​​Ангрен зиёси Наргиза Исакова

У

Ўқитувчи Наргиза Исакова 1978 йил 22 майда Ангрен шаҳрида туғилган. Ангрен Тошкент Давлат педагогика институтининг математика ва физика факультетини тамомлаган. Шаҳардаги 29-сонли мактабда информатика ва математика фанларидан дарс бериб, фаолиятини бошлайди. Мана 20 йилдирки, худди шу мактабда туп қўйиб, палак ёзди. Ўзи каби фарзандларини ҳам жамиятга наф келтирувчи зиёли шахс қилиб тарбиялади.

Методика

— Дарсдан ташқари ўқувчилар билан ўртоқдек бўлиб кетамиз. Онда-сонда қаттиққўллик ҳам қилиб тураман, усиз иложи йўқ. Болаларга доим имкон бериш керак. Дарс ўтишдан аввал болаларнинг руҳиятини ўрганиш шарт, турли болада турли характер бор. Бирига ўтган усул иккинчисига ўтмайди. Ўқитувчиликнинг мушкуллигиям айнан шунда. Ўқувчилар математика дарсидан кўра кўпроқ информатикани яхши кўришади. IT га талаб кучли бўлгани учун дарсдан ташқари шу соҳада қўшимча машғулотлар ўтаман. Бугунги замонавий дунёни IT сиз тасаввур қилиш мушкул.

Эйнштейн

— Одатда юқори синф ўқувчиларимга кўп айтаман: Ўзинг ёқтирмаган нарсага қизиқишга мажбур эмассан. Ҳар кимда иқтидор бор, турли қирраларда. Сизлар шу қиррангизни топа билинг. Ана шунда муваффақият калити сизнинг кафтингизда бўлади. Мактабда зўр ўқимади дегани келажаги барбод бўлди дегани эмас. Кун келиб, Эйнштейн ҳаммани лол қолдиришини онасидан бўлак ҳеч ким кутмаган эди...

Ҳамкасбим, тингланг

—Педагогикада психология бекорга ўргатилмайди. Ўқувчини тилини топа билиш керак. Ўқитувчилар бор, билими ўта кучли, аммо болага етказиб бера олмайди, ўқитувчилар бор билими ўрта, бироқ билган борини бера олади. Тўғри устоздан кучли билим талаб қилинади. Лекин борки, уни ташқаридагиларга улаша олиш алоҳида бир маҳорат. Муаллимлардан сўраган бўлар эдим: бу соҳага қадам қўйдингизми психологик билимингизни мустаҳкам қилаверинг.

Шогирдлари ҳақида

—Ўқувчиларимнинг ортидан раҳмат эшитсам, шунинг ўзи кифоя. Эслаб келишса, хурсанд бўламан доим.


Нигорахон Ниғматуллаева  (кўз шифокори)
Ахёрхон Шакирхонов (Артель фирма раҳбари)
Барно Султонқулова (мактаб директори муовинни)
Суннатилло Зокиров ( Анорбанк иш бошқарувчиси)
Улуғбек Ғиёсов (жонлантириш бўлими шифокори)
Саодатхон Ходжитхонова (ўқитувчи)
Дилрабо Ашурматова (ўқитувчи)
Шаҳзода Эргашева (Журналист)
Мирзоферуз Нигматов  (Энергетика вазирлиги бош мутахассиси)

Ушбу мактабни битириб, бугун юқори лавозимда ишлаётган собиқ ўқувчилар:

Нигматуллаев Илҳомхон - Вазирлар маҳкамаси электр-энергия ёнилғилар бўйича сектор раҳбари;
Камилов Саиджалил - Ангрен шаҳар 29-мактаб директори;
Нигматов Ифтихор - Тошкент медицина академиясида катта ўқитувчи, хусусий клиникада пластик жарроҳ.

Каналга уланиш:
https://t.iss.one/+tcc8Accr_k80OGNi

Тошкент вилоятининг энг кучли 10 нафар информатика ўқитувчиси билан танишинг!

