Арассыыйаҕа "Дьиэ кэргэн", Саха Сиригэр "Оҕо саас", Үөһээ Бүлүүгэ "Түмсүү" сылларын чэрчитинэн "Саха өрөспүүбүлүкэтигэр тулаайах уонна көрүүтэ-истиитэ суох хаалбыт оҕолору дьиэнэн хааччыйыы" сокуонугар олоҕуран, ахсынньы 16 күнүгэр баттаммыт 669 нүөмэрдээх дьаһалбынан 4 тулаайах уонна көрүүтэ-истиитэ суох хаалбыт оҕолорго саҥа квартиралары туттардыбыт.

Ол курдук, Үөһээ Бүлүү сэлиэнньэтигэр, Интернациональная уулусса 5-с нүөмэрдээх толору хааччыллыылаах таас дьиэҕэ 4 квартиралар: Егоров Ариан Васильевичка, Егорова Жанна Николаевнаҕа, Васильева Алла Егоровнаҕа, Кетехов Семен Ивановичка ананан бэрилиннилэр.

Тулаайах оҕолорго уонна эппиэтинэскэ илдьэ сылдьар опекуннарга саҥа квартиралар күлүүстэрин бүгүн, ахсынньы 25 күнүгэр, үөрүүлээх быһыыга-майгыга туттардыбыт.

Дьиэ диэн олоххо чиҥник үктэнии, үлэлииргэ-үөрэнэргэ саамай тирэх буолар улахан көмө. Кэлэр сылларга тулаайах оҕолору хаачыстыбалаах таас дьиэлэринэн эрэ хааччыйыахтаахпыт диэн сыал-сорук туруорабыт. Саҥа дьиэҕэ киирбит ыччаттар ыал буолан, үлэлээн-хамсаан дьол уйата оҥостуҥ!

#ПредоставлениеЖильяДетямСиротам
#ВерхневилюйскийУлус

t.iss.one/ValeriNikolaev