#Етакчи_минбари

Рихситилла Тўлқинов илгари давлат ташкилотида ишламаган. Етакчиликка тайинланган кунларини у шундай эслайди:

💭 – Бошида эртаклар оламига тушиб қолгандай бўлдим. Топшириқлар кўп бўлиб туюлди, ҳатто буларнинг барчасига қандай улгураман, қўлимдан келармикан, яхшиси, вақтни бой бермасдан бошқа ишга ўтсаммикан", деб ўйлаган вақтларим ҳам бўлган. Лекин атрофимдаги дўстлар, ҳамкасблар мендан маслаҳатини аяшмади.

🔥 Табиатан камгап етакчи интерактив дарслар натижасида бугун мулоқотга тез киришувчан бўлганини таъкидлайди. Ҳар куни камида 30 дақиқа китоб ўқишни, янгиликлардан бохабар бўлишни, замонавий IT-технологияларини ўрганишни канда қилмайди.

🗓 Бугун у етакчилик қилаётган "Ўратепа" маҳалласи ёшлари ҳар соҳада, айниқса спортда жуда фаол. Маҳалла жамоаси футбол бўйича ДХХ кубоги баҳсларида туманда етакчи ўринни қўлга киритгани бунинг исботи, десак адашмаймиз.

Каналга уланиш:
https://t.iss.one/+tcc8Accr_k80OGNi

#туйғу

Гулим, меҳр кўзда дегани ёлғон,
Менинг дилимда ҳеч ўчмас ёлқинсиз,
Қанча кўришмасак шунча қадрдон,
Қанча олис бўлсак шунча яқинсиз...

Шеър: Муҳаммад Юсуф

Каналга уланиш:
https://t.iss.one/+tcc8Accr_k80OGNi

#танлов

☝️Бу оилани яхшилаб таниб олинг. Улар вилоятдаги энг ёш китобхон оила Раимовлардир.

📒Бўстонлиқ тумани «Қоронқул» МФЙда яшовчи Раимовлар оиласи педагоглар сулоласи вакиллари ҳисобланади. Улар китобнинг, илмнинг қадрини яхши билишади, қадрлашади. Шу сабаб ўзлари ҳам юрт орасида қадр топишмоқда.

📌Танловнинг вилоят босқичида ғолиб бўлган Раимовлар энди Республикадаги китобхон оилалар билан беллашади. Вакилларимизга омад ёр, китоб доим ҳамроҳ бўлсин!✊

Каналга уланиш:
https://t.iss.one/+tcc8Accr_k80OGNi

#имтиёз | #хотин_қизларга

⚡️ХОТИН-ҚИЗЛАР ДИҚҚАТИГА! ҲУЖЖАТ ҚАБУЛ ҚИЛИШ БУГУН ЯКУНЛАНАДИ!

❗️ОТМларга киришда хотин-қизлар учун бериладиган 4 фоизлик давлат гранти тавсиянома олиш учун ҳужжатларни қабул қилиш бугун якунланади!

✅ Эҳтиёжманд оилалардаги хотин-қизларга олий таълим муассасаларига давлат гранти учун тавсияномага ҳужжатлар жорий йил 30 майдан 8 июнга қадар махсус платформа орқали электрон шаклда қабул қилинади.

✅ Онлайн ариза юбориш: https://xotin-qizlar.uz/public/forms/application_otm

⚡️ТАВСИЯНОМА КИМЛАРГА БЕРИЛАДИ?

👉 кам таъминланган оилалардаги хотин-қизлар;

👉 тўлиқсиз оилада тарбияланаётган, яъни отаси ёки онаси ёхуд уларнинг иккаласи ҳам вафот этган ижтимоий ҳимояга муҳтож қизлар;

👉 турмуш ўртоғи вафот этган, вояга етмаган фарзандини ёлғиз тарбиялаётган ижтимоий ҳимояга муҳтож аёллар;

👉 ногирон фарзанди бор эҳтиёжманд оилалардаги хотин-қизлар;

👉 2 ва ундан ортиқ фарзандини тарбиялаётган, қариндошларидан алоҳида яшаётган ёлғиз аёлларнинг қиз фарзандлари;

👉 ота-оналаридан бири ёки ҳар иккиси ҳам I ёки II гуруҳ ногирони бўлган эҳтиёжманд оилалардаги хотин-қизлар.

