Ўзбеклар қўрқоқми? Бирикмайдими? Амир Темур, Жалолиддин Мангубердининг шерюрак авлодлари қани?

Чеченлар деса бутун дунё қўрқади, ҳайиқади. Ўзбеклар деса елкаси қисилган инсонлар кўз олдига келадими?

Каналга уланиш:
https://t.iss.one/+tcc8Accr_k80OGNi

#Мини_футбол #ДХХ_кубоги

⚽️ Ёшлар ўртасида мини футбол бўйича ўтказилган ДХХ кубоги мусобақасининг Тошкент вилояти босқичи ғолиби «Увак» МФЙ (Оҳангарон тумани) ёшлари бўлди.

🎞 Видео: финал учрашуви, тақдирлаш маросими, мухлисларнинг қувончли лаҳзалари.

Каналга уланиш:
https://t.iss.one/+tcc8Accr_k80OGNi

#Қутлов

🗓 Бугун Ўзбекистон ёшларининг лидери Алишер Саъдуллаев таваллуд топган кун. Ёшлар ишлари агентлиги Тошкент вилояти бошқармаси ва "Ёшлар кундалиги" жамоаси номидан чин қалбдан табриклаймиз!

💭 У ҳақида гап кетганда, бир мулоҳазани айтиш ўринли бўлади: Ўзбекистон ёшлар ташкилоти имижини мутлақо ўзгартира олди. Ижтимоий тармоқлар даври эндигина бошланган пайтда обрўсизланган ёшлар ташкилоти кейинчалик нафақат ўша обрўсини тиклади, балки икки ҳисса кенгроқ қулоч ёзди, янада оммалашди, ҳар бир оилага кириб борди. Медиа билан алоқалар тўғри йўлга қўйилди.

☝️ Хусусан, вилоятимизда ҳам жуда кўп лойиҳалар ва тадбирларни юқори савияда ўтказилишига Алишер Саъдуллаев яқиндан ёрдам берди, моддий ва маънавий жиҳатдан тўлиқ қўллаб-қувватлади ва бу давом этмоқда.

🎉 Туғилган кунингиз билан табриклаймиз!

Каналга уланиш:
https://t.iss.one/+tcc8Accr_k80OGNi

⚡️⚡️⚡️⚡️⚡️⚡️⚡️

11 июль куни ижтимоий тармоқларда айрим банкоматлардан нақд пул ечишда ечилаётган нақд пул миқдоридан келиб чиқиб 3 фоизгача комиссия тўловлари олинаётганлиги тўғрисида хабарлар тарқалди.

Банкоматлардан нақд пул ечиш учун комиссия тўловлари тижорат банклари томонидан банкоматга хизмат кўрсатиш харажатларидан келиб чиқиб мустақил белгиланади ва бугунги кунда 1 фоиздан ошмайди.

Айрим тижорат банки томонидан алоҳида бир банкоматда эксперимент тариқасида табақалашган юқори комиссия тўлови ўрнатилган бўлса, эркин бозор шароитида бу ўзини оқламайди. Зеро, бошқа банкоматларда комиссия тўлови 1 фоиз ёки ундан паст қилиб белгиланганлиги сабабли истеъмолчилар арзон хизматидан фойдаланишни афзал кўради.

Марказий банк

Каналга уланиш:
https://t.iss.one/+tcc8Accr_k80OGNi

​​Сизга ҳеч ким текин пул тарқатмаяпти, Сиз ҳеч қанақа акцияда ғолиб бўлганингиз йўқ

🌐 Телеграмда доимгидек текин пул шайдоларини алдаш учун ёлғонлар тарқатилмоқда. Бу энди тўхтамайди, давом этаверади. Минг марта огоҳлантирилса ҳам, барибир кимдир фирибгарларга алданаверади.

