"Сахам Сирэ - мин сүрэхпэр" Д.К. Сивцев - Суорун Омоллоон аатынан Опера уонна балет тыйаатырын солистарын кэнсиэринэн бүгүҥҥү үөрүүлээх тэрээһиннэрбит түмүктэннилэр.

Кэнсиэрткэ Дьокуускай куораттан, Опера уонна балет тыйаатырын солистара: Саха Өрөспүүбүлүкэтин норуодунай артыыһа Владимир Заболоцкий, Российскай Федерация үтүөлээх артыыһа, Саха Өрөспүүбүлүкэтин норуодунай артыыһа Анна Дьячковская, Саха Өрөспүбүлүкэтин култууратын үтүөлээх үлэһитэ Владимир Павлов, СӨ култууратын туйгуннара Николай Ефимов уонна Александра Трофимова, бүтүн Арассыыйатааҕы күрэхтэр лауреата Саргылана Павлова, Аан дойдутааҕы күрэхтэр лауреата Мария Шапошникова, опера тыйаатарын эдэр солиһа Александр Степанов култуура үрдүк чыпчаалын - опера ырыаларын бэлэхтээтилэр.

Кэнсиэри иилээн-саҕалаан ыытта Саха Өрөспүүбүлүкэтин култууратын үтүөлээх үлэһитэ, өрөспүүбүлүкэ көмүс куолаһа Сардаана Николаевна Фёдорова.

Опера ырыата чахчы киһи кутугар киирэр, өрө көтөҕүүлээх ыраас эйгэлээҕин иһиттибит. Бары артыыстарга бу үөрүүлээх күҥҥэ Үөһээ Бүлүүгэ кэлэн үөрүүбүтүн үллэстибиккитигэр улуус дьаһалтатын аатыттан истиҥ махталбын тиэрдэбин!

Күндү Үөһээ Бүлүүлэр! Саха Өрөспүүбүлүкэтин күнүнэн өссө төгүл эҕэрдэлиибин! Чөл доруобуйаны, үлэҕитигэр, үөрэххитигэр ситиһиилэри, дьолу баҕарабын!


#СДнемРеспубликиСахаЯкутии
#ҮөһээБүлүү
#СахаӨрөспүүбүлүкэтинКүнүнэн

t.iss.one/ValeriNikolaev