➡️ Тавсиянома олиш учун туман (шаҳар) маҳалла ва оилани қўллаб-қувватлаш бўлимларига электрон шаклда мурожаат қилинади.

Каналга юбориш:
https://t.iss.one/+tcc8Accr_k80OGNi

​#Ифтихор

ИБН СИНО ҚАНДАЙ ОЛИМ ЭДИ: БУГУНГИ ЁШЛАР БИЛИШИ ШАРТ БЎЛГАН МАЪЛУМОТЛАР

➖Абу Али Ибн Синонинг номидан Мадади Сино — Медицина атамаси вужудга келган;

➖Улуғ Ибн Сино Шарқда фалсафий шеъриятни юқори чўққига кўтарган алломадир;

➖Ибн Сино қомусий олим бўлиб, у 450 дан ортиқ асар ёзган, бизгача 282 таси етиб келган;

➖Ҳозирда Абу Райҳон Беруний номидаги Шарқшунослик институтида Ибн Синонинг 53 та асарининг қўлёзмаси мавжуд;

➖Ибн Сино ўзининг “Тиб қонунлари” номли беш китобдан иборат асарида ўша даврдаги табобат илмининг қарийб барча соҳасини изчил ва ҳар томонлама ёритиб беради;

➖У инсоният тарихида илк марта тиб илмини ўрганувчилар учун дарслик ёзди. Бу асар назмда ёзилган бўлиб “Тиббий уржуза” номли китобдир;

➖У 800 дан ортиқ дориларнинг тайёрланиш услуби ва истеъмол қилиш тартиби ҳақида фикр билдирган;

➖Ибн Сино “Ахлоқшунослик” (Этика) илмининг асосчиларидан биридир. Чунончи, у ўзининг шогирди Баҳманёр ал-Озарбайжоний билан ёзишмасида бу фаннинг амалий фалсафадаги ўрнини айтган;

➖Ибн Сино минерология (маъданшунослик) соҳасида биринчи бўлиб минералларнинг оригинал классификациясини таклиф этди;

➖У Ўрта Осиё олимлари ичида биринчи бўлиб ўша давр илмий давраларида машҳур бўлган “Лисон ал-араб” (Араб тили) номли рисола ёзиб, араб тилшуносларига очиқ дарс ўтган;

➖Ибн Сино илк бор бола тарбиясида мусиқанинг ўрнини махсус ўрганган ва ўз тавсияларини берган;

➖"Қадриятшунослик" (Аксиология) илмининг пайдо бўлиши Ибн Сино номи ва фаолияти билан боғлиқ;

➖Унинг асарларида илк марта оилада эр ва хотиннинг бир-бирига муносабатларидаги тиббий ва ахлоқий мезонлар яхлитликда тадқиқ этилган;

➖Ибн Сино адабиёт назарияси бўйича буюк олим ҳисобланади. У Аристотелнинг “Поэтика”си ва унга ёзилган Фаробийнинг шарҳидан таъсирланиб, “Шеър санъати” номли китоб ёзган. У адабиётни мантиққа оид фан сифатида таснифлаган;

➖Ибн Сино асарлари XII аср бошларидан бошлаб лотин тилига таржима қилинган ва бутун Европага тарқатилган энг эътиборли дарсликлардан эди. Айниқса, “Ал-Қонун” асарининг шуҳрати баланд бўлган. Париж университети 1394 йилда ўзининг илк таълим тизимини Ибн Сино асарлари асосига қурган эди;

➖Шарқшунос олим Нажмиддин Комилов тадқиқотларидан: Данте ўзининг машҳур “Илоҳий комедия”сини Ибн Сино асарлари таъсирида ёзган;

➖Ибн Сино рубоиётда ҳам тенгсиз бўлган. Умар Ҳайём ўзини Ибн Синонинг шогирди сифатида эътироф қилган;

➖Ибн Сино – Шайх ур-раиснинг “Тиб қонунлари” номли асари дунёнинг қарийб барча тилларига таржима қилинган тарихдаги энг нодир 5 китобдан бири ҳисобланади;

➖Хитойшунос олим Аблат Хўжаев тадқиқотларидан: ўрта асрларда Хитойда Ибн Сино асарлари асосида қисқача қўлланма тайёрланган ва бугунги Тибет, қисман Хитой тиббиёти шу асосда ривожланган;

➖Ҳисоб-китобларга кўра, Ибн Синога бағишлаб, унинг асарларини шарҳлаб, дунё ҳамда ўзбек олимлари ва адиблари томонидан 200 дан ортиқ илмий асар, 500 дан ортиқ адабий асарлар яратилган.