📃 Масалан, “Ўзбекистон Республикаси Президенти Администрацияси” номи остида очилган сохта аккаунт 18 ёшга тўлган ҳар бир фуқарога 789 000 сўмдан бир марталик тўлов тўланаётгани ҳақида ёлғон маълумот айтмоқда. Бунга ўхшаш хабарлар жуда кўп, сумма турлича бўлиши мумкин, балки 500 минг сўм, балки 900 минг сўм.

❗️Асосий мақсад бунга ишониб, текин пул олмоқчи бўлганларнинг пластик маълумотларига, телефонга борадиган SMS-кодга эга чиқиш ва пластикдан барча пулларни ечиб олиш.

🚨 Шунингдек, ҳалигача Click компанияси акция ўтказди, сиз унда ғолиб бўлдингиз, деган ёлғонни тарқатишади ва умрида Click ишлатиб кўрмаган баъзи одамлар ҳам бунга ишониб қолади.

☝🏻 Хуллас, яна ва яна такрорлаймиз — фирибгарлардан эҳтиёт бўлинг. Текин пул, ғойибдан келган соврин ва ютуқларга ишониб қолаверманг. Сизни “лох” қилишларига йўл қўйманг.

Каналга уланиш:
https://t.iss.one/+tcc8Accr_k80OGNi

#мотивация

Физика қонунларига қарши борди ва уддалади 🔥

Ҳаракатдан тўхтама, ғалаба албатта сеники бўлади!✊

Каналга уланиш:
https://t.iss.one/+tcc8Accr_k80OGNi

#Даҳшат

❗️Юраги бўшлар кўрмасин 18+

Тақиқланган жойда чўмилган болаларни қутқарамиз деб қутқарувчиларнинг ўзи чўкиб кетди.

Ўзимизни ва яқинларимизни тақиқланган жойларда чўмилишдан асрайлик! Воқеа қаерда бўлгани номаълум...

UPD. Воқеа Ўзбекистонда содир бўлмаган экан. ФВВ баёнот берди ва чўмилишга рухсат берилмаган жойларга бормасликни тавсия қилди.

Каналга уланиш:
https://t.iss.one/+tcc8Accr_k80OGNi

#Якшанба_мутолааси

Кейинги пайтда фан ва дин олимлари ўртасида баҳслар яна жонланди. Хусусан, инсоннинг пайдо бўлишига доир дунёвий илмлар, Дарвиннинг эволюция назарияси кўр-кўрона инкор этилмоқда.

Хўш, аслида эволюция назарияси динга зидми? Муаммо нимада?

Таниқли ёш биолог олим Бахтиёр Шералиевнинг мулоҳазасини тингланг ва хулоса қилинг.

Унутманг, билимсизлик мутаассибона қарашларга йўл очади. Фанни динга қарши қўйиш шунчаки аҳмоқлик.

Каналга уланиш:
https://t.iss.one/+tcc8Accr_k80OGNi

​​ДАҲОНИНГ БОЛАЛИГИ – ҚИРҚ ПАРИНИНГ МУҲТАРАМАСИ

⏳ Бугун ёши 50-60 дан ўтган авлод борки, ҳар баҳорда машҳур ва суюкли "Баҳор"ни эслайди. Қачондир халқимизнинг энг истеъдодли 40 нафар гулғунчадек қизини тўплаб, уларга рақс ўргатиб, жаҳоний миқёсларда машҳурлик шоҳсупасига кўтарган буюк устозни эслайди.

🎼 Ўтган йили зиёлилар, санъаткорлар, санъат шинавандалари бир-бирини табриклади, Шерали Жўраев касал ётган жойидан қўзғалиб, уларни қутлашга борди, чунки "Баҳор" яна қайтган, машҳур ансамбл тикланган эди.

🤔 Хўш, бу ишларнинг бошчиси, ўзбек рақс санъатининг буюк устаси ким эди? Санъатнинг ойдин йўли қандай бошланган?

