Кэнтик нэһилиэгэр элбэх хайысхалаах култуура киинин хапытаалынай өрөмүөнэ түмүктэннэ. Нэһилиэк 125 сыллаах үбүлүөйдээх тэрээһиннэрин түмүк кэнсиэрдэ саҥардыллыбыт култуура киинигэр ыытылынна.

2022 сыллаахха өрөмүөнү оҥорууга "Тыа сирин аныгылыы көстүүтэ" диэн федеральнай бырагыраамма чэрчитинэн уопсайа 38 мөл солкуобай үбүлэммитэ.

Эбийиэк "Мин Сахам Сирэ - XXI үйэҕэ" үтүө дьыала хамсааһын өйөбүлүнэн 2016 сыллаахха тутуллан өрөспүүбүлүкэҕэ 1000-с тутууннан киирбитэ.

Кэлиҥҥи сылларга тутуу турбут сирэ ирэн, эбийиэк өрөмүөннэнэр туруктаммыта. Култуура киинин саҥардар сыалтан федеральнай бырагырааммаларга кыттан кыайан, үп-харчы булуллан 2024 сыл сайыныттан үлэ саҕаламмыта. Дьиэ көтөҕүллэн, акылаата уларыйан, Саха Сиригэр бастакытын тутуллан турар дьиэ анныгар свая түһэриллэн балысханнаах үлэ ыытылынна.

"Саҥардыллыбыт элбэх хайысхалаах култуура киинэ өр сылларга нэһилиэк олохтоохторун үөрүүтүгэр сулууспалаатын", - диэн бэйэтин баҕа санаатын "Мин Сахам Сирэ - XXI үйэҕэ" үтүө дьыала хамсааһын салайааччыта Алексей Дмитриевич Петров эттэ.

Күндү Кэнтик нэһилиэгин олохтоохторо, дьоҕургут өссө арыллан, сайдан истин! Сылаас, сырдык аныгы тутуулаах саҥардыллыбыт култуура эбийиэгэ саҥа талааннар тахсалларыгар төһүү күүс буоллун!

#СовременныйОбликСельскихТерриторий
#Кэнтик
#ВерхневилюйскийУлус

t.iss.one/ValeriNikolaev