#Сўраган_эдингиз

Қишки таътил вақтида мактабларда тўгараклар фаолиятига рухсат бериладими?

САВОЛ: Ўқувчиларнинг қишки таътили узайтирилганига қарамай айрим “ташаббускор” раҳбарлар ўқувчиларни мактабга чақириб ёппасига фан тўгаракаларига ёки тадбирлар уюштириб, унга жалб қилиши тўғрими?

ЖАВОБ: Таътил кунлари тугагунга қадар ўқувчиларни бевосита мактабларда ташкил этадиган тўгараклар, шунингдек, “Баркамол авлод” болалар мактабларининг тармоқ тўгараклари ва ҳар қандай тадбирларга жалб этиш тақиқланади.

Ушбу вақт давомида ўқитувчилар мактабда халқаро стандартлар асосида ишлаб чиқарилган Миллий ўқув дастурлари асосида малакаларини ошириш курсларида қатнашишлари талаб этилади ҳамда онлайн равишда турли тўгараклар ва танловлар ташкил этиш тавсия этилади.

Шунингдек, бугундан бошлаб Республика миқёсида ўтказилаётган “Умид ниҳоллари-2022” спорт мусобақаларининг туман ва шаҳар босқичларини ўтказиш тўхтатилганини маълум қиламиз.


Халқ таълими вазирлигининг расмий саҳифаларига уланиш
Telegram | Youtube | Facebook |

#Сўраган_эдингиз

ЁШЛАР ЕТАКЧИСИГА ҚАНДАЙ ТУРДАГИ ПУЛЛИК КОМПЕНСАЦИЯЛАР ТЎЛАБ БЕРИЛИШИ МУМКИН?

#Савол
Ёшлар етакчиси штати қисқаришга тушди, ўзаро келишув асосида 2 ойлик огоҳлантириш муддати пуллик компенсацияга алмаштирилди. Етакчига яна компенсация тўланиши керакми, агар тўланса қанча? Етакчининг ўртача иш ҳақи 2 млн 299 минг сўм бўлган.

#Жавоб
Меҳнат кодексининг 67-моддасида меҳнат шартномаси алоҳида асосларга (89-модданинг тўртинчи қисми, 100-модда иккинчи қисмининг 1,2 ва 6-бандлари, 106-модданинг 2-банди) кўра бекор қилинганда моддий мадад бериш учун белгиланган қўшимча кафолатлар назарда тутилган.

Унга кўра, юқоридаги асосларга кўра шартнома бекор қилинса ходимга барча ҳисоб-китоблар (иш ҳақи, фойдаланилмаган таътиллар учун компенсация) тўланганидан ташқари иш қидириш даврида 2 ойдан ортиқ бўлмаган давр мобайнида ходимларнинг ўртача ойлик иш ҳақи сақланиб қолади, бунда ходимга тўланган 1 ойлик ишдан бўшатиш нафақаси ҳам қўшиб ҳисобга олинади.

Эътибор беринг, ходимга тўланган 1 ойлик ишдан бўшатиш нафақаси ҳам қўшиб ҳисобга олинади дейилмоқда. Шартнома 1 февралдан бекор қилинган бўлса, ишдан бўшатиш нафақаси февраль ойи учун берилади ва март ойи учун иш қидириш даврида ўртача ойлик иш ҳақи сақланиб қолади.

Агар ходим юқоридаги асослардан бири билан меҳнат шартномаси бекор қилинган кундан бошлаб 30 календар кун мобайнида маҳаллий меҳнат органида иш қидираётган шахс сифатида рўйхатдан ўтса, маҳаллий меҳнат органи берган маълумотномага биноан 3 ой учун ҳам олдинги иш жойларидан ўртача иш ҳақи олиш ҳуқуқига эга бўлади.

Ёшлар етакчиларининг вазиятида мактаб директорлари меҳнат шартномаси бекор қилиниши нияти ҳақида, уларни Меҳнат кодекси 102-моддасининг биринчи қисмига кўра камида 2 ой олдин огоҳлантириши шарт ва бу огоҳлантириш муддати уларга мувофиқ келадиган пуллик компенсацияга фақатгина тарафлар келишувига кўра алмаштирилиши мумкин.

