Yoshlar orasida sog‘lom tafakkur va ma’rifat targ‘iboti kuchaymoqda

Yoshlar orasida giyohvandlik va psixotrop moddalar targ‘ibotining oldini olish, ularda sog‘lom fikrlash va ma’rifatga intilishni shakllantirish maqsadida yangi tashabbuslar amalga oshirildi.

Namangan shahridagi yer osti o‘tish yo‘llari va devorlarga yozib ketilgan turli yot g‘oyalarga targ‘ib qiluvchi yozuvlar o‘rniga “Ilmning nuri zulmatni parchalaydi!” shiori ostida yoshlar uchun “USTOZ AI”, “IBRAT FARZANDLARI”, “MUTOLAA”, “UZ CHESS” va “QIZLAR AKADEMIYASI” kabi loyihalarning faol targ‘iboti yo‘lga qo‘yildi.

Ushbu tashabbuslar yoshlarning ilm-fan, kelajak kasblar, kitob mutolaasi va shaxmatga bo‘lgan qiziqishlarini oshirish, ularga yangi bilim va ko‘nikmalarni o‘rgatishga qaratilgan.

Bunday ishlar yoshlar o‘rtasida nafaqat zararli illatlarga qarshi kurashni kuchaytiradi, balki ularga yorqin kelajak sari intilishda yangi imkoniyatlar eshigini ochadi.

Yoshlarni sog‘lom va samarali hayot tarzi tomon chorlash – jamiyatning eng muhim vazifalaridan biri!

Bizning sahifalarimiz:
✅Telegram | ✅Instagram | ✅Facebook‌‌

2010-yilda tug‘ilgan futbolchilar o‘rtasidagi “O‘zbekiston futbol assotsiatsiyasi birinchiligi” yakunlandi.

Qoraqalpog‘iston Respublikasi, Toshkent shahar va viloyatlar akademiyalari hamda futbol maktablari, professional futbol klublari qoshidagi akademiyalar va xususiy futbol maktablarining U-14 jamoalari ishtirok etgan musobaqada “Odil Ahmedov futbol akademiyasi” jamoasi g‘alaba qozondi. “Namangan futbol akademiyasi” kumush, “Bunyodkor” jamoasi esa bronza medallarini qo‘lga kiritdi.

Musobaqaning eng yaxshi futbolchisi sifatida Namangan shahar, Ravnaq mahallasida yashovchi – Behruz Samatov (“Odil Ahmedov FA”) e'tirof etildi.

Bundan oldingi 22-26 oktyabrda Qirg'iziston Respublikasida o'tkazilgan U-14 Talents Cupda turnirning eng yaxshi to'purari deb topilgan edi.

Behruzbekga bundan keyingi faoliyatida omad tilab qolamiz!

Bizning sahifalarimiz:
✅Telegram | ✅Instagram | ✅Facebook‌‌

Yangi Namangan tumani yoshlari berilgan imkoniyatdan samarali foydalanmoqda

Yangi Namangan tumanida aholi, ayniqsa yoshlar bandligini ta’minlash choralari ko‘rilmoqda, ularni foydali mehnatga jalb etib, daromad topishiga sharoit yaratilmoqda.

Tumanning Furqat nomli mahallasida yashovchi Rahima Nuriddinova qandolatchilik bilan shug‘ullanadi, unga bir yil avval subsidiya asosida mini pech olib berilgan.

Rahima dastlab uyda shirinliklar tayyorlab, daromad topa boshlagan bo‘lsa, hozirda kichik syexda faoliyatini kengaytirgan holda turli xil pishiriq va yarim tayyor mahsulotlar ishlab chiqarmoqda. Shogird va ishchilari bilan birgalikda “Ra’nosha keyk” brendi ostida 20 turdagi mahsulotlar tayyorlab, ichki bozorga yetkazmoqda.

Yosh tadbirkorning kelgusi rejalari ham katta, o‘z mahsulotlarni sotish uchun maxsus do‘kon ochib, qo‘shimcha ish o‘rinlari yaratishni maqsad qilgan.

Bizning sahifalarimiz:
✅Telegram | ✅Instagram | ✅Facebook‌‌