Бүгүн үлэ нэдиэлэтин саҕалыыр сүбэ мунньах саҕаланыыта 50 сыл бииргэ ыал буолан олорбут бигэ туруктаах, өрөспүүбүлүкэ социальнай-экэнэмиичэскэй сайдыытыгар дьоһун кыттыылаах ыалыгар Кутугутовтар дьиэ кэргэннэригэр Саха Өрөспүүбүлүкэтин Ил Дарханын Айсен Сергеевич эҕэрдэ суругун 
уонна «Дьиэ кэргэн килбиэнэ» өйдөбүнньүк анал бэлиэни туттардым.

50 сыл устата бэйэ-бэйэҕэ ытыктабылы, тапталы, истин сыһыаны, дьоллоох оҕо сааһы, кэскили кэҥэппит Евдокия Михайловна уонна Семен Михайлович «Дьиэ кэргэн килбиэнэ» өйдөбүнньүк анал бэлиэ ылбыттарынан, Үөһээ Бүлүү улууһун үбүлээрдэр БОЧУОТ КИНИГИЭТИГЭР кыһыл көмүс буукубаннан суруллан киирбиттэринэн итиитик-истинник эҕэрдэлиибит.

Дьол уйата, дьол түөлбэтэ Үөһээ Бүлүүбүтүгэр ыал буолан, уһун сылларга өйдөһөн-өйөһөн, эйэ-дэмнээх олох устун бииргэ хааман кэлбит, оҕолорун атахтарыгар туруортаан, үлэһит оҥортоон, Ийэ, Аҕа аналын чиэстээхтик сүгэр, сиэннэрин көрсөр амарах Эбээ, Эһээ үрдүк аатын ылар тус олохторунан холобур буолар, үлэлэринэн-хамнастарынан ытыктанар дьоһун-мааны ытык ыалларбыт Кутугутовтар дьиэ кэргэттэригэр улуус дьаһалтатын аатыттан махтанабыт!

#ҮөһээБүлүү
#Дьиэкэргэнсыла
#ГодСемьи

t.iss.one/ValeriNikolaev