✨ Унинг ҳаёти ва фаолияти баҳор билан чамбарчас боғлиқ. 1913 йил авжи баҳорда, Фарғона водийсида туғилди. Ва баҳорда Беҳбудий айтмоқчи, ибратхона – театрга ишга кирди. Ота-онасидан эрта етим қолди, йиғиси мижжасида қотиб қолган патила сочли қизалоқ бобо ва бувиси қўлида катта бўлди. Ғафур Ғулом "Етимлик нимадир бизлардан сўра, ўнинчи йилларнинг саргардонлиги", деган мисраларни баайни қаҳрамонимиз тилидан ёзгандек эди. У авжи баҳорда янги ташкил этилаётган фольклор ансамблига танлов асосида, кимсан Муҳиддин қори Ёқубовнинг тавсияси билан қабул қилинди.

📜 Ҳамза Ҳакимзода Шоҳимардонда тошбўрон қилинган 1929 йилда 16 яшар бўлган қаҳрамонимиз профессионал санъаткор бўлиш илинжида Ўзбек давлат мусиқали театр устахонасида ташкил этилган билим юртида ўқишни бошлади. Ҳамзахон мутаассиблар қўлида жон берди, аммо ўзбек санъатига айнан ўша йили яна бир серқирра ва улуғ санъаткор кириб келди.

💍 Турмуш қурди, бахтли ҳаёт кечирди, фарзандлар кўрди. Аммо қаттол уруш туфайли ҳарбий хизматга кетган эри қайтиб келмади. Қора хат келган куни баҳор фариштаси, "Баҳор" асосчиси тиззасини қучоқлаб юм-юм йиғлади, тақдирига лаънатлар айтиб изиллаб йиғлади...

👏 Айтишга осон, бола-бақраси кўзга ташланиб қолган, умрининг энг гўзал 30 ёшида беваликни бўйинга олсинми? У умидини узмади. Кутди. Илинж билан кутди. Мўъжиза содир бўлмайди, аммо баъзида тақдир бандалар билан ўйин қилаётган бўлади. Унинг эри урушдан қайтиб келди! У тирик эди! Янглишиб юборилган қорахат эса унутилди, ҳаёт гули сўлимади. Қаҳрамонимизнинг ҳаётига баҳор қайтиб келди гўё.

☝️ У қунт билан ўзбек анъанавий рақс йўлларини ўрганди, замонавий Европа рақси қонун-қоидаларини ўзлаштирди. Тамара хоним унга оқ фотиҳа берди. Ашулачилик, актёрлик маҳорати бўйича ўз устида ишлади.

🔸 Кейинроқ эса бу назокатли қизалоқнинг нозик ҳаракатлари машҳур петербурглик балетмейстерларнининг ҳам оғзига тушди. Уларнинг жамоасида бир муддат фаолиятда бўлди. У рақс тушганда қалби билан тушарди. Юракдан ҳис қиларди рақсни. "Тановар", "Катта ўйин", "Жонон", "Пилла", "Пахта" каби рақслар кичик жуссали қизнинг кичик қалби билан ижро этилганди, шунинг учун бошқаларнинг қалбидан катта ўрин эгаллаб келади шу вақтга қадар.

💞 Ўзи ҳам, сўзи ҳам, изи ҳам санъат эди гўё. Рақсида ҳаё бор эди. Унинг нафосати шунданди, назокати шунданди. Шу сабабмикин, чарчаган киши унинг рақсидан сўнг чарчоғини ҳам унутворарди. Замондошлари, ҳамкасблари, дўстлари унинг ҳар бир чиқишини достонга қиёс этарди.

💭 Кейинчалик Ўзбекистоннинг энг машҳур раққосаси ва етакчи балетмейстери даражасига кўтарилди. Сўнгра ўша машҳур "Баҳор" биринчи ўзбек миллий рақс ансамблига асос солди. Бу ансамбл тезда Ўзбекистон Давлат миллий рақс ансамблига, миллий рақс "бренд" ига айланди. Халқ артисти, ўнлаб мукофотлар соҳибаси бўлди, эл меҳрини қозонди, дунё бўйлаб гастролларда юрди.