Огоҳлантириш муддати пуллик компенсацияга алмаштирилганда, ходимнинг Меҳнат кодекси 67-моддасининг 1 ва 3 -қисмларида назарда тутилган моддий мадад олишга оид қўшимча кафолатлари сақланиб қолади, ҳамда у меҳнат шартномаси бекор қилингандан сўнг 2 ва 3 ойлар давомида ишга жойлашмаган тақдирда унга 2 ва 3 ойлар учун илгариги иш жойидан ўртача иш ҳақини тўлаш муддатлари ҳам ўзгармайди.

Мисол учун, ўзаро келишув асосида 2 ойлик огоҳлантириш муддати пуллик компенсацияга алмаштирилди ва қисқаришга тушган ходим билан шартнома бекор қилинди дейлик. Бунда, МК 67 ва 109-моддалардаги кафолатлар ҳам сақланиб қолади.

Ёшлар етакчисининг ўртача иш ҳақи – 2 млн 299 минг. Демак, унга иш қидириш даврида 2 ойдан ортиқ бўлмаган давр мобайнида етакчининг ўртача ойлик иш ҳақи сақланиб қолади, бунда ходимга тўланган 1 ойлик ишдан бўшатиш нафақаси ҳам қўшиб ҳисобга олинади.

Яна бир бор эътибор беринг, ёшлар етакчиларига тўланган 1 ойлик ишдан бўшатиш нафақаси ҳам қўшиб ҳисобга олинади дейилмоқда. Яъни 2 ойлик даврнинг биринчи ойини ишдан бўшатиш нафақаси қамраб олади. Демак, 2 млн 299 минг+2 млн 299 минг=4 млн 598 минг сўм.

Агар ёшлар етакчилари меҳнат шартномаси бекор қилинган кундан бошлаб 30 календар кун мобайнида маҳаллий меҳнат органида иш қидираётган шахс сифатида рўйхатдан ўтса, маҳаллий меҳнат органи берган маълумотномага биноан 3 ой учун ҳам ўртача иш ҳақи олиш ҳуқуқига эга бўлади: 2 млн 299 минг+2 млн 299 минг+2 млн 299 минг=6 млн 897 минг сўм.

Демак, бу вазиятда уларга 2 ойлик пуллик компенсациядан ташқари яна 6 млн 897 минг сўм берилиши керак бўлади. (3-ой учун агар иш қидираётган шахс сифатида рўйхатдан ўтса, агар рўйхатдан ўтмаса унда фақат 4 млн 598 минг тўланади, агар шартнома бекор қилинибоқ ишга кирганда эса фақатгина ишдан бўшатиш нафақасининг ўзи 2 млн 299 минг тўланади.

❕Саволга меҳнат ҳуқуқи бўйича мутахасис Муҳаммадамин Каримжонов жавоб берди.

#Сўраган_эдингиз
#Qabul_2022

❓Prezident ta'lim muassasalari agentligi tizimidagi ijod maktablariga necha nafar o'quvchi qabul qilinadi?

✅2022-2023-o'quv yilida Agentlik tizimidagi barcha ijod maktablarga qabul 7-sinfga bo'lib o'tadi.

❗️Mazkur maktablarga qabul kvotasi doirasida:

🔸Abdulla Oripov nomidagi ijod maktabiga 40 nafar,
🔸 Erkin Vohidov nomidagi ijod maktabiga 40 nafar
🔸Muhammad Rizo Ogahiy nomidagi ijod maktabiga 40 nafar
🔸Is’hoqxon Ibrat nomidagi ijod maktabiga 20 nafar,
🔸Halima Xudoyberdiyeva nomidagi ijod maktabiga 40 nafar,
🔸Abdulla Qodiriy nomidagi ijod maktabiga 40 nafar,
🔸Muhammad Yusuf nomidagi ijod maktabiga 40 nafar,
🔸Hamid Olimjon va Zulfiya nomidagi ijod maktabiga 40 nafar va
🔸Ibroyim Yusupov nomidagi ijod maktabiga 40 nafar o'quvchi qabul qilinadi.

❗️O'quv yili yakunlangandan so'ng, o'quvchilar sonidan kelib chiqib, maktabning qabul kvotasi o'zgartirilishi mumkin.