✨Ўқувчилари «Бир миллион дастурчи» лойиҳасида ўқув курсларини муваффақиятли тамомлаган 100 нафар информатика ўқитувчилари 5 400000 сўмни қўлга киритди.

☝️Бу сафда Тошкент вилоятининг 10 нафар ўқитувчиси ҳам бор!

😍Сиз бизнинг фаҳримизсиз, устозлар!

Каналга уланиш:
https://t.iss.one/+tcc8Accr_k80OGNi

​​Грин-карта: Америка – кашфиётлар ватани, аммо...

📆 7 октябрдан Green Card лотереяси учун онлайн рўйхатдан ўтиш бошланди. Хўш, бу лотереянинг келиб чиқиш тарихи қандай? Дунё бўйлаб қанча одам Green Card ўйнайди. Ўзбекистонда унга бўлган талаб қанақа?

Тарих

✈️ Америка энтик ҳилма-хил мамлакатдир. Унда дунёнинг турли тарафларидан келган халқлар истиқомат қилади. Green Card лойиҳасининг келиб чиқиши ҳам айнан шу энтик ҳилма-хиллик билан боғлиқ. АҚШнинг собиқ президенти Роналд Рейган 1987 йилда мамлакатда ноқонуний яшаётган 2 миллион мексикаликка доимий яшаш гувоҳномасини бериш тўғрисидаги қонун лойиҳасини қабул қилган. Мақсад Американинг турфа халқлардан ташкил топган мамлакат бўлиши ва "имкониятлар мамлакати" имижини сақлаб қолиш эди.

Бунда мамлакатга асосан обрўли ва илмли одамлар жалб қилинган. 2002 йилгача бўлган муддатда лотерея ўйнаш бироз мушкулроқ эди. Чунки аризалар почта орқали қоғоз шаклида АҚШ маъмуриятига жўнатилган. 2003 йилдан бошлаб, рўйхатдан ўтишнинг онлайн тизими яратилди. Шундан буён ҳар йили АҚШга минглаб одамлар лотерея орқали кўчиб кетади.

Биз иккинчи ўринда

📊 АҚШнинг Green Card лотереясини ўйнаганлар сони бўйича Ўзбекистон дунёда иккинчи ўринда. Буларнинг чорак қисмидан кўпи талабалардан иборат. 2022 йил сарҳисобига кўра, 2021 йил октябрь ойидан бери 6001 нафар фуқаро лотереяда ғолиб бўлган. Ҳар йили дунё бўйлаб 55 000 нафар одам учун лойиҳа томонидан виза ажратилади.

Пул топар мамлакат

🤑 Тўғри, Америкада ҳаракат қилсангиз кутганингиздан кўпроқ нарсага эриша оласиз. Тўғри, у ерда пул, ойлик тушум, маош анчайин "ёғли" экани билан фарқ қилади. Таълим тизими ниҳоятда ривожланган. Америка кашфиётлар ватани. Лекин... Лекин у ерда ҳатто меҳрнинг ҳам нарх-навоси бор. Инсонлар тақдирини фақат пул ҳал қилади. Америка орзулар мамлакати эмас, Америка пул топиш мамлакати. У ерда доллардан бошқа ҳеч нарса йўқ. Инсонлар фақат пулнинг ортидан қувадиган бўлиб қолади. Баъзи нарсаларнинг кўпини у ердан тополмайсиз. Масалан, хотиржамлик, ички ҳаловат, самимият ва тарбия йўқ. Европанинг жойлари гўзал, маданияти ривожланган, аммо маънавияти ўлик. Инсон ҳис туйғулари денгиз орти ўлкаси учун бегона...

Каналга уланиш:
https://t.iss.one/+tcc8Accr_k80OGNi

#Онлайн

📍Айни вақтда Оҳангарон шаҳрида Тошкент вилояти ҳокими Зойир Мирзаев бошчилигида оммавий сайёр қабул бўлиб ўтмоқда. Ҳар бир масала атрофлича ўрганилмоқда.

