Бүгүн, бэс ыйын 21 күнүгэр Үөһээ Бүлүү улууһугар Далыр, Кырыкый, Боотулуу, Сургуулук, Хоро, Тамалакаан, Үөдүгэй нэһилиэктэрэ Үрүҥ тунах ыһыаҕы ыһар үөрүүлээх күннэрэ.

Үөдүгэй ыһыаҕа Саха Сирин бастакы фтизиатр бырааһа, биллиилээх эмчит, бэлэтиичэскэй, общественнай диэйэтэл Ефрем Николаевич Андреев 115 сааһыгар ананан ыытыллар.

Үөдүгэй сис тэрилтэлэрэ "Сардаана" оҕо уһуйаана, "Сказка" оҕо уһуйаана, 4-с нүөмэрдээх оскуола, спорт оскуолата, Үөһээ Бүлүүтээҕи киин балыаһа, Куду түөлбэтин олохтоохторо, ону тэҥэ Ефрем Николаевич Андреев сыдьааннара, аймахтара ыһыах түһүлгэтигэр парадтаан киирдилэр.

Ыһыах Алгыһын түһэрдэ Үөһээ Бүлүү улууһун бэтэрээннэрин сэбиэтин бэрэсэдээтэлэ, ытык киһибит Чычахов Иван Егорович.

Куду сиригэр саҥа ыһыахтыыр сири Үөдүгэй нэһилиэгин дьоно-сэргэтэ олус тэрээһиннээхтик тутан бүтэрэн, саҥа дьэрэкээн тутуулаах түһүлгэҕэ ыһыах тэрилиннэ.

Бүгүн ыһыах ыһар Далыр, Кырыкый, Боотулуу, Сургуулук, Хоро, Тамалакаан, Үөдүгэй нэһилиэктэрин олохтоохторун Үрүҥ тунах ыһыаҕынан итиитик-истиҥник эҕэрдэлиибин! Баҕарабын уйгуну-быйаҥы, дьоллоох олоҕу!

#Үөдүгэй
#ҮөһээБүлүү

t.iss.one/ValeriNikolaev

Бүгүн, бэс ыйын 23 күнүгэр ТҮМЭР БАРААХАП СОПХУОС! өрөспүүбүлүкэҕэ, улууска киэҥник биллибит Исиидэр Бараахап аатынан сопхуос төһүү үлэһиттэригэр аналлаах Нам, Балаҕаннаах, Ороһу нэһилиэктэрин холбоһуктаах Үрүҥ Тунах ыһыаҕа совхоз киинэ буолан турбут Нам нэһилиэгин "Обуоһа" алааһар арылынна.

Туруу үлэһит дьонноох, элбэх ситиһиилээх Бараахап совхоз үбүлүөйүн бэлиэтиир ыһыахха урукку кэмнэргэ совхозка үлэлээбит, эдэр саастарын атаарбыт дьоммут мустаннар үөрүүлэрин үллэстэр үтүө күннэрэ тосхойдо.

Улуус дьаһалтатын аатыттан Махтал суруктары, Бочуот Грамоталары Бараахап совхозка араас сылларга үтүө суобастаахтык үлэлээбит дьоннорго туттардыбыт.

Балаҕаннаах, Нам, Ороһу нэһилиэктэрин бар дьонун Үрүҥ тунах ыһыаҕынан итиитик-истиҥник эҕэрдэлиибин!

Өрүү үлэҕэ ситиһиилээх, тус олоххутугар дьоллоох буолун!

#Нам
#Балаҕаннаах
#Ороһу
#ҮөһээБүлүү
#Ыһыах

t.iss.one/ValeriNikolaev

Бүгүн, бэс ыйын 23 күнүгэр Саха Өрөспүүбүлүкэтин Ил Дархана Айсен Сергеевич Николаев дойдутугар Үөһээ Бүлүүгэ 2 күннээх үлэтин сырыытынан кэллэ.

#ИлДархан
#ВместеТолькоВперед
#АйсенНиколаев

t.iss.one/ValeriNikolaev

Саха Өрөспүүбүлүкэтин Ил Дархана Айсен Сергеевич Николаев Үөдүгэй нэһилиэгин Андреевскай бөһүөлэгэр “Универсальнай успуорт комплексын” тутуутун үлэтин билистэ.

“Универсальнай успуорт комплекса” 2022 сылтан тутуута тохтоон турбутун, быйыл өрөспүүбүлүкэ бүддьүөтүттэн – 102,7 мөл.солк., улуус бүддьүөтүттэн – 3,1 мөл.солк., уопсайа 105,8 мөл.солк. көрүллэн тутуу үлэтэ саҕаламмыта. Быйыл тутуу үлэтэ бүтэн, успуорт комплекса үлэҕэ киирэрэ былааннанар.

Айсен Сергеевич тутуу бырайагын билистэ уонна тутуу үлэтин кэмигэр бүтэрэри сорудахтаата.

#ИлДархан
#АйсенНиколаев
#Якутия
#ВместеТолькоВперед

t.iss.one/ValeriNikolaev

Үөһээ Бүлүү бөһүөлэгэр 50 лет ЯАССР уулуссаҕа Култуура дыбарыаһа тутуллуон сөптөөх сирин көрдүбүт.

Үөһээ Бүлүүгэ инникитин 400 миэстэлээх кэнсиэрт саалалаах, 75 миэстэлээх киинэ тыйаатырдаах, ГТАС, норуот айымньытын киинэ, ону тэҥэ история түмэлэ киирэр улахан Култуура дыбарыаһа тутуута былааннанар. Бу баҕа санаабытын Саха Өрөспүүбүлүкэтин Ил Дарханын Айсен Сергеевиһы кытта үллэстэн, тутууга бэлэммитин биллэрдибит.

Айсен Сергеевич "Култуура дыбарыаһыгар" култуура эрэ эйгэтигэр сыаллаах тэрилтэлэри буолбакка, оҕо сайдарыгар анаммыт креативнай индустрия кластерын бырайыакка эбэргэ этии киллэрдэ уонна СӨ култуура миниистиэристибэтигэр бырайыактааһын үлэтигэр тэҥҥэ үлэлэһэргэ сорудахтаата

#ИлДархан
#АйсенНиколаев
#ВместеТолькоВперед

t.iss.one/ValeriNikolaev