☎️Call-markaz raqami: 1206
Veb-sayt: piima.uz
Telegram: piimauz
Facebook: piima.uz
Instagram: piima.uz

#Мактабгача_таълим
#Сўраган_эдингиз

❓Davlat maktabgacha ta’lim tashkilotlarida bola ta’minoti uchun ota-onalar to‘lovi haqida ma'lumot bersangiz.

✅ Davlat maktabgacha ta’lim tashkilotlarida bola ta’minoti uchun ota-onalar to‘lovi miqdorlari Vazirlar Mahkamasining 2021-yil 29-apreldagi 256-son Qarori bilan tasdiqlangan bo‘lib, unga ko‘ra, to‘lov miqdorlari tashkilotning joylashgan manzili, ish rejimi va maktabgacha ta’lim tashkilotiga bir oiladan qatnovchi bolalar soniga qarab tabaqalashtirilgan.

❗️Davlat maktabgacha ta'lim tashkilotlarida amalga oshiriladigan tabaqalashtirilgan to'lovlar bilan saytimizda batafsil tanishishingiz mumkin: https://uzedu.uz/uz/news/996

Vazirlikning rasmiy sahifalariga ulanish
Telegram | Youtube | Facebook | Instagram

#Сўраган_эдингиз

NODAVLAT TA'LIM TASHKILOTLARINI OCHISH TARTIBI YENGILLASHDI

❓Nodavlat umumiy o‘rta ta’lim tashkiloti ochish tartibi qanday hamda ular amal qilishi lozim bo‘lgan asosiy talablar va shartlar nimalardan iborat?

✅ Bugungi kunda nodavlat umumiy o‘rta ta’lim xizmatlarini ko‘rsatish faoliyatini litsenziyalash Vazirlar Mahkamasining 2022-yil 21-fevraldagi 80-son qarori bilan tartibga solinadi.


Batafsil: https://telegra.ph/NODAVLAT-TALIM-TASHKILOTLARINI-OCHISH-TARTIBI-YENGILLASHDI-04-14

#Сўраган_эдингиз
#Call_markaz

❓ Nima sababdan my.maktab.uz saytida qo‘shimcha kvotaga ariza topshirayotgan vaqtim, maktabda qolgan bo‘sh o‘rinlar soni nolni ko'rsatmoqda. Ammo, qabul qilingan arizalar soni oshib bormoqda?

✅ Saytda jami qabul reja va qabul qilingan bolalar soni ko‘rsatiladi.

Bunda mikro-hududdan tashqari qo‘shimcha kvota bo‘yicha faqat bo‘sh o‘rinlar mavjud bo‘lganda ariza topshirish mumkin.

Amaldagi qonunchilikka muvofiq, maktab yoshidagi bolalarni mikro-hudud bo‘yicha davlat umumiy o‘rta taʼlim muassasalariga qabul qilish huquqi kafolatlanganligi bois,  mikro-hudud bo‘yicha qabul 15-avgustga qadar amalga oshiriladi.

❓ Toshkent shahar va viloyat markazlaridan tashqari boshqa hududda istiqomat qiluvchi fuqarolar uchun qabul qachon va qay tartibda amalga oshiriladi?

✅ 10-avgustdan so‘ng, elektron tizim orqali qabul qilinayotgan maktablarda istalgan hududdan (chegarasiz) qabul jarayoni amalga oshiriladi. Bunda belgilangan qabul rejasi bo‘yicha bo‘sh o‘rinlar mavjud bo‘lgan (o‘quvchilar soni sinfda 35 nafarga yetmagan) maktablarga qabul qilinadi.

Ro‘yxatdan o‘tayotgan vaqtda “Toshkent shahar va viloyat markazlaridan tashqari boshqa hududda istiqomat qiluvchilar” belgisi qo‘yiladi va “Mening arizalarim” bo‘limidan bo‘sh o‘rin mavjud bo‘lgan maktabni tanlash mumkin.

Vazirlikning rasmiy sahifalariga ulanish
📱Telegram | 📹Youtube | 📒Facebook | 📸Instagram

#Сўраган_эдингиз

❓Farzandim maktabni oltin medalga tamomlashi uchun barcha fanlardan choraklik va yillik baholari aʼlo bo‘lishi yetarlimi?

