СЎНГГИ СОАТЛАРДА

➖🇸🇩 Фаластинга янги зарбалар: Исроил ҳарбийлари Ғазога ҳаво, денгиз ва қуруқликдан ҳужум қилмоқчи — BBC.

➖🇺🇦 Зеленский ёлғиз қолмоқда: НАТО бирданига Украина ва Исроилга қурол беролмаслигини айтмоқда, альянс танлов қаршисида — РИА Новости.

➖🇨🇳 "Толибон" илк бор катта даврада: Хитой Афғонистонни “Бир камар, бир йўл” лойиҳасига таклиф қилган — Geo News.

➖🇦🇺 Аборигенлар норози: Австралиянинг туб жой аҳолиси бошқалар билан тенг ҳуқуқлилик талаби билан чиқди — Reuters.

➖📈 Ҳирот яна қалқди: бугун соат 08.36 да 6.3 магнитудали зилзила юз берган — Uzb Meteo.

Yoshlar kundaligi

🦠 ДИҚҚАТ! "СИМБА СИНДРОМИ"ДАН САҚЛАНИНГ!

🦁 “Симба синдроми” ‒ бу одам ўзининг ҳозирги ҳолатини ўзгартирмаслик учун имкон қадар узоқ вақт давомида ўз мажбуриятларини эътиборсиз қолдириши.

➖ Тарихи

🎞 “Қирол Шер” мультфильми воқеларини бир эсга олайлик. Муфаса ўлдирилгач, Симба ўзга ерларга кетади. Ҳалокат ёқасига келганда Пумба ва Тимон унинг ҳаётини сақлаб қолади. Шу тариқа умрини кайф-сафога бағишлайди. Ўтмишини унутади. Онаси, қийналаётган тўдаси олдидаги бурчидан юз ўгиради. Юртини фитначилардан халос қилиш вазифасидан воз кечади. Донишманд Маймун эса Симбанинг бошига таёқ билан бир тушириб, ўтмишини, ўзлигини англатади. Натижада, воқеа ижобий якунланади.

➖ Қўзғатувчилари

😴 Билимсизлик, ахлоқсизлик, қўрқоқлик, дангасалик, иродасизлик, беҳафсалалик.

➖ Белгилари

🍗 “Симба синдроми”га чалинган бемор ҳаётни фақат ейиш‑ичиш, кийиниш, ўйин‑кулгидан иборат деб билади. Унинг шиори “бир марта келадиган дунёда яйраб қол”. Беморда ўқишга, меҳнат қилишга иштиёқ йўқолади, исрофга берилади, хатти-ҳаракатлари ва муомаласида ақлнинг роли камайиб боради.

➖ Олдини олиш

📚 Бунинг учун болага кичиклигидан тўғри тарбия бериш, уни илм‑фан, спорт, санъат, мутолаа билан ошно қилиш керак. Асосийси ота‑оналар фарзандига насиҳатгўй эмас, ўрнак бўлиши шарт.

➖ Даволаш

📌 Беморга тарихни ва ўзликни англатиш, замонавий касбларни ўргатиш, вақтни бошқариш, пул билан муомала ҳамда ҳаётни режалаштириш бўйича йўл‑йўриқлар давомли равишда бериб борилиши керак.

🔗 Ушбу синдромга чалинган танишларга юбориб қўйинг.

⁉️ Сиз "бемор"ларга қандай маслаҳат берасиз?

Yoshlar kundaligi

#Ўқинг_фақат_йиғламанг

ОНАМ БИЛАН КЕТМОН ЧОПГАН АЁЛЛАР: ОЛТИНОЙ ХОЛАНИНГ ҚИСМАТИ

🏞 Пахтани фақат дори қутисида кўриб ўрганган биз "шаҳарлик чумчуқлар" илк бор далага бордик. Пискент пахтазорларида "миллион эгатларга сочилган ўзбек"ларни кўриб, ғайратимиз жўш урди.

😢 Мен бу ерга саргузашт излаб келгандим. Аммо шундай бир воқеага гувоҳ бўлдимки, бир умр эсимдан чиқмайдиган бўлди.

✍ Ҳаммаси шундай бошланди...

📌 БАТАФСИЛ ЎҚИШ УЧУН

Yoshlar kundaligi

#кайфият

Аёлларнинг 40 та жони бор, деган гап ҳақиқатга ўхшайди.😁

Жонингиз соғ бўлсин, қишлоқ аёллари!😍

Yoshlar kundaligi

#Қарористон

Муддати ўтган ҳисоботлар фақат – ✅ учунми?

⭕️ “E-qaror” электрон тизимига шу кунларда қўйилаётган айрим ҳужжатлар эътиборимизни тортди. Унда Адлия органлари фаолиятига оид ахборотларни негадир ўз вақтида берилмаяпти. Хўш, бу оддий ҳолми?