⚡️Эътиборга молик жиҳат муаммоли мурожаатчилар орасида ёшлар жуда оз. Демак, бизнингча, ёшлар муаммолари Ёшлар агентлиги вилоят мутасаддилари томонидан жойларда ҳал этиляпти.

🔴Сайёр қабул давом этмоқда.

Каналга уланиш:
https://t.iss.one/+tcc8Accr_k80OGNi

#учрашув

Нурафшонда уч авлод вакиллари учрашди. Тўкин дастурхон атрофида меҳр ва эҳтиром юзлашди.

Кўп таърифга ҳожат йўқ, қолганини тасвирлар сўзлайди😊

Каналга уланиш
https://t.iss.one/+tcc8Accr_k80OGNi

​​БАҲЕ БУЛБУЛГА

"Дунёда онасини энг узоқ кутган фарзанд..."

​​У Туркиянинг Мардин шаҳридан 14 км. узоқликдаги Bine-bil қишлоғида дунёга келган эди. Отаси мардинлик, онаси суриялик араблардан эди. Тили эрта чиққани учун онаси уни Баҳе булбул деб эркалатарди.

Баҳе бир ярим ёшда эканида хўрознинг ҳужумига учрайди: хўроз ҳимоясиз болакайни аёвсиз чўқиб, юз-кўзларида бир умрлик яра излари қолдиради. Ўша вақтда қаттиқ қўрқиб кетган Баҳе гапирмай қўяди. Болакай ёлғиз қолса талвасага тушар, онасининг қучоғидагина тинчланарди. Баҳе опаларининг саъй-ҳаракатлари билан, тўрт ёшга етганидагина оз-моз гапирадиган бўлади.

Ота-онаси уни қишлоқ шифокорига элтадилар, шифокор боланинг ҳолатини ақлий заифлик дея баҳолайди. Биргина ота бу ташхисга ишонмайди. Темир йўл станциясида юк ташувчи бўлиб ишлайдиган ота ўғлини Мардиндаги таниқли шифокорларга олиб боришни ният қилади, лекин кўп ўтмай соғлиғи ёмонлашиб, вафот этади. Ночор қолган она фарзандларини олиб ота юрти Сурияга қайтмоқчи бўлади.

Йўлга тайёргарлик кўраётганида отасидан мактуб олади. Унда бобо ақли заиф набирасини кўрмоқчи эмаслигини айтиб, уни олиб келмасликни қатъий тайинлаган эди. Чорасиз қолган она (ўзидан бир қадам ҳам ажралмайдиган) кичкинтой Баҳени Мардиндаги қадим монастирга олиб бориб топширади.
Кетаётганида эса, нима гаплигини тушуна олмай жавдираб турган болакайнинг қулоғига шивирлайди:
—Бизни кутгин. Биз албатта қайтиб келиб, сени олиб кетамиз...

Монастир эшиги олдига етганида яна такрорлайди:
— Биз қайтиб келамиз, Баҳе...

Шу-шу, монастирнинг кириш эшиги болакайнинг паккасига айланади. Ҳар куни эртадан-кечгача, соатларча кўз ёши тўккан кўйи онасини кутади у.
Қиш қировли кунларда ҳам, ёзнинг жазирамасида ҳам.
Ҳар куни. 70 йил!
Ҳа, нақ 70 йил кутди у онасини, опаларини...
Уни ҳеч ким бу ердан олиб кетмади. Шу ерда умри битди.

—У монастир эшиги олдидаги тош эди гўё, - дейишди ибодатхона ходимлари журналистларга.
–70 йил давомида икки кўзи эшикда яшади...

Баҳе булбул «Дунёда онасини энг узоқ кутган фарзанд» номи билан эсланадиган бўлди...😞

Сиздан ростини кутдим,
Айтмадингиз онажон!
Бир умрга қон ютдим,
Қайтмадингиз онажон!

Михланиб остонага,
Зор бўлдим парвонага,
Нурсиз етимхонага
Қайтмадингиз онажон!