✅O‘zbekiston Respublikasi Vazirlar Mahkamasining 2019-yil 22-apreldagi 154-sonli qarori bilan umumiy o‘rta taʼlim muassasalarining iqtidorli bitiruvchilarini oltin va kumush medallar bilan taqdirlash tartibi tacdiqlangan.

⚡️Unga ko‘ra oltin medal umumiy o‘rta taʼlim muassasalarining 9-sinfini bitirganlik to‘g‘risidagi aʼlo darajali shahodatnomasi mavjud bo‘lgan, umumiy o‘rta taʼlim muassasalarining 10- va 11-sinflarida barcha fanlar bo‘yicha yakuniy nazoratlar, choraklik va yillik baholari aʼlo bo‘lgan, namunali xulq-atvorli va jamoat ishlarida faollik ko‘rsatgan bitiruvchilarga beriladi.

🔹Kumush medal umumiy o‘rta taʼlim muassasalarining 9-sinfini bitirganlik to‘g‘risidagi aʼlo darajali shahodatnomasi mavjud bo‘lgan, umumiy o‘rta taʼlim muassasalarining 10- va 11-sinflarida barcha fanlar bo‘yicha yillik baholari aʼlo bo‘lgan, namunali xulq-atvorli va jamoat ishlarida faollik ko‘rsatgan bitiruvchilarga beriladi.

❗️Oltin va kumush medallarni belgilangan talablar asosida berilishiga maktab direktori javobgar.

Vazirlikning rasmiy sahifalariga ulanish
Telegram | Youtube | Facebook | Instagram

#сўраган_эдингиз
#malaka_toifasi

❓Men 2022-yilda attestatsiyada ishtirok etish uchun ro‘yxatdan o‘tganman, ammo o‘sha vaqtda shaxsiy kabinetga kirish uchun berilgan login va parol hozir esimda yo‘q. Bu yilgi atttestatsiyasida ishtirok etishda ro‘yxatdan o‘tish uchun eski login va parolimni tiklasam bo‘ladimi?

❗️Albatta, tiklasa bo‘ladi. Buning uchun https://pedkadr.tdi.uz/Pedagogue/resetPassword manziliga o‘tishingiz va ochiq oynalarni to‘ldirishingiz kerak.

➖Bunda shaxsingizni tasdiqlovchi hujjat (biometrik pasport yoki ID-karta)dagi jismoniy shaxsning shaxsiy identifikatsiya raqami (JSHSHIR) hamda tegishli telefon raqamlarini kiritasiz.

👉 Eslatma: Login va parollarni tiklash uchun uch martagacha imkoniyat beriladi. Agar ushbu imkoniyatlardan foydalana olmagan taqdiringizda, tizim administratorlari, ya’ni Maktabgacha va maktab ta’limi vazirligining hududiy boshqarmalaridagi Ishchi guruhlarga yoki @pkatdi_bot orqali murojaat yuborishingiz zarur.

Vazirlikning rasmiy sahifalariga ulanish
Telegram | Youtube | Facebook | Instagram

#Сўраган_эдингиз
#Malaka_toifasi

❓Attestatsiyadan o‘tish uchun qanday hujjatlar taqdim etiladi, malaka oshirganligi to‘g‘risidagi ma’lumotnoma ham kerakmi?

❗️Pedagog kadrlar tomonidan attestatsiyadan o‘tish uchun murojaat etilganda, Vazirlar Mahkamasining 2021-yil 17-sentabrdagi 572-son qarori bilan tasdiqlangan Nizomga ilova qilingan so‘rovnoma elektron tarzda to‘ldiriladi.

✅ So‘rovnomaga quyidagi hujjatlar ilova qilinadi:

➖pedagog kadrning ta’lim to‘g‘risidagi hujjati (xorijiy davlatda ta’lim olganlik to‘g‘risidagi hujjatni O‘zbekiston Respublikasida tan olish haqidagi guvohnoma);

➖qayta tayyorlash kurslaridan o‘tganligi haqidagi diplom nusxasi (agar mavjud bo‘lsa);

➖pedagog kadrning pedagogik mahorati va psixologik tayyorgarligini baholash natijalari yuzasidan ma’lumotnoma (o‘rta maxsus va professional ta’lim tashkilotlari pedagoglari uchun).