📍 "Ёшлар кундалиги" маҳаллий ижро тизимининг бу масалага қанчалик эътибор қаратаётгани ва ҳужжатлардаги реал аҳволни таҳлил қилиб кўрди.

👉  Халқ депутатлари Янгийўл тумани Кенгашининг қарорига кўра, туман Адлия бўлимининг 2023 йил II чорак якуни бўйича ахбороти –  13 октябрда бериляпти;

👉 Халқ депутатлари Ангрен шаҳар Кенгашининг қарорига кўра, шаҳар Адлия бўлимининг 2023 йил II чорак якуни бўйича ахбороти – 20 сентябрда бериляпти;

👉 Халқ депутатлари Оҳангарон шаҳар Кенгашининг қарорига кўра, шаҳар Адлия бўлимининг 2023 йил II чорак якуни бўйича ахбороти 19 сентябрда бериляпти;

👉 Халқ депутатлари Қибрай тумани Кенгашининг қарорига кўра, туман Адлия бўлимининг 2023 йил II чорак якуни бўйича ахбороти – 29 августда бериляпти.

Адлия органларининг ахборотларни муддатини ўтказиб топширишлари қанчалик тўғри? Маҳаллий кенгашлар томонидан муддати ўтган ахборотларни шунчаки маълумот учун қабул қилишчи? Хулоса ўзингиздан.

Yoshlar kundaligi

#Шарж

«ГАПЛАШИБ ҚЎЯМАН ҒАЙРАТ БИЛАН ЎЗИМ...»

Кўпчилик Тошкентда ҳақиқат йўқ дейишади. Тошкентда ҳақиқат бор - «Тошкент ҳақиқати» бор! Ва бу ҳақиқатни жиловлаб миниб, осмонда учиб юрадиганлар ҳам бор.😊

Р.S: Бугунги шарж қаҳрамони - истеъдодли шоир, машҳур қўшиқларга айланган дилбар сатрлар муаллифи ва заҳматкаш муҳаррир Ғайрат Шералиев. Ғайрат ака, обуна-2024 қалай бўлопти?😉

Yoshlar kundaligi

Ҳурматли саховатли инсон!

"Сен кучлисан" ижтимоий лойиҳаси Тошкент вилояти ҳокимлиги ҳамда Ёшлар ишлари агентлиги ҳомийлигида ўзининг навбатдаги тадбирини Тошкент вилояти, Нурафшон шаҳрида ўтказади.

Тадбир дастуридан:

🏞 Гематологик ва онкологик касалликлар билан курашаётган болажонлар чизган расмлар кўргазмаси

🎼 Санъаткорлар чиқишлари

🥗 Тамадди қилиш учун кичик дастурхон ва бошқалар ўрин олган.

Ўзлари ҳаста, аммо пўлатдан кучли болажонларга умид ва қувонч улашиш имкониятини қўлдан бой берманг 🚀

Биз сизни шу манзилда кутамиз!

Yoshlar kundaligi

МАКТАБЛАРДА КУЗГИ ТАЪТИЛ КУНИ МАЪЛУМ ҚИЛИНДИ

Ўзбекистон мактабларида кузги таътил 4 ноябрдан бошланади

2023 йилги ўқув йили I чорак охирги ўқиш куни 3 ноябрга тўғри келади. II чорак ўқишнинг биринчи куни 10 ноябрь куни бошланади.

Yoshlar kundaligi

Қўшниларда нима гап?

➖🇰🇿 Қозоқлар тил қадри учун: энди Адлия вазирлиги қозоқ тили талабига жавоб бермайдиган қонун лойиҳаларини қайтаради — Kazinform.

➖🇰🇬 Мафия салтанати қуламоқда: Садир Жапаров криминал авторитет Қамчи Кўлбоев фаолиятига нуқта қўйилганини эълон қилди — KNews.

➖🇹🇯 Тожикистонда газ ошди: бу озиқ-овқат нархига ҳам таъсир қилиши кутилмоқда — Asia-Plus.

➖🇹🇲 Марказий Осиё киночилари Туркманистонда: янги шаҳарда “Аркадағ тонги” халқаро кинофестивали ўтказилди — TDH.

➖‼️ "Толибон" Россиядан норози: Кобул Путиннинг Афғонистондан келаётган таҳдид ҳақидаги сўзларини рад этди — TOLOnews.

Yoshlar kundaligi

#Факт

ПРЕЗИДЕНТ ХИТОЙДА — БУ ҚАНДАЙ ДАВЛАТ?

🇺🇿🇨🇳 Шавкат Мирзиёев “Бир макон, бир йўл” учинчи халқаро форуми тадбирларида иштирок этиш учун амалий ташриф билан Пекин шаҳрида бўлиб турибди.

5️⃣ Қуйида ушбу мамлакат ҳақида қизиқарли фактларни келтирамиз.