Ўзбек аёлининг қалб товушини, юрак туғёнларини ўтли рақсларга айлантирган, 20 ёшидаёқ бетакрор услуби ва масъум чеҳраси билан оламни маҳлиё қилган бу қизалоқ...

Мукаррама эди, буюк санъаткор Мукаррама Турғунбоева эди.

Каналга уланиш:
https://t.iss.one/+tcc8Accr_k80OGNi

#Кун_иқтибоси #Архивдан

Кимдаки бўлмаса замона ғами,
Ё оламдан эмас, ё эмас одам...

©Паҳлавон Маҳмуд

Каналга уланиш:
https://t.iss.one/+tcc8Accr_k80OGNi

#даҳшат 🔞

Зангиотада дугонасининг 38 ёшли отаси 14 ёшли бу қизни 8 ой зўрлаб келган. Агар кимгадир айтса ўлдириш билан қўрқитгани айтилмоқда

Каналга уланиш:
https://t.iss.one/+tcc8Accr_k80OGNi

#Туйғу

Умримни ўткинчи сабога бердим,
Энг сўнгги чақамни гадога бердим,
Бу телба руҳимни Худога бердим...

Сабо олиб борди, гадога берди,
Гадо йиғиб борди Худога берди.
Худо мени сенга хатога берди,

Сен мени кимларга бердинг, азизим?

Шеър: Зебо Мирзо.

Каналга уланиш:
https://t.iss.one/+tcc8Accr_k80OGNi

⚡️⚡️⚡️⚡️⚡️⚡️

Афғонистонда вабо тарқалди. Кунига 40 нафар инсон ҳалок бўлган. Уларнинг аксарияти болалар.

Қисқача айтганда, вабо – антисанитария вазиятида, ифлослик урчиган жойларда кўпаяди. У ўта юқумли ва хавфли касаллик ҳисобланади.

Эҳтиёт бўлинг, доим озода юринг!

Каналга уланиш:
https://t.iss.one/+tcc8Accr_k80OGNi

#Фан #Дунё_манзаралари

🔭 NASA 10 миллиард долларга яратилган ва яқинда ишга туширилган James Webb телескопидан олинган навбатдаги суратларни эълон қилди (1, 2, 3).

💫 Сомон йўлида ёлғиз эмасмиз. Коинот гўзаллиги ва маҳобати олдида тил ожиз. Суратларда акс этган чексизлик, улуғворлик ҳар қандай учқур хаёлни ҳам лол қолдиради...

Каналга уланиш:
https://t.iss.one/+tcc8Accr_k80OGNi

ҚАРЗДОР АВТОМАШИНАЛАР ПОСТЛАРДА ТЎХТАТИЛАДИ ВА ЖАРИМА ПУЛИ ТЎЛАНМАГУНЧА ҚЎЙИБ ЮБОРИЛМАЙДИ

Ҳукуматнинг янги қарори билан Йўл-патруль хизмати стационар постларида аниқланган қарздорликлар бўйича тўлов амалга оширилганидан сўнг, уларнинг ҳаракатини давом эттиришига рухсат берилади.

☑️ Қарздорлик тўланмаган ҳолларда транспорт воситалари махсус тўхташ жойларига жойлаштирилади.

⏩ Қарздорлик аниқланган транспортларга бир нечта ҳолларда, жумладан, қарздорликка асос бўлган қоидабузарлик юзасидан судга мурожаат қилинганда ёки иш судда кўрилаётганда ҳаракатни давом эттиришга рухсат берилади.

Каналга уланиш:
https://t.iss.one/+tcc8Accr_k80OGNi

#Кайфият

– Ойи, дада, сизларга қариялар уйи яхшими ёки квартира яхшими?

