⚡️Yaqinda “bo‘lajak tadbirkorlar bilan muloqot o‘tkazsak” deb shu yerda yozgan edim. Post izohlarida 700 dan ortiq izohlar yozilgan va bu juda quvonarli holat, ammo ko‘tarilgan ko‘plab masalalarda juda oddiy hisob-kitoblar ham aytilmagan. Menimcha, yoshlarni tadbirkor bo‘lishlarida eng muhim omil har doim ham mablag‘ yoki pul emas, aksincha bilim. Chunki tadbirkorlik — jamiyatdagi ehtiyoj yoki muammoni aniqlab, unga samarali hamda kreativ yechim bera olishda.

Shu fikrlar hayolimdan o‘tar ekan, o‘zbek yoshlari hatto global bozorlardagi ehtiyojlarni ham aniqlay olayotgani, jahon bozorida raqobatbardosh mahsulotlar yaratayotganlari meni juda quvontirdi. Misol uchun, AQShda muvaffaqiyatli faoliyat yuritayotgan va $750 000 investitsiya olgan DataTruck startapi asoschisi Shohruh Rahmanov bilan Davron Parmonov suhbatiga ko‘zim tushdi.

Fikrlash, muammoni aniqlay olish hamda global bozorga chiqish uchun bu intervyuni albatta ko‘rishingizni, shuningdek tadbirkor do‘stlaringizga ham ulashishingizni so‘rab qolaman. Bizga nafaqat mahalliy bozor, global bozorga ham chiqa oladigan tadbirkorlar avlodi kerak.

👉 Marhamat, to‘liq intervyuni ko‘rib, o‘z fikrlaringiz bilan albatta bo‘lishing!

#Bandlik
#Surxondaryo_viloyati

“Yoshlar daftari” – imkoniyatlar daftari

Surxondaryo viloyati Termiz tumani “Qoraxon” mahallasidan Tojiyev Doston yoshlar yetakchisi ko'magi asosida e-auksion orqali Davlatimiz rahbarining 153-sonli Qaroriga muvofiq yer maydoniga ega bo'ldi. Doston yer maydoniga ega bo'lgan kundan boshlab yerga oʻtgan yili yeryongʻoq ekib 50 million daromad koʻrdi. Bu yili esa yerda pomidor ko'chatini ekib mehr bilan yetishtirmoqda va 70-80 million daromad olishni maqsad qilgan.

Telegram | Facebook | Instagram

#Bandlik
#Andijon_viloyati

⚡️Mehnat qadr topishga eltadi

➖Andijonlik Dilafruz Sarimsaqova yoshlar yetakchisining ko‘magi bilan “Yoshlar daftari” orqali 2 ta tikuv mashinasi olgan va shu orqali o‘z biznesini boshlagan. Keyinchalik 10 million so‘mlik imtiyozli kredit olib, ishini kengaytirdi. Bugungi kunda u o‘z xonadonida 4 nafar qizni ish bilan ta’minladi.

➖Bu kabi yoshlarimizning sa’y-harakatlari ularga mehnat orqali qadr topish imkonini beradi.

Telegram | Facebook | Instagram

#Bandlik
#Fargona_viloyati

⚡️Mehnat qilgan qadr topadi

➖Farg'ona viloyati Buvayda tumani Bachqir mahallasida 2024-yil “Yoshlar daftari” tizimi orqali ishsiz yosh Umidjon Yoqibovga bandligini ta’minlash maqsadida ‘‘Motokultuvator‘‘ asbob-uskunasi ajratilgan. Ushbu jarayonda ajratilgan subsidiyaning bugungi kundagi samarasini ko’rishingiz mumkin.

Telegram | Facebook | Instagram

⚡️Kitobxonlar tayyormisiz?

Millionlab yoshlarni, yosh oilalarni kitobxonlik yo‘lida birlashtirib, iqtidor egalarini kashf etayotgan “Yosh kitobxon” va “Yosh kitobxon oila” tanlovlarining yangi mavsum uchun kitoblar ro‘yxatini e’lon qilamiz!

➖“Yosh kitobxon” kitoblar ro‘yxati

➖“Yosh kitobxon oila” kitoblar ro‘yxati

👏Barcha kitobxonlarga omad tilaymiz!

@alisher_sadullaev

#Bandlik
#Qashqadaryo_viloyati

Katta orzular ortida katta mehnat yotadi!

Qashqadaryo viloyati, G‘uzor tumanida “Yoshlar daftari” tizimi orqali ishsiz yoshlarga imtiyozli yer maydonlari ajratildi. Bugungi kunda ular ushbu yer maydonidan oqilona foydalanib, o‘z hayotini o‘zgartirish yo‘lida dadil qadam tashlamoqda. Bu yoshlar mehnatga tayanib, orzularini ro‘yobga chiqarayotgan zamonaviy qahramonlardir.