МАНБА

Каналга уланиш:
https://t.iss.one/+tcc8Accr_k80OGNi

​​O'zbekistonda ilk bor talabalik davrida daromad qilish, birdaniga 3 ta diplom olish, o'qishni tamomlagandan so'ng Yaponiyaga ishga ketishni ta'minlovchi Japan Digital University'da 5-qabul jarayonlari davom etmoqda🥳

🇺🇿🇯🇵 O'zbekistondagi Ilk Yaponiya raqamli universiteti— Japan Digital University IT muhandisligi bo‘yicha o'zbek yoshlariga Yaponiya ta'lim tizimi asosida saboq olishlarini ta'minlab kelmoqda.

Ushbu universitetda siz:

—Bir vaqtning o’zida 3 ta diplomga ega bo’lish imkoniyati. Diplomlar O’zbekiston va Yaponiyada tan olinishi;
—Universitetda o’qib turib, o’qish davomida ishlash va bu orqali daromad topish (6$ dan-10$ gacha coworking orqali);
—O’qishni tamomlagandan so’ng Yaponiya kompaniyalariga ishga ketish;
—Xalqaro darajadagi IT muhandis bo'lib yetishish kabi afzalliklarni o'zida mujassam etgan universitet.

Shuningdek, talabalar 4-semestrdan boshlab co-working orqali soatiga Yaponiya kompaniyalaridan onlayn buyurtma olgan holda, soatiga 6$dan 10$gacha daromad topishadi. Qolaversa, Japan Digital University'ga o'qishga kirish uchun yapon tilini bilish talab etilmaydi.

📌 Eslatma! JDU'ga 18 va 21 yosh oralig‘idagi maktab bitiruvchilari hamda abituriyentlar topshira oladilar.

Ma'lumot sifatida Japan Digital University ta'lim inspeksiyasi tomonidan faoliyati litsenziyalangan nodavlat oliy ta'lim tashkiloti sanaladi.

Ro'yxatdan o'tish uchun link: https://www.jdu.uz/enrollee

📞Telefon: +99871-200-05-95

#Етакчи_минбари #Оҳангарон_шаҳри

"Бўстон" маҳалласида пайшанба киберспорт куни деб эълон қилинган

🗓 Шу куни маҳалладаги 5 та кўча ёшлари ўртасида беллашувлар бўлиб ўтади. 5 ташаббус доирасидаги тадбирларда ҳудуд ёшлари жуда фаол.

🔰 Маҳалла етакчиси Асадбек Турсунов иш фаолиятини шундан бошлади. Бугун 3 нафар ишсиз қизларга Ёшлар жамғармаси ҳисобидан тикув машиналари олиб берилди, 1 нафар талабанинг тўлов-шартнома пули тўлаб берилди, 2 нафар ёш касбга ўқитилди, 3 нафар йигит-қиз эса имтиёзли кредит олиб, тадбиркорлигини бошлаб юборди.

💭 Асадбек иш бошлаганда маҳаллада сартарошхона йўқлигига эътибор қаратди. Яқинда ёшларнинг бири шу соҳага йўналтирилиб, ҳудудда сартарошхона фаолият бошлайдиган бўлди.
– Маҳаллада чала қурилиб, қолиб кетган футбол майдони бор. Ҳомий жалб этиб, шуни ишга тушириш ҳаракатидамиз. Худо хоҳласа бу жойдан машҳур футболчилар етишиб чиқади, дейди Асадбек.

Каналга уланиш:
https://t.iss.one/+tcc8Accr_k80OGNi

"Замдекан" ва талаба қиз воқеаси: суд ҳукми эълон қилинди

🔘Низомий номидаги Тошкент давлат педагогика университети декан ўринбосари хонасида талаба қиз деразадан тушиб кетгани кўп шов-шувларга сабаб бўлган эди.

📌Ёпиқ суд жараёни ўз ниҳоясига етиб, суд ҳукми эълон қилинди. Унга кўра, декан ўринбосари Б.Ю. Жиноят кодексининг 25,118-моддаси 1-қисмида (номусга тегиш) назарда тутилган жиноятни содир этганликда айбсиз деб топилган.

🔺Лекин 104-моддаси (қасддан баданга оғир шикаст етказиш) 1-қисми билан айбдор (яъни деразадан итарган) деб топилган ва унга 3 йил муддатга озодликдан маҳрум қилиш жазоси тайинланган.

