Боотулуу нэһилиэгэр 165 миэстэлээх саҥа оскуола арылынна.

Быйыл Ботулуу орто оскуолата 105 сылын бэлиэтиир өрөгөйдөөх үбүлүөйэ. Бу үөрүүлээх бэлиэ түгэн саҥа икки этээстээх, аныгылыы оҥоһуулаах таас оскуола арыллыытын кытта кэккэ тэрилиннэ.

Боотулуу нэһилиэгэр аныгы үйэ таһымыгар эппиэттиир толору хааччыллыылаах, кэрэ көстүүлээх, оҕо билии ыларыгар үрдүк хаачыстыбалаах оскуола арыллыбыта олус кэрэхсибиллээх.

Оскуола тутуутун Боотулуу нэһилиэгин дьоно-сэргэтэ өр туруорсаннар улуус бүддьүөтүттэн, чуолаан "Алроса" алмаз хостуур хампаанньыйа дивиденын көмөтүнэн тутулунна. Быйыл саас оскуола тутуута түмүктэнэн, материальнай-техническай хааччыйыыга эбии улуустан үп көрүллүбүтэ.

Бүгүҥҥү туругунан Боотулуу орто оскуолатыгар 89 оҕо үөрэнэр. Быйыл маҥнайгы кылааска 6 оҕо киирдэ.

Саҥа оскуола инникитин нэһилиэк сайдарыгар, кэҥииригэр көҕүлүүр күүс буолуо. Аны аҕыйах сылынан Боотулуу оскуолатыгар толору ахсааннаах оҕо үөрэниэ диэн бигэ эрэллээхпит.

Боотулуу орто оскуолатын учууталларын, бэтэрээннэрин, үлэһиттэрин, үөрэнээччилэрин үбүлүөйдээх 105 сылгытынан уонна саҥа оскуола арыллыытынан итиитик-истиҥник эҕэрдэлиибин!

Өссө сайда турун, ситиһиилээх буолун, оскуолаҕыт үөрэх-билии, дьол уйата буоллун!

#СтроительствоШколы
#НоваяШкола
#БоотулинскаяСОШ
#ВерхневилюйскийУлус

t.iss.one/ValeriNikolaev