Telegram | Facebook | Instagram

#Bandlik
#Samarqand_viloyati

Olimjon yerdan unumli foydalanmoqda

Bugungi kunda Samarqand viloyatida 20 mingdan oshiq yoshlarga 7 ming  gektar yer maydonlari ochiq savdolar orqali 30 yilga ijara asosida dehqonchilik uchun ajratildi.

Birgina Samarqand viloyati Payariq tumani Xalqabod mahallasida yashovchi Olimjon Tuyg'unov va uning turmush o'rtog'i Tuyg'unova Shohista yosh oila sifatida "Yoshlar daftari" ro'yxatiga kirib,  o'z mahallasi hududidan har ikkisi uchun 25 sotixdan 50 sotix yer maydonini auksion orqali ijaraga oldi va hozirda yerdan yaxshigina daromad olmoqda.

Yana bir ahamiyatli jihati Olimjon olislarda emas qishlog'ida, o'z oilasi oldida ishlashni tanladi va u yurtimizda yoshlarga berilayotgan imkoniyatdan foydalandi.

Telegram | Facebook | Instagram

#Bandlik
#Surxondaryo_viloyati

"Yoshlar daftari — imkoniyatlar daftari"

⚡️Surxondaryo viloyati Qumqo'rg'on tumani "Uyas" mahallasida istiqomat qilmoqchi Norqulov Ixtiyor hozirgi kunda issiqxonada oilaviy ishlab daromadni yo'lga qo'ygan.

Telegram | Facebook | Instagram

Farzandining bilimi uchun bor mehrini ayamayotgan ota-onalarga chin yurakdan ta’zim qilaman. Shunday fidoyi ota-onalarga ega boʻlgan yoshlarga esa, bu mehrning qadriga yetishlarini samimiyat bilan soʻrab qolaman.

@alisher_sadullaev

Onajonim – mehribonim 🌸❤️

Bugun onamlarning duolarini olgani Jizzaxga, uyimizga kelgandim. Odatda xizmat safari bilan uyga kirib o'tardim, lekin bugun astoyidil onamni ko'rgim keldi, rosa sog'ingandim.

Tushdan keyin hamma ishlarni tashlab onamga o'zimni bag'ishlagim keldi, bolalikni eslab, ularni to'yib quchoqladim, qalbim taskin topdi, orom oldim.

Ayni o'sha vaqtda bolalikdagi voqealar, bosib o'tilgan og'ir yo'l-u, sinovlar hammasi ko'z oldimdan o'tdi. Hammasi ko'z oldimdan o'tadiyu, onamning mehri, hokisorligi barchasini yuvib ketadi. Onalarimiz bor bo'lishsin, umrlari uzoq bo'lsin.

P.S. Aytgancha sizlarga bir yangilikni aytolmay yurgandim. Shu kunlarda Stanford universitetiga o'qishga jo'nab ketaman. Bu ham katta tajriba, hayotimdagi katta burilish. Hali ko'p yangiliklarni e'lon qilib boraman. Harakatlarimiz yoshlarimiz uchun manfaatli hamda xayrli bo'lsin.

#Bandlik
#Surxondaryo_viloyati

⚡️Surxondaryo viloyati Oltinsoy tumani “Qoratepa” mahallasidan Sanjar Diyorov mahalla yoshlar yetakchisi ko'magi asosida e-auksion orqali yer maydoniga ega bo'ldi. Bu esa o'z o'rnida dehqonchilik qilish va qo'shimcha daromad topishga imkon yaratadi.

Sanjar yil boshidan ajratilgan yer maydonidan foydalangan holda karam yetishtirib 170 million soʻm daromad qilib, izidan pomidor yetishtirmoqda va yaxshi daromad koʻrishni koʻzlab turibdi.

Telegram | Facebook | Instagram

#Bandlik
#Fargona_viloyati

🎉 Yoshlar kunidan – Yoshlar kunigacha: Farg‘ona tumanida nimalar bo‘ldi?

Farg'ona viloyati, Farg'ona tumani "Yordon" mahalla yoshlar yetakchisi tashabbusi bilan 20 nafar xotin-qiz bir joyda birlashib, tikuvchilik faoliyatini yo‘lga qo‘ydi. Eng e’tiborlisi, bu yo‘lda ularga “Yoshlar daftari” orqali asosida tikuv mashinalari ajratildi.

Ular bugun tikkan kiyimlari orqali nafaqat mahalladagi ehtiyojni qondirmoqda, balki yaqin-atrofdagi bozorlarga ham mahsulot yetkazmoqda.

Telegram | Facebook | Instagram

⚡️Ertaga qanday kun, do'stlar?

Bugun 31 yoshga to‘ldim. Hayot nihoyatda tez va hayratlanarli o‘tmoqda. Stanfordda turib do‘stlar yo’llagan tabrik va tilaklarni o‘qiyapman-u bolalik orzularim yodga tushmoqda. Tabiiyki, eng unutilmas xotiralar onam bilan bog‘liq. Ehtimol, Siz tanigan bugungi Alisher shaxsining shakllanishiga o‘sha voqealar sabab bo‘lgandir.