Кўз ёшдан кўзим қора,
Қорангиз кўрсам зора,
Болам дея, бир бора,
Қайтмадингиз онажон!

Гарчи хўроз йўқ эди,
Ҳар сония ўқ эди,
Соғинч ёмон чўқиди,
Қайтмадингиз онажон!

Айтинг гўдак айбини,
Ким болам дер дайдини,
Она ҳам алдайдими,
Қайтмадингиз онажон!

Булбулман сайрамаган,
Дулдулман яйрамаган,
Куним йўқ ўйламаган,
Қайтмадингиз, онажон!

Бўлди кимни айтгани,
Тақдир азал, айт, қани,
Мени олиб кетгани
Қайтмадингиз онажон!

Офтоб урди бошимга,
Қорлар қўнди қошимга,
Қолдириб тўрт ёшимда,
Қайтмадингиз, онажон!

Ҳайкал бўлдим, лол бўлдим,
Сўзсиз, арзиҳол бўлдим,
Етмиш ёшли чол бўлдим,
Қайтмадингиз онажон!

Мирзо дунёга айтсин,
Ўз онангга ким етсин,
Сизга Худодан қайтсин,
Қайтмадингиз, онажон!

Каналга уланиш:
https://t.iss.one/+tcc8Accr_k80OGNi

#дайжест

Бугун 7 октябрь, ҳафтанинг жума куни. Хўш, бугун вилоят ёшлари ҳаётида қандай янгиликлар бўлди? Дайжестимиз шу ҳақда.

✅Оҳангарон шаҳри. Тошкент вилояти ҳокими Зойир Мирзаев бошчилигида оммавий сайёр қабул бўлиб ўтди. Жараёнда ёшларнинг мурожаатлари ҳам жойида ҳал этилди.

✅Олмалиқ шаҳри. «Ёшлар дафтари жамғармаси»нинг Васийлик кенгаши йиғилиши бўлиб ўтди.28 нафар ёшга ҳуқуқий тушунчалар берилди.

✅Ангрен шаҳри. Ҳудуд ҳокими Алишер Райимов иштирокида «Меҳнат ярмаркаси» бўлиб ўтди. Ярмаркада олий таълим, ўрта махсус, мактаб битирувчилари, «Ёшлар дафтари»даги иш қидираётган фуқаролар ҳам иштирок этди.

✅ Тошкент тумани. "Каратэ" спорт тури билан шуғулланувчи Самандар Мирҳамидов Туркиянинг Коня шаҳрида бўлиб ўтадиган жаҳон чемпионатига йўлланмани қўлга киритди.

✅Нурафшон шаҳри. ХТБ, ҳокимлик ва диний қўмита ҳамкорлигида ёшлар учун «Жаҳолатга қарши маърифат» мавзусида тарғибот учрашуви ўтказилди.

✅Тошкент тумани.«Беш ташаббус олимпиадаси» доирасида 1-сектор ёшлари стреэтболда беллашди.

✅Янгийўл тумани. "Халқобод" маҳалласида меҳнат ярмаркаси ўтказилди. Ярмаркага 16 та корхона 470 та бўш иш ўрни билан қатнашди.

✅Пискент тумани. Оила ва хотин-қизлар бошқармаси бошлиғи Зуҳра Миргазиева иштирокида сайёр қабул бўлиб ўтди. Мулоқотда ёшларни оилавий ҳаётга тайёрлаш борасида тушунтириш ишлари ҳам олиб борилди.

✅Қуйи Чирчиқ тумани. Ўзбекистон Ёшлар Иттифоқи туман маҳаллий кенгаши конференцияси бўлиб ўтди. Ҳудудий кенгаш конференцияси учун 11 нафар делегат сайлаб олинди. 

Каналга уланиш:
https://t.iss.one/+tcc8Accr_k80OGNi

#Туйғу

Мен на қилай, ҳарна қилса, қилди тақдир,
Икки нуқта аро жисмим муаллақдир.
Икки ёққа боқар бўлдим лолу ҳайрон:
Бирисининг исми – замин, бири – осмон.

