#Онлайн

Конституциямизнинг 31 йиллиги арафасида янги мактаб биноси фойдаланишга топширилди

Конституциямиз қабул қилинганлигининг 31 йиллиги арафасида Косонсой туманидаги 31-сонли мактабнинг филиали ишга тушди.

Жорий йилда мазкур 31-сонли мактаб филиалида инвестиция давлат дастури доирасида 3 млрд. 170 млн. сўм эвазига 160 ўринли янги ўқув биноси қуриб битказилди.

Филиалнинг очилиш маросимида вилоят ҳокими Шавкатжон Абдураззоқов бошчилигидаги вилоят ва туман раҳбарлари, нуронийлар, кенг жамоатчилик ҳамда ОАВ вакиллари иштирок этдилар.

#Онлайн

Кичик саноат зонасида яна бир лойиҳа ишга тушди

Конституциямизнинг 31 йиллиги арафасида Косонсой туманидаги "Намуна" кичик саноат зонасида "Косонсой томат пастаси" МЧЖ томонидан лойиҳа қиймати 20 млрд. сўм бўлган томат пастаси ишлаб чиқариш ва экспортини амалга ошириш лойиҳаси ишга тушди.

30 та иш ўрни яратилган корхона йилига 500 минг долларлик маҳсулот экспорт қилади.

Лойиҳасининг очилиш маросимида вилоят ҳокими Шавкатжон Абдуразаков, туман сектор раҳбарлари, нуронийлар ҳамда кенг жамоатчилик вакиллари иштирок этдилар.

Ёшлик маҳалласида аҳоли мурожаатлари жойида ўрганилди

Янги Наманган туманининг 1-сектор раҳбари Ёшлик маҳалласида бўлиб, аҳоли мурожаатларини тинглади.

Юзма-юз мулоқотда маҳалланинг айрим кўчаларида электр, сув таъминотини яхшилаш, йўлларни созлаш каби масалалар бўйича мурожаат келиб тушди.

Ушбу масалаларни ечимга келтириш ва аҳолига қулай турмуш шароитини яратиш бўйича масъулларга зарурий топшириқлар берилди.

Янги Наманган тумани ҳокимлиги ахборот хизмати

Telegram | Facebook | Instagram | Sayt