Биир дойдулаахтарбытын Саха Өрөспүүбүлүкэтин Наука Академиятын Президенын, наука докторын, Арассыыйа Наука Академиятын чилиэнин Владимиров Леонид Николаевиһы уонна Саха Өрөспүүбүлүкэтин Наукаларын Академиятын төрөөбүт тылы чинчийэр, харыстыыр уонна сайыннарар киин салайааччытын, наука докторын Феодосия Васильевна Габышеваны кытта көрүстүбүт.

Леонид Николаевич Үөһээ Бүлүү улууһугар инникитин бэйэ бородууксуйатын оҥорууну сайыннарыахха наадатын уонна сылгы, сүөһү ахсаанын элбэтэн, эти үүтү харайыыны үөрэтэн, аһы оҥорон эргинэри саҕалаатахха, улууска сайдыы барыан сөбүн этиннэ.

Феодосия Васильевна Үөһээ Бүлүү улууһун үөрэҕин систиэмэтин үрдүк таһымҥа таһааран, саҥа көлүөнэ дьоҕурдаах билимҥэ сыстыгас ыччаты иитэн таһаарарга болҕомтону ууран үлэлиэххэ наада диэн сүбэлээтэ.

Дьокуускай куоракка үлэбит сырыыта бу көрсүһүүнэн түмүктэннэ. Үлэбит түмүгүн сотору кэминэн илэ харахпытынан көрүөхпүт диэн эрэллээхпин.

#АкадемияНаук
#РабочаяПоездка
#ИннибитХотуБарыБииргэ

t.iss.one/ValeriNikolaev

Улуус дьаһалтатын нэдиэлэтээҕи былаанныыр сүбэ-мунньаҕын үөрүүлээх түгэнтэн саҕалаатыбыт.

Ол курдук, Үөһээ Бүлүүтээҕи И.И.Седалищев аатынан дьиэ кэргэҥҥэ иитиигэ көмөнү оҥорор киин дириэктэрин социальнай-иитэр үлэҕэ солбуйааччытыгар, оҕо дьиэтигэр 20-с сылын үлэлиир Розалия Гаврильевна Доктороваҕа "Саха Өрөспүүбүлкэтин социальнай сулууспатын туйгуна" түөскэ кэтэр бэлиэни туттардым.

Салҕыы мунньахпытыгар:

✅️Ыраас уунан хааччыйар ситимҥэ тахсыбыт саахалы туоратар үлэ туһунан "Водоканал" АУо салайааччыта Эдуард Гаврильев иһитиннэрдэ.
Билигин ситими ириэрии, өрөмүөн үлэтэ Намский тракт уулуссаҕа кэлбит. Билигин 2 техника үлэлиир.

✅️Үөрэх управлениетын салайааччытын солбуйааччы Леонид Огочонов үөрэх тэрилтэлэригэр ыытыллар үлэни билиһиннэрдэ.

✅️Үөһээ Бүлүү нэһилиэгин баһылыга Максим Силигиянов улуус баһылыгын социальнай боппуруостарга солбуйааччыта Люция  Спиридоновна Тойтоноваҕа өр сыллаах үтүө суобастаах үлэтин уонна Үөһээ Бүлүү нэһилиэгин социальнай-экономическай сайдыытыгар улахан кылаатын иһин түөскэ кэтэр бэлиэлээх Бочуот грамотатын туттарда.
Ону тэҥэ хаарбах дьиэттэн көһөрүү, эргэ уопсайдары төрдүттэн ыраастаан полигоҥҥа таһаарыы, уу-хаар ааһар ханаабаларын сааскы халаан уутугар бэлэмнэнэрдии хаһыы, ыраастааһын үлэлэрин  туһунан иһитиннэрии оҥордо.

✅️Ис дьыала отделын бэрээдэги бөҕөргөтүү салаатын салайааччыта Владислав Поскачин улууска тахсыбыт сокуону, бэрээдэги кэһии туһунан иһитиннэрдэ.