Шеър: Иқбол Мирзо
Фото: Шерзод Қорабоев
Образда: Дониёр, Моҳларойим ва Анора

Каналга уланиш:
https://t.iss.one/+tcc8Accr_k80OGNi

#Афиша

⚡️⚡️⚡️ВИЛОЯТИМИЗДА ДАМ ОЛИШ КУНЛАРИДА ҚАНДАЙ МАДАНИЙ-МАЪРИФИЙ, КЎНГИЛОЧАР ТАДБИРЛАР ЎТКАЗИЛАДИ?


📍Пискент ("Муротали" МФЙ) ва Бўка (Маданият маркази): 8 октябрь соат 10:00 да "Муротали" МФЙ "Кексаларни эъзозлаш ва уларга ҳурмат эҳтиром " деб номланган тадбир дастури ;

📍 Ўрта Чирчиқ тумани: 8 октябрь соат 11:00 да "Қорақўйли" МФЙ да " Эҳтиром ила эъзоз, эътибор" концерт дастури ;

📍Тошкент тумани: 8 октябрь соат 11:00 да "Кўксарой" Маданият марказида " Кексаларни эъзозлаш ва уларга ҳурмат эҳтиром" деб номланган тадбир дастури ;

📍Қибрай тумани: 8 октябрь соат 16:00 да "Салар" МФЙ да жойлашган "Иффат" тантаналар саройида "Кексаларни эъзозлаймиз" мавзусида маданий-маърифий тадбир дастури ;

📍Чиноз тумани: 8 октябрь соат 17:00 да "Чорвадор" МФЙ да Миллий кураш мусобақаси бўлиб ўтади.

Дам олиш кунини мароқли ўтказинг!

Каналга уланиш:
https://t.iss.one/+tcc8Accr_k80OGNi

#Ментал_арифметика

♦️Бобурмирзо Йўлдошбоев - Ўзбекистон Интеллектуал Тренерлар федерацияси президенти, “Мард ўғлон” давлат мукофоти соҳиби.

🏆Вилоятимиз фарзанди Бобурмирзо ментал арифметика йўналишини республика даражасида ривожланишига улкан ҳисса қўшди ва куни кеча бўлиб ўтган янги ментал арифметика олимпиадаси ҳам буни яққол исботлади.

🎬Олимпиаданинг энг жўшқин таассуротлари юқоридаги видеолавҳада

Каналга уланиш:
https://t.iss.one/+tcc8Accr_k80OGNi

⚡️⚡️⚡️

Қрим кўпригида портлаш бўлгани тасвирлари тарқалмоқда.

Дастлабки маълумотларга кўра, кўприк устида юриб кетаётган юк машинаси портлатиб юборилган. Бу ҳақда Россия миллий аксилтеррор қўмитаси маълум қилди.

Портлаш оқибатида параллел йўлда ҳаракатланаётган юк поезднинг 7 та ёқилғи цистернаси ёниб кетган. Айни дамда темирйўл вагонларида ёнғин ўчирилган. 

Ҳозиргача аниқланган маълумотларга кўра, қурбонлар ва жабрланганлар йўқ.

Каналга уланиш:
https://t.iss.one/+tcc8Accr_k80OGNi

#муҳим

БИР ТАЛАБАНИНГ БИР ОЙЛИК ХАРАЖАТИ ҚАНЧАГА ТУШАДИ?

⁉️Олий маълумот жиддий зарурат, аксарият ота-оналар ўз фарзандларини ўқитишни исташади. Аммо ҳаётий кузатувлар шуни кўрсатмоқдаки, бир талабанинг ойлик ёки йиллик харажатлари оилаларни ўйлантириб қўйиши тайин.

❓Хўш, бир талабанинг бир ойлик харажати қанчага тушади? Мақолани ўқишни маслаҳат берамиз.