❗️Pedagog kadrlardan ushbu bandda ko‘rsatilmagan boshqa hujjatlarni talab qilish mumkin emas.

✅ Taqdim etilgan hujjatlardagi ma’lumotlarning haqqoniyligiga pedagog kadr mas’ul hisoblanadi.

Eslatma: so‘rovnomani bevosita davlat xizmatlari markazlariga murojaat qilinganda pedagog kadr nomidan davlat xizmatlari markazi xodimi, Yagona interaktiv davlat xizmatlari portali yoki vakolatli vazirliklarning rasmiy veb-sayti orqali murojaat qilinganda esa pedagog kadrning o‘zi mustaqil ravishda to‘ldiradi.

Vazirlikning rasmiy sahifalariga ulanish
Telegram | Youtube | Facebook | Instagram

#Сўраган_эдингиз
#Malaka_toifasi

❓Men maktabda va akademik litseyda dars beraman. Joriy yilgi attestatsiyada maktabdan qatnashmoqchiman. Savolim, maktabdan olingan malaka toifasi professional ta’lim tashkilotlariga ham o‘tadimi?

❗️Vazirlar Mahkamasining 2021-yil 17-sentabrdagi 572-son qarori bilan tasdiqlangan “Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibi to‘g‘risida”gi Nizomga ko‘ra, pedagog kadrlar asosiy ish joyi bo‘yicha attestatsiyaga jalb etiladi.

✅ Ta’lim tashkilotlarida o‘rindoshlik asosida dars beradigan va asosiy ish joyi bo‘yicha pedagogik faoliyat bilan shug‘ullanmaydigan pedagog kadrlar esa o‘rindoshlik asosida faoliyat yuritayotgan ta’lim tashkilotidan attestatsiyaga jalb etiladi.

❗️Bu muhim! Pedagog kadrlarning malaka toifalari (lavozimlari) boshqa ta’lim tashkilotlariga, ta’lim tashkilotlarining bir turidan boshqasiga yoxud nodavlat ta’lim tashkilotidan davlat ta’lim tashkilotiga ishga o‘tganda saqlab qolinadi.

➖ Bunda maktabgacha, umumiy o‘rta va maktabdan tashqari ta’lim tashkilotlari pedagog kadrlarining ikkinchi malaka toifasi o‘rta maxsus va professional ta’lim tashkilotlarining katta o‘qituvchisi lavozimiga, birinchi malaka toifasi — yetakchi o‘qituvchisi lavozimiga, oliy malaka toifasi — bosh o‘qituvchisi lavozimiga tenglashtiriladi.

Vazirlikning rasmiy sahifalariga ulanish
Telegram | Youtube | Facebook | Instagram

#Сўраган_эдингиз
#Malaka_toifasi

❓Navbatdan tashqari attestatsiyadan o‘tishda topshirilgan hujjatlardagi qaysidir ma’lumotning noto‘g‘ri ekanligi aniqlansa, nomzodga chora ko‘riladimi, to‘langan pul qaytariladimi?

✅ Vazirlar Mahkamasining 2021-yil 17-sentabrdagi 572-son qarori bilan tasdiqlangan “Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibi to‘g‘risida”gi Nizomda bu haqida alohida ko‘rsatib o‘tilgan.

🔹 Unga ko‘ra, noto‘g‘ri ma’lumotlar yoki qalbaki hujjatlar taqdim etilganligi aniqlangan har qanday bosqich (hujjat topshirish yoki imtihon jarayonlari)da pedagog kadrning hujjatlarini qabul qilish va attestatsiyadan o‘tkazish jarayoni to‘xtatiladi.

❌ Topshirilgan hujjatlar va to‘langan yig‘im qaytarilmaydi.

Shuningdek:

➖pedagog kadrlar tomonidan topshirilgan hujjatning qalbaki ekanligini aniqlash vakolatli vazirliklarda mavjud bo‘lgan ma’lumotlar asosida amalga oshiriladi;

➖mavjud bo‘lgan ma’lumotlar asosida pedagog kadrlar tomonidan topshirilgan hujjatlarning haqqoniyligini aniqlash imkoni bo‘lmagan taqdirda, tegishli vakolatli tashkilotlarga so‘rovnoma yuboriladi.