‼️Маълумот ўрнида: "замдекан" ва талаба қиз воқеаси Педагогика университети ректори алмашишига сабаб бўлган эди.

Каналга уланиш:
https://t.iss.one/+tcc8Accr_k80OGNi

​#Қишлоқларимиз_тарихидан #Оҳангарон_тумани

"Олдин"дан "Илғор"гача

⚪️Тошкент вилояти ҳокими Зойир Мирзаев Ёшлар комиссияси йиғилишида ҳар бир ёш ўз маҳалласи, қишлоғи тарихини яхши билиши кераклиги, шу мақсадда маҳаллалар тарихи бўйича ёшлар ўртасида танлов эълон қилиниши ва жамланган мақолалар китоб ҳолида нашр этилиши ҳақида гапирган эди.

🔺"Ёшлар кундалиги"да #Қишлоқларимиз_тарихидан лойиҳаси йўлга қўйилди. Бугун Оҳангарон туманидаги "Илғор" маҳалла фуқаролар йиғини ҳақида ҳикоя қиламиз.

🔘Илғор қишлоғи XX аср бошларида Ачамайли, 1917 йилдан бошлаб Октябрь номи билан аталиб келинган. ХХ асрнинг 20-йиллари охири - 30-йиллар бошига бориб коллективлаштириш ҳаракати бошланганда “Олдин” колхози ва қишлоқ совети ташкил этилган. “Олдин” қишлоқ советига Пардабой Холматов, Жўра Йўлдошев, Қаҳҳор Пардаев, Маматали Раимбобоев каби фидойи инсонлар раислик қилган.

📌Қишлоқ советига Қаҳҳор Пардаев раислик қилган кезлари (1937-1957 йилларда) маҳалла атрофидаги тўқайзорлар ўзлаштирилиб, деҳкончилик қилиш, экинлар экиш учун ўзлаштирилган. Маҳаллий аҳоли Қаҳҳор ака ўз маблағидан Иккинчи жаҳон уруши вақтида фашизмга қарши курашиш, танк ясаш учун 15 минг сўм пул бергани ҳақида кўп эслашади. Шу инсоннинг ташаббуси билан маҳалла кутубхонаси ва клуб қурилган.

✅ “Олдин” қишлоқ совети 1960 йилда “Облиқ” қишлоқ совети, тахминан 1970 йилларда “Серго”, деб ҳам аталган. 1988 йил “Сусам” қишлоқ советига қўшиб юборилган. 2013 йилда “Илғор” маҳалла фуқаролар йиғини номи билан қайта тикланган.

Севара Турғунова,
24 ёш, Илғор қишлоғи

* * *

Ҳурматли тенгдошим! "Ёшлар кундалиги" сизни ҳамкорликка чорлайди. Сизда ҳам маҳаллангиз (қишлоғингиз) тарихи ҳақида асосли маълумот бўлса, @Yoshlar_aloqada_bot га жўнатинг. Биз уни ўрганиб, ижтимоий тармоқдаги саҳифаларимизда эълон қиламиз.

Каналга уланиш:
https://t.iss.one/+tcc8Accr_k80OGNi

#Абитуриентлар_диққатига

❗️Олийгоҳга кириш учун балл тўплаш энди мактабдан бошланади.

Абитуриентларнинг мактабдаги баҳолари ОТМга киришда ҳисобга олинади.

📃 Ҳукуматнинг 19.11.2021 йил кунги қарори билан тасдиқланган низомга кўра, 2022/2023 ўқув йилидан бошлаб мактаб битирувчиларининг шаҳодатномасидаги 11 йиллик таълимнинг сўнгги 6 йиллик баҳолари ОТМга киришдаги балга қўшилади. Баҳолар электрон платформалар орқали ҳисобланади ва ДТМнинг “ABITUR” дастурига юборилади.

✅ Максимал балл 100 фоиз деб олинади ва баллар баҳо тизимига қуйидагича ўтказилади:

➖86-100% учун – 5 баҳо;

➖71-85% – 4 баҳо;

➖56-70% – 3 баҳо;

➖56%гача – 2 баҳо.

Бу тартиб 2022/2023 ўқув йили яъни, шу йил сентябрь ойидан бошланади.

Каналга уланиш:
https://t.iss.one/+tcc8Accr_k80OGNi