…Taxminan 15 yil oldin. Ingliz tilini o‘rganishni endi boshlagandim. Uyimiz shaharga yaqin edi. Bir kuni shahardagi o‘quv markaziga bordim. Hayajondaman. Maqsad: O‘zbekistondagi nufuzli universitetlardan birida o‘qish, keyinchalik ota-onam duosi bilan yaxshi joyda ishlash va yurtga xizmat qilish.

Afsuski, markazda mening darajamga mos boshlang‘ich guruhlar yo‘q ekan. Shu sabab meni olti oydan beri ingliz tilini o‘rganayotgan, savol tuzib, javob bera oladigan darajaga yetgan guruhga qo’shishdi.

Birinchi darsda juda hayajonlandim. O‘qituvchimiz darsni “Nega ingliz tilini o‘rganyapsiz?” degan savol bilan boshladi. Inglizcha javob berilishi kerak bo‘lgan savolga tayyormasdim. Bosim, hayajon, chorasizlik…

Yonimdagi boladan o‘zbekcha jumlani ingliz tiliga tarjima qilib berishini iltimos qildim. Yaxshiyamki, partadoshim ingliz tilini ancha tushunib qolgan ekan, aytgan fikrimni ingliz tiliga o‘girib berdi.

Navbat menga keldi. O‘qituvchimiz savolni takrorladi. Men esa: “Because of my mom,” deb javob berdim. Sinfda kutilmaganda qattiq kulgi ko‘tarildi. Hamma kulardi. Bir zumda sinfdagi harorat o‘zgardi. Qizarib ketganim o‘zimga-da bilindi. “Shunchalar kulgili xato qildimmi? Hammasi ustimdan kulyaptimi?” degan fikr chaqmoqdek chaqib o‘tdi.

Yashirinishga joy, qochishga kuch yo‘q edi. Shu payt o‘qituvchi hammaga “to‘xtanglar” degan ishora qilib, savolni takrorladi. Men ham o‘sha javobni qayta aytdim. Bu safar o‘qituvchimiz sabab jiddiyligini sezganday, chuqurroq tahlil qilishga kirishdi. “Why because of your mom?” deb so‘radi. Men o‘zbek tilida javob berdim: “Onam ancha yildan beri bir dard bilan kurashmoqda. Davoni o‘zbek tilidagi adabiyotlardan hamda mahalliy tibbiyot xodimlaridan topolmadim. Shu sababli xorijiy ilmiy manbalardan izlashga qaror qildim.”

Biroz oldin gulduros kulgidan zirillagan xonaga allaqanday sukunat cho‘kdi. Hamma jim. Kulganlar qizarib, uyalganday bo‘lib qolishdi. Meni bu holat hayron qoldirmadi. Chunki bunday qarashlarga allaqachon ko‘nikkandim. Maktabda, mahallada, ko‘chada…

O‘quv markazidagi birinchi haftada o‘qituvchim ingliz tilini yaxshi tushunib muloqot qilishim uchun “Oxford 3000 Essential Words” ro‘yxatini yodlashimni tavsiya qildi. Eslasam, o‘sha davrlarda kuniga 17-18 soat dars qilgan ekanman. Hovlidagi barcha xo‘jalik ishlarini qo‘limda lug‘at, kitob bilan bajarardim. Surunkali tayyorgarlik sabab ilk haftada 1000 ta so‘z yodladim va sezilarli o‘sishni his qildim. Keyingi bosqich – grammatika edi. Taxminan 6 oy ichida bir necha bor yuqori guruhlarga o‘tib, IELTS darajasiga chiqib oldim.

Bu yangi daraja edi, lekin uni ham uddalasa bo‘lardi. Guruh kuchli, lekin menda onam uchun qilinayotgan harakat undan-da kuchli edi. Bu bosqichga kelib, xorijiy tadqiqotlarni o‘qib, tushuna boshlagandim…

Oradan yillar o‘tdi. Xudoga shukr, bugun onam ancha bardam. Dadam va opalarim menga bu yo‘lda juda katta yordam berishdi.

Tasodifni qarangki, bugun Stanfordda menga yana shunday mazmundagi savol berishdi: “Qanday qilib Stanfordga keldingiz? Sizni bu yerga nima yetaklab keldi?”

Men esa yana o‘sha qadrli, eng ahamiyatli javobni berdim: “Because of my mom.”

Onajon, Otajon! Meni bu dunyoga keltirganingiz uchun rahmat! Bu umrni Prezidentimiz rahbarligidagi jamoada yoshlarga katta imkoniyatlar, loyihalar, yaxshiliklar yaratish yo‘lida sarflash – mening eng katta, eng oliy maqsadim.

@alisher_sadullaev