❗️Yodda tuting: pedagog kadrlar tomonidan topshirilgan hujjatlar qalbaki ekanligi aniqlangan taqdirda, mazkur hujjatlar vakolatli vazirliklar tomonidan qonunchilik hujjatlariga muvofiq chora ko‘rish uchun tegishli huquqni muhofaza qiluvchi organlarga taqdim etiladi.

Vazirlikning rasmiy sahifalariga ulanish
Telegram | Youtube | Facebook | Instagram

#Сўраган_эдингиз

❓Attestatsiya jarayonlari uchun ro’yxatdan o’tishda pedagoglar tomonidan noto’g’ri ma’lumotlar taqdim etilsa, nomzodga nisbatan qanday chora ko’riladi?

✅ O'zbekiston Respublikasi Vazirlar Mahkamasining 2021-yil 17-sentabrdagi Qarori bilan tasdiqlangan Nizomning 25-bandiga ko'ra, noto‘g‘ri ma’lumotlar yoki qalbaki hujjatlar taqdim etilganligi aniqlangan har qanday bosqichda pedagog kadrning hujjatlarini qabul qilish va attestatsiyadan o‘tkazish jarayoni to‘xtatiladi, topshirilgan hujjatlar va to‘langan yig‘im qaytarilmaydi.

❗️Pedagog kadrlar tomonidan topshirilgan hujjatning qalbaki ekanligini aniqlash vakolatli vazirliklarda mavjud bo‘lgan ma’lumotlar asosida amalga oshiriladi.

Vakolatli vazirliklarda mavjud bo‘lgan ma’lumotlar asosida pedagog kadrlar tomonidan topshirilgan hujjatlarning haqqoniyligini aniqlash imkoni bo‘lmagan taqdirda, vakolatli vazirliklar tomonidan tegishli vakolatli tashkilotlarga so‘rovnoma yuboriladi.

Pedagog kadrlar tomonidan topshirilgan hujjatlar qalbaki ekanligi aniqlangan taqdirda, mazkur hujjatlar vakolatli vazirliklar tomonidan qonunchilik hujjatlariga muvofiq chora ko‘rish uchun tegishli huquqni muhofaza qiluvchi organlarga taqdim etiladi.

Vazirlikning rasmiy sahifalariga ulanish
Telegram | Youtube | Facebook | Instagram

#Сўраган_эдингиз
#ommalashtirish

❓Men oʻz metodik ishlarimni ommalashtirish maqsadida maktab Pedagogik kengashiga topshirdim. Agar metodik ishlarim maktab miqyosida ommalashtirishga tavsiya etilsa, ommalashtirish.uz platformasiga oʻz ishlarimni qanday joylashtiraman?

❗️Maktabgacha va maktab taʼlimi vazirining 2024-yil 7-fevraldagi tegishli buyrugʻi bilan tasdiqlangan “Oʻqituvchilarning ilgʻor tajribasini ommalashtirish tartibi”da bu haqida batafsil aytib oʻtilgan.

✅ Unga koʻra, agar sizning metodik ishingiz Pedagogik kengash qarori bilan maktab miqyosida ommalashtirishga loyiq deb topilsa, ommalashtirish.uz platformasiga joylashtirilib keyingi bosqichlarga yuboriladi.

🔹Bunda quyidagi hujjatlar ommalashtirish.uz platformasiga joylashtirilishi zarur:

➖ metodik ishingizga taʼlim muassasasi miqyosida ommalashtirilganligi toʻgʻrisida Pedagogik kengash qarorining elektron (pdf) nusxasi;

➖ ommalashtirish uchun tavsiya etiladigan metodik ishingiz (metodik qoʻllanma yoki metodik tavsiya)ning elektron (pdf) nusxasi;

➖ oʻzingiz toʻgʻringizda maʼlumotnoma (obyektivka) va mutaxassisligingiz boʻyicha diplom nusxasi.

👉 Shundan soʻng sizning metodik ishlaringiz vazirlikning hududiy boʻlinmalarida tegishli fanlar boʻyicha tashkil etilgan Oʻquv metodik kengashi tomonidan oʻrganib chiqiladi.

