Үөһээ Бүлүүтээҕи ГУП "ЖКХ РС(Я)" быйылгы ититии сезонун балаҕан ыйын 4-с күнүттэн саҕалыыр.

Улуус үрдүнэн 41 котельнай, 56.78 км уһуннаах ититии ситимэ итиини ыытарга бэлэмнэрин туһунан бүгүн Үөһээ Бүлүүтээҕи ГУП "ЖКХ РС(Я)" салайааччыта Альберт Константинович Гаврильев иһитиннэрдэ.

Быйыл өрөмүөн бырагыраамматынан 815 м. уһуннаах ититии ситимэ уларытылынна, ону таһынан 2 котел, 2 насос уларыйда, 1 котел өрөмүөннэннэ, 7 золоуловитель туруорулунна, Туобуйа нэһилиэгэр 2 массыына батар гарааһа тутулунна.

1962 м. уһуннаах ититии ситимэ анал байыаннай дьайыы кыттыылаахтарын өйүүр бырагыраамманнан 6 дьиэҕэ, ону тэҥэ сайаапканнан 2 дьиэҕэ тардылынна.

Өрүс уҥуоргу нэһилиэктэргэ: Боотулууга, Мэйиккэ, Далырга, Хомустаахха 1220 тонна таас чоҕу таһыыга ГУП ЖКХ 5 техниката үлэлээтэ.

Үөһээ Бүлүүгэ атырдьах ыйын 30-с күнүттэн итииннэн хааччыйар ситими ууннан толоруу үлэтэ саҕаланар

#ПодготовкаКотопительномуСезону
#ОтопительныйСезон
#ВерхневилюйскийУлус

t.iss.one/ValeriNikolaev