✅️Аэропорт салайааччыта Дмитрий Иванов Техникумҥа ааспыт субуотаҕа Бүлүү бөлөх улуустарыгар улахан күрэх ыытыллыбытын туһунан кэпсээтэ.
Бүлүү бөлөх улуустарын ис дьыала отделларын үлэһиттэрин кытта тэбис-тэҥҥэ күрэхтэһэн, полицейскэй идэтигэр үөрэнэ сылдьар устудьуоннарбыт бастакы миэстэни ыллылар.

✅️Спорт управлениетын салайааччыта Егор Николаев спорт сонуннарын сырдатта.

Улууска бара турар үлэлэри суобастаахтык ылынан үлэлииргэ улуус тэрилтэлэрин салайааччыларын ыҥырдым. Киирбит этиилэри болҕомтоҕо ылан, үлэ былаанын иһитиннэрдим.

Үлэ нэдиэлэтэ саҕаланна.

#Планёрка
#ИннибитХотуБарыБииргэ

Иванов Сергей Иванович освобождён с занимаемой должности руководителя муниципального казенного учреждения "Управление сельского хозяйства" муниципального района "Верхневилюйский улус (район)" Республики Саха (Якутия)

t.iss.one/ValeriNikolaev

Филиппов Артём Владимирович освобождён с занимаемой должности директора муниципального казённого учреждения "Комитет по управлению муниципальным имуществом" муниципального района "Верхневилюйский улус (район)" Республики Саха (Якутия).

t.iss.one/ValeriNikolaev

Александров Николай Михайлович освобождён с занимаемой должности руководителя муниципального автономного учреждения "Обслуживание административных зданий и сооружений" муниципального района "Верхневилюйский улус (район)" Республики Саха (Якутия)

t.iss.one/ValeriNikolaev

Дмитриев Николай Николаевич освобождён с занимаемой должности руководителя муниципального казённого учреждения "Управление промышленности, строительства и развития инфраструктуры" муниципального района "Верхневилюйский улус (район)" Республики Саха (Якутия).

t.iss.one/ValeriNikolaev

Бөдөҥ партийнай-хаһаайыстыбаннай салайааччыны, судаарыстыбаннай- уопсастыбаннай диэйэтэли, Саха Өрөспүүбүлүкэтин норуотун хаһаайыстыбатын үтүөлээх үлэһитин, СӨ профүөрэхтээһинин, Россия ниэбин-гааһын комплексын бочуоттаах үлэһитин, философия билимин дуоктарын, бэрэпиэссэри, спортсмены, айааччыны, дэгиттэр талааннаах Сургуулук чаҕылхай уолун, Үөһээ Бүлүү улууһун бочуоттаах олохтооҕун, ытыктабыллаах Лазарь Степановиһы 85 сааһын туолар Өрөгөйдөөх үбүлүөйүн күнүнэн итиитик-истиҥник эҕэрдэлиибин!

Эн Саха Өрөспүүбүлүкэтин социальнай — экэнэмиичэскэй сайдыытыгар киллэрбит кылаатыҥ сүҥкэн. ССКП Ленскэйдээҕи райкомун II, онтон I сэкирэтээринэн, Саха АССР үлэҕэ уонна социальнай Судаарыстыбаннай боппуруостарга бэрэссэдээтэлинэн, оттук бырамыысыланнаһын, үлэ, бырамыысыланнас уонна геология - министиэристибэлэрин миниистиринэн үгүс өрүттээх кэскиллээх үлэни ыыппытыҥ.

Эн үлэҥ-хамнаһыҥ Саха сирин дьонун-сэргэтин олоҕун-дьаһаҕын чэпчэтиигэ, өрөспүүбүлүкэ ниэптээх-гаастаах сирдэрин арыйыыга, туһаҕа таһаарыыга, сир үрдүгэр эйэни бөҕөргөтүүгэ туһуламмыта.

