🌎 30-iyun – Yoshlar kuni munosabati bilan, “Global Yoshlar Forumi” doirasida 17-iyul kuni Buyuk Britaniyaning London shahrida Angliyada tahsil olayotgan va faoliyat yuritayotgan o‘zbekistonlik yoshlar, mutaxassislar hamda diaspora vakillari ishtirokida tadbir bo‘lib o‘tdi.

✅

Tadbirda Yoshlar ishlari agentligi direktori Alisher Sa’dullayev hamda O‘zbekiston yoshlari umumjahon assotsiatsiyasi raisi Otabek Shavkatov ZOOM orqali onlayn qatnashdi. Ular boshchiligida samimiy va ochiq muloqot tashkil etilib, ishtirokchilar o‘z tashabbuslari, loyihalari va g‘oyalari bilan o‘rtoqlashdilar. Shuningdek, tadbir mehmon spikerlari – Timur Kamalov va Charos Kamalova tomonidan taqdimot ham bo‘lib o‘tdi.

Tadbir so‘ngida o‘zbek taomlaridan iborat mehmondo‘stlik dasturxoni yozildi. Tadbir Buyuk Britaniyadagi vatandosh yoshlar o‘rtasida aloqalarni kuchaytirish, madaniy birligini saqlash va ularni rag‘batlantirishga xizmat qildi.

⚡️ Yoshlar – bu nafaqat kelajak, balki hozirgi zamonning ham asosiy harakatlantiruvchi kuchidir. Ular bilan yuzma-yuz, ochiq va samimiy muloqotlar orqali muammolar tinglanadi, ularning yechimlari aniqlanadi hamda yangi imkoniyat va yo‘nalishlar belgilab olinadi.

🇺🇿 Prezidentimiz Shavkat Mirziyoyevning 30-iyun kuni yoshlar bilan o‘tkazgan ochiq muloqotida ilgari surilgan taklif va tashabbuslarni hayotga tatbiq etish maqsadida yosh tadbirkorlar ishtirokida navbatdagi ochiq muloqot tashkil etildi.

Ushbu muloqotda nafaqat mamlakatimizdagi balki xorijda yashayotgan 100 nafardan ortiq yosh tadbirkor ham faol ishtirok etdi. Ular 25 ta davlatdan Zoom platformasi orqali onlayn tarzda bog‘lanib, o‘z fikr va takliflarini bildirdi.

⤵️ Mazkur muloqot doirasida yoshlarning biznes g‘oyalari, duch kelayotgan muammolari va ularni qo‘llab-quvvatlash yo‘llari muhokama qilindi. Muloqot erkin, samimiy va amaliy ruhda o‘tdi.