Убаастабыллаах Үөһээ Бүлүү улууһун инженердарын, бырайыактааччыларын, архитектордарын, тутуу эйгэтин бары үлэһиттэрин, исписэлиистэрин идэлээх бырааһынньыккытынан - Тутааччы күнүнэн "Үөһээ Бүлүү улууһа (оройуона)" муниципальнай оройуон аатыттан уонна тус бэйэм итиитик-истиҥник эҕэрдэлиибин.

Эһиги Үөһээ Бүлүү улууһа сайдыытыгар уһулуччулаах кылааты киллэрэр үтүө үлэһит дьоммут буолаҕыт. Тутааччылар эппиэтинэстээх уонна сыралаах үлэҕит түмүгэр улууспутугар социальнай эбийиэктэр, саҥа дьиэлэр тутуллан үлэҕэ киирэллэр.

Уһуйааннар, оскуолалар, балыаһалар, спорт, култуура дьиэлэрэ, эргиэн, туризм эбийиэктэрэ, онтон да атын тутуулар салҕыы улууспутугар элбии туралларын курдук сиэрдээх үлэни бары кыаҕы ууран ыытыахпыт диэн бигэ эрэллээхпит.

Эһиги үлэҕит түмүгэр Үөһээ Бүлүүбүт олоҕо-дьаһаҕа саҥа таһымҥа тахсарыттан, ону тэҥэ сайдыыга киллэрэр кылааккытынан киэн туттабыт.

Тапталлаах улууспут сайдыытын түстүүр тутаах дьоммутугар - тутааччыларга бу күн истиҥ махтал тыллары этэбит!

Эһиги бары бырайыактаргытыгар ситиһиини, тус бэйэҕитигэр уонна дьиэ кэргэттэргитигэр чэгиэн доруобуйаны, дьолу, бары үтүөнү баҕарабыт!

Эҕэрдэни кытта Үөһээ Бүлүү улууһун баһылыга Валерий Николаев

#ДеньСтроителя
#ВерхневилюйскийУлус

t.iss.one/ValeriNikolaev