Күн бүгүнүгэр диэри ыччат дьоҥҥо олох суолтатын өйдөтө, көлүөнэлэр утумнарын олохтуу, сыраҕын ууран, дириҥ-далай билиигиттэн бэрсэ, күнүстэри-түүннэри түбүгүрэ, сурукка- бичиккэ тиһэ, кэлэ-бара, көрсүһэ-кэпсэтэ сылдьаргыттан бар дьонуҥ олус астынар, киэн туттар.

Эйиэхэ, ытык-мааны киһибитигэр, барҕа махталбытын этэбит, сиргэ тиийэ сүгүрүйэбит!
Дьонуҥ-сэргэҥ, дьиэ кэргэниҥ тапталыгар-махталыгар сууланан, уһуннук олор, чэгиэн сырыт, дьоллоох буол!

Алгыс баһа сыаланнын!

Дириҥ ытыктабылы кытта, Үөһээ Бүлүү улууһун Баһылыга
В. В. Николаев

#Эҕэрдэ

t.iss.one/ValeriNikolaev

Хобусаров Роман Иннокентьевич назначен на должность  руководителя муниципального казенного учреждения «Управление промышленности, строительства и развития инфраструктуры» муниципального района «Верхневилюйский улус (район)» Республики Саха (Якутия).

t.iss.one/ValeriNikolaev

Колтовской Семен Александрович назначен на должность  директора муниципального казенного учреждения «Комитет по управлению муниципальным имуществом» муниципального района «Верхневилюйский улус (район)» Республики Саха (Якутия).

t.iss.one/ValeriNikolaev

Семенов Валерий Валериевич назначен на должность  руководителя муниципального автономного учреждения «Обслуживание административных зданий и сооружений» муниципального района «Верхневилюйский улус (район)» Республики Саха (Якутия).

t.iss.one/ValeriNikolaev

Бүгүн үйэ аҥаардаах үбүлүөйүм күнүнэн эҕэрдэҕит иһин дойдум дьонугар истиҥ махталбын тиэрдэбин.

Бу күнүм үлэҕэ угуттанан ааста. Сарсыардаттан дьаһалтаҕа баар кыһалҕалары, боппуруостары быһаарааһыҥҥа үлэлээтибит. Онтон Үөһээ Бүлүү улууһун депутаттарын сэбиэтин мунньаҕар туруоруллубут повесткалары көрдүбүт. Дьаһалта салҕыы үлэлиир структуратын улуус депутаттара бигэргэттилэр уонна инникитин Үөһээ Бүлүү сайдыытыгар биир хамаанда буолан үлэлииргэ бэлэмнэрин биллэрдилэр.

Эбиэт кэннэ нэһилиэк олохтоохторун, исписэлиистэри кытта көрсөн туох ыйытыылаахтарын истэн, бэлиэтэнэн, тыын боппуруостары быһаарарга үлэлээтибит.

Киэһээ 17:00 чааска 85 сааһын томточчу туолбут, Бөдөҥ партийнай-хаһаайыстыбаннай салайааччыны Лазарь Степановиһы дьаһалта активын мунньаҕар Өрөгөйдөөтүбүт.

Үлэ күнэ этэҥҥэ түмүктэннэ.

#РабочийДень
#ИннибитХотуБарыБииргэ

t.iss.one/ValeriNikolaev

Дойду Президиэнэ Владимир Путин Ыйааҕынан 2024 сыл - Дьиэ кэргэн сылынан биллэриллибитэ. Бу маннык быһаарыныы дьиэ кэргэни харыстыырга уонна үгэһин сайыннарыыны хараанныырга ананан ылыллыбыта.

Онон сиэттэрэн, Дойду үрдүнэн "Всей семьей" диэн улахан судаарыстыбыннай бырайыак саҕаламмыта.

Бырайыак сыала-соруга - дьоҥҥо-сэргэҕэ дөбөҥнүк өйдөнөр ньыманан бары көлүөнэни ситимнээн, дьиэ кэргэн элбэх бириэмэ бииргэ атаарарын, бэйэ сынньалаҥын, иллэҥ кэми сөпкө аттаран көхтөөхтүк тэринэрин көҕүлээһин буолар.