Vazirlikning rasmiy sahifalariga ulanish:
Telegram | Youtube | Facebook | Instagram | Veb-sayt

#Сўраган_эдингиз
#Вазир_жамғармаси

❓Vazir jamgʻarmasi hisobidan har oylik ustama olish uchun joriy yilning fevral oyida oʻtkazilgan test jarayonlariga kelolmaganlar sinovlarga qayta qoʻyiladimi? Ular uchun boshqa test savollari beriladimi?

✅ Xabaringiz bor, joriy yilning 19-fevral kuni mamlakatimizning barcha hududlarida Oliy taʼlim, fan va innovatsiyalar vazirligi huzuridagi Bilim va malakalalarni baholash agentligi tomonidan Vazir jamgʻarmasi hisobidan har oylik ustama olishga nomzodlar uchun 1-bosqich test sinovlari oʻtkazildi.

➖ Tahlillarga koʻra, 144 nafar nomzod turli sabablar (noqulay ob-havo sharoiti, boshqa uzrli holatlar)ga koʻra test sinovlarida ishtirok etmaganligi aniqlandi hamda mazkur pedagoglar uchun 2024-yil 14-mart kuni soat 15:00 da Bilim va malakalarni baholash agentligi binosi (Toshkent shahri, Bog‘ishamol ko‘chasi, 12-uy)da test sinovlari oʻtkazilishi belgilandi.

🔹Maktabgacha va maktab ta’limi vazirligi hamda Bilim va malakalarni baholash agentligi oʻrtasidagi oʻzaro kelishuvga koʻra, nazorat savollarini ishlab chiqish, maxfiyligini ta’minlash va test sinovlarini oʻtkazish Agentlik tomonidan amalga oshirilishi belgilangan.

❗️2024-yil 14-mart kuni o‘tkaziladigan test sinovlarida joriy yilning 19-fevral kungi test sinovlarida foydalanilgan variantlar ishlatilmasligi va nomzodlarga boshqa variantlar taqdim etilishini maʼlum qilamiz.

Vazirlikning rasmiy sahifalariga ulanish:
Telegram | Youtube | Facebook | Instagram | Veb-sayt

#Сўраган_эдингиз
#Eksternat_tartibidagi_imtihon

❓Yoshim 25 da. Baʼzi sabablarga koʻra, oʻz vaqtida maktabni tugatganligim toʻgʻrisidagi shahodatnoma ololmaganman. Yaqinda eksternat tartibida imtihondan oʻtib ushbu hujjatni olish mumkinligi haqida eshitdim. Bu imtihonlarda kimlar ishtirok eta oladi?

❗️Maktabgacha va maktab taʼlimi vazirligi tomonidan oʻz vaqtida maktabni tugatganligi toʻgʻrisidagi shahodatnomani olmagan fuqarolar uchun eksternat tartibida imtihon oʻtkazish orqali mazkur hujjatni berish amaliyoti yoʻlga qoʻyilgan.

✅ Buning uchun fuqarolar har yili 1-martdan 1-mayga (shu kuni ham) qadar Yagona interaktiv davlat xizmatlari portali (my.gov.uz) orqali eksternat tartibida imtihonlarda ishtirok etish boʻyicha onlayn ariza topshirishlari lozim.

🔹 11-sinf doirasida 18 yoshga toʻladigan va undan katta yoshdagi fuqarolar eksternat tartibida shahodatnoma olish uchun ariza topshiradi. Bu yosh chegarasi umumiy oʻrta taʼlim maktabi bitiruvchilari yoshiga mos ravishda belgilangan.

👉 Maʼlumot uchun: 9-sinf doirasida tegishli yilda 16 yoshga toʻladigan va undan katta yoshdagi fuqarolar ham 9-sinfni bitirganligi toʻgʻrisidagi shahodatnoma olish uchun eksternat tartibida imtihonlarda qatnashishlari mumkin.

Vazirlikning rasmiy sahifalariga ulanish:
Telegram | Youtube | Facebook | Instagram | Veb-sayt

#сўраган_эдингиз

Yangi baholash tizimiga doir 3 savolga 3 javob

✅ Xabaringiz bor, 2024-2025-oʻquv yilida mamlakatimizdagi 1500 ta maktabda yangi baholash tartibi joriy qilindi va ayni vaqtda ushbu taʼlim muassasalarida oʻquvchilarning bilim darajasi mazkur tizim asosida baholanmoqda.

