Үөһээ Бүлүү улууһун социальнай хайысхаҕа уонна дьиэ кэргэн бэлиитикэтигэр солбуйааччы Анна Михайловна Уларова Дьокуускай куоракка үлэ сырыытын чэрчитинэн Саха Өрөспүүбүлүкэтин Физическай култуураҕа уонна успуорка миниистир бастакы солбуйааччытын Бугаев Александр Николаевичтыын көрүстэ.

Көрсүһүүгэ улууспутугар спорт салаатыгар национальнай бырайыактары киллэриигэ уонна муниципальнай тэриллиилэргэ спорт-инструктордар тиийбэттэрин кыһалҕатыгар үлэлэһэри сүбэлэстилэр.

Салҕыы Саха Өрөспүүбүлүкэтин бастакы Бэрэсидьиэнэ Николаев Михаил Ефимович аатынан киин салайааччытын Юрий Иванович Семеновы, Өрөспүүбүлүкэтээҕи лицей-интернат дириэктэрин, биир дойдулаахпытын Иван Иванович Шамаевы уонна С.Н. Донской аатынан үөрэҕэрии сайдыытыгар уонна квалификацияны үрдэтиигэ институт дириэктэрин Ньургун Михайлович Павловы кытта көрсөн Үөһээ Бүлүү улууһугар үөрэх хаачыстыбатын боппуруоһугар сүбэлэһии, инники былааннааһыы барда.

Үөһээ Бүлүү улууһугар социальнай бэлиитикэ өлгөмнүк үлэлииригэр Саха Өрөспүүбүлүкэтин үлэҕэ уонна социальнай сайдыыга миниистир бастакы солбуйааччытын Альбина Владимировна Трубинаны кытта Анна Михайловна көрүстэ.

Көрсүһүүгэ билигин үлэлии турар бырайыактарга, социальнай хантыраак үлэтигэр, ону таһынан уопсай социальнай тэрилтэлэрбитигэр материально-техническэй базалары саҥардааһыҥҥа кэпсэттилэр.

Улахан кылаас үөрэнээччилэрэ үлэлээн хамнастаналларыгар көмө буолар Саха Өрөспүүбүлүкэтин Ил Дархана Айсен Сергеевич Николаев биллэрбит саҥа үлэҕэ киириэхтээх "Мин бастакы хамнаһым" диэн пилотнай бырайыакка үлэлэһиигэ сүрүн болҕомтону уурдулар. Бу бырайыак үлэтин хардыытын сиһилии былааннастылар.

#АйсенНиколаев
#ПроектМояПерваяЗарпоата
#ҮөһээБүлүү
#ВместеТолькоВперед
#ИннибитХотуБарыБииргэ

Үөһээ Бүлүү улууһун дьаһалтатын пресс-сулууспата.