Үөһээ Бүлүү улууһун олохтоохторун уонна ыалдьыттарын, "Всей семьей" диэн судаарыстыбынай бырайыакка кыттаргытыгар ыҥырабыт.

Хас биирдии Саха Өрөспүүбүлүкэтин дьиэ кэргэнэ бу бырайыакка кыттыыны ылыан сөп. Онуоха Всейсемьей.рф диэн сайтка, ол эбэтэр "Всей семьей" диэн социальнай ситим бөлөхтөрүгэр VK (Вконтакте) уонна ОК (Одноклассники) регистрацияны ааһыаххытын сөп.

Саамай көхтөөхтөрү бириис кэтэһэр. Сүрүн ситиһиинэн төрөппүттэр уонна оҕолор биир тэҥҥэ дьоллоох кэми атаарылара буолуоҕа.

Кыттыы усулуобуйата олус судургу:

Нэдиэлэҕэ биирдэ дьиэ кэргэнинэн уустуга суох сорудахтары толоруу. Холобура, түмэлгэ бииргэ сылдьыы, сыыртан сырылаан, хаарга оонньоон, пааркаҕа күүлэйдээн сибиэһэй салгыҥҥа бириэмэни бииргэ атаарыы, кэнсиэркэ, киинэҕэ сылдьааһын. Бу сорудахтары толорбуккутун хаартыскаҕа түһэрэн баран социальнай ситимҥэ таһаараҕыт. Булгуччулаах ирдэбилинэн бу бырайыак хэштегын #всейсемьей #всейсемьей14 туруораҕыт.


Кулун тутар бүтүүтэ финал буолар, онно дьиэ кэргэҥҥэ аналлаах Араассыыйа иһигэр күүлэйдии барарга анаммыт 100 путевка оонньонуоҕа.

Билиҥҥи кэмҥэ Саха Сирин үрдүнэн 1000-тан тахса дьиэ кэргэн бырайыакка кыттыста. Бары кыттыан баҕалаахтарга регистрация аһаҕас.


#всейсемьей #всейсемьей14


t.iss.one/ValeriNikolaev

Кутурҕан сурах кэллэ. 🕯️

Никифоров Кирилл Никонович – Лөкөчөөн өрөспүүбүлүкэҕэ биллэр сүдү киһибит орто дойдуттан туораата.

Кини – "Душа России" Национальнай бириэмийэ хаһаайына, норуот эмчитэ, норуот маастара, Легкай атлетикаҕа өрөспүүбүлүкэ 29-төгүллээх чемпиона, үлэ бэтэрээнэ, култуура үтүөлээх үлэһитэ, Олоҥхоһут, Алгысчыт, Үөһээ Бүлүү улууһун бочуоттаах олохтооҕо, “Гражданская доблесть” знак хаһаайына.

“Хабыр киирсиилээх Хабытта Бэргэн”, “Айдаанаах айаннаах Ала Буурай аттаах Мохсоголлой Боотур” , “Кун Эрбийэ бухатыыр” диэн кини суруйбут олоҥхолорунан Үөһээ Бүлүү тыйаатырыгар испиктээкиллэр туруоруллубуттара, киинилэр уһуллубуттара. Кирилл Никонович элбэх көлүөнэ ыччаты олоҥхоҕо, саха култууратыгар угуйбут үтүөлээх.

Айылҕаттан айдарыылаах, дьоҕурдаах сүдү киһибит, киэн туттар убайдаатар убайбыт күн сириттэн туораабытыттан олуһун хараастан, хомойон туран аймахтарыгар, чугас дьонугар дириҥ кутурҕаммын тиэрдэбин.

Кини чаҕылхай аата үйэлэргэ умнуллубатын!