👉 Shu oʻrinda yangi baholash tizimi boʻyicha pedagoglar va ota-onalardan kelib tushayotgan ayrim savollarga javob berib oʻtsak.

❓1. Savol: Biz turli ijtimoiy tarmoq sahifalari orqali CHSB test savollarini olyapmiz, ammo ushbu savollarda turli tafovut va noaniqliklarni kuzatyapmiz. Buning sababi nimada?

❗️ Javob: Yangi baholash tizimi joriy etilgan maktab oʻquvchilari bilimini baholash uchun Pedagogik mahorat va xalqaro baholash ilmiy-amaliy markazi tomonidan namunaviy test savollari ishlab chiqilgan hamda Maktabgacha va maktab taʼlimi vazirligining e-maktab.uz platformasiga joylashtirilgan.

➖Pedagoglar va ota-onalardan yangi baholash tizimi boʻyicha barcha fanlarga tegishli namunaviy test savollarini faqat e-maktab.uz platformasidan yuklab olishlarini soʻraymiz. Boshqa turdagi axborot kanallari va ijtimoiy tarmoq sahifalaridagi savollarning toʻgʻriligi haqidagi xabarlar haqiqatga mos emas.

❓ 2. Savol: CHSB imtihonlari uchun sarflanayotgan qogʻoz va bosmaxona xarajatlari qaysi mablagʻlar hisobidan qoplanyapti? Buning uchun ota-onalardan mablagʻ talab etiladimi?

❗️ Javob: Yoʻq, ota-onalardan mablagʻ talab etilmaydi.

➖Maktabgacha va maktab taʼlimi vazirligining 2024-yil 17-oktabrdagi tegishli buyrugʻiga asosan, 2024-yil I va II chorak imtihonlari Toshkent shahar, Xorazm va Toshkent viloyatlaridagi tanlab olingan va yangi baholash tizimi joriy etilgan 168 ta maktabda e-maktab.uz platformasi orqali onlayn, qolgan 1332 ta maktabda anʼanaviy tarzda tashkil etilishi belgilangan.

➖Anʼanaviy tarzda imtihon oʻtkaziladigan 582 ta maktab uchun ajratiladigan (6400 ta oʻram) qogʻoz mahsulotlari Maktabgacha va maktab taʼlimi vazirligi huzuridagi Taʼlim sohasida islohotlarga koʻmaklashish jamgʻarmasi mablagʻlari hisobidan qoplanadi. Shuningdek, ushbu maktablarning nazorat materiallari hududiy boshqarmalarga maxsus ajratilgan printer qurilmalarida chop etiladi.

➖Qolgan 750 ta maktabga ajratiladigan nazorat materiallari oʻrnatilgan tartibda vazirlik tizimidagi G‘afur G‘ulom nomidagi nashriyot-matbaa ijodiy uyida chop etib kelinmoqda.

❌ Mazkur xarajatlar uchun ota-onalardan pul mablagʻlari talab etilishi mumkin emas.

❓ 3. Savol: Agar imtihon kunlari farzandim kasal boʻlib qolganligi sababli sinovlarda qayta ishtirok etsa, imtihon ballari tushib ketar ekan, shu toʻgʻrimi?

❗️Javob: Maktabgacha va maktab taʼlimi vazirining 2024-yil 7-avgustdagi tegishli buyrugʻi bilan tasdiqlangan “Mezonlarga asoslangan baholash tizimini umumiy oʻrta taʼlim maktablariga joriy etish boʻyicha tartib”da bu haqida batafsil aytib oʻtilgan.

➖Unga binoan, asosli sabablar (kasal boʻlganligi, yaqin qarindoshlaridan birining vafoti, turli olimpiada va tanlovlardagi ishtiroki)ga koʻra baholash jarayonida qatnasha olmagan oʻquvchilar uchun sinovlar alohida oʻtkaziladi. Bunda oʻquvchilarga amaldagi baholash mezonlari (maksimal 40 ball)ga koʻra olgan ballari qoʻyiladi.

➖Uzrsiz sabablarga koʻra baholashda qatnashmagan, ichki tartib-qoidalarni buzgani uchun jarayondan chetlashtirilgan yoki 12 balldan past natija qayd etgan oʻquvchilarning maksimal bali 26 balldan oshishi mumkin emas.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin