#топ_фактлар

⚡️1. Ҳиндистон 2012 йил 30-31 июль (700 миллион киши электр энергиясиз қолган).

⚡️2. Ҳиндистон 2001 йил 2 январь (230 миллион киши электр энергиясиз қолган).

⚡️3. Жава ва Бали, Индонезия 2005 йил 18 август (120 миллион киши электр энергиясиз қолган).

⚡️4. Жанубий Бразилия 1999 йил 11 март (97 миллион киши электр энергиясиз қолган).

⚡️5. Бразилия ва Парагвай 2009 йил 10 ноябрь (67 миллион киши электр энергиясиз қолган).

⚡️6. Италия 2003 йил 28 сентябрь (57 миллион киши электр энергиясиз қолган).

⚡️7. Шимолий Шарқий Америка Қўшма Штатлари ва Канада 2003 йил 14-15 август (50 миллион киши электр энергиясиз қолган).

Каналга уланиш:
https://t.iss.one/+tcc8Accr_k80OGNi

⚡️⚡️⚡️⚡️⚡️⚡️

🔺Электр энергияси таъминотида юзага келган узилишлар ва шу туфайли содир бўлаётган бошқа оқибатларни зудлик билан аниқлаш ҳамда ёрдам кўрсатиш бўйича Тошкент вилояти тезкор штаби ташкил этилган.

🔘Штаб аъзолари кечадан бошлаб фаолиятини бошлаган ва айни пайтда барча ҳудудлар, қишлоқлар, маҳаллаларда табиий газ, ичимлик суви, электр энергияси билан боғлиқ вазият назоратга олинган. Ҳудудлар билан тезкор ахборот алмашуви йўлга қўйилган.

❗️Штабга вилоят ҳокими Зойир Мирзаев раҳбарлик қилмоқда.

✅Вилоят штаби Фавқулодда вазиятлар бошқармаси биносида жойлашган ва барча керакли воситалар билан таъминланган.

▪️ Бугун штабда журналист ва блогерлар учун вилоят ҳокимининг ўринбосари Барҳаёт Мейлиев иштирокида матбуот анжумани бўлиб ўтди.

Каналга уланиш:
https://t.iss.one/+tcc8Accr_k80OGNi

#Тезкор_Ахборот

26 январь куни соат 12:00 ҳолатига вилоят бўйича электр таъминоти 51 фоизни ташкил этмоқда.

💡518 та маҳаллада электр таъминоти тўлиқ тикланган.

🚰Жами 568 та сув иншоотининг 334 таси ишлаяпти.

📊Ижтимоий соҳа объектлари ва кўп қаватли уйларни қамраб олган 49 та қозонхонанинг 22 таси одатий тартибда ишлаяпти.

Каналга уланиш:
https://t.iss.one/+tcc8Accr_k80OGNi

#Шошилинч

🔘Чирчик шаҳри. 8-кичик ноҳия, 13-10 сонли кўп қаватли уйга борувчи 0.4 кв метр узунликдаги ер ости кабели шикастланган. Таъмирлаш ишлари олиб борилмоқда. Бугун соат 17-00 га қадар электр таъминоти тикланади;

🔘Тошкент тумани. Ҳасанбой қишлоғида электр ўчди. Сабаблари ўрганилди ва юзага келган носозлик бартараф этилмоқда;

🔘Тошкент тумани. Тўлабий қишлоғидаги 3 та МФЙда сув таъминоти тикланмоқда. Айни пайтда резервуар тўлдирилмоқда;

⚠️Тошкент туманидаги 14 та МФЙда (аҳоли сони 5 минг 753 нафар) табиий газда узилиш юзага келди. 2 минг 933 та хонадонда табиий газ босими пастлигича қолмоқда. Бугун кечга қадар узилиш бартараф этилади, газ босими кўтарилади;

❗️Чирчиқ шаҳри. Марказий деҳқон бозорида ичимлик суви танқислиги билан боғлиқ гаплар асоссиз. Айни пайтда бозорда ичимлик суви барча дўконларда сотилаяпти, нарх-наво барқарор.

Каналга уланиш:
https://t.iss.one/+tcc8Accr_k80OGNi

#Видео #Маъруза

СИНОВЛИ КУНЛАРДА ЕНГИЛИБ ҚОЛМАЙЛИК...

Миродил домла Миржалилов
Тошкент вилояти бош имом-хатиби ўринбосари

Каналга уланиш:
https://t.iss.one/+tcc8Accr_k80OGNi

БУГУН ХАЛҚАРО ИНТЕРНЕТСИЗ КУН – СИЗ ИНТЕРНЕТСИЗ ЯШАЙ ОЛАСИЗМИ?

🌐Бугун халқаро миқёсда интернетсиз кун ҳисобланади. Ушбу санада баъзи мамлакатларда одамлар интернетдан фойдаланишмайди, сайрга чиқишади, оила даврасида, ўзаро суҳбатлашиб вақтичоғлик қилишади.

💡Электр энергияси билан боғлиқ кенг миқёсли узилишлар кузатилгач, айрим ҳудудларда интернет вақтинча ишламай қолди. Лекин узилиш ва секинлашиш жуда қисқа вақт давом этди ва асосий аудитория алоқасиз, интернетсиз қолгани йўқ.

⁉️Хўш, интернетнинг ҳаётимиздаги ўрни қандай? Интернетсиз яшай оламизми? "Ёшлар кундалиги" шу саволлар билан Нурафшон шаҳри аҳолисига юзланди. Жавоблар видеода.

Каналга уланиш:
https://t.iss.one/+tcc8Accr_k80OGNi

​​ЯХШИЛИК ҲАМ, ЁМОНЛИКДАН ҲАМ АЛЛОҲДАН!

Бисмиллаҳир роҳманир роҳийм.

Ҳаётимиз бир текисдан иборат эмас: шоду хуррам, фаровон турмушимиз билан бир қаторда баъзан айрим қийинчиликлар ҳам бўлиб туриши табиий ҳол. Ана шундай қийин дамларда Буюк Раббимизга кўпроқ тавба ва истиғфорлар айтишимиз керак.

Хабарингиз бор, куни кеча бутун республикамиз бўйлаб электр энергиясидан узилишлар кузатилди. Бу ҳолатни интернет сайтлари, ижтимоий тармоқлар орқали одамлар ҳар хил талқин қилишди. Кимдир асоссиз гаплар тарқатиб, одамларнинг ваҳимага тушишига ҳам сабаб бўлди.

Аслида, ҳақиқий мўмин киши ҳар қандай ҳолатда ҳам Аллоҳ таолонинг ояти каримасини унутмаслиги, динимиз талабларига қатъий риоя қилиши шарт. Ким нима деса, ишониб кетавериш бизга ярашмайди.

Мусулмон киши бирор масала чиқса: «Фалончи нима дебди, писмадончи-чи?» деб эмас, балки Аллоҳ таоло ва Унинг Расули соллаллоҳу алайҳи ва саллам айтганларини ўзига ҳужжат қилади.

Бирор нарсани эшитсак, ўқисак ёки кўрсак, аввало, доимий ва асосий манбаимиз – Қуръони карим ва ҳадиси шарифларга мурожаат қилишимиз керак. Бу муқаддас ва муборак манбалар, мана, 15 асрдан бери инсониятга маънавий, руҳий маёқ бўлиб келмоқда.

Аллоҳ таоло Қуръони каримда: «Эй мўминлар! Агар сизларга бирор фосиқ кимса хабар келтирса, сизлар (ҳақиқий аҳволни) билмаган ҳолингизда бирор қавмга азият етказиб қўйиб, (кейин) қилган ишларингизга пушаймон бўлмаслигингиз учун (у хабарни) аниқлаб (текшириб) кўрингиз!» (Ҳужурот сураси, 6-оят).

Кеча чироқ ўчиши билан ҳар хил асоссиз гаплар, хусусан, “уч кун свет бўлмас экан”, “Свет бўлмагандан кейин сув ҳам бўлмайди. Шунинг учун бир ҳафтага етадиган нонни, сувни, шамни ғамлаб олиш керак”, мазмундаги сўзлар тарқала бошлади.

Интернет ва ижтимоий тармоқларда тарқалган бундай хабарларни ўқиган кишилар озиқ-овқат ва бошқа зарурий ашёларни харид қилишга тушиб кетди. Вазиятдан унумли фойдаланишни кўзлаган “уддабурон тадбиркорлар” сув, нон ва шамларнинг нархларини икки-уч баробарга кўтариб юборишди.

Аслида, Аллоҳ таоло марҳамат қилади: “Ерда ўрмаловчи бирор нарса (жонзот) йўқки, унинг ризқи (таъминоти) Аллоҳнинг зиммасида бўлмаса! (У) унинг қароргоҳини ҳам, оромгоҳини ҳам билур. Ҳаммаси аниқ Китоб (Лавҳул маҳфуз)да (ёзилган)дир” (Ҳуд сураси, 6-оят).

Электр энергиясида кузатилган узилишлардан фойдаланиб, нархни сунъий ошириб фойда кўраман дейиш мусулмон кишига асло ярашмайди. Ахир, барчамиз мўминмиз, мусулмонмиз. Ўз юртдошларимизга, биродарларимизга қандай зарар етказишимиз ёки пайтдан фойдаланиб, уларни ортиқча харажатларга қўйишимиз мумкин?!

Савдода ҳаром қилинган ишлардан бири эҳтикор (монополия)дир. Эҳтикор – нархни сунъий ошириш дегани. Нархни сунъий оширишда ким жабр кўради – халқ жабр кўради.

Уламоларимиз – фирибгарлик, қаллоблик, тарозидан уриш, судхўрлик, зўравонлик, қароқчилик, монополия қилиб олиш, нархни сунъий равишда ошириш каби барча иллатларни шариатга хилоф бўлган ҳаром амаллардан деганлар.

Муҳтарам биродарлар!

Яхшилик ҳам, ёмонлик ҳам Аллоҳ таолодан эканини унутмайлик! Ҳар хил вазиятлар, ҳолатлар содир бўлиши мумкин. Барчасига сабр қилиб, юртдошларимизга, мўмин-мусулмонларга ёрдам қилишимиз зарур. Шунда Аллоҳ таоло бизлардан рози бўлади.

Жасур домла Раупов,
вилоят бош имом-хатиби.

⚡️⚡️⚡️⚡️⚡️

Тошкент вилояти ИИББ — 7 кун 24 соат сиз билан биргамиз, ёрдамга тайёрмиз!

Мавжуд вазиятдан келиб чиқиб, вилоят ҳудудида осойишталикни сақлаш, фуқаролар ва уларнинг мулкларига зиён етказилишини олдини олиш ва йўлларда хавфсизликни таъминлашга барча шахсий таркиб жалб этилган.

Айни дам, тунги хизматга киришган патруллик гуруҳларига фуқароларимиз ҳам ҳайриҳоҳлик қилишмоқда. Тунингиз осуда ўтсин.

Каналга уланиш:
https://t.iss.one/+tcc8Accr_k80OGNi