Быдан дьылларга быраһаай, убаастабыллаах ытык киһибит Кирилл Никонович.🕯️

t.iss.one/ValeriNikolaev

Эр хоһуун уолаттарбыт!

Эhигини барыгытын Аҕа дойдуну көмүскээччилэр күннэринэн Үөһээ Бүлүү улууһун дьаһалтатын аатыттан уонна тус бэйэм итиитик — истиҥник эҕэрдэлиибит!

Эһиги эстибэт эрчимнээх, бигэ тирэхтээх, уостубат тускуллаах, чөл доруобуйалаах, чэгиэн куттаах, уйгу-быйаҥ олохтоох буоллаххытына саха саргыта салаллыа, норуот уйгута уһаарыллыа, үүнэр-сайдар кэскиллэниэ!

Уол оҕо Аҕа буолар Айыылартан аналлаах. Онтон Аҕа, Эр киһи быһыытынан былыр былыргаттан харыстыыр, көмүскүүр, дурда-хахха буолар сүдү оруолун өрө тутар!
Олох тускула дьиэ кэргэҥҥэ, дьиэ кэргэн уйгута Аҕа баһылыкка тирэҕирэр.
Онон сиэттэрэн баҕарыам этэ кытаанах тускуллаах, бигэ тирэхтээх, байылыат олохтоох буоларгытыгар!
Тус олоххутугар ситиhии, табыллыы, дьол-саргы эрэ арыалластын, эҥэрдэстин!

Дойдубутун харыстыы, көмүскүү сылдьар буойун уолаттарбытыгар эҕэрдэ эрчимин тиэрдэбит.
Эһиги күүстээх эр санааҕытынан, быһый быһыыгытынан, хорсуҥҥутунан киэн туттабыт! Дойду харысхалын туһугар сыралаах үлэҕит иһин махтал тылбытын этэбит!

Үөһээ Бүлүү олохтоохторо уонна дьаһалтата Анал байыаннай дьайга сылдьар уолаттарбытыгар күүс-көмө, өйөбүл оҥорорго бэлэм. Уолаттарбыт дьиэ кэргэттэригэр бастатан туран улахан болҕомто уурабыт, туох баар көрүллэр көмөнү кэмигэр, сөптөөхтүк, толору оҥоһулларыгар кыһаллабыт.

Уолаттарбыт, буойуттарбыт! Этэҥҥэ, кыайыы кынаттаах дойдугутугар эргиллэн кэлэргитин кэтэһэбит! Айыыларгыт арчылаатыннар, харыстаатыннар!

Үөһээ Бүлүү улууһун Баһылыга, Валерий Николаев.

#ДеньЗащитниковОтечества
#ИннибитХотуБарыБииргэ

t.iss.one/ValeriNikolaev

Олунньу 23-25 күннэригэр Үөһээ Бүлүүгэ Саха АССР чемпиона, буойун-спортсмен, хапсаҕайдьыт, Василий Степанов - Буучугурас 115 сыллаах үбүлүөйүгэр анаммыт Өрөспүүбүлүкэтээҕи Хапсаҕай турнира 43-с төгүлүн ыытыллар. 

Призовой фонд 2 000 000 солкуобай.

Күрэххэ ыччаттар, эр дьон, бэтэрээннэр диэн түһүмэххэ арахсан кыттыахтара. 

Ким күстээх кыайдын! Быһый бастаатын!

ТУРНИР БЫРАГЫРААММАТА:

Олунньу 24 күнэ
10.00-13.00 – Күрэх саҕаланыыта, маҥнайгы киирсиилэр.
13.00-14.00 – Сынньалаҥ
14.00-14.30 – Турнир үөрүүлэх арыллыыта
14.30 – күрэх салҕыыта

Олунньу 25 күнэ
09.00 – Маҥнайгы киирсиилэр
14.00 – Түмүктүүр киирсиилэр.
17.00 – Наҕараадалааһын.

#Хапсаҕай
#Буучугурас
#ИннибитХотуБарыБииргэ

t.iss.one/ValeriNikolaev