Бүгүн, от ыйын 17 күнүгэр, Үөһээ Бүлүүгэ СӨ тутуу миниистирэ Виктор Дмитриевич Романов, ону кытта ОДьКХ уонна энергетика миниистирэ Вячеслав Павлович Емельянов үлэ сырыытынан кэлэн тутулла турар объектары көрдүлэр.

Ол курдук, бастаан Андреевскай сэлиэнньэҕэ тутулла турар оҕо эмтэнэр корпуһугар сырыттыбыт. Тутууга 40 киһи үлэлиир. Билиҥҥи туругунан ис үлэтигэр штукатуркалааһын, уоту тардааһын үлэтэ түмүктэммит. Тас үлэтигэр - тутуу уораҕайын изоверынан бүрүйүү үлэтэ түмүктэммит. Сарайын бүрүйүү 90% оҥоһуллубут. Билигин инженернай ситимҥэ холбонууга, вентиляцияны тардыыга үлэ бара турар.

Иккис эбийиэкпитигэр - Андреевскай сэлиэнньэтигэр тутулла турар спорт уораҕайыгар "Универсальный зал единоборств" сылдьан үлэ тэтимин көрдүбүт. Тутуу миниистирэ Виктор Дмитриевич үлэ хаамыыта үчүгэйдик баран иһэрин бэлиэтээтэ уонна салгыы бу тутуу үбүн-харчытын боппуруоһа быһаарылларыгар үлэлэһэргэ кэпсэттибит.


Үһүс эбийиэкпитигэр - "Хаарбах дьиэттэн көһүү" национальнай бырайыак чэрчитинэн тутуута саҕаламмыт, ол эрэн кэмигэр элбэх моһуоктары көрсүбүт Ленина уулуссаҕа тутулла турар 61 нүөмэрдээх элбэх квартиралаах дьиэҕэ сырыттыбыт. Барыта 51 квартиралаах дьиэ тутуутун, билигиҥҥи туругунан, бэдэрээтчит ООО "Стройинжиниринг" тохтотон турар. СӨ тутуу миниистирэ Виктор Дмитриевич тутуу үлэтэ сөргүтүллэрин курдук бэдэрээтчити кытта үлэлэһэн, бэйэтин чопчу хонтуруолугар ылыах буолла.
Бу дьиэ тутуута түмүктэннэҕинэ улууспут киинин 51 ыала харбах дьиэттэн саҥа квартираҕа көһөр кыахтаныахтара.

#МинистрСтроительствоРСЯ
#МинистрЖКХРСЯ
#ВерхневилюйскийУлус

t.iss.one/ValeriNikolaev