➖🤦🏻‍♂️ Жуфтсиз қолганлар: ҳозир Хитойда 30-40 миллион эркак ёлғиз. Муаммо шундаки, аҳоли орасида аёллар сони оз.

➖😨 Даҳшатли зилзила: 1556 йил Хитойда содир бўлган зилзила 830 000 нафардан ортиқ одамни ҳалок қилган.

➖🏢 Коррупциясиз таълимнинг Хитой тажрибаси: олий таълим муассасаларининг кириш имтиҳонларига пора ёки таниш-билишларини аралаштирганлар 7 йилгача қамоқ жазосига ҳукм қилинади.

➖⭐️ "Тренд"даги исм: хитойликлар орасида энг оммабоп исм бу "Ван". Мамлакатда 93 миллиондан ортиқ Ван бор.

➖🌳 Дарахтларнинг "ажал"и: бу ерда овқатланиш учун йилига 45 миллиардга яқин таёқча ишлатилади. Бунинг учун қарийб 20 миллионга яқин дарахт кесилади.

Yoshlar kundaligi

#Абитуриентлар_диққатига

📣 Расман: абитуриентларни ДХХ академиясига рўйхатдан ўтказиш бошланди

✅ 2024-2025 ўқув йилида Ўзбекистон Республикаси Амир Темур номидаги давлат хавфсизлик хизмати Академиясида бакалавриат босқичининг кундузги шаклига абитуриентларни рўйхатдан ўтказиш бошланди.

👉 Абитуриентлар my.uzbmb.uz сайти орқали жорий йилнинг 10 ноябригача рўйхатдан ўтишлари мумкин.

Yoshlar kundaligi

#Сен_кучлисан

Бугунги аукционда вилоят ёшларининг бош етакчиси Миразиз Мирсултонов ташаббускорлик кўрсатди.

Эслатиб ўтамиз, ўша суратни гемотология ва онкологияда даволанаётган 12 бола ўз қўлларини қоғозга босиб, яратган. Ҳозирга келиб эса ўша болаларнинг фақат бир нафари тирик холос. Аммо ўша бир киши учун ҳам кураш давом этмоқда.

Видеода батафсил.

Yoshlar  kundaligi

#Назорат

⭕️ ЯНГИЙЎЛНИНГ ЯНГИ ҲОКИМИ 6 ТА ЁРДАМЧИСИНИ РАСМАН ЖАЗОЛАДИ

📍 Маҳаллаларда фаолият юритувчи ҳоким ёрдамчиларининг 2023 йил 3-чорак якуни KPI (Энг муҳим самарадорлик кўрсаткичлари) бўйича Янгийўл туманидаги паст натижали 6 та ҳоким ёрдамчиларига чора кўрилди. 

📣 Жумладан:

👉  “Ғалаба” маҳалласи ҳоким ёрдамчиси Рустамов Ахрор Йўлдошович;
👉“Эпкенди” маҳалласи ҳоким ёрдамчиси Ўразов Курбонали Дуйсенбаевич;
👉“Бунёдкор” маҳалласи ҳоким ёрдамчиси Неъматов Бахтиёр Боқижонович;
👉“Янгийўл” маҳалласи ҳоким ёрдамчиси Рахимбердиев Бахтиёр Валижон ўғли;
👉“Ватан” маҳалласи ҳоким ёрдамчиси Ғоппоров Шерали Совунқулович;
👉“Халқобод” маҳалласи ҳоким ёрдамчиси Рихсибоев Равшан Джуманович.

📑 Туман ҳокими фармойишига асосан ўз лавозимида хизмат вазифасини талаб даражасида бажармагани, фаолиятига нисбатан масъулиятсизлик билан ёндашгани учун уларга “Ўртача ойлик иш ҳақининг 30 фоиз миқдорида жарима” интизомий жазо чораси қўлланилади.

✅ Эслатиб ўтамиз, Президентимиз халқ ва давлат ишончини суиистеъмол қилган раҳбарларга тегишли чора кўрилишини таъкидлаган эди.

Yoshlar  kundaligi

#ажабо

❄️ Антарктидадаги одатий кун

✅ Қутб станцияларида об-ҳаво одатда 3 тоифага бўлинади. Айрим кунларда шамол тезлиги соатига 102 километрга етади, ташқарида ҳаво ҳарорати -73 даража.

🤔 Шундай шароитда атрофнинг қандай эканини ўзингиз тахмин қилинг.

P/S: Ўтган йили бизда ҳам аномал совуқ -30 градусга чиққан эди.

Yoshlar  kundaligi

«Салом, Моҳира»

Ўзбекистонда «Alisa»нинг ўзига хос аналоги яратилди.

Ўзбек тилини тушунадиган ва гапира оладиган сунъий интеллект яратилди.

Энди вазифани бажариш ёки маълумот топиш керак бўлса, Siri ёки Alisa ўрнига Моҳирага мурожаат қилишингиз мумкин.

Yoshlar  kundaligi