисида”ги фармонига асосан вилоятимизда 13 та таълим ташкилотларини Президент таълим муассасалари Агентлиги тизимида ихтисослаштириш белгиланган эди. Айни пайтда мазкур муассасаларда 4981 нафар 5-11 синф ўқувчилари таълим олмоқда.

🔘"Ёшлар кундалиги" бугунги сўровномани мазкур ихтисослаштирилган мактаб директорлари ўртасида ўтказади.

📌Қани, ёшлар, таълим муассасалари раҳбарлари фаолиятини бугун сиз баҳолайсиз. "Йил директори" бўлишга ким лойиқ? Муносиб раҳбарга овоз беринг.

⏰Сўровнома 16 ноябрь соат 17:00 гача давом этади.

✅ Сўровнома ҳомийси: "ЖАННАТ МАКОН" мебел компанияси.

🎁 Энг кўп овоз тўплаган иштирокчи йил якунида ҳомийимизнинг махсус совғаси билан тақдирланади.

ОВОЗ БЕРИШ УЧУН

#Туйғу

Боғ сайрига бормасман,
Сен бўлмасанг ёнимда
Гулзор аро юрмасман,
Сен бўлмасанг ёнимда...

Қўшиқдан.
Образда: Бахтиёр Қурбонов, Анора Абдурашидова

Yoshlar kundaligi