✅БАТАФСИЛ ЎҚИШ

Каналга уланиш:
https://t.iss.one/+tcc8Accr_k80OGNi

#LIVE

Айни дамда Тошкент вилояти ҳокими бошчилигида халқ таълими фаолиятига бағишланган йиғилиш бошланди. Йиғилиш танқидий-таҳлилий руҳда ўтмоқда.

Демак, бугун таълим соҳасида катта ўзгаришлар кутилмоқда.

ЖАРАЁННИ ОНЛАЙН КУЗАТИШ УЧУН:
https://fb.watch/g0_RGGAO8i/

Каналга уланиш:
https://t.iss.one/+tcc8Accr_k80OGNi

#LIVE

Тошкент вилояти ҳокими ҳокимларнинг ижтимоий масалаларга жавобгар ўринбосарларини танқид қилмоқда.

Маълумотга кўра, вилоятда 180 та мактаб таъмирга муҳтож.180 та мактабда спорт заллари мавжуд эмас. 203 та таълим муассасининг ҳожатхонаси антисанитария ҳолатида, таъмирталаб.

Каналга уланиш:
https://t.iss.one/+tcc8Accr_k80OGNi

#Иқтибос

Зойир Мирзаев:

- Ҳар бир таълим муассасаси кириш жойига "Ҳудуднинг тозалиги - мактаб раҳбарининг фаросати" деб катта қилиб ёзиб қўйиш керак. Зора шу ёзувга ҳар гал кўзи тушган раҳбар масъулият ҳис қилиб, антисанитария ҳолатларига йўл қўймаса...

Каналга уланиш:
https://t.iss.one/+tcc8Accr_k80OGNi

#статистика

Хабар қилганимиздек, айни дамда халқ таълими соҳасига бағишланган йиғилиш бўлиб ўтмоқда. Йиғилишни вилоят ҳокими олиб бормоқда.

🔘Рақамлар: Вилоятда 886 та мактаб бор. Бу таълим муассасаларида  510 675 нафар ўқувчи таълим олади. 35 447 нафар ўқитувчи фаолият юритади.

🔘Ўқитувчиларнинг 41 фоизи мутахассис, 6,8 фоизи олий тоифали. Вилоятда 364 нафар педагогга эҳтиёж мавжуд.

🔘Ҳудудлардаги 25 та мактаб директори лавозими вакант.

✅ОНЛАЙН КУЗАТИШ УЧУН: https://fb.watch/g0_RGGAO8i/

Каналга уланиш:
https://t.iss.one/+tcc8Accr_k80OGNi

#LIVE

Вилоят ҳокими таълим тизимидаги ҳозирги аҳволни кескин танқид қилмоқда. Йиғилишда таъкидлангандек, Миллий рейтинг бўйича Тошкент вилояти 14-ўринда турибди.

Шунингдек, ОТМларга кириш бўйича вилоятдаги кўрсаткич жудаям паст, Янгийўл, Зангиота, Тошкент туманларида бу ачинарли аҳволда.

Олмалиқ ва Бекобод шаҳри, Паркент, Бўстонлиқ туманларида мактаб ўқувчилари орасида жиноятчилик кўпайган.

Йиғилишда мактабларнинг моддий техник базасини мустаҳкамлаш учун ҳокимликлар томонидан эътибор қаратилмаётганига алоҳида эътибор қаратилди. Хусусан, Ангрен, Чирчиқ ҳокимликлари томонидан бу борада умуман маблағ ажратилмаган.

Каналга уланиш:
https://t.iss.one/+tcc8Accr_k80OGNi

#LIVE

Тошкент вилоятида 886 та мактабда 1 млрд. 730 минг дона китоб бор. 

Халқаро таҳлилларга кўра, мактаб кутубхоналари кесимида ҳар бир ўқувчига 9 та бадиий китоб тўғри келади. Тошкент вилоятида бу кўрсаткич ҳар бир ўқувчига 2 тадан тўғри келмоқда.

Вилоятдаги мактаб кутубхоналарида умумий 1 миллион 336 та китобга эҳтиёж мавжуд.

Каналга уланиш:
https://t.iss.one/+tcc8Accr_k80OGNi