⚡️Bugun Urganch davlat universiteti Yoshlar ittifoqi boshlang‘ich tashkiloti bilan hamkorlikda Jaloliddin Manguberdi nomidagi harbiy-akademik litseyida "Harbiy-vatanparvarlik" mavzusida “Zakovat” intellektual oʻyini oʻtkazildi.

✅ Unda litsey o'quvchilari faol ishtirok etib, o'z bilimlarini sinovdan o'tkazishdi. 8 ta jamoa o‘rtasida o‘tgan turnir yakuniga ko‘ra 1-o‘rinni "Al-Xorazmiy" jamoasi qo‘lga kiritdi. G'olib jamoaga "Zakovat intellektual klubi" NNT hududiy koordinatori I.Babajanov tomonidan litesy ko‘chma kubogi topshirildi va universitetning esdalik sovg'alari bilan taqdirlandilar.

👉 @Xorazm_ZakovatNNT

“Zakovat intellektual klubi” NNT - “Gender tenglik faoli” milliy tanlovida g‘olib bo‘ldi!

Bugun “Gender tenglik faoli” milliy tanlovining respublika bosqichi g‘oliblarini taqdirlash marosimi bo‘lib o‘tdi. Tanlovning “Gender tenglikni taʼminlashda eng faol NNT” nominatsiyasida – “Zakovat” intellektual klubi” NNT O‘zbekiston Milliy media birlashmasi bilan birgalikda g‘olib deb topildi!

Ma’lumot uchun, ushbu tanlov Xotin-qizlarning jamiyatdagi rolini oshirish, gender tenglik va oila masalalari bo‘yicha Respublika komissiyasi tashabbusi bilan har yili anʼanaviy tarzda o‘tkazib kelinmoqda. Tanlovni tashkil etishdan asosiy maqsad har bir tashkilotda gender tenglikni taʼminlashga qaratilgan siyosatni shakllantirish, sohada amalga oshirilayotgan ilg‘or tajribalarni aniqlash va ommalashtirish hamda xotin-qizlarning huquq va manfaatlarini himoya qilishdan iborat.

Tanlovda jami 934 ta tashkilot va muassasalar ishtirok etib, ular orasidan 10 ta nominatsiya bo‘yicha g‘oliblar aniqlandi.

@zakovatharakati