Каналга уланиш:
https://t.iss.one/+tcc8Accr_k80OGNi

⚡️⚡️⚡️⚡️⚡️⚡️⚡️⚡️

#Хоҳ_ишонинг #Гидромет #1870

Эрондан иссиқ ҳаво оқими кириб келмоқда. Рекорд даражада иссиқ бўлади (+47) – Гидромет.

P.S. Эндиии, бир гап. Ўша хабарда яна айтилишича , 1870 йилдан буён пойтахт Тошкентда ҳаво ҳарорати +45 даражага етмаган эмиш. Қизиқ-да, ўша пайтда Гидромет бўлганми ўзи? Ҳаво ҳароратини ким ўлчаган? Ҳатто вақтни ҳам ҳозирги ЎзФА Астрономия институти ҳудудидаги замбаракдан осмонга ўқ отиб, айтиб туришган бир пайт бўлса, қанаққиб 1870 йилги "погода"ни точно билаяпти булар? Я в хайране.😄

Каналга уланиш:
https://t.iss.one/+tcc8Accr_k80OGNi

​​#Тарих

МАРДИКОРЛИККА ҚАРШИ ХАЛҚ ҲАРАКАТИГА 106 ЙИЛ БЎЛДИ

Айнан 13 июль куни Жиззахда бошланган бу қўзғолон кейинчалик бутун ўлка бўйлаб кенг ёйилган эди.

1916 йилда ҳозирги Бекобод ва Чиноз туманлари, ҳозирги Сирдарё вилояти бир қисми бўлган далаларни чигиртка босган, буғдой ҳосили нобуд бўлган.

Бекобод воҳасининг "Парча юз", "Уяз", "Чаноқ", "Қолган сир", "Далварзин" ҳудудларида шундоқ ҳам камбағал яшаётган аҳоли вакилларининг очарчиликка юзлашиши, бу ҳам етмагандек, ёш йигитларнинг мардикорчиликка олиниши ҳақидаги подшо қарори халқнинг сабр косасини тўлдириб юборади.

Мардикорликка ёллашга қаратилган йиғилишда камбағал батрак Эргаш Маматқулов сўзга чиқиб, мардикорга бойларнинг боласи олинмаётганини айтади. Хуллас, шу тариқа Жиззах қўзғолони шабадалари Бекободни ҳам қалқитади.

Кейинми? От изи ит изи билан аралашиб кетди. Чор Россияси қулади, ерлик бойларнинг ноинсофлиги туфайли юрт яна қўлдан кетди, иттифоқ бўлмади, халқ эса совет идеологиясини хушнудлик билан кутиб олди.

Аммо бу энди бошқа тарих...

Каналга уланиш:
https://t.iss.one/+tcc8Accr_k80OGNi

ТОШКЕНТ ВИЛОЯТИДА СИРТҚИ ОЛИЙ ТАЪЛИМ: ҚАЕРДА ҚАНЧА ЎРИН БОР?

📍1. Чирчиқ давлат педагогика университети
Жами квота: 1345
👉 (Соҳалар кесимида тўлиқ рўйхат)

📍2. Тошкент давлат техника университети Олмалиқ филиали:
Жами квота: 700
👉 (Соҳалар кесимида тўлиқ рўйхат)

📍3. Тошкент ахборот технологиялари университети Нурафшон филиали:
Жами квота: 140
👉 (Соҳалар кесимида тўлиқ рўйхат)

📍4. Ўзбекистон давлат жисмоний тарбия ва спорт университети Чирчиқ шаҳри
Жами квота: 400
👉 (Соҳалар кесимида тўлиқ рўйхат)

📍5. Тошкент давлат аграр университети
Жами квота: 975
👉 (Соҳалар кесимида тўлиқ рўйхат)

Каналга уланиш:
https://t.iss.one/+tcc8Accr_k80OGNi