Кэнтик нэһилиэгэр "Тыа сирэ биир кэлимник сайдыыта" диэн Российскай Федерация судаарыстыбынай бырагыраамматын чэрчитинэн саҥа фельдшерско-акушерскай пуун үөрүүлээх быһыыга-майгыга арылынна.

Саҥа ФАП дьиэтэ уопсайа 110 квадраттаах иэннээх, аныгылыы тутуулаах, толору хааччыллыылаах быйылгы сылга биһиги улууспутугар саҥа доруобуйа харыстабылын эбийиэгэ буолар.

Саҥа ФАП дьиэтин күлүүһүн "Мин Сахам Сирэ - ХХI үйэҕэ" үтүө дьыала хамсааһын салайааччыта Алексей Дмитриевич Петров Кэнтик фельдшерыгар Ньургуйаана Егоровна Лебедкинаҕа туттарда.

Кэнтик нэһилиэгин олохтоохторун саҥа фельдшерскай акушерскай пуун арыллыбытынан итиитик-истиҥник эҕэрдэлиибин. Чэгиэн чэбдик, уһун дьоллоох олохтоох буолуҥ!

Салгыы улууспутугар саҥа доруобуйа харыстабылын эбийиэктэрэ элбииллэригэр, чуолаан саҥа медицинскэй үлэһиттэр кэлэллэригэр күүстээх үлэ ыытар былааннаахпыт.

#ФАП
#КомплексноеРазвитиеСельскихТерриторий
#ВерхневилюйскийУлус

t.iss.one/ValeriNikolaev